ის ფაქტი, რომ სერიალი გამოგონილია, არ იცავს Netflix-ს ცილისწამებისთვის პასუხისმგებლობისგან - მოსამართლე ვირჯინია ფილიპსი
1643359930
კალიფორნიის სასამართლომ ნონა გაფრინდაშვილის საქმეზე Netflix-ის შუამდგომლობა საქმის წარმოების შეწყვეტის შესახებ არ დააკმაყოფილა.
ვირჯინია ფილიპსის თქმით, გაფრინდაშვილმა დამაჯერებელი არგუმენტები წარადგინა და ის ფაქტი, რომ სერიალი გამოგონილია, არ იცავს Netflix-ს ცილისწამებისთვის პასუხისმგებლობისგან.
შეგახსენებთ, ქართველმა მოჭადრაკემ სარჩელი გასული წლის სექტემბერში შეიტანა. საქმე ეხებს Netflix-ს სერიალ „ლაზიერის გამბიტში“ გაჟღერებულ არასწორ ინფორმაციას, რომელშიც ნათქვამია, რომ ქართველ დიდოსტატს არასდროს უთამაშია კაც მოჭადრაკესთან.
გარდა ამისა, სერიალში ნონა გაფრინდაშვილი მოხსენიებულია როგორც რუსი მოჭადრაკე. გაფრინდაშვილი ამერიკული კომპანიისგან ზიანის ანაზღაურების სანაცვლოდ 5 მილიონ დოლარს ითხოვს.
