გლდანის გამგეობა ავჭალაში კორპუსების მიმდებარედ, საგზაო სამუშაოებს ახორციელებს

გლდანის რაიონის გამგეობა ავჭალაში, ლიბანის N29–N31 კორპუსების მიმდებარედ, საგზაო სამუშაოებს ახორციელებს.

თბილისის მერიის ინფორმაციით, პროექტის შედეგად, მოეწყო ბორდიური და დაახლოებით, 2 200 კვადრატულ მეტრ ფართობზე ასფალტის საფარი დაიგო. 

მიმდინარე პროცესს გლდანის რაიონის გამგებელი ბექა მიქაუტაძე საკრებულოს მაჟორიტარ დეპუტატ შალვა ოგბაიძესთან ერთად გაეცნო.

სამუშაოებისთვის, რომელსაც გლდანის რაიონის გამგეობის დაკვეთით, შპს "ელიზი" ასრულებს, 108 800 ლარია გათვალისწინებული. 

აღსანიშნავია, რომ გასულ წელს გამგეობამ „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ლიბანის N29 კორპუსის წყალარინების ქსელიც მოაწესრიგა.