საქართველოს რკინიგზამ მატარებლების მგზავრებს დამოუკიდებლობის დღე მიულოცა

საქართველოს რკინიგზამ მაგისტრალური მიმართულებით მოძრავი მატარებლების მგზავრებს დამოუკიდებლობის დღე მიულოცა. 

„დამოუკიდებლობის თემაზე მომზადებული სახალისო ვიქტორინის გამარჯვებულებს, კომპანიამ სიმბოლური საჩუქრები გადასცა. დაჯილდოვდნენ ის იღბლიანი მგზავრებიც, რომლებმაც ბილეთი 26-ე ადგილზე შეიძინეს.

26 მაისს, 17 საათსა და 10 წუთზე, სწორედ იმ დროს, როდესაც 1918 წლის 26 მაისს, საქართველოს დამოუკიდებლობის აქტი გამოცხადდა, რკინიგზის სამგზავრო მატარებლებსა და სადგურებში საქართველოს ჰიმნი აჟღერდა“, - აცხადებენ საქართველოს რკინიგზაში.