ძიუდოისტმა ლუკა მაისურაძემ სოფიაში მიმდინარე ევროპის ჩემპიონატზე ოქროს მედალი მოიპოვა.
მაისურაძემ 90 კგ. წონით კატეგორიის 1/2-ფინალში წუთზე ნაკლებ დროში კრისტიან ტოტის ბარიერი დაძლია.
ფინალში ქართველი ძიუდოისტი სერბ დარკო ბრასნოვიჩს დაუპირისპირდა. წარსულში მათ მხოლოდ ერთი შეხვედრა ჰქონდათ გამართული, რომელიც მაისურაძემ მოიგო. გამარჯვებული ამჯერადაც ქართველი გახდა.