ქუთაისის აეროპორტი ოქტომბერში ორი კვირით იკეტება
1658236566
ქუთაისის აეროპორტი 10 ოქტომბრიდან 24 ოქტომბრის ჩათვლით დაიხურება.
აეროპორტების გაერთიანების ინფორმაციით, აეროპორტის დაკეტვის მიზეზი ასაფრენ-დასაფრენი ზოლის რეაბილიტაციის მიზნით გეგმური სარემონტო სამუშაოებია.
დაგეგმილია ქუთაისის საერთაშორისო აეროპორტის 2.5 კმ-იანი ასაფრენი ზოლის სრული რეაბილიტაცია.
რეაბილიტაციის პერიოდში ავიაკომპანიები, რომლებიც ქუთაისის აეროპორტში ოპერირებენ, თავად გადაწყვეტენ, ფრენებს საქართველოს სხვა აეროპორტებში გააგრძელებენ თუ 2 კვირის განმავლობაში სრულად შეაჩერებენ.
ქუთაისის აეროპორტის სააეროდრომო რეაბილიტაციასთან დაკავშირებით 8 მილიონი ლარის ღირებულების ტენდერია გამოცხადებული.
