მისცემს თუ არა უკრაინელ პატიმარს საქართველო პოლიტიკურ თავშესაფარს, 29 დეკემბერს გადაწყდება

თბილისის საქალაქო სასამართლოში პატიმრობაში მყოფი უკრაინელი მარტოხელა დედისთვის, ირინა სავიცკაიასთვის თავშესაფრის მიცემის საკითხზე სხდომა გაიმართა.

ირინა სავიცკაიას ადვოკატის გიორგი კონდახიშვილის თქმით, უკრაინაში ექსტრადირების შემთხვევაში მისი კლიენტის სიცოცხლეს საფრთხე ემუქრება.


ადვოკატი სავიცკაიას პოლიტიკურ დევნილს უწოდებს და მიიჩნევს, რომ ქართულ მხარეს სამართლებრივი არგუმენტი არ გააჩნია, რომ უკრაინის მოქალაქეს ლტოლვილის სტატუსზე უარი უთხრას.


მისივე განმარტებით, უკრაინის ხელისუფლების პირობებში და იქ მიმდინარე პოლიტიკური ვითარების ფონზე მოქალაქე სავიცკაიას უფლებები დაცული ვერ იქნება.


"დიდი იმედი მაქვს, ჩვენ მიერ წარდგენილ არგუმენტაციას სასამართლო გაითვალისწინებს და ჩვენი მოთხოვნა დაკმაყოფილდება, ვინაიდან არ არსებობს რეალური საფუძველი იმისა, რომ საქართველომ უკრაინის მოქალაქე ირინა სავიცკაიას ლტოლვილის სტატუსზე უარი უთხრას", - განაცხადა კონდახიშვილმა.


სავიცკაიას ინტერესების დამცველის განცხადებით, იმ შემთხვევაში, თუ მათთვის სასურველი შედეგი არ დადგება, გადაწყვეტილება სააპელაციო სასამართლოში გასაჩივრდება.


თავის მხრივ, მოპასუხე ლტოლვილთა და განსახლების სამინისტროს იურისტმა აღნიშნა, რომ საქმეში არსებული მტკიცებულებები არ არის საფუძველი იმისა, რომ სავიცკაიას საქართველომ ლტოლვილის სტატუსი მიანიჭოს.


საქმის მოკლე ისტორია:


• საქართველოს სამართალდამცავი უწყების წარმომადგენლებმა, ინტერპოლის უკრაინის ბიუროს მოთხოვნის საფუძველზე, 2017 წლის 29 ივნისს ქალაქ ბათუმში დააკავეს ირინა სავიცკაია. უკრაინაში მას, როგორც შპს "პროდექსპორტ 2009"-ის ყოფილ ბუღალტერს კონტრაგენტი-საწარმოს შპს "ატბ-მარკეტის" ქონების უკანონოდ მითვისების მცდელობისთვის აბსურდული ბრალი წაუყენეს. სინამდვილეში, სწორედ "ატბ" არ უბრუნებდა გატანილი პროდუქციის საფასურს, ხოლო ირინა სავიცკაია დავალიანების მქონე კომპანიის წინააღმდეგ სარჩელს ამზადებდა სასამართლოში წარსადგენად – უკრაინელმა სამართალდამცველებმა სწორედ ამაში დაინახეს კანონდარღვევა.


• ეს უბრალოდ "კომერციული დავა" არ არის. ირინა სავიცკაიაზე ძებნის გამოცხადება უკრაინაში იმ კომპანიების დევნის უზარმაზარი კამპანიის ნაწილი გახდა, რომლებიც სახალხო დეპუტატის სერგეი რიბალკას ოჯახს ეკუთვნის. ის ოპოზიციური რადიკალური პარტიის წევრია და დაცვის მხარის აზრით, ეს ყველაფერი უმაღლესი თანამდებობის პირების მხრიდან, ძალოვნების გამოყენებით, ოპოზიციონერ პოლიტიკოსზე ზეწოლას ნიშნავს.


• 2017 წლის 3 ივლისს ბათუმის საქალაქო სასამართლომ ირინა სავიცკაიას ორთვიანი საექსტრადიციო პატიმრობა შეუფარდა, თბილისის საქალაქო სასამართლომ კი პატიმრობის ვადა 2017 წლის 30 დეკემბრამდე გაუგრძელა.


• პარალელურად, ირინა სავიცკაიამ საქართველოს დევნილთა და განსახლების სამინისტროს პოლიტიკური თავშესაფრის მინიჭების მოთხოვნით მიმართა იმ მოტივით, რომ უკრაინაში პოლიტიკური დევნის გამო მის სიცოცხლეს საფრთხე ემუქრება.


• საქართველოს ომბუდსმენმა დაუშვებლად მიიჩნია სავიცკაიას პატიმრობა იმ პირობებში, როდესაც ის მძიმე ავადმყოფი შვილის მარტოხელა დედაა.


• ადვოკატებმა სასამართლო კოლეგიას უტყუარი მტკიცებულებები წარუდგინეს, რომ უკრაინის სამართალდამცავი უწყებები, მათ შორის გენერალური პროკურატურა, სისხლის სამართლის საქმეებს ხშირად პოლიტიკური მიზნებით იყენებს. აღნიშნული დოკუმენტები ადასტურებს ტენდენციას, რომლის თანახმადაც სამართლებრივი დევნა იმ ადამიანებზე ვრცელდება, რომლებიც უკრაინის ხელისუფლებისა და მისი უახლოესი გარემოცვისთვის მიუღებლები არიან. ამ დოკუმენტებში ქართული მხარის პოზიციაცაა დაფიქსირებული – უკრაინაში არ არსებობს სამართლიანი სასამართლო და რომ მსჯავრდადებულს არ აქვს სიცოცხლის, ფიზიკური ხელშეუხებლობისა და წამებისა და არაადამიანური მოპყრობისგან დაცვის გარანტიები; რომ უკრაინა არაფორმალურად ოლიგარქების მიერ იმართება, რომელთაც ტოტალური მართლსაწინააღმდეგო გავლენები აქვთ, მათ შორის სასამართლოებსა და სამართალდამცავ ორგანოებზე.


• ადვოკატებმა სასამართლოს წარუდგინეს ამერიკელი ჟურნალისტის ტოდ ვუდის ინტერვიუ უკრაინის გენპროკურატურის განსაკუთრებულ საქმეთა დეპარტამენტის უფროსის ყოფილ მოადგილესთან დიმიტრი სუსასთან, რომელიც დეტალურად ყვება, რომ შპს "ატბ-მარკეტ"-ის თანამფლობელის ოლიგარქი ბუტკევიჩის, გენერალური პროკურორის იური ლუჩენკოსა და სხვა მაღალჩინოსნების დაკვეთით უკრაინის ოპოზიციური პარტიის ლიდერის სერგეი რიბალკასა და მისი გარემოცვის წინააღმდეგ სისხლის სამართლებრივი დევნა შსს-ს, უსაფრთხოების სამსახურისა და პროკურატურის მხრიდან ხორციელდებოდა. დოკუმენტები ააშკარავებს მტკიცებულებათა ფალსიფიცირებას, უკანონო თვალთვალს.


• მათ შორის, ის პირდაპირ მიუთითებს ე.წ. დნეპროპეტროვსკის საქმეზე (ირინა სავიცკაიას საქმე). ის დეტალურად აღწერს, რომ უკრაინის სამართალდამცავი ორგანოების მიზანი იყო ოპოზიციონერი დეპუტატის სერგეი რიბალკას გარემოცვის წინააღმდეგ სისხლის სამართლის საქმეების ფაბრიკაცია, რათა ამ პირებისგან მიეღოთ დეპუტატის საწინააღმდეგო ჩვენებები.


• ამასთანავე, ადვოკატებმა სასამართლოში იმის მტკიცებულებები შეიტანეს, რომ ინტერპოლს მიმართეს განცხადებით ირინა სავიცკაიას საერთაშორისო ძებნაში გამოცხადების უკანონობის შესახებ, რომელშიც დეტალურადაა აღწერილი უკრაინული სამართალდამცავი ორგანოების ყველა საპროცესო დარღვევა, რომლებიც მათ ირინა სავიცკაიას უკრაინის საერთაშორისო ძებნაში გამოცხადების ფარგლებში დაუშვეს.


აღნიშნულ საქმეზე გადაწყვეტილება 29 დეკემბერს გახდება ცნობილი.


კიევის მოთხოვნით, ირინა სავიცკაია საქართველოში 30 ივნისს დააკავეს. ის წინასწარ პატიმრობაში იმყოფება. მას უკრაინის საგამოძიებო უწყებები კონკურენტი კომპანიის ქონების მითვისების მცდელობას ედავებიან.


სიახლეები მსგავს თემაზე

უკრაინელი პატიმარი მარტოხელა დედისთვის პოლიტიკური თავშესაფრის საკითხი 2 დღეში გადაწყდება

დევნილთა სამინისტრო საქართველოში დაკავებული უკრაინელი მარტოხელა დედისთვის ირინა სავიცკაიასთვის თავშესაფრის მინიჭების საკითხს თვის ბოლომდე გადაწყვეტს.

თბილისის მერიის მუნიციპალურ ინსპექციას რამდენიმე მიმართულება დაემატება

თბილისის მერიის მუნიციპალურ ინსპექციას მომავალი წლიდან რამდენიმე მნიშვნელოვანი მიმართულება დაემატება. ამის შესახებ დედაქალაქის მერმა კახა კალაძემ განახლებული სამსახურის პრეზენტაციაზე განაცხადა.

ირაკლი კობახიძე გერმანიის ფედერაციული რესპუბლიკის ელჩს შეხვდა

საქართველოს პარლამენტის თავმჯდომარე ირაკლი კობახიძემ გერმანიის ფედერაციული რესპუბლიკის ახლად დანიშნულ საგანგებო და სრულუფლებიან ელჩთან ჰუბერტ კნირშთან გაცნობითი ხასიათის შეხვედრა გამართა.

 

გიგი წერეთელმა ეუთოს მუდმივმოქმედი საბჭოს წევრებს სიტყვით მიმართა

ვენაში ეუთოს მუდმივმოქმედი საბჭოს სხდომა გაიმართა, რომელსაც ორგანიზაციის 57 წევრი ქვეყნის ელჩი დაესწრო.

საუდის არაბეთი ჟურნალისტ ჯამალ ხაშოგის გარდაცვალების ფაქტს აღიარებს

საუდის არაბეთის ხელისუფლება ანგარიშს ამზადებს, რომელშიც საუბარია ჟურნალისტ ჯამალ ხაშოგის სიკვდილზე.

ფინანსთა მინისტრი აზიის ინფრასტრუქტურის საინვესტიციო ბანკის ვიცე-პრეზიდენტს შეხვდა

საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, ფინანსთა მინისტრი ივანე მაჭავარიანი აზიის ინფრასტრუქტურის საინვესტიციო ბანკის ვიცე-პრეზიდენტს, დენი ალექსანდრს შეხვდა. 

დედაქალაქის მერმა მუნიციპალური ინსპექცია წარადგინა

დედაქალაქის მერმა კახა კალაძემ ქალაქში ურბანულ წესრიგზე პასუხისმგებელი ზედამხედველობის  განახლებული  სამსახური - მუნიციპალური ინსპექცია წარადგინა.

საფრანგეთში წყალდიდობის შედეგად დაღუპულთა რაოდენობა 13-მდე გაიზარდა

საფრანგეთის სამხრეთ ნაწილში წყალდიდობის შედეგად, სულ მცირე, 13 ადამიანია დაღუპული.

დღეს გამოძიება მირზა სუბელიანს გამოკითხავს

ფარულ აუდიოჩანაწერთან დაკავშირებით 12 ოქტომბერს დაწყებული გამოძიების ფარგლებში, სადაც, სავარაუდოდ, მირზა სუბელიანი, ვიქტორ ჯაფარიძე და დავით ცუხიშვილი ფიგურირებენ, მირზა სუბელიანი გამოიკითხება.

გრიგოლ ვაშაძის გამარჯვების შემთხვევაში შსს და სუს-ი გაუქმდება

გაერთიანებულმა ოპოზიციამ "ძალა ერთობაშია" სამართალდამცავი ორგანოების სრულიად ახალი მოდელი მოამზადა.

მამუკა ბახტაძემ ევროპის საბჭოს სპორტზე პასუხისმგებელი მინისტრების მე-15 კონფერენცია გახსნა

საქართველოს პრემიერ-მინისტრმა მამუკა ბახტაძემ ევროპის საბჭოს სპორტზე პასუხისმგებელი მინისტრების მე-15 კონფერენცია გახსნა.

თეოლოგი: „მოსაყდრე-ვასაძე-შორენას „ტრიუმვირატი" ყველაფერს გააკეთებს, რომ საქართველოს ეკლესია რუსულ ვექტორზე დარჩეს"

„უკრაინის საკითხი იქნება ტესტი და ლუსტრაცია სხვა დანარჩენი ადგილობრივი ეკლესიებისთვის“, - ასე აფასებს თეოლოგი გიორგი ტიგინაშვილი რუსეთის ეკლესიის სინოდის მიერ კონსტანტინოპოლთან კავშირის სრულად გაწყვეტას.

ნიგერიაში ნავთობსადენზე მომხდარი აფეთქების შედეგად 60 ადამიანი დაიღუპა

ნიგერიის სახელმწიფო ნავთობკომპანიის კუთვნილ ნავთობსადენზე მომხდარი აფეთქების შედეგად 60 ადამიანი დაიღუპა.

 

გარდაბნის მუნიციპალიტეტის რამდენიმე სოფელს 17 ოქტომბერს გაზმომარაგება შეუწყდება

გარდაბნის მუნიციპალიტეტის სოფელ ლემშვენიერასა და სოფელ ჯანდარას 17 ოქტომბრის დილის 10:00 საათიდან საღამოს 17:00 საათამდე გაზმომარაგება შეუწყდება.

თბილისში ევროპის საბჭოს სპორტის მინისტერიალი გაიხსნება

საქართველო დღეს ევროპის საბჭოს სპორტზე პასუხისმგებელ მინისტრთა მე-15 საიუბილეო კონფერენციას – მინისტერიალს უმასპინძლებს.

დავით ზალკალიანმა „აღმოსავლეთ პარტნიორობის“ მინისტერიალში მიიღო მონაწილეობა

საქართველოს საგარეო საქმეთა მინისტრმა დავით ზალკალიანმა მონაწილეობა მიიღო „აღმოსავლეთ პარტნიორობის“ საგარეო საქმეთა მინისტერიალში, რომელიც მიმდინარე წლის 15 ოქტომბერს ლუქსემბურგში გაიმართა.

ამინდის პროგნოზი

დღეს დასავლეთ საქართველოში შენარჩუნდება თბილი და უმეტესად უნალექო ამინდი, ხოლო აღმოსავლეთ საქართველოს ცალკეულ რაიონში შესაძლოა, მცირე წვიმა აღინიშნოს. 

ეკა ბესელია - მუქარის და შანტაჟის ენით  საუბარი, განსაკუთრებით ასეთი ფორმის და შინაარსის ყოვლად მიუღებელია

"ხელისუფლებას მუქარის ტონის, მუქარით საუბრის ნამდვილად არ ეშინია. თუ ეს მუქარა ადრეც ყოფილა ვინმესთან გამჟღავნებული, ფაქტია, რომ ადამიანი დღეს არის პატიმრობის ქვეშ და ამ მუქარის შიში არავის აქვს", – აცხადებს ეკა ბესელია.

"არ მივცემთ უფლებას "ნაციონალურ მოძრაობას" კიდევ ერთხელ იძალადოს ქართულ საზოგადოებაზე"

იურიდიულ საკითხთა კომიტეტის წევრი ანრი ოხანაშვილი გავრცელებული ფარული აუდიოჩანაწერების ავთენტურობის დადგენის მნიშვნელობაზე საუბრობს.

მამუკა მდინარაძე - ძალიან მაღალი ალბათობით საქმე გვაქვს ორმაგ შანტაჟთან

ფრაქცია "ქართული ოცნების" თავმჯდომარე მამუკა მდინარაძე გავრცელებულ ფარულ აუდიო ჩანაწერებს ეხმაურება.

რუსეთის მართლმადიდებელი ეკლესიის სინოდმა კონსტანტინოპოლთან ევქარისტიული კავშირი სრულად გაწყვიტა

რუსეთის მართლმადიდებელი ეკლესიის სინოდმა კონსტანტინოპოლთან ევქარისტიული კავშირი სრულად გაწყვიტა.

აუდიოჩანაწერთან დაკავშირებით მიმდინარე გამოძიების ფარგლებში დავით ცუხიშვილის გამოკითხვა მიმდინარეობს

აუდიოჩანაწერთან დაკავშირებით მიმდინარე გამოძიების ფარგლებში, სადაც სავარაუდოდ მირზა სუბელიანი, ვიქტორ ჯაფარიძე და დავით ცუხიშვილი ფიგურირებენ, ამ დროისთვის, პროკურატურის საგამოძიებო ნაწილში დავით ცუხიშვილი იკითხება.