როდესაც პროკურორი და მოსამართლე შევიდა მის საკანში, ამის შემდეგ კიდევ უფრო დამძიმდა მისი მდგომარეობა - ლომჯარიამ სააკაშვილი მოინახულა
1669630986
სახალხო დამცველმა, ნინო ლომჯარიამ კლინიკა „ვივამედში“ საქართველოს მესამე პრეზიდენტი, მიხეილ სააკაშვილი მოინახულა. მისი თქმით, სააკაშვილს ვიზუალურადაც ეტყობა, რომ მისი ჯანმრთელობის მდგომარეობა გაუარესებულია.
„სააკაშვილს დაახლოებით 10 წუთის განმავლობაში ვესაუბრე, იმიტომ, რომ უფრო დიდხანს მას არ შეუძლია საუბარი. მე არ ვარ ექიმი, თუმცა, ნამდვილად, ერთი შეხედვით, საუბრითაც, მე მახსოვს, როგორი იყო ის შარშან გორის ჰოსპიტალში. ვიზუალურად განსხვავება არის ძალიან თვალშისაცემი. მისი ჯანმრთელობის მდგომარეობა არის, ვიზუალურადაც ეტყობა, მკვეთრად გაუარესებული. პრაქტიკულად სულ წევს. როგორც ექიმებმაც დამიდასტურეს, ფეხზე არ დგება, არ დადის, არ ჯდება.
განსაკუთრებით, როგორც ექიმი ამბობს, გართულდა და დინამიკაში უკუსვლა არის მისი ჯანმრთელობის მდგომარეობის ოქტომბრის დასაწყისიდან. როგორც ექიმი ამბობს, ის ამას უკავშირებს იმ შემთხვევას, როდესაც პროკურორი და მოსამართლე შევიდა მის საკანში ამ ემოციურ ფონზე, მას შემდგომ კიდევ უფრო დამძიმდა მისი მდგომარეობა. ძალიან ცუდად იკვებება, ძალიან ცოტას ჭამს“, - განაცხადა ლომჯარიამ.
ასევე დაგაინტერესებთ:
👉 „რა შუაშია ჭიაბერაშვილი „ნაციონალური მოძრაობის“ თავმჯდომარის არჩევნებთან“ - ანა წითლიძე
