მთავარი

ძიება

ვიდეო

ქვიზები

კონტაქტი

ელისო ბოლქვაძემ ბელგრადში „საქართველოს დღის“ ღონისძიება გახსნა

ელისო ბოლქვაძე

ბელგრადის ეთნოგრაფიული ფესტივალის ფარგლებში „საქართველოს დღის“ ღონისძიება გაიმართა, რომელიც სერბეთის ვიცე-პრემიერთან, კულტურისა და ინფორმაციის მინისტრთან მაია გოიკოვიჩთან ერთად საქართველოს პარლამენტის კულტურის კომიტეტის თავმჯდომარემ ელისო ბოლქვაძემ მისასალმებელი სიტყვით გახსნა. ამის შესახებ ინფორმაციას პარლამენტი ავრცელებს. 

ამავე ცნობით, ფესტივალზე ელისო ბოლქვაძე და კომიტეტის წევრი ხათუნა კვიციანი სერბეთის პირველი ლედის, თამარა ვუჩიჩის მიწვევით იმყოფებოდნენ.

ღონისძიებაზე საქართველო  წარდგენილი იყო უძველესი კულტურული ისტორიით, თანამედროვე ხელოვანების სხვადასხვა მიმართულებით, ასევე  გაიმართა ქართველი დიზაინერების მიერ შექმნილი ქართული სამოსის ჩვენება.

„მსგავს ფესტივალებში მონაწილეობა ძალიან მნიშვნელოვანია, მით უმეტეს, ისეთი პატარა ქვეყნისთვის, როგორიც საქართველოა. საშუალება გვეძლევა,  წარმოვაჩინოთ ჩვენი უძველესი და უმდიდრესი კულტურა, ფასეულობები და ტრადიციები ფართო საზოგადოების წინაშე. აღსანიშნავია, რომ  კულტურის პოლიტიკის სწორი მართვა მნიშვნელოვან როლს თამაშობს საერთაშორისო ურთიერთობების გამყარებაში, რაც  სამომავლოდ აისახება საქართველოსა და სერბეთის მჭიდრო თანამშრომლობაში“,- განაცხადა ელისო ბოლქვაძემ.