უკრაინელი პატიმარი მარტოხელა დედისთვის პოლიტიკური თავშესაფრის საკითხი 2 დღეში გადაწყდება

დევნილთა სამინისტრო საქართველოში დაკავებული უკრაინელი მარტოხელა დედისთვის ირინა სავიცკაიასთვის თავშესაფრის მინიჭების საკითხს თვის ბოლომდე გადაწყვეტს.

თავშესაფრის მინიჭების საკითხზე დღეს დევნილთა სამინისტროს წარმომადგენლებმა სავიცკაია რუსთავის ქალთა მე-5 კოლონიაში მოინახულეს, სადაც მასთან დეტალური გასაუბრება გამართეს.


ვიდრე უწყების წარმომადგენლები სასჯელაღსრულების დაწესებულებაში იმყოფებოდნენ, სავიცკაის მხარდამჭერებმა ქალთა მე-5 კოლონიასთან მცირე აქცია გამართეს. ადგილზე სავიცკაიას მეუღლე და მისი 13 წლის აუტისტი შვილიც იმყოფებოდნენ.


დაკავებულის მეუღლის დიმიტრი სავიცკის განცხადებით, ირინა სავიცკაიას დაკავება უკანონოდ მოხდა. ის იმედოვნებს, რომ ირინას საქმესთან დაკავშირებით, ქართული მხარე ობიექტურ გადაწყვეტილებას მიიღებს.


„მე და ირინა უკვე რამდენმე წელია ერთად არ ვცხოვრობთ. ეს წლები ის  საქართველოში ერთ-ერთ ფირმაში მუშაობდა.  ბავშვი მასთან ცხოვრობს და ქართულ სკოლაში სწავლობს. მას ჯანმრთელობასთან დაკავშირებული პრობლემები აქვს და მუდმივ სამედიცინო ზედამხედველობას საჭიროებს. სამწუხაროდ, მე არ შემიძლია აქ, საქართველოში ვიყო მუდმივად და ბავშვს მივხვედო. ირინას დაპატიმრება ჩვენი შვილის ჯანმრთელობისთვის საფრთხეს წარმოადგენს. ამიტომ ვითხოვთ ირინასთვის პოლიტიკურ თავშესაფარს. ირინას უკრაინაში დაბრუნება  ბავშვისა და მისი ჯანმრთელობისა და სიცოცხლისთვის საფრთხის შემცველია. ირინას დაკავება უკანონოა“, - განაცხადა ჟურნალისტებთან საუბარში დიმიტრი სავიცკი.


ირინა სავიცკაიას თანამშრომლისა და უფროსის ვლადიმერ ვისოკოპოიასნის განმარტებით,  მას საქართველოში საფრთხე არ ემუქრება, ამიტომ ირინას თავშესაფარი უნდა  მიეცეს.


„ჩვენ აქ ირინასთვის მხარდასაჭერად მოვედით. როგორც თანამშრომელს დადებითად ვაფასებთ, ის კარგი და კეთილი ადამიანია, რომელიც თავის მოვალეობებს კეთილსინდისიერად ასრულებს. ის თავისი საქმის პროფესიონალია. ირინა ხშირად გვიყვებოდა თავისი შვილის შესახებ, რომ თვითონ ზრდიდა, რომ ბავშვს გარკვეული სირთულეები აქვს. ჩვენ მას ვეხმარებოდით. ვიმედოვნებთ, რომ საქართველოს დემოკრატიულ სახელმწიფოში მისი საკითხი განხილული იქნება ობიექტურად და გადაწყვეტილებასაც ობიექტურს მიიღებენ. ის საქართველოში უსაფრთხოდ იქნება. სამწუხაროდ, ჩემს სამშობლოში, უკრაინაში, ჩვენ ჯერ მხოლოდ დემოკრატიისკენ მივდივართ. ჩვენ ვითხოვთ, რომ მას პოლიტიკური თავშესაფარი მისცენ“, - განაცხადა შპს „ლიდერ დისტრიბუშენის“ დირექტორმა ვლადიმერ ვისოკოპოიასნიმ.


ირინა სავიცკაიას ადვოკატის გიორგი კონდახიშვილის თქმით, მათ დევნილთა სამინისტროს წარმომადგენლებს დამატებითი არგუმენტები წარუდგინეს, რაც შესაძლოა, თან სდევდეს ირინა სავეცკაიას უკრაინაში ექსტრადირებას.


„ჩვენ წარვადგინეთ არაერთი პირდაპირი მტკიცებულება იმისა, რომ ირინა სავიცკაიას ექსტრადიციის შემთხვევაში, მის სიცოცხლესა და ჯანმრთელობას შესაძლოა, საფრთხე დაემუქროს. ის იქნება პოლიტიკური დევნის მსხვერპლი, ასევე მისგან სასურველი ჩვენებების მისაღებად, შესაძლოა, დაექვემდებაროს  წამებასა და არაადამიანურ მოპყრობას უკრაინის სამართალდამცავი ორგანოების მხრიდან. აბსურდული და შეთითხინილი ბრალდებით უკრაინის ხელისუფლება ცდილობს  საქართველოდან მის უკრაინაში გადაყვანას და შემდგომ შეეცდება მოიპოვოს მათთვის საინტერესო ჩვენებები აქტიური პოლიტიკური ფიგურების წინააღმდეგ“, - აღნიშნა ადვოკატმა.


დევნილთა სამინისტროს სტატუსის დადგენის განყოფილების უფროსის ია პოზოვის განმარტებით, უწყება ირინა სავიცკაიასთან დაკავშირებით გადაწყვეტილებას 31 აგვისტომდე მიიღებს.


„დღეს ჩატარდა კანონით გათვალისწინებული გასაუბრების პროცედურა, რომელიც გადაწყვეტილების მიღებამდე ბოლო ეტაპს წარმოადგენს. მანამდე ჩავატარეთ ანკეტირება, მოხდა პირველადი ინფორმაციის შეგროვება თავშესაფრის მაძიებელზე. მიღებული გვაქვს საექსტრადაციო მასალები პროკურატურიდან და ამ მასალების ურთიერთშეჯერების საფუძველზე სამინისტრო საბოლოო გადაწყვეტილებას თვის ბოლომდე მიიღებს, ვინაიდან, კანონის თანახმად, საექსტრადაციო განაცხადების განხილვის ერთთვიანი ვადა გვაქვს“, - განაცხადა დევნილთა სამინისტროს სტატუსის დადგენის განყოფილების უფროსმა.


ირინა სავიცკაიას ინტერესების დამცველის ინფორმაციით, დღეს ან ხვალ მიმართავენ თბილისის საქალაქო სასამართლოს მის მიმართ შერჩეული აღკვეთის ღონისძიების შეცვლის მოთხოვნით.


„ჩვენი არგუმენტაცია ემყარება მისი მცირეწლოვანი შვილის ჯანმრთელობის მდგომარეობის დამძიმებას, მას აქვს ფსიქიატრიული პრობლემები. ექიმის დანიშნულებით მას ესაჭიროება მშობლებთან ერთად ყოფნა. ასევე, ჩვენ მოვიპოვეთ არაერთი ახალი მტკიცებულება, რაც სამართლებრივი თვალსაზრისით მნიშვნელოვან როლს ითამასებს სასამართლოსთვის, რათა შეიცვალოს საექსტრადაციო კატეგორია“, - აღნიშნა გიორგი კონდახიშვილმა.


კიევის მოთხოვნით ირინა სავიცკაია საქართველოში 30 ივნისს დააკავეს. ის წინასწარ პატიმრობაში იმყოფება. მას უკრაინის საგამოძიებო უწყებები კონკურენტი კომპანიის ქონების მითვისების მცდელობას ედევებიან.


 


 


 


 


 


თბილისის მერიის მუნიციპალურ ინსპექციას რამდენიმე მიმართულება დაემატება

თბილისის მერიის მუნიციპალურ ინსპექციას მომავალი წლიდან რამდენიმე მნიშვნელოვანი მიმართულება დაემატება. ამის შესახებ დედაქალაქის მერმა კახა კალაძემ განახლებული სამსახურის პრეზენტაციაზე განაცხადა.

ირაკლი კობახიძე გერმანიის ფედერაციული რესპუბლიკის ელჩს შეხვდა

საქართველოს პარლამენტის თავმჯდომარე ირაკლი კობახიძემ გერმანიის ფედერაციული რესპუბლიკის ახლად დანიშნულ საგანგებო და სრულუფლებიან ელჩთან ჰუბერტ კნირშთან გაცნობითი ხასიათის შეხვედრა გამართა.

 

გიგი წერეთელმა ეუთოს მუდმივმოქმედი საბჭოს წევრებს სიტყვით მიმართა

ვენაში ეუთოს მუდმივმოქმედი საბჭოს სხდომა გაიმართა, რომელსაც ორგანიზაციის 57 წევრი ქვეყნის ელჩი დაესწრო.

საუდის არაბეთი ჟურნალისტ ჯამალ ხაშოგის გარდაცვალების ფაქტს აღიარებს

საუდის არაბეთის ხელისუფლება ანგარიშს ამზადებს, რომელშიც საუბარია ჟურნალისტ ჯამალ ხაშოგის სიკვდილზე.

ფინანსთა მინისტრი აზიის ინფრასტრუქტურის საინვესტიციო ბანკის ვიცე-პრეზიდენტს შეხვდა

საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, ფინანსთა მინისტრი ივანე მაჭავარიანი აზიის ინფრასტრუქტურის საინვესტიციო ბანკის ვიცე-პრეზიდენტს, დენი ალექსანდრს შეხვდა. 

დედაქალაქის მერმა მუნიციპალური ინსპექცია წარადგინა

დედაქალაქის მერმა კახა კალაძემ ქალაქში ურბანულ წესრიგზე პასუხისმგებელი ზედამხედველობის  განახლებული  სამსახური - მუნიციპალური ინსპექცია წარადგინა.

საფრანგეთში წყალდიდობის შედეგად დაღუპულთა რაოდენობა 13-მდე გაიზარდა

საფრანგეთის სამხრეთ ნაწილში წყალდიდობის შედეგად, სულ მცირე, 13 ადამიანია დაღუპული.

დღეს გამოძიება მირზა სუბელიანს გამოკითხავს

ფარულ აუდიოჩანაწერთან დაკავშირებით 12 ოქტომბერს დაწყებული გამოძიების ფარგლებში, სადაც, სავარაუდოდ, მირზა სუბელიანი, ვიქტორ ჯაფარიძე და დავით ცუხიშვილი ფიგურირებენ, მირზა სუბელიანი გამოიკითხება.

გრიგოლ ვაშაძის გამარჯვების შემთხვევაში შსს და სუს-ი გაუქმდება

გაერთიანებულმა ოპოზიციამ "ძალა ერთობაშია" სამართალდამცავი ორგანოების სრულიად ახალი მოდელი მოამზადა.

მამუკა ბახტაძემ ევროპის საბჭოს სპორტზე პასუხისმგებელი მინისტრების მე-15 კონფერენცია გახსნა

საქართველოს პრემიერ-მინისტრმა მამუკა ბახტაძემ ევროპის საბჭოს სპორტზე პასუხისმგებელი მინისტრების მე-15 კონფერენცია გახსნა.

თეოლოგი: „მოსაყდრე-ვასაძე-შორენას „ტრიუმვირატი" ყველაფერს გააკეთებს, რომ საქართველოს ეკლესია რუსულ ვექტორზე დარჩეს"

„უკრაინის საკითხი იქნება ტესტი და ლუსტრაცია სხვა დანარჩენი ადგილობრივი ეკლესიებისთვის“, - ასე აფასებს თეოლოგი გიორგი ტიგინაშვილი რუსეთის ეკლესიის სინოდის მიერ კონსტანტინოპოლთან კავშირის სრულად გაწყვეტას.

ნიგერიაში ნავთობსადენზე მომხდარი აფეთქების შედეგად 60 ადამიანი დაიღუპა

ნიგერიის სახელმწიფო ნავთობკომპანიის კუთვნილ ნავთობსადენზე მომხდარი აფეთქების შედეგად 60 ადამიანი დაიღუპა.

 

გარდაბნის მუნიციპალიტეტის რამდენიმე სოფელს 17 ოქტომბერს გაზმომარაგება შეუწყდება

გარდაბნის მუნიციპალიტეტის სოფელ ლემშვენიერასა და სოფელ ჯანდარას 17 ოქტომბრის დილის 10:00 საათიდან საღამოს 17:00 საათამდე გაზმომარაგება შეუწყდება.

თბილისში ევროპის საბჭოს სპორტის მინისტერიალი გაიხსნება

საქართველო დღეს ევროპის საბჭოს სპორტზე პასუხისმგებელ მინისტრთა მე-15 საიუბილეო კონფერენციას – მინისტერიალს უმასპინძლებს.

დავით ზალკალიანმა „აღმოსავლეთ პარტნიორობის“ მინისტერიალში მიიღო მონაწილეობა

საქართველოს საგარეო საქმეთა მინისტრმა დავით ზალკალიანმა მონაწილეობა მიიღო „აღმოსავლეთ პარტნიორობის“ საგარეო საქმეთა მინისტერიალში, რომელიც მიმდინარე წლის 15 ოქტომბერს ლუქსემბურგში გაიმართა.

ამინდის პროგნოზი

დღეს დასავლეთ საქართველოში შენარჩუნდება თბილი და უმეტესად უნალექო ამინდი, ხოლო აღმოსავლეთ საქართველოს ცალკეულ რაიონში შესაძლოა, მცირე წვიმა აღინიშნოს. 

ეკა ბესელია - მუქარის და შანტაჟის ენით  საუბარი, განსაკუთრებით ასეთი ფორმის და შინაარსის ყოვლად მიუღებელია

"ხელისუფლებას მუქარის ტონის, მუქარით საუბრის ნამდვილად არ ეშინია. თუ ეს მუქარა ადრეც ყოფილა ვინმესთან გამჟღავნებული, ფაქტია, რომ ადამიანი დღეს არის პატიმრობის ქვეშ და ამ მუქარის შიში არავის აქვს", – აცხადებს ეკა ბესელია.

"არ მივცემთ უფლებას "ნაციონალურ მოძრაობას" კიდევ ერთხელ იძალადოს ქართულ საზოგადოებაზე"

იურიდიულ საკითხთა კომიტეტის წევრი ანრი ოხანაშვილი გავრცელებული ფარული აუდიოჩანაწერების ავთენტურობის დადგენის მნიშვნელობაზე საუბრობს.

მამუკა მდინარაძე - ძალიან მაღალი ალბათობით საქმე გვაქვს ორმაგ შანტაჟთან

ფრაქცია "ქართული ოცნების" თავმჯდომარე მამუკა მდინარაძე გავრცელებულ ფარულ აუდიო ჩანაწერებს ეხმაურება.

რუსეთის მართლმადიდებელი ეკლესიის სინოდმა კონსტანტინოპოლთან ევქარისტიული კავშირი სრულად გაწყვიტა

რუსეთის მართლმადიდებელი ეკლესიის სინოდმა კონსტანტინოპოლთან ევქარისტიული კავშირი სრულად გაწყვიტა.

აუდიოჩანაწერთან დაკავშირებით მიმდინარე გამოძიების ფარგლებში დავით ცუხიშვილის გამოკითხვა მიმდინარეობს

აუდიოჩანაწერთან დაკავშირებით მიმდინარე გამოძიების ფარგლებში, სადაც სავარაუდოდ მირზა სუბელიანი, ვიქტორ ჯაფარიძე და დავით ცუხიშვილი ფიგურირებენ, ამ დროისთვის, პროკურატურის საგამოძიებო ნაწილში დავით ცუხიშვილი იკითხება.