საზოგადოება

გია აბაშიძე: გიორგი თარგამაძე არის ღალატის ფორმულა. მას არაფერი ეთაკილება, არც „იმედის“ დამრბევებისგან ფულის მიღება და არც ნაცყაჩაღების კმაყოფაზე ყოფნა

ექსპერტი გია აბაშიძე Pia.ge
1658825931
დაკოპირებულია

„ჩვენი ერთ-ერთი პრობლემა ისაა, რომ ამნაირ არაკაცებს ხმამაღლა, საჯაროდ არ ვეუბნებით თუ რა დონის ავაზაკები არიან,“ - ასე ეხმიანება ანალიტიკოსი გია აბაშიძე გიორგი თარგამაძის ფეისბუკსტატუსს, რომლის თანახმად გიორგი თარგამაძე „ქართული ოცნების“ თავმჯდომარის ირაკლი კობახიძისა და „მთავარი არხის“ ჟურნალისტს შორის მომხდარ ინციდენტს ეხმაურება და ამბობს, რომ პრობლემა კობახიძე კი არაა, არამედ ის კაცი, ვინც მას ლამის ქვეყანას ამართვინებს და ის ხალხი, ვისაც ეს ნორმალურად მიაჩნია.

როგორც აბაშიძე წერს, თარგამაძე ღალატის ფორმულაა, რომელსაც არ ეთაკილება „იმედის“ დამრბევებისგან ფულის მიღება.

„ჩვენი ერთ-ერთი პრობლემა ისაა, რომ ამნაირ არაკაცებს ხმამაღლა, საჯაროდ არ ვეუბნებით თუ რა დონის ავაზაკები არიან. გიორგი თარგამაძე არის ღალატის ფორმულა. მას არაფერი ეთაკილება, არც „იმედის“ დამრბევებისგან ფულის მიღება და არც ნაცყაჩაღების კმაყოფაზე ყოფნა. უდიდესი სირცხვილია გიორგი თარგამაძის ჟურნალისტად მოხსენიება“, - წერს აბაშიძე.

ცნობისთვის, „მთავარი არხის“ ჟურნალისტმა „ქართული ოცნების“ თავმჯდომარეს ირაკლი კობახიძეს უკრაინის ხელისუფლების წარმომადგენლის, დავით არახამიას სიტყვების შეფასება სთხოვა და ჰკითხა, არის თუ არა ირაკლი კობახიძის მამა „კაგებეს“ აგენტი, რაზედაც ირაკლი კობახიძემ უპასუხა: „კაგებეს“ აგენტი მამაშენია“:

„ქალის სახე დაკარგე. პირი მოიწმინდე, სააკაშვილივით გაქვს პირი, დაემსგავსე მართლა ყველაფრით შენს ბელადს... შენ ხარ არახამია, როგორც ის არ არის კაცი, ისე შენ არ ხარ ქალი, „ნაცმოძრაობის“ გულისთვის დაკარგე სახე“, - უთხრა კობახიძემ ჟურნალისტს.

აღნიშნულ ინციდენტს „ქართული ოცნების“ თავმჯდომარე ირაკლი კობახიძე 26 ივლისს განცხადებით გამოეხმაურა და აღნიშნა, რომ ვინც გუშინ „მთავარის“ ჟურნალისტის მიერ ნაკადრი უბინძურესი შეურაცხყოფის იგნორირებას და მასზე პასუხის დაგმობას ცდილობდა, ისინიც ჩამოყალიბებული პავლიკა მოროზოვები არიან.