ირაკლი ღარიბაშვილი: თანადგომასა და გულწრფელ სამძიმარს ვუცხადებ ქალბატონ ქეთევან ლოსაბერიძის ოჯახსა და ახლობლებს
1642968871
საქართველოს პრემიერ-მინისტრი ირაკლი ღარიბაშვილი ღრმა მწუხარებას გამოხატავს სახელოვანი სპორტსმენის, ოლიმპიური ჩემპიონის, ლეგენდარული მშვილდოსნის ქეთევან ლოსაბერიძის გარდაცვალების გამო.
მთავრობის მეთაურის თქმით, ქეთევან ლოსაბერიძის ბრწყინვალე სპორტულმა კარიერამ შორს გაუთქვა სახელი ქართულ სპორტს, მთლიანად ჩვენს ქვეყანას.
„ქალბატონი ქეთევანი გახლდათ ერთადერთი ევროპელი ქალი ოლიმპიური ჩემპიონი მშვილდოსნობაში, ასევე მსოფლიოს ორგზის ჩემპიონი გუნდურ ჩათვლაში, ევროპის აბსოლუტური ჩემპიონი და ორგზის ჩემპიონი გუნდურ ჩათვლაში და არაერთი პრიზის მფლობელი. მისმა ბრწყინვალე სპორტულმა კარიერამ შორს გაუთქვა სახელი ქართულ სპორტს, მთლიანად ჩვენს ქვეყანას.
ამ მძიმე წუთებში, თანადგომას და გულწრფელ სამძიმარს ვუცხადებ ქალბატონი ქეთევანის ოჯახსა და ახლობლებს“, - აღნიშნულია პრემიერ-მინისტრის განცხადებაში.
