მთავარი

ძიება

ვიდეო

ქვიზები

კონტაქტი

„აქვს ანემია, რამდენიმე დღეში დადგება საფრთხის ქვეშ“ - ექიმი სააკაშვილზე

სააკაშვილის ექიმი

საქართველოს მესამე პრეზიდენტის მიხეილ სააკაშვილის პირადი ექიმის ნიკოლოზ ყიფშიძის განცხადებით, ექსპრეზიდენტის ჯანმრთელობის მდგომარეობა რამდენიმე დღეში შესაძლოა, საფრთხის ქვეშ დადგეს.

როგორც მან საპატიმროს დატოვების შემდეგ აღნიშნა, მიხეილ სააკაშვილს ანემია და ანალიზებში ცვლილებები აქვს.

„ტესტები, რაც მე მინდოდა ჩატარებულიყო, ჩატარებულია. პასუხები არ არის დამაიმედებელი. მას ჩატარებული აქვს შარდისა და სისხლის ანალიზი. სავარაუდოდ, საფრთხის ქვეშ დადგება მდგომარეობა რამდენიმე დღის შემდეგ, რადგან აქვს ანემია და მომატებულია ორი მაჩვენებელი, რომელიც აქამდე არ ჰქონდა“, - განმარტა ნიკოლოზ ყიფშიძემ ჟურნალისტებთან.

რაც შეეხება მესამე პრეზიდენტის განწყობის შესახებ, ექიმი ამბობს, რომ სააკაშვილი თავს მხნედ გრძნობს და წონის დაკლების გარდა, არაფერზე ეტყობა, რომ შიმშილობს.

ჟურნალისტების კითხვაზე, მიიღო თუ არა მიხეილ სააკაშვილმა თაფლი და ნატურალური წვენი, ექიმი ადასტურებს, რომ მესამე პრეზიდენტმა წვენი შეიძინა, თუმცა, მომავალ თვემდე რამის შეძენის საშუალება აღარ ექნება.

„წვენი დალია და ფული აღარ აქვს, რომ იყიდოს. აქ როგორი სისტემა ყოფილა, აძლევენ ბარათს, რომელზეც გარკვეული თანხა, 700 თუ სადღაც ასეთი რაოდენობის თანხაა ჩარიცხული. მან ამ თანხის დიდი ნაწილი ტელევიზორსა და საჭირო ნივთებში დახარჯა, მომავალ თვემდე კი აღარ ექნება ბარათის შევსების საშუალება“, - განმარტა ნიკოლოზ ყიფშიძემ.

შეგახსენებთ, რომ პენიტენციური სამსახურის წარმომადგენლის განცხადებით, მიხეილ სააკაშვილმა ციხეში თაფლი და ნატურალური წვენი შეიძინა, რითაც შესაძლოა ითქვას, რომ ორგანიზმი გამოფიტვის საფრთხის წინაშე არ დგას.

ინფორმაციისთვის, ყოფილი პრეზიდენტი მიხეილ სააკაშვილი თბილისში 1-ელ ოქტომბერს დააკავეს.

მიხეილ სააკაშვილს შიმშილობის შეწყვეტა ჯერ პატრიარქმა ილია მეორემ, შემდეგ კი მისმა მამამ ნიკოლოზ სააკაშვილმა სთხოვა.

აგრეთვე წაიკითხეთ:

⭕ „მიშა, მოგმართავ, როგორც ექიმი და მამა, გთხოვ, შეწყვიტე შიმშილობა“- მიხეილ სააკაშვილის მამა

„ელოდებიან სანამ შიმშილობა ისე დამასუსტებს, რომ ვერ შევძლო სასამართლოზე მისვლა“ - მიხეილ სააკაშვილი

⭕ პატრიარქმა მიხეილ სააკაშვილს შიმშილობის შეწყვეტა სთხოვა

⭕ „სააკაშვილმა შიმშილობის გამო უკვე 12 კილო დაიკლო“ - ადვოკატი