ევროპის მაუწყებელთა კავშირი საქართველოში მიმდინარე პროცესზე შეშფოთებას გამოთქვამს

ევროპის მაუწყებელთა კავშირის გენერალური დირექტორი ნოელ კარანი საქართველოს პარლამენტის თავმჯდომარეს, ირაკლი კობახიძეს წერილით მიმართავს. 

 წერილში გამოთქმულია შეშფოთება საკანონმდებლო ინიციატივის გამო, რომელიც საქართველოს საზოგადოებრივი მაუწყებლის დაფინანსების მოდელის შესაცვლელად მინიმალური დაფინანსების გარანტიის გაუქმებას ეხება, რაც ამჟამად განსაზღვრულია მშპ-ს ფიქსირებული პროცენტით.


ამის შესახებ ინფორმაციას საქართველოს საზოგადოებრივი მაუწყებელი ავრცელებს.


ევროპის მაუწყებელთა კავშირის გენერალური დირექტორის წერილს უცვლელად გთავაზობთ:


„როგორც ევროპის მაუწყებელთა საზოგადოებრივი სამსახურის პროფესიული ასოციაციის, ევროპის მაუწყებელთა კავშირის გენერალური დირექტორი, გწერთ, რათა გამოვხატოთ ჩვენი უდიდესი შეშფოთება საკანონმდებლო ინიციატივის გამო, რომელიც საქართველოს საზოგადოებრივი მაუწყებლის დაფინანსების მოდელის შესაცვლელად მინიმალური დაფინანსების გარანტიის გაუქმებას ეხება, რაც ამჟამად განსაზღვრულია მშპ-ს ფიქსირებული პროცენტით.


სახელმწიფო ბიუჯეტიდან საზოგადოებრივი მედიის დაფინანსება მინიმალური გარანტიების გარეშე საზოგადოებრივ მედიას აყენებს უფრო დიდი პოლიტიკური გავლენისა და ჩარევის წინაშე, ეს კი შესაძლოა, უარყოფითად აისახოს მის სანდოობაზე და საქართველოს მოქალაქეების მხრიდან ნდობაზე.


საქართველოს საზოგადოებრივი მაუწყებლის დაფინანსების ამჟამინდელი მოდელი ცდილობს, მიუახლოვდეს ევროპის საბჭოს მიერ განსაზღვრულ მინიმალურ ევროპულ სტანდარტებს, კერძოდ მინისტრთა კომიტეტის (1996)10 და 2012(1) რეკომენდაციებს და საპარლამენტო ასამბლეის 1878(2009) და 2111(2017) რეკომენდაციებს. სახელმწიფო ვალდებულია, უზრუნველყოს საზოგადოებრივი მედიის მდგრადი დაფინანსება.


ამჟამინდელი დებულებები, კერძოდ, მაუწყებლობის შესახებ საქართველოს კანონის 33-ე მუხლის მე-5 პარაგრაფი, უზრუნველყოფს დაფინანსების მინიმალურ პროგნოზირებადობას და სტაბილურობას და წარმოადგენს დაცვის გარკვეულ გარანტიას პოლიტიკური ჩარევის წინააღმდეგ, რაც შეესაბამება ევროპის მაუწყებელთა კავშირის მიერ განსაზღვრულ საუკეთესო პრაქტიკას. საზოგადოებრივ მედიას საზოგადოების ყველა მოქალაქისა და ჯგუფის ინფორმირების, განათლებისა და გართობის ვალდებულება აქვს, ეს კი მოითხოვს ხარჯების გრძელვადიან დაგეგმვას. თუ არ იქნება უზრუნველყოფილი დაფინანსების პროგნოზირებადობისა და სტაბილურობის მინიმალური დონე, საზოგადოებრივი მედია ვერ შეძლებს საზოგადოებრივი ინტერესის კონტენტის პროდუქციასთან დაკავშირებით სტრატეგიული გადაწყვეტილებების მიღებას და ძირითადი კულტურული და სპორტული მოვლენების გასაშუქებლად უფლებების შეძენასთან დაკავშირებით მოლაპარაკებების წარმოებას.


სახელმწიფო ბიუჯეტთან დაკავშირებული ყოველწლიურ გადაწყვეტილებებზე საზოგადოებრივი მაუწყებლის დამოკიდებულება საფრთხეს შეუქმნის ძალისხმევას, რომელიც მიმართულია ქართული კანონმდებლობის ევროპულ სტანდარტებთან მიახლოებისკენ, ასევე მრავალწლიანი დაფინანსების ჩარჩოს უზრუნველყოფის ძალისხმევასა და დაფინანსების შესახებ გადაწყვეტილებების გაუმართლებელი პოლიტიკური ჩარევის მიზნით გამოყენებისგან დაცვის გარანტიებს.
ამგვარი დაცვითი გარანტიები განსაკუთრებით მნიშვნელოვანია, როდესაც დაფინანსება ხდება სახელმწიფო ბიუჯეტიდან, რადგან ბიუჯეტთან დაკავშირებული გადაწყვეტილებები პოლიტიკურია. შესაბამისად, ბევრმა ქვეყანამ, რომელიც საზოგადოებრივ მედიას სახელმწიფო ბიუჯეტიდან აფინანსებს, კანონით ან მრავალმხრივი შეთანხმებებით განსაზღვრა მინიმალური თანხები აბსოლუტური ციფრებით ინფლაციის გათვალისწინებით ან მშპ-სა ან სახელმწიფო ბიუჯეტის პროცენტის სახით. 2015 წელს, ევროპის მაუწყებელთა კავშირის საინფორმაციო სამსახურის მიერ შესრულებული ყოველწლიური ანალიზის მონაცემებით, ევროპის მაუწყებელთა კავშირის წევრებს შორის საზოგადოებრივი მედიის დაფინანსება წარმოადგენდა საშუალოდ მშპ-ს 0.19 პროცენტს.


იმის მიუხედავად, რომ თითოეულმა ქვეყანამ დამოუკიდებლობის დაცვის შესაბამისი მექანიზმები თავად უნდა შეარჩიოს თავისი საკონსტიტუციო სისტემებისა და საკანონმდებლო ტრადიციების შესაბამისად, არსებული დაცვითი მექანიზმის გაუქმება ეკვივალენტური გარანტიების გარეშე ევროპულ სტანდარტებთან აშკარა წინააღმდეგობაში მოვა.


პრაქტიკა აჩვენებს, რომ ძალიან რთულია ბიუჯეტიდან საზოგადოებრივი მედიის დაფინანსებასთან დაკავშირებით პოლიტიკური კონსენსუსის მიღწევა, ძალიან ხშირად პოლიტიკური დისკუსია საზოგადოებრივ მედიას განუსაზღვრელი ვადით გაურკვეველი დაფინანსებით ტოვებს, რასაც განსაკუთრებული გავლენა აქვს მის პროდუქციაზე და შესაძლოა, შედეგად აუდიტორიისა და საზოგადოებრივი ნდობის დაკარგვაც კი გამოიწვიოს.


ამასთანავე, ასეთი მნიშვნელოვანი საკანონმდებლო შესწორების მიღება ფართო საზოგადოებრივი კონსულტაციების, საქართველოს საზოგადოებრივი მაუწყებლის ჩართულობისა და შედეგების სათანადო შეფასების გარეშე, ამ ინიციატივის ლეგიტიმურობასთან დაკავშირებით სერიოზულ შეშფოთებას წარმოშობს.
ბოლო რამდენიმე წლის განმავლობაში საქართველოს საზოგადოებრივი მაუწყებელი მიმართავს მნიშვნელოვან ძალისხმევას, რათა მოქალაქეების ნამდვილ სამსახურში ჩადგეს და ნელნელა პროგრესს აღწევს ყველა მოქალაქისა და საზოგადოების სხვადასხვა სექტორის ხარისხიანი კონტენტით უზრუნველყოფის, ინფორმირებულობის, განათლებისა და გართობის ვალდებულებების შესრულებაში. ევროპის მაუწყებელთა კავშირი საქართველოს საზოგადოებრივი მაუწყებელს ამ რეფორმების დაჩქარებაში სტრატეგიულ, ლეგალურ და პროფესიულ დახმარებას უწევს. ამ მნიშვნელოვან მომენტსა და რეფორმების მიმდინარეობის შუა პერიოდში დაფინანსების მექანიზმის შეცვლას საზიანო ეფექტი ექნება არა მხოლოდ რეფორმებზე, არამედ, რაც უფრო მნიშვნელოვანია, მაუწყებლის შესაძლებლობაზე, შეასრულოს თავისი ვალდებულებები, შესაბამისად, ეს სერიოზულად დააზარალებს უკვე მიღწეულ პროგრესს.


საქართველოს საზოგადოებრივი მაუწყებლის დაფინანსების მთლიანად მთავრობის ხელში გადასვლის ინიციატივა მხოლოდ გაზრდის მაუწყებლის დამოუკიდებლობის სისუსტეს. ეს გააუქმებს ყველა გარეგნულ ნიშანს ეფექტიანი საზოგადოებრივი მედიისა, რომელსაც შეუძლია, ერთიან და დემოკრატიულ საზოგადოების განვითარების ხელშეწყობა.


მოგიწოდებთ, არ მიიღოთ ეს ინიციატივა, რომელიც საზოგადოებრივი მაუწყებლის სერიოზულ დესტაბილიზაციას მოახდენს და საფრთხის წინაშე დააყენებს მას და ვთვლით, რომ გაანადგურებს საზოგადოებრივ მაუწყებელს“, – აცხადებს ევროპის მაუწყებელთა კავშირის გენერალური დირექტორი ნოელ კარანი.


ფრაქცია „ნაციონალურმა მოძრაობამ“ პარლამენტში საკანონმდებლო ცვლილებების ინიცირება მოახდინა, რომლის თანახმადაც,  საზოგადოებრივი მაუწყებლისთვის ბიუჯეტიდან გამოსაყოფი თანხის ოდენობა მხარჯავი დაწესებულების მიერ წარდგენილი პროექტის საფუძველზე განისაზღვრება. კანონპროექტის ავტორი რომან გოცირიძეა. ცვლილებებით,  მაუწყებლისთვის დაფინანსების ოდენობის მინიმალური პროცენტული ზღვარი უქმდება.


სიახლეები მსგავს თემაზე

საზოგადოებრივი მაუწყებლის სამეურვეო საბჭოს წევრად გიორგი იაკობაშვილი დაამტკიცეს

საზოგადოებრივი მაუწყებლის სამეურვეო საბჭოს წევრად საქართველოს პარლამენტმა გიორგი იაკობაშვილი დაამტკიცა. კენჭისყრა პარლამენტში რამდენიმე წუთის წინ გაიმართა.

საზოგადოებრივი მაუწყებლობის შესახებ კანონში ცვლილებები იგეგმება

პარლამენტის საფინანსო-საბიუჯეტო კომიტეტი საზოგადოებრივი მაუწყებლობის შესახებ კანონში რამდენიმე ცვლილების შეტანის საკითხზე იმსჯელებს. 

2018 წელს საზოგადოებრივი მაუწყებლის დაფინანსება 52,100 მილიონი ლარი გახდება

2018 წლის სახელმწიფო ბიუჯეტის პროექტის თანახმად, საზოგადოებრივი მაუწყებლის დაფინანსება 5 695 000 ლარით იზრდება.  ფინანსთა სამინისტრომ პარლამენტს ბიუჯეტი უკვე წარუდგინა.   

განათლების საერთაშორისო ცენტრის სტიპენდიანტთა ფორუმის მონაწილეებს მაია ცქიტიშვილი და ლევან დავითაშვილი თანამშრომლობის პერსპექტივებზე ესაუბრნენ

განათლების საერთაშორისო ცენტრის სტიპენდიანტთა ასოციაციის წევრები, კურსდამთავრებულებთან ერთად, მაია ცქიტიშვილი და ლევან დავითაშვილი იქნებიან.

აჭარის ავტონომიური რესპუბლიკის მთავრობას დღეიდან თორნიკე რიჟვაძე უხელმძღვანელებს

დღეიდან აჭარის ავტონომიური რესპუბლიკის მთავრობას თორნიკე რიჟვაძე უხელმძღვანელებს.

"ევროპულმა საქართველომ" დავით ბაქრაძე საპრეზიდენტო კანდიდატად წარადგინა

საქართველოს პარლამენტის ყოფილი თავმჯდომარე დავით ბაქრაძე  2018 წლის საპრეზიდენტო არჩევნებში, საპრეზიდენტო კანდიდატი იქნება. 

დედაქალაქის მერმა კიკეთში ქუჩების სარეაბილიტაციო სამუშაოები დაათვალიერა

თბილისის მერიის ინფრასტრუქტურის განვითარების საქალაქო სამსახური მთაწმინდის რაიონში, დაბა კიკეთში, ცომაიასა და თაყაიშვილის ქუჩების კაპიტალურ რეაბილიტაციას აწარმოებს. 

შავი ზღვის ჯაზ ფესტივალი - ფოტოები

შავი ზღვის რიგით მე-12 ჯაზ ფესტივალი 19 ივლისს „ბლექ სი არენაზე“ „ლედ ზეპელინის“ ლეგენდარული ფრონტმენის, რობერტ პლანტის კონცერტით გაიხსნა.

საქართველოს პარლამენტმა „დაგროვებითი პენსიის შესახებ“ კანონი მიიღო

„დაგროვებითი პენსიის შესახებ“ კანონპროექტი, თანმდევ საკანონმდებლო ცვლილებებთან ერთად, საქართველოს პარლამენტმა 21 ივლისს მესამე მოსმენით მიიღო.

ქობულეთში ქურდობის მცდელობის ფაქტზე 1 პირი დააკავეს

შსს-ს აჭარის პოლიციის დეპარტამენტის ქობულეთის რაიონული სამმართველოს თანამშრომლებმა, სადგომში ან სხვა საცავში უკანონო შეღწევით ჩადენილი ქურდობის მცდელობის ფაქტზე, 1999 წელს დაბადებული თ.ბ. ქობულეთში დააკავეს.

გლოვის დღე ტყიბულში - გარდაცვლილ 3 მეშახტეს დღეს დაკრძალავენ

ტყიბულში, მინდელის სახელობის შახტში გარდაცვლილ 3 მეშახტეს დღეს დაკრძალავენ, ერთის დაკრძალვა კი ხვალ გაიმართება.

ცრუ ჩვენების მიცემის ბრალდებით დაკავებულ არასრულწლოვანს წინასწარი პატიმრობა შეეფარდა

ხორავას ქუჩაზე მოზარდების მკვლელობის საქმეზე, ცრუ ჩვენების მიცემის ბრალდებით დაკავებულ არასრულწლოვან დ.ღ-ს წინასწარი პატიმრობა შეეფარდა.

შსს-ს პოლიციის აკადემიაში უმაღლესი განათლების კომპონენტი უქმდება

დღეს საქართველოს პარლამენტმა მესამე მოსმენით დაამტკიცა ცვლილებები “უმაღლესი განათლების შესახებ” და “პოლიციის შესახებ” საქართველოს კანონებში.

ცრუ ჩვენების მიცემის გამო დაკავებული არასრულწლოვნის საქმეზე სასამართლო რამდენიმე წუთში დაიწყება

ხორავას ქუჩაზე მოზარდებს შორის მომხდარი სისხლიანი გარჩევის საქმეზე, ცრუ ჩვენების მიცემის გამო დაკავებული დ.ღ-ს აღმკვეთ ღონისძიებაზე სასამართლო 12:00 საათზე იმსჯელებს.

ივერთუბნის დასახლებაში აგიაშვილის ქუჩაზე ასფალტის საფარი დაიგო

ჩუღურეთის რაიონში, ივერთუბნის დასახლებაში საგზაო ინფრასტრუქტურის მოწესრიგება დაიწყო. 4800 მ2 ფართობის აგიაშვილის ქუჩაზე ასფალტის ორფენიანი საფარი დაიგო.

კანონიერ ქურდობაში ბრალდებულ მინდია ლავასოღლის 12 წლით თავისუფლების აღკვეთა მიესაჯა

სასამართლომ კანონიერ ქურდობაში ბრალდებულ მინდია ლავასოღლის 12 წლით თავისუფლების აღკვეთა მიუსაჯა.

22 ივლისს Bavaria-ს ლუდის ფესტივალს თელავი უმასპინძლებს

კახეთი Bavaria-ს ლუდის ფესტივალის მასპინძელია. 22 ივლისს თელავში Bavaria-ს ლუდის, რიგით მეოთხე ფესტივალი გაიმართება, სადაც სიურპრიზის სახით Bavaria-ს სამშობლოში მოგზაურობა გათამაშდება.

"ერთიანი აგროპროექტის" ფარგლებში ბაღდათის რაიონში ფერმერმა სასოფლო-სამეურნეო ტექნიკა შეიძინა

"ერთიანი აგროპროექტის" ფარგლებში, "აგროწარმოების ხელშეწყობის პროგრამის" ბენეფიციარმა გოჩა ივანეიშვილმა, სოფელ ჭინჭარაულში 1.25 ჰა მიწის ფართობზე მარწყვის ბაღი გააშენა და სასოფლო-სამეურნეო ტექნიკა შეიძინა.

იგოეთთან ტრაილერი მიკროავტობუსს შეეჯახა - არის მსხვერპლი

თბილისი–სენაკი–ლესელიძის საავტომობილო გზის 55 კმ-ზე, ცენტრალური ავტობანის, იგოეთის მონაკვეთთან დღეს დილით, ავარია მოხდა. ერთმანეთს მიკროავტობუსი და ტრაილერი შეეჯახა.

შსს-მ საქართველოში დიდი ოდენობით ნარკოტიკული საშუალების უკანონოდ შემოტანის ფაქტი აღკვეთა

შინაგან საქმეთა სამინისტრომ საქართველოში დიდი ოდენობით ნარკოტიკული საშუალების უკანონოდ შემოტანის ფაქტი აღკვეთა.

პარლამენტთან დაკავშირებული ყველა საჯარო ინფორმაცია ადვილად ხელმისაწვდომი გახდა  

საქართველოს პარლამენტის ოფიციალური ვებპორტალის კანონმდებლობის გვერდს ახალი აპლიკაცია - "საინფორმაციო სისტემა" (https://info.parliament.ge/ beta/) დაემატა, რომელიც ხელმისაწვდომს ხდის საჯარო ინფორმაციას. 

ბორჯომში, ავარიას 26 წლის კაცის სიცოცხლე ემსხვერპლა

ბორჯომ-ბაკურიანის დამაკავშირებელ საავტომობილო გზაზე ავტოსაგზაო შემთხვევის შედეგად 26 წლის მამაკაცი გარდაიცვალა.

მამუკა მდინარაძე: ნებისმიერი ადამიანი, ვინც ფიქრობს არჩევნებზე, დარწმუნებულია, რომ „ოცნების“ კონკურენტი არ შეიძლება რომელიმე კანდიდატი იყოს

ფრაქცია „ქართული ოცნების“ თავმჯდომარე მამუკა მდინარაძე მიიჩნევს, რომ მისი პარტიის მიერ დასახელებულ კანდიდატს კონკურენტი არ ეყოლება და სჯერა, საზოგადოებაც  ასე ფიქრობს:

მარგველაშვილი: არიან ადამიანები ქართულ პოლიტიკაში, არა მარტო ხელისუფლებაში, ოპოზიციაშიც, ვინც კარიერას პრეზიდენტის კრიტიკაზე აკეთებენ

საქართველოს პრეზიდენტი გიორგი მარგველაშვილი მიიჩნევს, რომ გარკვეული პოლიტიკოსები  საკუთარ პოლიტიკურ კარიერას მისი კრიტიკით იქმნიან: