მიხეილ ჩხენკელი: მივიღეთ გადაწყვეტილება სასწავლო დაწესებულებებში გამოცხადებული არდადეგები პირველ აპრილამდე გახანგრძლივდეს

განათლების მინისტრის მიხეილ ჩხენკელის განცხადებით, სამინისტრომ სასწავლო დაწესებულებებში არდადეგების პირველ აპრილამდე გახანგრძლივების გადაწყვეტილება ახალგაზრების უსაფრთხოების გამო მიიღო.

„ჩვენი ახალგაზრდების ჯანმრთელობაზე ზრუნვიდან გამომდინარე, მივიღეთ გადაწყვეტილება საქართველოს მასშტაბით სასწავლო დაწესებულებებში გამოცხადებული არდადეგები ამ ეტაპზე პირველ აპრილამდე გახანგრძლივდეს.

მინდა ხაზგასმით აღვნიშნო, რომ სამინისტროს შემუშავებული აქვს კონკრეტული საგანმანათლებლო და აკადემიური გეგმა რომელსაც სკოლები და უმაღლესი სასწავლებლები უახლოეს დღეებში გააცნობენ მოსწავლეებსა და სტუდენტებს. ეს გეგმა გარანტიას იძლევა იმისა, რომ სასწავლო და აკადემიურ პროცესს ხელი არ შეეშლება“,- აღნიშნა მიხეილ ჩხენკელმა.

უწყებათაშორისი საკოორდინაციო საბჭო კოორდინირებული ნაბიჯების გადადგმის მიზნით სხდომებს პრემიერ-მინისტრის ხელმძღვანელობით სისტემატურ რეჟიმში განაგრძობს.