რეჟისორის თქმით, ბურჭულაძე საზოგადოებას სამარცხვინო ადამიანის მანტიაში მოევლინა

რეჟისორ გოგა ხაინდრავას განცხადებით, პაატა ბურჭულაძე საზოგადოებას სამარცხვინო ადამიანის მანტიაში მოევლინა.

რეჟისორმა გოგა ხაინდრავამ „რეპორტიორთან" საუბარში პაატა ბურჭულაძის საქველმოქმედო ფონდ „იავნანასთან" დაკავშირებით აგორებულ სკანდალზე ისაუბრა. ხაინდრავას შეფასებით, ეს არის ყველაზე დიდი სირცხვილი, რომელიც შეიძლება საზოგადოებას დაემართოს.


"იმ ყველაფრის მერე, რაც ვნახეთ, ადამიანს სიცოცხლე აღარ მოგინდება. რაღაც ფასეულობები ხომ უნდა იყოს ამ ქვეყანაზე, რაც ურყვნელი დარჩება?! მაგრამ, ეტყობა, გადაგვარებულმა, საბჭოთა წყობილებიდან მოსულმა აზროვნებამ, დაუოკებელმა ლტოლვამ პირადი გამდიდრებისკენ ყველა გზით - პოლიტიკა იქნება, ხელოვნება თუ ქველმოქმედება, აქამდე მიგვიყვანა... ამაზე მეტი სირცხვილი ადამიანს, თუნდაც ფონდს, რა უნდა დაემართოს, არ ვიცი. ხელით სატარებელი კაცი, რომლითაც მთელი ქვეყანა ამაყობდა, ყველაზე სამარცხვინო ადამიანის მანტიაში მოგვევლინა. ის, რაც ჩემი თვალით ვნახე, იმდენად სამარცხვინო და გამაოგნებელია, ყველა უნდა დავფიქრდეთ ალბათ და მივეჩვიოთ იმას, რომ ცხოვრება არ არის მარტო ზედაპირული მხარე, მას თავისი სიღრმეები აქვს და ადამიანები უნდა შეფასდნენ იმით, რას აკეთებენ", - აღნიშნა ბურჭულაძემ.


"მე ამ კაცს, პაატა ბურჭულაძეს (იმ ყველაფრის შემდეგ, რაც ვნახეთ, თუ შეიძლება კაცი ეწოდოს) ბავშვობიდან ვიცნობ. საერთო მეგობრები გვყავდა, ხანდახან ერთად ვისვენებდით... ამ სიუჟეტის ნახვის მერე მინდოდა, რომ მიწა გამსკდომოდა. ფულს რომ თავი დავანებოთ, ადამიანობის ნასახი, თავმოყვარეობა, ღმერთი, შვილი, რაღაც ხომ უნდა იყოს... ამას რომ აკეთებ ადამიანი, სახლში რომ ბრუნდები, შვილებს თვალებში როგორ უყურებ საერთოდ, მაინტერესებს! ეს არის სახელმწიფოებრივი, საზოგადოებრივი კატასტროფა. ეს ამბავი ქართველ საზოგადოებაში წყალბადის ბომბივით გასკდება. ჩემთვის საამაყო იყო, რომ არსებობს ადამიანი, რომელმაც საერთაშორისო აღიარება მოიპოვა და თურმე... ეს არის ყველაზე დიდი სირცხვილი, რომელიც შეიძლება საზოგადოებას დაემართოს", - განაცხადა რეჟისორმა.


- ჟურნალისტებთან საუბარზე ფონდის წარმომადგენლები უარს აცხადებენ... ეს ხომ არ აღვივებს ეჭვს, რომ საქმე უფრო სერიოზულად არის?


- მანდ საეჭვო რა არის?! ასჯერ გაგონილს ერთხელ ნანახი ჯობიაო... ჩვენ კადრები ვნახეთ... ამის შემდეგ რა პასუხი უნდა გასცენ საზოგადოებას?! არის კითხვები, რომელსაც ვერსად გაექცევი. ქველმოქმედებაში დახარჯული თანხა იმდენივე რომ იქნება, რაც ფონდის აღმასრულებელ დირექტორს ხელფასის სახით აქვს აღებული, რა ქველმოქმედებაზე ვლაპარაკობთ საერთოდ? კომპეტენტური ორგანოები დაინტერესდებიან ალბათ და ყველაფერს დაადგენენ, მაგრამ მე ეს არ მინდა... ჩემთვის ის ბავშვები, ის ქალი და სახლები საკმარისია, რაც ვნახე... ასეთი რამ აზრად როგორ უნდა მოგივიდეს, რომ შეიძლება ადამიანმა იმ პირობებში იცხოვროს, რასაც სთავაზობდნენ, ეს ხომ ადამიანის ხელმეორედ გათელვაა. ის უსახლკაროდ დარჩა და შენ ბოსელში მიგყავს, სადაც პირუტყვიც კი არ გაჩერდება? ამისთვის მართავ ტაშ-ფანდურას? არ ვიცი, რა პასუხი უნდა გავცეთ მათ, ვინც ამ ყველაფერში მონაწილეობდა - მონსერატ კაბალიეს და სხვა მაღალი ხელოვნების წარმომადგენლებს. ვაჟბატონი ბურჭულაძე პოლიტიკაში შემოვიდა და სწორედ ეს არის ის პოლიტიკური წუმპე, რომელზეც არაერთხელ მისაუბრია. გაჯერებული პატივმოყვარეობის გაუთავებელი ჟინით, რომელმაც საზოგადოების ზნეობა მთლიანად წალეკა. სამშობლოს თელავენ დასავლეთიდან თუ ჩრდილოეთიდან აღებულ ორ კაპიკად! ხალხისადმი მსახურება აზრადაც არავის ჰქონია ამ ვაჟბატონის ჩათვლით. ეს ყველაფერი საზოგადოებამ უნდა ნახოს, არ შეიძლება მხოლოდ სოციალურ ქსელში დარჩეს! ეს არის ბოროტი მასკარადი, რომელიც ყველამ უნდა ნახოს ისევე, როგორც ფაშიზმი ნახა მთელმა გერმანიამ! უნდა შეფასდეს ისევე, როგორც უნდა შეფასდეს ის ბოროტება, რომელსაც „ნაციონალური მოძრაობა" და მიხეილ სააკაშვილი წარმოადგენდა. შეიძლება, რომ იმათი ამფსონები, რომლებიც ადამიანებს აუპატიურებდნენ ციხეში, პოლიტიკურ პარტიად იწოდებოდნენ? ბურჭულაძეს და სააკაშვილს ხომ ერთი ბუნება აქვთ?! ერთი ფესვიდან იყვნენ გამოსულები. ეს ხომ მთელმა საზოგადოებამ იცის, მიუხედავად ამისა, მხარდამჭერებიც ჰყავდა... სანამ ამ ყველაფერს არ მივხვდებით, რომ საკუთარი პატივმოყვარეობის დაკმაყოფილება ნებისმიერი გზით დამღუპველია, პირველ რიგში, შენი მომავლისთვის, შვილებისთვის, ქვეყნისთვის, მანამდე იმ წუმპეში, სირცხვილსა და სიბნელეში ვიქნებით, რომელშიც დღეს ვართ.


- თქვენი აზრით, უნდა დაინტერესდნენ თუ არა საგამოძიებო სამსახურები ამ ფაქტით და ზოგადად, აღნიშნული მაგალითის გათვალისწინებით, სახელმწიფომ უნდა შეამოწმოს თუ არა მსგავსი საქველმოქმედო ფონდები?


- საქველმოქმედო ფონდი თავისთავად გულისხმობს გამჭვირვალობას. ამ გამჭვირვალობის დახურვის ნებისმიერი მცდელობა ნიშნავს, რომ კანონის წინააღმდეგ მიდიხარ, ეს აბსოლუტური ჭეშმარიტებაა. დახურული ფონდებიც არის, მაგრამ ყველასთვის ნათელია, რომ ამ შემთხვევაში რაღაც სიბნელესთან გვაქვს საქმე. „იავნანას" რომ დაარქმევ და ბავშვებთან ურთიერთობა რომ გექნება, იქ დასამალი რა უნდა გქონდეს?! ინკასაცია ბანკში რატომ არ კეთდებოდა? ადამიანი, რომელიც საკუთარ ღირსებას პატივს სცემს, პირველ რიგში, თვითონ იქნება დაინტერესებული, რომ ყველა თეთრი, რომელიც საზოგადოების ჯიბიდან მოდის, საქველმოქმედო საქმიანობაში იყოს გათვლილი, რომ ღმერთმა დაიფაროს და რამე ჩრდილი არ მიაყენოს საკუთარ სახელსა და ღირსებას. ისე, ვფიქრობ, რომ თუ ეს ყველაფერი სიმართლეა, იმაზე მეტი სასჯელი, რასაც ზნეობა და მორალი გამოუტანს, რომელ სისხლის სამართალში შეიძლება იყოს მსგავსი მუხლი?! რა სასჯელი შეიძლება მიესაჯოს იმაზე მეტი, რასაც საზოგადოება მიუსჯის?!


ნაცვლიშვილის თქმით, გიორგი მარგველაშვილი ექსპრეზიდენტის უკანასკნელი დასაყრდენია საქართველოში

გენერალური პროკურორის ყოფილი მოადგილე ლაშა ნაცვლიშვილი საქართველოს მოქმედი და ყოფილი პრეზიდენტების მიერ ტანდემში წარმოებულ კამპანიაზე საუბრობს.

ქვემო ქართლის პოლიციაში 20-მდე ბაზრის მოვაჭრეს კითხავენ

ქვემო ქართლის სამხარეო პოლიციაში ბაზრის მოვაჭრეების დაკითხვა გრძელდება.

ნაცვლიშვილის თქმით, მარგველაშვილი შეცდომა იყო და საბოლოო ჯამში მიშას "პლასტელინი" გამოდგა

გენერალური პროკურორის ყოფილი მოადგილე ლაშა ნაცვლიშვილი გიორგი მარგველაშვილს, ისევე როგორც კოჰაბიტაციას „ქართული ოცნების“  შეცდომად მიიჩნევს, თუმცა აღნიშნავს, რომ ამ შეცდომის ზუსტად პროგნოზირება შეუძლებელი იყო.

ქუთაისში „საქართველოს ბანკში“ ერთი ადამიანი დაჭრეს

ქუთაისში თაბუკაშვილის ქუჩაზე მდებარე "საქართველოს ბანკის" ფილიალში ერთი ადამიანი დაჭრეს.

არჩილ თალაკვაძის თქმით, თბილისში ჩატარებული სპეცოპერაცია იყო საჭირო და აუცილებელი

საპარლამენტო უმრავლესობის ლიდერი არჩილ თალაკვაძე თბილისში, ისანში, 21-22 ნოემბერს ჩატარებულ სპეცოპერაციას ეხმაურება.

თალაკვაძის თქმით, "ქართული ოცნების" საპრეზიდენტო კანდიდატი იქნება ღირსეული და უალტერნატივო

საპარლამენტო უმრავლესობის ლიდერის არჩილ თალაკვაძის თქმით, მმართველ პარტიას საპრეზიდენტო კანდიდატზე მსჯელობა გუნდში ჯერ არ დაუწყია.

საპარლამენტო ასამბლეაზე ოკუპირებულ ტერიტორიებზე ადამიანის უფლებების საკითხს გაესმევა ხაზი

საქართველოს საპარლამენტო დელეგაცია ევროპის საბჭოს საპარლამენტო ასამბლეის ზამთრის სესიაზე საქართველოს ოკუპირებულ ტერიტორიებზე ადამიანის უფლებათა დაცვის მონიტორინგის საკითხის კიდევ ერთხელ წამოწევას გეგმავს.

 

სუს-მა ტერორიზმის დაფინანსების ბრალდებით ერთი პირი დააკავა

სახელმწიფო უსაფრთხოების სამსახურმა თბილისში, საქართველოს მოქალაქე ანატოლი ბერძენიშვილი დააკავა.

ვოლსკის თქმით, რუსეთის მიმართ მკაცრი დამოკიდებულება მისი ოკუპაციისა და აგრესიის გამოა

პარლამენტის ვიცე-სპიკერის გია ვოლსკის შეფასებით, თუ რუსეთის მიმართ ევროკავშირისა და აშშ-ში დამოკიდებულება ყალიბდება, რომელიც საკმაოდ მკაცრია, ეს განპირობებულია საქართველოს მიმართ რუსეთის ოკუპაციისა და აგრესიის გამო.

საქართველო-უზბეკეთს შორის შესაძლოა, პირდაპირი ფრენები დაინიშნოს

საქართველო-უზბეკეთს შორის შესაძლოა, პირდაპირი ფრენები დაინიშნოს.

 

გაზსადენის რეკონსტრუქციის გამო ისანში რამდენიმე ქუჩაზე გაზმომარაგება შეიზღუდება

ბოჭორმის ქუჩა №27-თან გამავალი ავარიული გაზსადენის რეკონსტრუქციისა და რეგულატორის გადატანის მიზნით, 23 იანვარს,  11:00 საათიდან გაზმომარაგება შეუწყდება ისნის რაიონს.

მაიკ პენსმა იერუსალიმში საელჩოს გადატანის ვადები დაასახელა

ამერიკის ვიცე-პრეზიდენტმა მაიკ პენსმა განაცხადა, რომ ქვეყნის საელჩოს თელ-ავივიდან იერუსალიმში 2019 წლის ბოლომდე გადაიტანენ.

ფილიპინებზე ვულკანმა გაიღვიძა

ფილიპინებზე ვულკანმა მაიონიმ გაიღვიძა.

"ნენსკრა ჰესის მშენებლობას ადგილობრივი მოსახლეობის 80%-ზე მეტი მხარს უჭერს"

„ნენსკრა ჰესის მშენებლობას ადგილობრივი მოსახლეობის 80%-ზე მეტი უჭერს მხარს“,- ამის შესახებ "საქმიან დილაში" მესტიის გამგებელმა კაპიტონ ჟორჟოლიანმა განაცხადა. 

თომას ბახმა გიორგი კვირიკაშვილს სპეციალური მედალი გადასცა

საერთაშორისო ოლიმპიური კომიტეტის პრეზიდენტმა თომას ბახმა საქართველოს პრემიერ-მინისტრს გიორგი კვირიკაშვილს, ოლიმპიური კომიტეტის ყოფილი პრეზიდენტის პიერ დე კუპერტენის მიერ დაარსებული სპეციალური მედალი გადასცა.

უცხოური ვალუტის ოფიციალური კურსი

22 იანვრის ვაჭრობის შედეგად აშშ დოლარი გაუფასურდა და 2.5340 ლარი შეადგინა. კურსი, რომელიც დღეს მოქმედებდა, 2.5429 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.89 თეთრი შეადგინა.

ნარკოპოლიტიკის რეფორმასთან დაკავშირებით კონსულტაციები დაწყებულია

საპარლამენტო უმრავლესობის ლიდერი არჩილ თალაკვაძე, საპარლამენტო უმრავლესობის წევრებთან ერთად, ნარკოპოლიტიკის სფეროში მომუშავე არასამთავრობო ორგანიზაციების წარმომადგენლებს შეხვდა.

სასტუმრო „ლეოგრანდის“ 500 თანამშრომელი უფასო შვებულებაში გაუშვეს

ბათუმში, სასტუმრო „ლეოგრანდის“ 500 თანამშრომელი უფასო შვებულებაში გაუშვეს.

აფეთქებას ტაილანდში 3 ადამიანი ემსხვერპლა, 22 კი დაშავდა

ტაილანდის სამხრეთ პროვინცია იალაში, მაღაზიაში თვითმკვლელი ტერორისტი მოტოციკლეტით შევარდა და თავი აიფეთქა, რის შედეგადაც 3 ადამიანი დაიღუპა და 22 დაშავდა.

ქაბულში გაეროს მისიაზე თავდასხმა მოხდა, არის მსხვერპლი

ავღანეთის დედაქალაქ ქაბულში გაეროს თანამშრომლებზე თავდასხმა მოხდა.

 

ამერიკაში მოსწავლემ კლასელებს მარიხუანის შემცველი „ტკბილეული“ დაურიგა

ამერიკაში, ნიუ-მექსიკის ქალაქ ალბუკერკის სკოლაში, 9 წლის მოსწავლემ თანაკლასელებს ტკბილეული დაურიგა, რომელიც ნარკოტიკულ ნივთიერებებს შეიცავდა. ეს ფაქტი მაშინ  გამოვლინდა, როცა მოსწავლეების ქცევა არაადეკვატური გახდა.