"გაზელ ფაინენსის" ინვესტიციის დახმარებით რესტორნების ქსელმა „დეგუსტომ” ახალი ობიექტი გახსნა

სწრაფი კვების წამყვანმა ობიექტმა "დეგუსტომ", დღეს, "გაზელ ფონდის" მიერ განხორციელებული ინვესტიციის დახმარებით, ახალი ობიექტი გახსნა.

გახსნის ცერემონიალს ეკონომიკისა და მდგრადი განვითარების მინისტრის მოადგილე გიორგი ჩერქეზიშვილი, "დეგუსტოს" ფინანსური დირექტორი გიორგი მუშკუდიანი, "გაზელ ფაინანსის" აღმასრულებელი დირექტორი ჯეფრი ლიბერტი, "გაზელის" საინვესტიციო დირექტორი ნათია ჯანელიძე, აშშ-ს ელჩი საქართველოში იან კელი, ჰოლანდიის ელჩი ჯოშ დოუმა და საპარტნიორო ფონდის აღმასრულებელი დირექტორი დავით საგანელიძე დაესწრნენ.



"გაზელ ფაინანსმა" შპს "გურმანოში" 700,000 აშშ დოლარის ინვესტიცია განახორციელა.


"დეგუსტოს" ობიექტის გახსნაზე ეკონომიკისა და მდგრადი განვითარების მინისტრის მოადგილემ, გიორგი ჩერქეზიშვილმა აღნიშნა, რომ მათი უწყება მიესალმება აღნიშნულ პროექტს და სასიხარულოა, რომ ამ პროექტში საპარტნიორო ფონდია ჩართული. მისივე განმარტებით, ეს კარგ საშუალებას იძლევა საქართველოში მცირე და საშუალო ბიზნესის განვითარებისათვის.


"დეგუსტოს" ფინანსური დირექტორის, გიორგი მუშკუდიანის განცხადებით, "გაზელ ფაინენსის" მიერ გაწეული ფინანსური და პარტნიორული მხარდაჭერა მათ ქსელის სწრაფი ტემპით გაფართოების საშუალებას მისცემს.


"გაზელ ფაინანსის" მიერ გაწეული ფინანსური და პარტნიორული მხარდაჭერა საშუალებას მოგვცემს, საქართველოში ჩვენი ქსელი სწრაფი ტემპით გავაფართოვოთ. ჩვენი საბოლოო მიზანია, მომხმარებელს ჯანსაღი, ახლად დამზადებული კერძები მივაწოდოთ", - აცხადებს გიორგი მუშკუდიანი.


"გაზელის" საინვესტიციო დირექტორმა, ნათია ჯანელიძემ ადგილობრივი ბრენდის ხელშეწყობაზეც გაამახვილა ყურადღება და აღნიშნა, რომ ინვესტიცია, გარდა კომერციული ეფექტისა, დამატებითი სამუშაო ადგილების შექმნას შეუწყობს ხელს.


"დეგუსტო" "გაზელ ფაინანსის" პირველი წარმატებული ინვესტიციაა, ჩვენ ხელს ვუწყობთ ადგილობრივ ბრენდს განვითარებაში. ისინი თბილისის ტერიტორიაზე, დამატებით 7 ობიექტს გახსნიან, ეს არის კომპანია, რომელიც ჯანსაღ პროდუქტს მომხმარებელს შედარებით ხელმისაწვდომ ფასად სთავაზობს. ინვესტიციის მიზანი, გარდა კომერციული ეფექტისა, დამატებითი სამუშაო ადგილის შექმნაა “,-აღნიშნა "გაზელის" საინვესტიციო დირექტორმა, ნათია ჯანელიძემ.


"გაზელ ფონდის" მიერ განხორციელებული ინვესტიცია "დეგუსტოს" საშუალებას მისცემს, სწრაფად გააფართოოს საკუთარი ქსელი თბილისის მასშტაბით და ორწლიან პერიოდში ობიექტების რაოდენობა ხუთიდან თორმეტამდე გაზარდოს, რის შედეგადაც, ბაზარზე 100-ზე მეტი დამატებითი სამუშაო ადგილი შეიქმნება.


როგორც საპარტნიორო ფონდის აღმასრულებელმა დირექტორმა, დავით საგანელიძემ განაცხადა, სასიხარულოა, რომ "გაზელის ფონდი" საქართველოშია წარმოდგენილი. მისივე თქმით, ასეთი ქართული ქსელის, სწრაფი კვების ობიექტების გახსნა ტურიზმის განვითარებასაც შეუწყობს ხელს.


"ძალიან სასიხარულოა, რომ "გაზელის ფონდი" წარმოდგენილია საქართველოში და ეს მისი პირველი პროექტის განხორციელებაა. "გაზელის ფონდში" ამერიკული "ოპიკი", ჰოლანდიის ორი საინვესტიციო ბანკი და საპარტნიორო ფონდი მონაწილეობენ. ის ორიენტირებულია, რომ საქართველოში ფინანსური აქტივების 70% იყოს დაბანდებული. "დეგუსტოს" ქსელის განვითარება საკმაოდ საინტერესოა, ტურიზმის აღმასვლას ყველა ვხედავთ და რაც მეტი ასეთი ქართული ქსელის სწრაფი კვების ობიექტი გაიხსნება, მით უკეთესი იქნება", - განაცხადა დავით საგანელიძემ.


ამერიკის ელჩი საქართველოში იან კელი დადებითად აფასებს "დეგუსტოს" ახალი ობიექტის გახსნას. მისივე თქმით, ეს არის "გაზელის" პირველი ამერიკული ინვესტიცია და ასევე მოხარულნი არიან იმით, რომ საქართველოში ინვესტიციას "ოპეკიც" ახორციელებს.


ჰოლანდიის ელჩმა, ჯოშ დოუმამ, დამსწრე საზოგადოებას "დეგუსტოს" გახსნა მიულოცა. მან საქართველოში მსხვილი ფინანსური ინსტიტუტის, "საპარტნიორო ფონდისა" და ჰოლანდიური განვითარების ბანკის თანამშრომლობის (FMO) მნიშვნელობაზე ისაუბრა და იმედი გამოთქვა, რომ ეს ურთიერთობა უფრო გაღრმავდება.


აღსანიშნავია, რომ პირდაპირი უცხოური ინვესტიციების მოზიდვის მიზნით გატარებული რეფორმების კუთხით, საქართველოს რეგიონში მოწინავე პოზიცია უჭირავს. "გაზელ ფონდი" ადგილობრივ და საერთაშორისო ინსტიტუციონალურ ინვესტორებს შორის კონსტრუქციული თანამშრომლობის შესანიშნავ მაგალითს წარმოადგენს, რომელიც ევროპისა და აშშ-ს განვითარების ფინანსური ინსტიტუტების, მათ შორის, FMO-ს (ჰოლანდიური განვითარების ბანკი), ჰოლანდიის სახელმწიფო საინვესტიციო ფონდის (DGGF), ამერიკის მთავრობის საზღვარგარეთ ინვესტიციების კორპორაციისა (OPIC) და საქართველოს ერთ-ერთი ყველაზე მსხვილი სახელმწიფო ფინანსური ინსტიტუტის, სს „საპარტნიორო ფონდის“ მხარდაჭერით სარგებლობს.


"დეგუსტოს" საქმიანობა 2015 წელს დაიწყო და ამჟამად, თბილისში ის ხუთი სწრაფი კვების ობიექტითაა წარმოდგენილი. რესტორნების ქსელი მომხმარებელს ადგილობრივი წარმოების ინგრედიენტებისგან დამზადებულ ქართულ-ევროპულ კერძებს ხელმისაწვდომ ფასად თანამედროვე და სასიამოვნო გარემოში სთავაზობს.
"დეგუსტოს" სწრაფი კვების იაფიან ობიექტებსა და სრული სერვისის მქონე რესტორნებს შორის შუალედური ნიშა უჭირავს. ამასთანავე, ის მზა პროდუქციის მიწოდებას კორპორაციული კლიენტებისთვის, როგორიცაა სუპერმარკეტების მსხვილი ქსელი საქართველოში – "კარფური" წარმატებით ახორციელებს.


"დეგუსტომ" ქართული დიზაინის აქცენტების გამოყენებით, ყურადღებიანი და თავაზიანი პერსონალით, მარტივად შეძლო ერთგული კლიენტურის მოპოვება.


2017 წელს საქართველოს მშპ-ის 4%-ანი ზრდისა და ტურიზმის 20%-ანი მატების ფონზე, რესტორნების ქსელი შეძლებს, ეფექტურად უპასუხოს საშუალო კლასისა და მრავალფეროვანი საერთაშორისო კლიენტების მზარდ მოთხოვნას.


"გაზელ ფაინანსი" კი ინვესტიციების მმართველ კომპანიას წარმოადგენს, რომელიც კერძო წარმომადგენლობებს ფლობს ევრაზიის რეგიონში და მიზნად ისახავს ორმაგი ამოცანის შესრულებას: ფინანსური უკუგების მიღებას მის მიერ მართული ფონდებიდან და სოციალური თუ სხვა კეთილდღეობის უზრუნველყოფას იმ ქვეყნებში, სადაც საინვესტიციო ფონდები ეწევიან თავიანთ საქმიანობას.


"გაზელ ფაინანსის" მიერ "გაზელ ფონდის" დაფუძნება ევრაზიის რეგიონში ზრდის პოტენციალს და კაპიტალის საჭიროებების მქონე მცირე და საშუალო მეწარმეთათვის ინვესტიციებისადმი გამარტივებული წვდომის უზრუნველყოფას ემსახურება. დღესდღეობით, "გაზელ ფაინანსის" ოფისები საქართველოსა და სომხეთშია წარმოდგენილი.


კომპანია საქმიანობის გაფართოებას რეგიონის სხვა ქვეყნებშიც გეგმავს. "გაზელ ფაინანსის" ინვესტიციების მმართველ კომპანიად ჩამოყალიბებაში დიდი როლი შეასრულა "ევრაზიის ფონდმა" – არასამთავრობო ორგანიზაციამ, რომელიც ხელს უწყობს მცირე ბიზნესის განვითარებასა და დემოკრატიული ჩართულობის გაძლიერებას ევრაზიასა და ახლო აღმოსავლეთში.


განათლების საერთაშორისო ცენტრის სტიპენდიანტთა ფორუმის მონაწილეებს მაია ცქიტიშვილი და ლევან დავითაშვილი თანამშრომლობის პერსპექტივებზე ესაუბრნენ

განათლების საერთაშორისო ცენტრის სტიპენდიანტთა ასოციაციის წევრები, კურსდამთავრებულებთან ერთად, მაია ცქიტიშვილი და ლევან დავითაშვილი იქნებიან.

აჭარის ავტონომიური რესპუბლიკის მთავრობას დღეიდან თორნიკე რიჟვაძე უხელმძღვანელებს

დღეიდან აჭარის ავტონომიური რესპუბლიკის მთავრობას თორნიკე რიჟვაძე უხელმძღვანელებს.

"ევროპულმა საქართველომ" დავით ბაქრაძე საპრეზიდენტო კანდიდატად წარადგინა

საქართველოს პარლამენტის ყოფილი თავმჯდომარე დავით ბაქრაძე  2018 წლის საპრეზიდენტო არჩევნებში, საპრეზიდენტო კანდიდატი იქნება. 

დედაქალაქის მერმა კიკეთში ქუჩების სარეაბილიტაციო სამუშაოები დაათვალიერა

თბილისის მერიის ინფრასტრუქტურის განვითარების საქალაქო სამსახური მთაწმინდის რაიონში, დაბა კიკეთში, ცომაიასა და თაყაიშვილის ქუჩების კაპიტალურ რეაბილიტაციას აწარმოებს. 

შავი ზღვის ჯაზ ფესტივალი - ფოტოები

შავი ზღვის რიგით მე-12 ჯაზ ფესტივალი 19 ივლისს „ბლექ სი არენაზე“ „ლედ ზეპელინის“ ლეგენდარული ფრონტმენის, რობერტ პლანტის კონცერტით გაიხსნა.

საქართველოს პარლამენტმა „დაგროვებითი პენსიის შესახებ“ კანონი მიიღო

„დაგროვებითი პენსიის შესახებ“ კანონპროექტი, თანმდევ საკანონმდებლო ცვლილებებთან ერთად, საქართველოს პარლამენტმა 21 ივლისს მესამე მოსმენით მიიღო.

ქობულეთში ქურდობის მცდელობის ფაქტზე 1 პირი დააკავეს

შსს-ს აჭარის პოლიციის დეპარტამენტის ქობულეთის რაიონული სამმართველოს თანამშრომლებმა, სადგომში ან სხვა საცავში უკანონო შეღწევით ჩადენილი ქურდობის მცდელობის ფაქტზე, 1999 წელს დაბადებული თ.ბ. ქობულეთში დააკავეს.

გლოვის დღე ტყიბულში - გარდაცვლილ 3 მეშახტეს დღეს დაკრძალავენ

ტყიბულში, მინდელის სახელობის შახტში გარდაცვლილ 3 მეშახტეს დღეს დაკრძალავენ, ერთის დაკრძალვა კი ხვალ გაიმართება.

ცრუ ჩვენების მიცემის ბრალდებით დაკავებულ არასრულწლოვანს წინასწარი პატიმრობა შეეფარდა

ხორავას ქუჩაზე მოზარდების მკვლელობის საქმეზე, ცრუ ჩვენების მიცემის ბრალდებით დაკავებულ არასრულწლოვან დ.ღ-ს წინასწარი პატიმრობა შეეფარდა.

შსს-ს პოლიციის აკადემიაში უმაღლესი განათლების კომპონენტი უქმდება

დღეს საქართველოს პარლამენტმა მესამე მოსმენით დაამტკიცა ცვლილებები “უმაღლესი განათლების შესახებ” და “პოლიციის შესახებ” საქართველოს კანონებში.

ცრუ ჩვენების მიცემის გამო დაკავებული არასრულწლოვნის საქმეზე სასამართლო რამდენიმე წუთში დაიწყება

ხორავას ქუჩაზე მოზარდებს შორის მომხდარი სისხლიანი გარჩევის საქმეზე, ცრუ ჩვენების მიცემის გამო დაკავებული დ.ღ-ს აღმკვეთ ღონისძიებაზე სასამართლო 12:00 საათზე იმსჯელებს.

ივერთუბნის დასახლებაში აგიაშვილის ქუჩაზე ასფალტის საფარი დაიგო

ჩუღურეთის რაიონში, ივერთუბნის დასახლებაში საგზაო ინფრასტრუქტურის მოწესრიგება დაიწყო. 4800 მ2 ფართობის აგიაშვილის ქუჩაზე ასფალტის ორფენიანი საფარი დაიგო.

კანონიერ ქურდობაში ბრალდებულ მინდია ლავასოღლის 12 წლით თავისუფლების აღკვეთა მიესაჯა

სასამართლომ კანონიერ ქურდობაში ბრალდებულ მინდია ლავასოღლის 12 წლით თავისუფლების აღკვეთა მიუსაჯა.

22 ივლისს Bavaria-ს ლუდის ფესტივალს თელავი უმასპინძლებს

კახეთი Bavaria-ს ლუდის ფესტივალის მასპინძელია. 22 ივლისს თელავში Bavaria-ს ლუდის, რიგით მეოთხე ფესტივალი გაიმართება, სადაც სიურპრიზის სახით Bavaria-ს სამშობლოში მოგზაურობა გათამაშდება.

"ერთიანი აგროპროექტის" ფარგლებში ბაღდათის რაიონში ფერმერმა სასოფლო-სამეურნეო ტექნიკა შეიძინა

"ერთიანი აგროპროექტის" ფარგლებში, "აგროწარმოების ხელშეწყობის პროგრამის" ბენეფიციარმა გოჩა ივანეიშვილმა, სოფელ ჭინჭარაულში 1.25 ჰა მიწის ფართობზე მარწყვის ბაღი გააშენა და სასოფლო-სამეურნეო ტექნიკა შეიძინა.

იგოეთთან ტრაილერი მიკროავტობუსს შეეჯახა - არის მსხვერპლი

თბილისი–სენაკი–ლესელიძის საავტომობილო გზის 55 კმ-ზე, ცენტრალური ავტობანის, იგოეთის მონაკვეთთან დღეს დილით, ავარია მოხდა. ერთმანეთს მიკროავტობუსი და ტრაილერი შეეჯახა.

შსს-მ საქართველოში დიდი ოდენობით ნარკოტიკული საშუალების უკანონოდ შემოტანის ფაქტი აღკვეთა

შინაგან საქმეთა სამინისტრომ საქართველოში დიდი ოდენობით ნარკოტიკული საშუალების უკანონოდ შემოტანის ფაქტი აღკვეთა.

პარლამენტთან დაკავშირებული ყველა საჯარო ინფორმაცია ადვილად ხელმისაწვდომი გახდა  

საქართველოს პარლამენტის ოფიციალური ვებპორტალის კანონმდებლობის გვერდს ახალი აპლიკაცია - "საინფორმაციო სისტემა" (https://info.parliament.ge/ beta/) დაემატა, რომელიც ხელმისაწვდომს ხდის საჯარო ინფორმაციას. 

ბორჯომში, ავარიას 26 წლის კაცის სიცოცხლე ემსხვერპლა

ბორჯომ-ბაკურიანის დამაკავშირებელ საავტომობილო გზაზე ავტოსაგზაო შემთხვევის შედეგად 26 წლის მამაკაცი გარდაიცვალა.

მამუკა მდინარაძე: ნებისმიერი ადამიანი, ვინც ფიქრობს არჩევნებზე, დარწმუნებულია, რომ „ოცნების“ კონკურენტი არ შეიძლება რომელიმე კანდიდატი იყოს

ფრაქცია „ქართული ოცნების“ თავმჯდომარე მამუკა მდინარაძე მიიჩნევს, რომ მისი პარტიის მიერ დასახელებულ კანდიდატს კონკურენტი არ ეყოლება და სჯერა, საზოგადოებაც  ასე ფიქრობს:

მარგველაშვილი: არიან ადამიანები ქართულ პოლიტიკაში, არა მარტო ხელისუფლებაში, ოპოზიციაშიც, ვინც კარიერას პრეზიდენტის კრიტიკაზე აკეთებენ

საქართველოს პრეზიდენტი გიორგი მარგველაშვილი მიიჩნევს, რომ გარკვეული პოლიტიკოსები  საკუთარ პოლიტიკურ კარიერას მისი კრიტიკით იქმნიან: