ცოტნე გამსახურდიას ჯანმრთელობის მდგომარეობა სტაბილურია

საქართველოს პირველი პრეზიდენტის შვილის ცოტნე გამსახურდიას მეგობრის მალხაზ გორგასლიძის განცხადებით, ცოტნე გამსახურდიას ჯანმრთელობის მდგომარეობა სტაბილურია.

"ჰყავდათ გაღვიძებული, როგორც ვიცი ხელის შეხებაზე რეაგირებდა და ასრულებდა ინსტრუქციებს. ნელ-ნელა გამოდის მდგომარეობიდან, დინამიკა არის დადებითი, პროცესი უკეთესობისკენ მიდის", - განუცხადა PIA.GE. - ს გორგასლიძემ.

ცოტნე გამსახურდია 19 დეკემბერს დაჭრეს. ფაქტზე გამოძიება სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს.

31 დეკემბერს გამსახურდია თურქეთის კლინიკაში გადაიყვანეს და მისი მკურნაობის პროცესი ამ დრომდე გრძელდება.