ორი შაჰიდის დედის, ქისტი ქალის ისტორია – პანკისიდან „ისლამურ სახელმწიფოში“

პანკისის ხეობის სოფელ ჯოყოლოს მკვიდრი, ორი შაჰიდის დედა, ლეილა აჭიშვილი, 90-იანი წლებიდან იწყებს საკუთარი ისტორიის მოყოლას. მან საკუთარი შვილების გადასარჩენად საოცარი გზა გაიარა გროზნოდან პანკისამდე და პანკისიდან სირიამდე.

ჩეჩნეთიდან პანკისში


ჩემი ქმარ-შვილით გროზნოში ვცხოვრობდი. ბედნიერი ოჯახი გვქონდა, ეკონომიკურადაც ძლიერად ვიყავით. 1994 წელი იყო. ომი დაიწყო. ჩემი ბიჭები მაშინ 6 და 4 წლისანი იყვნენ. იძულებული გავხდით, გროზნოდან წამოვსულიყავით: მე და ბავშვები ჩემს მშობლებთან, პანკისის ხეობაში წამოვედით, ჩემი მეუღლე დარჩა. ვლადიკავკაზის გზით მოვდიოდით, ქართულმა მხარემ კორიდორი გააკეთა და ჩეჩნები შემოუშვა. უმეტესობამ პანკისის ხეობას შეაფარა თავი. ჩვენს სახლშიც 15 ადამიანი ცხოვრობდა.


გვიჭირდა, მაგრამ თავი გაგვქონდა როგორღაც. რთული დრო იყო...


როცა მომყავდა, ჩემი უფროსი შვილის ფოტო ფრიადოსნების დაფიდან ჩამოვიღე. აქ სკოლაში დაიწყეს სიარული. როცა მეგონა, სკოლაში იყვნენ, თურმე ამ დროს სხვაგან, ოჯახში იკრიბებოდნენ და სხვანაირი აზროვნება უყალიბდებოდათ – შეიცვალნენ, ცოტა გრძელი ხალათები ჩაიცვეს. ცოტა კი შემეშინდა. მოულოდნელად შეცვლა დაიწყეს, განსაკუთრებით უფროსმა, მერე მოხდა ისე, რომ ერთ დღესაც არ მოვიდა. გამწარებული დავეძებდი, კი ვიცოდი, რომ მეგობრებთან ერთად უნდა ყოფილიყო, მაგრამ სახლში რომ არ მოვიდა, ძებნა დავუწყე და აღმოვაჩინე, რომ შატილში, რაღაც საწვრთნელ ადგილზე იყო წასული. მაშინ 15 წლისაც არ იყო... დიდი გაჭირვებით ვცხოვრობდით, ფეხსაცმელსაც კი ვერ ვყიდულობდი მათთვის, სასოწარკვეთილი დედა ვიყავი, ვერც იმას ვაძლევდი, რაც სჭირდებოდათ და აღარც მიჯერებდნენ, ზუსტად ამ დროს დამიკავშირდა მათი მამა ჩეჩნეთიდან. ვუთხარი, რომ აღარ მიჯერებდნენ და სკოლაშიც აღარ დადიოდნენ. მან მითხრა, რომ ევროპაში აპირებდა წასვლას და შემომთავაზა, ჩვენც წავსულიყავით.


 პანკისიდან  ევროპაში


მე ჩემს წასვლაზე უარი ვუთხარი, რადგან მას მეორე ოჯახი ჰყავდა. თუმცა დავპირდი, რომ ბავშვებს დაველაპარაკებოდი და თუ მათი ნება იქნებოდა, მამამისს ჩავუყვანდი. ვფიქრობდი, ევროპაში წავლენ, ისწავლიან, უფრო სხვანაირები იქნებიან-მეთქი და დაველაპარაკე ბავშვებს. მათ მითხრეს, რომ მამასთან ყოფნა სურდათ, „შენთანაც გვექნება ურთიერთობა, თუმცა მამასთან გვინდაო“. მოვილაპარაკეთ და წავიყვანე მამამისთან. ისინი ევროპაში წავიდნენ და ავსტრიაში ცხოვრობდნენ. უფროსმა ენები იცოდა: ინგლისური, რუსული, არაბული, თურქული, გერმანული, იტალიურსაც სწავლობდა. უმცროსი პროგრამისტი იყო.


იქვე დაოჯახდნენ, რძლებიც ჩეჩნები არიან. შეეძინათ შვილები. აქედან გავარიდე, რელიგიის გავლენის ქვეშ არ მოექცნენ-მეთქი და იქ მეტი თავისუფლება ნახეს, მეტი რელიგიური თავისუფლებაც. შვილები სულ მეუბნებოდნენ, შენც წამოდი ჩვენთან, არაფერს მოგაკლებთო. მაგრამ ჩემი მშობლები მხოლოდ ჩემს იმედად არიან. როგორ დამეტოვებინა? - არ მომყვებოდნენ ჩემები და ვერც მე წავედი.


ჩვენ მხოლოდ სკაიპით ვურთიერთობდით და 10-12 წლის შემდეგ მოულოდნელად ორივე თავზე დამადგა, ეს იყო ჩემთვის ყველაზე ბედნიერი წუთები. ორი კვირა დარჩნენ და შემდეგ წავიდნენ.


მოჯაჰედი შვილების ამბავი


დრო გადიოდა. ჩემი შვილები უკვე ნაკლებად მეკონტაქტებოდნენ. ერთ დღეს შემთხვევით გავიგე, რომ სადღაც სირიაში მოძრაობა დაიწყო, აქაური თარხან ბათირაშვილი, ომარ ალ შიშანად წოდებული, წავიდა იქ და ძლიერი კაცი გახდა. მესმოდა, რომ აქედან ვიღაცები მიდიოდნენ, ემზადებოდნენ, წვრთნებს გადიოდნენ, მეტი არაფერი ვიცოდი.


ერთ დღეს დუისში, დეიდაშვილთან ვიყავი სტუმრად. ვსაუბრობდით. თარხან ბათირაშვილიც სირიაში წასულაო, მითხრეს... ამ დროს მეზობელი შემოვიდა და მისგან გავიგე, რომ ერთი დუისელი ბიჭი დაბრუნებულა სირიიდან და იქ ჰამზათი უნახავს. გავშრი, თურმე ჩემი შვილიც იქ იყო...


თავიდან ვიფიქრე, ვიღაცაში შეეშალა და არ იქნება მართალი-მეთქი, მაგრამ მეზობელმა დარწმუნებით მიპასუხა, რომ შეცდომა გამორიცხული იყო. აღარ ვიცოდი, რა გამეკეთებინა. წამოვედი სახლში, ჩავრთე კომპიუტერი და დავურეკე რძალს, რათა მისგან გამეგო სიმართლე. ის პასუხს თავს არიდებდა, თუმცა გამოვტეხე. შემდეგ დამამშვიდა, ნუ ნერვიულობ, ყველა მიდის-მოდის და არაფერი საშიში არ არისო. თანდათანობით ხმები მოდიოდა, რომ ომი დაიწყო, ალეპოს აეროპორტის აღებას აპირებდნენ. ერთ დღეს შემთხვევით ფოტო ვნახე, სადაც ჩემი შვილი თავზე ბინტშემოხვეული საწოლზე იჯდა. ამ დროს, ასევე, გავიგე, რომ ჩემს შვილს ჩეჩნეთის ერთ-ერთი მინისტრის შვილი წაუყვანია ცოლად. იმ მომენტში მივიღე გადაწყვეტილება, რადაც არ უნდა დამჯდომოდა, სირიაში ჩავსულიყავი. კვლავ დავურეკე რძალს და ულტიმატუმი წავუყენე: თუ ის თავის დედას პატივს სცემს, დამირეკოს, თორემ ჩემს საქციელზე პასუხს არ ვაგებ-მეთქი. რძალი დამპირდა, რომ გადასცემდა ჩემს დანაბარებს. სულ ჩართული მქონდა კომპიუტერი, ჩემი შვილის ზარს ველოდი. ერთ დღესაც, ღამის პირველის ნახევარზე სკაიპში ზარი შემოვიდა. გავიქეცი და დავინახე ჩემი შვილი, შავი ბენდენა ჰქონდა თავზე წაკრული, არაბული წარწერით, დიდი წვერი, ვერც კი ვიცანი. მის მოკითხვაზე არც მიპასუხია, ვუყვირე: „როგორ ხარ, სად ხარ, რას აკეთებ-მეთქი. დავიწყე ტირილი და ვემუდარებოდი, თუ ღმერთის გწამს, შენთან წამოსვლა მინდა და წამიყვანე-მეთქი. ერთი წუთი გაჩერდა და თანხმობით მიპასუხა. ორ დღეში დაგიკავშირდები და გეტყვი, როგორ უნდა წამოხვიდეო. მთხოვა, მისთვის და თარხან ბათირაშვილისთვის ჩურჩხელები და საზამთროს მურაბა წამეღო. მართლაც, რამდენიმე დღეში დამიკავშირდა და მითხრა, რა გზით შევძლებდი სირიაში ჩასვლას.


მე ცხოვრებაში თურქეთშიც არ ვიყავი ნამყოფი, მაგრამ ჩემი ბედი ღმერთს მივანდე და წავედი...


მოგზაურობა „ისლამურ სახელმწიფოში“ – იხ. შემდეგ თავში.


 


ავტორი: მანია ტოგონიძე, „პირველის“ რედაქტორი


ეკონომიკის მინისტრის მოადგილე: „ჩვენი მიზანია, ქვეყნის საერთო მოხმარებაში გაიზარდოს განახლებადი ენერგიის წილი“

ეკონომიკის მინისტრის მოადგილემ დეპუტატების წინაშე სიტყვით გამოსვლისას აღნიშნა რომ სამინისტროს მიერ ინიცირებული კანონპროექტის მიზანია შექმნას განახლებადი წყაროებიდან მიღებული ენერგიის გამოყენების სამართლებრივი საფუძვლები.

 
SOLO-ს და Erti Gallery-ს თანამშრომლობით კოკა რამიშვილის პერსონალური გამოფენა „სინათლის მანქანები“ გაიხსნა

ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა „სინათლის მანქანები“ გაიხსნა.

თბილისში გაეროს ნარკოტიკებისა და დანაშაულის წინააღმდეგ ბრძოლის ბიუროს შეხვედრა გაიმართება

თბილისი გაეროს ნარკოტიკებისა და დანაშაულის წინააღმდეგ ბრძოლის ბიუროსა და მსოფლიო საბაჟო ორგანიზაციის ერთობლივი პროექტის რეგიონულ შეხვედრას 2019 წლის 17 სექტემბერს, 09:30 საათზე, სასტუმრო "ქორთიარდ მარიოტში" მასპინძლობს.

განათლების მინისტრი: „ევროპული ხარისხი განათლების სფეროში - ეს ჩვენი სტრატეგიაა“

განათლების რეფორმის შემაჯამებელი ანგარიშის პრეზენტაციაზე სიტყვით გამოსვლისას, საქართველოს განათლების მინისტრმა მიხეილ ბატიაშვილმა ერთწლიანი მუშაობა შეაჯამა და ახლო მომავალში დაგეგმილ სიახლეებზე ისაუბრა.

პრემიერ-მინისტრმა აშშ-ის ათასწლეულის გამოწვევის კორპორაციას მადლობა გადაუხადა

პრემიერ-მინისტრმა აშშ-ის ათასწლეულის გამოწვევის კორპორაციას საქართველოში ადამიანური კაპიტალის განვითარებაში ინვესტირებისთვის მადლობა გადაუხადა

საგარეო საქმეთა სამინისტროში ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართა

საქართველოში საგარეო საქმეთა სამინისტროში გაიმართა ჟენევის საერთაშორისო მოლაპარაკებების 49-ე რაუნდის მოსამზადებელი შეხვედრა თანათავმჯდომარეებთან ევროკავშირის, გაერო-სა და ეუთო-ს მხრიდან.

ასპინძაში ყირიმ კონგოს დიაგნოზით, ახალგაზრდა კაცი გარდაიცვალა

ასპინძაში 30 წლის მამაკაცი ყირიმ კონგოს ჰეპორაგიული ცხელების დიაგნოზით გარდაიცვალა. გ.ნ-ს დაავადების გადამტანმა საქონლის ტკიპამ უკბინა.

Microsoft-ის ხელოვნური ინტელექტი ქართული ენისთვის გაიხსნა

დღეს,საქართველოს განათლების მინისტრმა მიხეილ ბატიაშვილმა განათლების კომპლექსური რეფორმის ერთი წლის შემაჯამებელი ანგარიშის პრეზენტაციისას განაცხადა, Microsoft-ის ხელოვნურ ინტელექტზე ქართული ენის შესახებ.

ფულადი გზავნილების მოცულობა ევროკავშირიდან 24.8%-ით გაიზარდა

ფულადი გზავნილების მოცულობა აგვისტოში გასული წლის ანალოგიურ პერიოდთან შედარებით 7.8%-ით $146.4 მლნ-მდე გაიზარდა. ინფორმაციას ეროვნული ბანკი ავრცელებს.

ლარი მცირედით გაუფასურდა

16 სექტემბრის ვაჭრობის შედეგად აშშ დოლარი გამყარდა და  2.9608 ლარი შეადგინა. კურსი, რომელიც
დღეს მოქმედებდა, 2.9607 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -0.01 თეთრი შეადგინა.
  

კახა კალაძე: "როგორც მოსახლეობას შევპირდით, ვარაზის ხევიდან „პიქსელის“ შენობამდე მოძრაობა ცალმხრივად აღდგა"

დედაქალაქის მერი კახა კალაძე ჭავჭავაძის გამზირზე იმყოფებოდა, სადაც საავტომობილო მოძრაობა ცალმხრივად აღდგა. ასფალტის საფარის დაგების შემდეგ, დღეს, შპს „თბილსერვის ჯგუფმა“ ტერიტორია დაასუფთავა და გზა მორეცხა. 

დასაქმების ხელშეწყობის სახელმწიფო პროგრამების შესახებ საინფორმაციო შეხვედრა გაიმართა

სოციალური მომსახურების სააგენტოს ორგანიზებით დასაქმების ხელშეწყობის სახელმწიფო პროგრამების შესახებ საინფორმაციო შეხვედრა გაიმართა.

თსუ-ში ახალი სასწავლო წელი დაიწყო

ივანე ჯავახიშვილის სახელობის თბილისის სახელმწიფო უნივერსიტეტში ახალი სასწავლო წელი დაიწყო. ახალი სასწავლო წლის დაწყება სტუდენტებმა და პროფესორ-მასწავლებლებმა ერთად აღნიშნეს.

შეფასებისა და გამოცდების ეროვნულ ცენტრში აბიტურიენტებისათვის ღია კარის დღე გაიმართება

17 სექტემბერს, 16:00 საათზე შეფასებისა და გამოცდების ეროვნულ ცენტრში (მისამართი: ე. მინდელის N9) აბიტურიენტებისათვის ღია კარის დღე გაიმართება.

თბილისის მერმა ევროპული სკოლის კომპლექსის მშენებლობის ადგილას სიმბოლური კაფსულის ჩადების ცერემონიაში მონაწილება მიიღო

ლისის ტბის მიმდებარედ ევროპული სკოლის კომპლექსის მშენებლობა იწყება.

სოფიო ქაცარავა: „ჩვენი ამოცანაა, თქვენს დესტრუქციულ ძალას არ გადავაყოლოთ მთელი ქვეყანა“

„ჩვენი ამოცანაა, თქვენს დესტრუქციულ ძალას არ გადავაყოლოთ მთელი ქვეყანა“.

საბურთალოს გამგეობა და პრაღა 3 ქალაქის განვითარების მიმართულებით ითანამშრომლებენ

საბურთალოს რაიონის გამგეობასა და ჩეხეთის რესპუბლიკის დედაქალაქის მუნიციპალიტეტ პრაღა 3-ს შორის ურთიერთთანამშრომლობის მემორანდუმი გაფორმდა.

„ბეწვის ხიდზე დავდივართ და პასუხისმგებლობის მქონე ხელისუფლება თვლის, რომ ამ გზაზე დაბრკოლებების შექმნა არ არის საჭირო“

"ჩვენ დავდივართ ბეწვის ხიდზე და პასუხისმგებლობის მქონე ხელისუფლება თვლის, რომ ამ გზაზე დამატებითი დაბრკოლებების შექმნა, საჭირო არ არის“.

გიორგი გახარია : ვისაუბრეთ რა ნაბიჯები უნდა გადაიდგას, რათა ჩვენი ეკონომიკების თავსებადობა მაღალი იყოს

გიორგი გახარია სამეზობლო პოლიტიკისა და გაფართოების საკითხებში  ევროკომისარ იოჰანეს ჰანს შეხვდა.

კრეატიული ეფექტურობა - სიახლე Ad Black Sea 2019-ზე

რამდენიმე დღე რჩება უკვე ტრადიციად ქცეული, საერთაშორისო კრეატიული ფესტივალის Ad Black Sea 2019-ის გახსნამდე.

საქართველოს ელჩმა სამხრეთ სუდანის რესპუბლიკის პრეზიდენტს რწმუნებათა სიგელები გადასცა

საქართველოს საგანგებო და სრულუფლებიანმა ელჩმა (რეზიდენციით ქ. ადის-აბება), ზურაბ დვალიშვილმა რწმუნებათა სიგელები გადასცა სამხრეთ სუდანის რესპუბლიკის პრეზიდენტს, სალვა კირ მაიარდიტს.