საზოგადოება

კახა კალაძე: წინასაარჩევნო კამპანიის ფარგლებში, ერთადერთი ვიყავი, ვინც დედაქალაქში ავარიული სახლების ჩანაცვლების პროგრამა წარმოადგინა

თბილისის მერი კახა კალაძე Pia.ge
1634326133
დაკოპირებულია

„წინასაარჩევნო კამპანიის დროს, მე ვიყავი მერობის ერთადერთი კანდიდატი, რომელიც ავარიული სახლების პრობლემებზე საუბრობდა“, - ამის შესახებ თბილისის მერობის კანდიდატმა კახა კალაძემ ტელეკომპანია „რუსთავი 2“ -ის ეთერში განაცხადა.

მან კიდევ ერთხელ განმარტა, რას გულისხმობს ავარიული შენობა-ნაგებობების ჩანაცვლების პროგრამა, რომელიც კახა კალაძის მერად არჩევის შემთხვევაში, 2022 წლიდან ამოქმედდება.

„ადგილობრივი თვითმმართველობის არჩევნების პირველი ტურის წინასაარჩევნო კამპანიისას დეტალურად წარმოვადგინე ავარიული სახლების ჩანაცვლების პროგრამა. ამისთვის ყურადღება არავის მიუქცევია. ბათუმში მომხდარი უბედური შემთხვევის შემდეგ გახდა ეს თემა აქტუალური. მთელი ორი თვის განმავლობაში ვსაუბრობდი, რომ ქალაქში 10 000-მდე ავარიული შენობა-ნაგებობა გვაქვს. წყალში გადაყრილია მილიონობით ლარი, რასაც გამაგრების სამუშაოებზე ვხარჯავთ, რადგან ხუთი-ექვსი წლის შემდეგ ის ისევ ავარიული ხდება. ამიტომ, ჩვენ კონკრეტული პროგრამა შევიმუშავეთ, თავისი რეგულაციებით. ოთხ წელში ყველა შენობა ვერ ჩანაცვლდება, მაგრამ ყოველწლიურად ათეულობით მილიონი ლარია გათვალისწინებული, რომ ყველაზე ავარიული სახლები გარემონტებული ბინებით.ჩავანაცვლოთ. მაგალითად, თუ ხუთსართულიანი შენობის ყველა მცხოვრების თანხმობა უნდა არსებობდეს, რის შემდეგაც მათ იჯარით გაიყვანს მუნიციპალიტეტი. ამ ადამიანებს ორ წელიწადში ენერგოეფექტური მასალებით აშენებული საცხოვრებელი ბინები ჩაბარდებათ. ეს საბჭოთა არქიტექტურა ჩანაცვლდება თანამედროვე სტანდარტების მქონე საცხოვრებლით“, - განაცხადა კახა კალაძემ.

მერობის კანდიდატმა ავარიული შენობა-ნაგებობების მონიტორინგის პროცესში მუნიციპალური ინსპექციის როლზე ისაუბრა.

„ჩვენ მეხუთე კატეგორიის ავარიულობის მქონე სახლებში ადამიანებს არ ვაცხოვრებთ და გაგვყავს ისინი ქირით. ამისთვის კი ყოველწლიურად მილიონობით ლარი იხარჯება. აღსანიშნავია, რომ მუნიციპალური ინსპექცია ნამდვილად ეფექტურად მუშაობს და მის თანამშრომლებს მადლობა ამისთვის. არ არსებობს შემოსული შეტყობინება დარჩეს რეაგირების გარეშე. გარდა ამისა, ყოველდღიურად მოწმდება კონკრეტული შენობა ნაგებობები. ე.წ. მიშენებები 90-იანი წლების მავნე პრაქტიკაა. დღეს ვერ ვეხებით მათ, ვერ ვანგრევთ, თუმცა, ამ პროგრამის ფარგლებში მიშენებული ნაწილიც ჩაეთვლება ფართების დაანგარიშებისას. ამ პროგრამაზე უკვე დიდი ინტერესია. მის განხორციელებას და განაცხადების მიღებასაც 2022 წელს დავიწყებთ“, - განმარტა კახა კალაძემ.

იტალიაში საჯარო და კერძო დაწესებულების თანამშრომელი ვალდებული იქნება, სამსახურში მწვანე პასპორტი წარადგინოს

როგორ იმუშავებს „მწვანე პასპორტის“ მექანიზმი, რომელიც 1-ლი დეკემბრიდან...

საქართველოში 1-ლი დეკემბრიდან „მწვანე პასპორტის“ კონცეფცია ამოქმედდება.
1638295200
PIA.GE გთავაზობთ მსოფლიოს მასშტაბით 30 ნოემბერს გადაღებულ მნიშვნელოვან ფოტოებს.
1638290163
რუსეთის საგარეო საქმეთა მინისტრი სერგეი ლავროვი იმედოვნებს, რომ „უკრაინა საქართველოს ყოფილი პრეზიდენტის, მიხეილ სააკაშვილის მიერ 2008 წელს არჩეულ გზას არ დაადგება. ამის შესახებ ლავროვმა პრესკონფერენციაზე განაცხადა, ინფორმაციას „ეხო კავკაზა“ ავრცელებს. 
1638284535
ალერგოლოგ-იმუნოლოგის ბიძინა კულუმბეგოვის თქმით, კოვიდ 19-ის ახალი შტამის, „ომიკრონის“ საქართველოში გავრცელების შემთხვევაში, ის დომინანტური მხოლოდ 3-4 თვის შემდეგ გახდება.
1638271261
„ნაციონალური მოძრაობის“ მხარდამჭერს ბესიკ თამლიანს ბრალი წარედგინა. 
1638304880
ელექტრომომარაგება

თბილისის უბნები, რომლებსაც 1-ელ დეკემბერს ელექტროენერგია შეეზღუდება

სხვადასხვა სამუშაოების გამო 1-ელ დეკემბერს თბილისის უბნების გარკვეულ ნაწილს ელექტრომომარაგება დროებით შეეზღუდება.
ირაკლი ღარიბაშვილი - მთავარი გზავნილი, რომლის გაჟღერებაც ამ ვიზიტის ფა...
„მთავარი გზავნილი, რომლის გაჟღერებაც ამ ვიზიტის ფარგლებში ხდებოდა,  ტრიოს განზრახვის სიმტკიცეს ეხება, რომლის მიზანს ევროკავშირთან ჩვენი ქვეყნების ინტეგრაციის გზაზე შემდგომი დაწინაურება წარმოადგენს“, -  ამის შესახებ საქართველოს პრემიერ-მინისტრმა ირაკლი ღარიბაშვილმა, ასოცირებული ტრიოს ფორმატში გამართულ ბრიფინგზე, ბრიუსელში განაცხადა.
პრემიერი ასოცირებულ ტრიოზე: სარგებლის მიღება სამივე ჩვენგანს შეუძლია,...
„ევროკავშირთან პოლიტიკური ასოცირების და ეკონომიკური ინტეგრაციის ფარგლებში სამივე ჩვენგანს შეგვიძლია ჩვენი მიღწევებისგან სარგებლის მიღება, ხოლო გამოწვევებთან - ერთობლივი ძალებით გამკლავება“, - ამის შესახებ საქართველოს პრემიერ-მინისტრმა ირაკლი ღარიბაშვილმა, ასოცირებული ტრიოს ფორმატში გამართულ ბრიფინგზე, ბრიუსელში განაცხადა.