ნათელაშვილი: ტრამპი კაგებეშნიკი პუტინის გეოპოლიტიკური ლობისტია
1604475814
„ლეიბორისტული პარტიის“ ლიდერი შალვა ნათელაშვილი აშშ-ის საპრეზიდენტო არჩევნებს გამოეხმაურა და სოციალურ ქსელში დონალდ ტრამპის შესახებ დაწერა.
„როგორც ადრეც განვაცხადე პრეზიდენტ ტრამპის გადარჩევა ორგანულად აუცილებელია ამერიკისა და მსოფლიო პოლიტიკისათვის. პიროვნულად ქარიზმატული ტრამპი ოლიგარქიის წარმომადგენელია, შესაბამისად ის უყურებს კაცობრიობას როგორც ბიზნეს-კორპორაციას, ხოლო მისი საქმიანი კავშირები რუსეთთან მას ფაქტიურად აქცევს კაგებეშნიკ პუტინის გეოპოლიტიკურ ლობისტად.
აღნიშნული დიდი საფრთხეა არა მარტო მთელი დედამიწის უშიშროების არამედ საქართველოს მომავლისათვის, რადგან სწორედ მოსკოვის ამერიკული ლობისტების მეშვეობით ბიძინა ივანიშვილი პერიოდულად ნახულობს მხარდამჭერებს ტრამპის უახლოეს გარემოცვაში თუნდაც ბიზნესმენი სიძის კუშნერის სახით, რათა გააგრძელოს თამაში იმ თოჯინათი რასაც საქართველო ქვია. ტრამპს ერთხელ არ უხსენებია მოსკოვისგან ოკუპირებულ-დაგლეჯილი საქართველო. ამდენად გამარჯვებას ვუსურვებ ბაიდენს. ოლიგარქია პოლიტიკიდან სამუდამოდ უნდა განიდევნოს ამერიკაშიც და სოლოლაკშიც. მერე გვექნება უსაფრთხო მომავალი ყველას“, - წერს შალვა ნათელაშვილი.
აგრეთვე, დაგაინტერესებთ 👇
📌 3 ნოემბერს აშშ-ში რიგით 59-ე საპრეზიდენტო არჩევნები გაიმართა.
📌 ცნობისთვის, აშშ-ის კონსტიტუციის მიხედვით, ქვეყნის პრეზიდენტად შეიძლება იყოს არჩეული პირი, რომელიც შეერთებულ შტატებში დაიბადა, არის 35 წლის და ამერიკის ტერიტორიაზე საერთო ჯამში 15 წლის განმავლობაში ცხოვრობდა.
