71:51 - საქართველოს 18-წლამდელთა ნაკრებმა ნორვეგია დაამარცხა
1659182881
რუმინეთის ქალაქ პლოეშტში მიმდინარე ევროპის 18-წლამდელთა კალათბურთის ჩემპიონატის B დივიზიონის მატჩში საქართველოს ნაკრებმა ნორვეგია დაამარცხა.
საქართველოს ნაკრებმა მეტოქეს 20-ქულიანი სხვაობით, 71:51 მოუგო და ჯგუფში პოზიციები გაიმყარა.
ტურნირში 22 ქვეყანა მონაწილეობს, საქართველო B ჯგუფში ნორვეგიასთან, კოსოვოსთან, ბოსნია-ჰერცეგოვინასთან, ბულგარეთთან და ნიდერლანდებთან ერთად არის. თითო ჯგუფიდან პლეიოფში ბრძოლას 2-2 საუკეთესო ნაკრები გააგრძელებს.
ქართველი კალათბურთელები შემდეგ მატჩს 31 ივლისს, 16:45 საათზე ბულგარელ თანატოლებთან გამართავენ.
