საქართველოს ირანიზაცია ემუქრება? - საგანგაშო სტატისტიკა

"ირანში არსებულ წყლის კრიზისს შეუძლია, საფრთხე შეუქმნას გლობალურ უსაფრთხოებას", - ირწმუნება გლობალური წყლის დეფიციტის შესახებ დაწერილი წიგნის ავტორი სეთ სიგელი.

ირანის სოფლის მეურნეობის ყოფილი მინისტრის მიერ 2015 წელს ჩატარებული კვლევის თანახმად, მაქსიმუმ 25 წლის განმავლობაში, 50 მილიონ ირანელს იძულებით გადასახლება მოუწევს.


აქედან გამომდინარე, სიგელი ვარაუდობს, რომ ისლამური რევოლუცია ირანელ ხალხს გაჭირვებას მოუტანს, რადგან მოსახლეობის 60 პროცენტის საკუთარი სახლებიდან განდევნა საშინელი ფაქტია.


კითხვაზე: რა ზეგავლენა შეიძლება მოახდინოს უწყლობამ რეგიონზე, სიგელმა ორი მოსალოდნელი შედეგი განსაზღვრა.


"წარმოიდგინეთ, რომ ეს პრობლემა სწრაფი ტემპით გრძელდება. ირანი იწყებს ირანელების სამხრეთ ლიბანში, ერაყში, ბაჰრეინში ან იემენში გადასახლებას. ეს აშშ-ისთვის, ეროვნული უსაფრთხოების მხრივ, სერიოზული საფრთხეა, რადგან შეიცვლება ამ ქვეყნების სტატუს კვო. კიდევ ერთი პრობლემაა კვების ფასების გლობალური ზრდა. თუ წყლის დეფიციტის გამო, ირანი სასოფლო-სამეურნეო ტერიტორიებს კვლავაც შეამცირებს, მილიონობით ადამიანს საკვების დეფიციტი შეექმნება, რაც, თავის მხრივ, მსოფლიოში სურსათზე ფასების ზრდას განაპირობებს", - განაცხადა სიგელმა.


სეთ სიგელის ანალიზს თუ დავუჯერებთ, წყლის რესურსის თვალსაზრისით, საქართველო ირანელებისთვის ერთ-ერთი ყველაზე მიმზიდველი ქვეყანაა. ამას ისიც ემატება, რომ მათ ჩვენს ქვეყანაში უვიზოდ შემოსვლა შეუძლიათ. ამ დრომდე, ირანელები მიწასაც უპრობლემოდ ყიდულობდნენ. სულ რაღაც, რამდენიმე თვეა, რაც ხელისუფლებამ მიიღო კანონი, რომლითაც უცხოელებზე სასოფლო-სამეურნეო დანიშნულების მიწის ნაკვეთები აღარ გაიყიდება. თუმცა, ბინადრობის უფლებას ძველებურად თავისუფლად იღებენ.


"პირველი" წერდა იმის შესახებ, რა მარტივად ახერხებენ უცხოელები ბინადრობის მოწმობის აღებას გაყალბებული საბუთებით. ამაში მათ ქართველები, იუსტიციის სახლის გვერდის ავლით თუ მასთან შეთანხმებით, სოლიდური თანხის სანაცვლოდ ეხმარებიან.


ბოლო პერიოდში რომ საქართველოში ირანელი ტურისტების რაოდენობამ მოიმატა, ამას 2016 და 2017 წლის სტატისტიკური მონაცემებიც ცხადყოფს.


სტატისტიკის თანახმად, რუსეთის, სომხეთის, აზერბაიჯანისა და თურქეთის შემდეგ, საქართველოში ყველაზე მეტი ვიზიტორი ირანიდან შედის. 2016 წლის ივლისში საქართველოში 24 091 ირანელი ტურისტი ჩავიდა, 2017 წელს კი - 44 772.


ექსპერტი ვახტანგ მაისაია ამბობს, რომ მასშტაბური მიგრაციის შემთხვევაში, საქართველო ირანელებისთვის ერთ-ერთი ყველაზე მიმზიდველი ქვეყანა იქნება.


"ირანი დღეს საკმაოდ ბევრი პრობლემის წინაშე დგას. ეს არის ბირთვული და ტერიტორიული მთლიანობის საკითხი, ახლა უკვე „ისლამური სახელმწიფო“, დაეში, ავღანეთი. ირანი სერიოზულ რეგიონულ კონფრონტაციაშია ჩართული. აქედან გამომდინარე, ამ საკითხებს წყლისა და დემოგრაფიის პრობლემასაც თუ დავუმატებთ, სავსებით რეალურია საფრთხე, რომ საქართველო პირველი წამყვანი ქვეყანა იქნება, საითკენაც ისინი დაიძვრებიან. ირანელები ძირითადად კავკასიაში გადანაწილდებიან. მათი გარკვეული ნაკადი შესაძლოა, აზერბაიჯანმა და სომხეთმაც გაატაროს.


ირანელები შეეცდებიან, ზღვით გადავიდნენ სხვადასხვა სახელმწიფოებში. საქართველოს აქვს ზღვა, პორტი... არის ჩრდილოეთ კავკასიაში გადასვლის პერსპექტივები. ამას ისიც ემატება, რომ საქართველოსა და ირანს შორის ჯერჯერობით სტაბილური ურთიერთობაა, რასაც ვერ ვიტყვით აზერბაიჯანზე. ირანი გამოვიდა სანქციებიდან, გაიხსნა დიპლომატიური ურთიერთობები და ახლა მისი ინტერესის სფეროა საზღვაო პორტები და ბიზნესი. აქ საუბარია იგივე შავი ზღვის პორტებზე. ამ მხრივ, საქართველო და სომხეთი მიმზიდველი ქვეყნებია", - განაცხადა ვახტანგ მაისაიამ.


ირანი საქართველოს წყლის რესურსებით წლებია, დაინტერესებულია, რისთვისაც ბოლო ათწლეულის განმავლობაში პოლიტიკურ დონეზე მოლაპარაკებებს აწარმოებს.


ირანს ურმიის დამშრალი ტბის აღდგენა საქართველოდან და სომხეთიდან გადაქაჩული წყლით სურს. თეირანმა ამ საკითხზე თბილისთან მოლაპარაკებები ჯერ კიდევ 10-15 წლის წინათ დაიწყო. საქართველოს მაშინდელმა პრეზიდენტმა ედუარდ შევარდნაძემ "საუკუნის პროექტს" მწვანე შუქი აუნთო და 2002 წელს გამოსცა სახელმწიფო დადგენილება, რომლის საფუძველზეც მინისტრთა კაბინეტს ირანის მხარის წინადადების განხილვა დაევალა.


მომზადდა სერიოზული პროექტი. მარტო ალაზნის წყლის აუზიდან მიწოდებული წყლით, საქართველოს ყოველწლიურად 14 მლრდ აშშ დოლარამდე  მოგება უნდა დარჩენოდა.  საუბარია იმ წყლებზე, რომლებიც ალაზანში იღვრება და აზერბაიჯანის ტერიტორიაზე, მინგეჩაურში ჩაედინება.


2003 წელს, როდესაც ხელისუფლებაში მიხეილ სააკაშვილი მოვიდა, "საუკუნის პროექტს" ვეტო დაედო. სპეციალისტები ვარაუდობენ, რომ ამას უფრო პოლიტიკური მიზეზები ჰქონდა, რადგან, წინააღმდეგ შემთხვევაში, ასეთ მომგებიან პროექტს ხელიდან არც ერთი ხელისუფლება არ გაუშვებდა. ამასთანავე, გაჩნდა კითხვა, რატომ სჭირდებოდა ირანს მტკნარი წყალი, რომელიც დიდი წარმატებით შეეძლო, ბირთვული ელექტროსადგურისთვის გამოეყენებინა.


წყლის მიწოდების საკითხზე 2015 წელს საქართველოს პრემიერ-მინისტრმა ირანში გამართულ შეხვედრაზე ისაუბრა.


საკითხი პოლიტიკურ დონეზე თითქოს გადაწყდა - ირანი ურმიის დამშრალ ტბას, სავარაუდოდ, საქართველოსა და სომხეთიდან მიღებული წყლით ამოავსებდა. როგორც ირანელმა პარლამენტარმა ალი ალილუმ ადგილობრივ პრესას განუცხადა, მხარეები შეთანხმდნენ.


"პირველი" დაინტერესდა, რა ეტაპზეა მიღწეული შეთანხმება. წყლის რესურსების მართვის სააგენტოს უფროსი მარინა მაკაროვა "პირველთან" საუბარში ამბობს, რომ პოლიტიკურ დონეზე მიღწეული შეთანხმება, ამ დრომდე არ ადგილიდან არ დაძრულა, რადგან ირანულ მხარეს დაინტერესება აღარ გამოუხატავს.


"გასულ წელს იყო საუბარი, რომ ირანს სურდა წყალი, თუმცა ამ დრომდე არც ერთ კომპანიას არ მოუმართავს მსგავსი წინადადებით. რამდენადაც ვიცი, ეს იყო ზოგადი საუბარი. ამ თემაზე რაიმე მოთხოვნა ან შესაბამისი დოკუმენტაცია ამ დრომდე არ შემოსულა", - აღნიშნავს მარია მაკაროვა.


უცნობია, რა შედეგით დასრულდება საქართველოსა და ირანს შორის დაწყებული მოლაპარაკება და რა სარგებელს მოუტანს ეს საქართველოს. თუმცა, ფაქტია, რომ ირანს საქართველოს მიმართ დიდი ინტერესი აქვს, რასაც ბოლო ორ წელიწადში საქართველოში შემოსული ირანელების რაოდენობაც ადასტურებს.


თუმცა, ირანელების და, ზოგადად, უცხოელებისთვის მოქალაქეობის მინიჭებაზე საქართველოს მოსახლეობის გარკვეულ ნაწილს კრიტიკულად უარყოფითი დამოკიდებულება აქვს.


"ქართველთა მარში" რადიკალური მოთხოვნებით დაუპირისპირდა ხელისუფლებას - აღიკვეთოს უცხოელების მხრიდან ქართველებზე ძალადობა, კულტურული ძეგლების შეურაცხყოფა, უცხოელების მასობრივი და კომპაქტური ჩასახლება.


ჯერჯერობით უცნობია, როგორ დაარეგულირებს ხელისუფლება უცხოელებისთვის მოქალაქეობისა თუ ბინადრობების მოწმობის გაცემის წესს, თუმცა ირანელების მასობრივი მიგრაციის საფრთხე, რაზეც ექსპერტები და პოლიტიკოსები საუბრობენ, რეალობისგან შორს ნამდვილად არ დგას.


 


ავტორი: ეკა ჭიღლაძე


ლაშა დარსალია გაერო-ს გენერალური მდივნის თანაშემწესა და ჟენევის საერთაშორისო მოლაპარაკებებში გაერო-ს წარმომადგენელს შეხვდა

საგარეო საქმეთა მინისტრის მოადგილემ, ლაშა დარსალიამ, შეხვედრა გამართა გაერო-ს გენერალური მდივნის თანაშემწესთან და ჟენევის საერთაშორისო მოლაპარაკებებში გაერო-ს წარმომადგენელთან, ჯიჰან სულთანოღლუსთან.

ხარაგაულში მოსახლეობა ამბულატორიის შენობის გასხვისებას აპროტესტებს

ხარაგაულის მუნიციპალიტეტის სოფელ ბორითში მოსახლეობამ ამბულატორიისათვის განკუთვნილი შენობის და მისი მიმდებარე ტერიტორიის გასხვისება გააპროტესტა.

ზუგდიდის სოფელში ავარიას ქვეითი ემსხვერპლა

ზუგდიდის მუნიციპალიტეტის სოფელ კახათში ავტოსაგზაო შემთხვევას ქვეითი ემსხვერპლა. შემთხვევა, დაახლოებით, ერთი საათის წინ მოხდა.

კობი-გუდაურის გზაზე სატვირთოების მოძრაობა აიკრძალა

კობი-გუდაურის საავტომობილო გზის მონაკვეთზე სატვირთო ავტოტრანსპორტისთვის მოძრაობა აიკრძალა. ამის შესახებ ინფორმაციას საპატრულო პოლიციის დეპარტამენტი ავრცელებს.

საქართველოს პრეზიდენტი საფრანგეთის სენატის პრეზიდენტს შეხვდა

საქართველოს პრეზიდენტი სალომე ზურაბიშვილი საფრანგეთის სენატის პრეზიდენტს ჟერარ ლარშეს შეხვდა.

სალომე ზურაბიშვილი პარიზში ლიდერ ქალებს შეხვდა

საქართველოს პრეზიდენტმა სალომე ზურაბიშვილმა, პარიზში ორგანიზაციის ,,ქალთა ფორუმი ეკონომიკისა და საზოგადოებისთვის” ლიდერ ქალებთან სამუშაო ლანჩი გამართა.

თბილისის მერია განცხადებას ავრცელებს

თბილისის მერია საავტომობილო მოძრაობის შეზღუდვასთან დაკავშირებით განცხადებას ავრცელებს.

ფინანსთა მინისტრი ევროპის საინვესტიციო ბანკის ვიცე-პრეზიდენტს შეხვდა

დღეს, საქართველოს ფინანსთა მინისტრი ივანე მაჭავარიანი ევროპის საინვესტიციო ბანკის (EIB) ვიცე-პრეზიდენტს, ვაზილ ჰუდაკს შეხვდა, რომელიც საქართველოში სამუშაო ვიზიტით იმყოფება. 

"მაშფოთებს მომენტი, როცა ანაკლიის პროექტზე სახელმწიფო ერთი მხრივ გვერდში გვიდგას, მისი ერთ-ერთი სტრუქტურა კი ასეთ განცხადებას აკეთებს"

უკავშირდება თუ არა „თიბისი ბანკის“ ირგვლივ განვითარებული პროცესები და დაწყებული გამოძიება ანაკლიის პორტის მომავალს?

ირაკლი კობახიძე ავსტრიის ელჩს შეხვდა

საქართველოს პარლამენტის თავმჯდომარე ირაკლი კობახიძე ავსტრიის რესპუბლიკის საგანგებო დასრულუფლებიან ელჩს, არად ბენკოს შეხვდა. 

საქართველოს ელჩი ვენესუელის დროებითი პრეზიდენტის მიერ ბრაზილიაში დანიშნულ დიპლომატიურ წარმომადგენელს შეხვდა

საგანგებო და სრულუფლებიანი ელჩი ბრაზილიის ფედერაციულ რესპუბლიკაში დავით სოლომონია შეხვდა ვენესუელის დროებითი პრეზიდენტის, ხუან გუაიდოს მიერ ბრაზილიაში დანიშნულ დიპლომატიურ წარმომადგენელს, მარია ტერეზა ბელანდრიას.

მამუკა ხაზარაძე: თიბისის დაარსების დღიდან ჩვენს ღირებულებებს გამჭვირვალობა, პატიოსნება და კანონმორჩილება წარმოადგენს

თიბისი ჯგუფის დამფუძნებლები მამუკა ხაზარაძე და ბადრი ჯაფარიძე ეროვნული ბანკის გადაწყვეტილების შემდეგ, მედიასთან პირველ პრესკონფერენციას მართავენ.

შსს-მ მსხვილფეხა პირუტყვის ქურდობის ფაქტები გახსნა - დაკავებულია 5 პირი

შინაგან საქმეთა სამინისტროს თბილისის პოლიციის დეპარტამენტის  ვაკე-საბურთალოს სამმართველოს თანამშრომლებმა თბილისსა და მცხეთა-მთიანეთის  რეგიონში მომხდარი მსხვილფეხა პირუტყვის ქურდობის ფაქტები გახსნეს.

როგორ გადაარჩინა დავით სერგეენკომ ირანელი ქალი თვითმფრინავში - „თქვენ მე სიცოცხლე მაჩუქეთ...“

ჯან­დაც­ვის მი­ნის­ტრმა და­ვით სერ­გე­ენ­კომ თვითმფრი­ნავ­ში უცხო­ელ მგზავრს სა­მე­დი­ცი­ნო დახ­მა­რე­ბა აღ­მო­უ­ჩი­ნა. 

იურიდიულ საკითხთა კომიტეტმა სამოქმედო გეგმა დაამტკიცა

იურიდიულ საკითხთა კომიტეტმა 2019-2020 წლების სამოქმედო გეგმა დაამტკიცა, რომლის სტრუქტურაც კომიტეტის წევრებს იურიდიულ საკითხთა კომიტეტის თავმჯდომარემ, ანრი ოხანაშვილმა გააცნო.

ქეთევან ციხელაშვილი: ათასობით ადამიანს არ აქვს წვდომა პროდუქტებზე, მედიკამენტებზე, რომლებიც ყოველდღიურად სჭირდებათ

„პატარა ბავშვები არიან ახალგორში, რომელთაც თვეზე მეტია მშობლებთან კომუნიკაციის შესაძლებლობა არ აქვთ. რომ აღარაფერი ვთქვათ სასწავლო პროცესში ჩართვაზე,“.

გიორგი ქობულია ევროპის საინვესტიციო ბანკის ვიცე-პრეზიდენტს ვაზილ ჰუდაკს შეხვდა

ეკონომიკისა და მდგრადი განვითარების მინისტრი გიორგი ქობულია ევროპის საინვესტიციო ბანკის ვიცე-პრეზიდენტს ვაზილ ჰუდაკსა და თანმხლებ პირებს შეხვდა.

ევროკავშირი რუსეთის წინააღმდეგ სანქციებს ქერჩის სრუტეში მომხდარი ინციდენტის გამო აწესებს

ევროკავშირი რუსეთის წინააღმდეგ ახალ სანქციებს 2018 წლის ნოემბერში ქერჩის სრუტეში მომხდარი ინციდენტის გაო დააწესებს.

 

ლარის კურსი

18 თებერვლის ვაჭრობის შედეგად აშშ დოლარი გაუფასურდა და 2.6404 ლარი შეადგინა. კურსი, რომელიც დღეს მოქმედებდა, 2.6413 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.09 თეთრი შეადგინა.

ზუგდიდში ვალუტის გადამცვლელი ჯიხური გაძარცვეს

ზუგდიდში, კოსტავას ქუჩაზე არსებული ერთ-ერთი ვალუტის გადამცვლელი ჯიხური, დაახლოებით, 40 წუთის წინ გაძარცვეს. 

ქართული სამხედრო პროდუქციით განას რესპუბლიკა დაინტერესდა

თავდაცვითი მრეწველობის საერთაშორისო გამოფენა IDEX 2019 ის ფარგლებში „დელტას“ წარმომადგენლობა განას რესპუბლიკის თავდაცვის სამინისტროს ოფიციალურ დელეგაციას შეხვდა.