დედას არ სჯერა, რომ ბიძამ მისი 7 წლის შვილი გააუპატიურა
1675432128
შსს-მ შიდა ქართლში ახალგაზრდა კაცი დააკავა, რომელსაც 7 წლის დისშვილის გაუპატიურება ედება ბრალად. მომხდართან დაკავშირებით „მთავარმა არხმა“ დეტალები გაარკვია. არსებული ინფორმაციით, ბავშვმა, რომელიც სპეციალური საჭიროებისაა, მომხდარის შესახებ სკოლაში მოყვა, რის შემდეგაც, პოლიცია გამოიძახეს.
მასწავლებლის ინფორმაციით, საზარელი შემთხვევა სამი დღის წინ მოხდა.
„ჩემთან სიტყვა არ დაუძრავს ბავშვს. მანდატურმა თქვა, მაშინვე მშობელი გამოვიძახეთ, ბავშვს ვერ დავეყრდენით. მერე როცა მშობელმა არც დაადასტურა და არც უარყო, პოლიციას ვაცნობეთ.. ეს ფაქტი 31-ში მოხდა. ეს დღეები ბავშვი სკოლაში არ დადის. ერთჯერადად მოხდა ფაქტიო,“- აცხადებს მასწავლებელი.
არასრულწლოვანის დედას შვილის ნაამბობის არ სჯერა და ვარაუდობს, რომ ყველაფერი ბავშვმა მოიგონა. ის მომხდარში სკოლას ადანაშაულებს.
„აქამდე, ჩემს შვილს სკოლიდან მიგდებდნენ და ახლა რა გააკეთეს. ბავშვმა თქვაო და მე არ მჯერა, ვერც დავიჯერე“, - ამბობს ქალი.
ბრალდებული პირი პოლიციამ საკუთარი სახლიდან აიყვანა. გორის რაიონულმა სასამართლომ აღმკვეთი ღონისძიების შეფარდებაზე უკვე იმსჯელა და კაცი წინასწარ პატიმრობაში დატოვა.
როგორც PIA.GE-ს შინაგან საქმეთა სამინისტროში განუცხადეს, მომხდარზე საქმე სისხლის სამართლის კოდექსის 137- ე მუხლით აღიძრა, რაც რაც წინასწარი შეცნობით არასრულწლოვანის გაუპატიურებას გულისხმობს და 15-იდან 20 წლამდე თავისუფლების აღკვეთას ითვალისწინებს.
👉 სააკაშვილის სახელით სპეკულირება მიუღებელია - ეკა ხერხეულიძე
