ორი შაჰიდის დედის, ქისტი ქალის ისტორია – პანკისიდან „ისლამურ სახელმწიფოში“ (ნაწილი II)

პანკისის ხეობის სოფელ ჯოყოლოში ორი შაჰიდის დედა, ლეილა აჭიშვილი ცხოვრობს. ლეილა მოგვითხრობს, როგორ გაიარა პანკისიდან სირიამდე ურთულესი გზა შვილების გადასარჩენად.

პანკისიდან თურქეთში


2013 წლის აგვისტო იყო. სტამბოლში ჩავედი. იქ ვინმე რუსლანი უნდა დამხვედროდა, მაგრამ არავინ დამხვდა. თურმე ერთმანეთს ავცდით. არ ვიცოდი, როგორ მოვქცეულიყავი. იქვე, ერთ თურქ ქართველს წავაწყდი, რომელსაც ვუთხარი, რომ სირიაში შვილთან მივდიოდი. სწორედ ამ ქალისგან გავიგე, რომ ჩემს შვილს იქ აბუ აბდულას ეძახდნენ. იმ წამს დატრიალდა ის ქალი, ტაქსით გამამგზავრა იმ ადგილამდე, სადაც მეორე ადამიანი უნდა მენახა.


18 საათი ვიყავი გზაში, გაუსაძლის სიცხეში. ახლა მახსენდება, რომ სადღაც საზღვრისპირა ადგილას, უზარმაზარ შენობაში შემიყვანეს, დანგრეულში, იქ დამხვდა ერთი ბიჭი, რომელიც მხოლოდ თურქულ ენაზე საუბრობდა. ტელეფონზე დამალაპარაკა რუსულად მოსაუბრე ვიღაც კაცთან, რომელმაც ამიხსნა, რომ ჩემი შვილი მეორე დღის 12:00 საათამდე საზღვართან მოსვლას ვერ შეძლებდა. მანვე მითხრა, რომ ეს ბიჭი მიმიყვანდა ისეთ ადგილას, სადაც ღამის გათევას შევძლებდი.


ჩემი შვილის თხოვნით ჰიჯაბით დავდიოდი. საშინელი სიცხე სულს მიხუთავდა. მიმიყვანეს ერთი შენობის დიდ ოთახში, სადაც დაახლოებით 8 კაცი კომპიუტერთან იჯდა და მუშაობდა. როგორც აღმოჩნდა, მოვხვდი იმ ადგილას, სადაც მოჯაჰიდებს იღებდნენ. ახლაც მახსენდება, როგორი საშინელი კაცები იყვნენ, თავგადაპარსულნი და გრძელი წვერით.


ერთმა კაცმა ამიყვანა მეორე თუ მესამე სართულზე. ოთახი სავსე იყო დაჭრილებით. ოხვრა-კვნესა ისმოდა. ამ ოთახიდან პატარა, ასანთის კოლოფივით ოთახში შემიყვანეს, სადაც ღამის გათევას შევძლებდი. ოთახში სირიიდან წამოყვანილი გოგო დამხვდა, სამი შვილით. როგორც მერე გავიგე, ამ გოგონას ქმარი, შვილების თვალწინ, დანით მოკლეს. ამის შესახებ მისმა პატარა, 4 წლის ბიჭმა მიამბო. ძალიან დატანჯულები ჩანდნენ. ჩემთან კონტაქტს ჟესტებით ცდილობდნენ. როგორც იქნა, დაღამდა, თეთრად გავათენე ის ღამე, გაუსაძლის სიცხეში. მეორე დღეს, დილას ბიჭმა მომაკითხა და ქვედა სართულზე მყოფ ჩეჩნებთან მიმიყვანა. ოთახში 18-20 წლის ბიჭები დამხვდნენ. ავუხსენი, ვინც ვიყავი და სადაც მივდიოდი. ჩემს შვილს ყველა იცნობდა. გადავწყვიტე, ამ ბიჭებისგან გამეგო, რატომ წავიდნენ სირიაში. მათ მიპასუხეს: „ჩვენ იქ მივდივართ, სადაც ჩვენი ძმები იბრძვიან“. ერთმა მითხრა, სამი თვეა, ცოლი მოვიყვანე და ოჯახს მოვატყუე, ვითომ ევროპაში მივდიოდი და აქ წამოვედიო. ეს ბიჭებიც და მეც ერთ დიდ მანქანაში ჩაგვსვეს და წაგვიყვანეს.


სირიის საზღვართან


საქართველოდან თურქეთში გადასვლის დროს საზღვარზე ფურცელი მომცეს, ბეჭედდარტყმული. არ ვიცოდი, თუ დამჭირდებოდა. იქვე გადავაგდე. როგორც აღმოჩნდა, სირიის გამშვებ პუნქტში ეს ფურცელი უნდა წარმედგინა. ვიცოდი, რომ სულ რაღაც ერთ კილომეტრში ჩემი შვილი მელოდებოდა. საზღვარზე არ მიშვებდნენ. პასპორტი უკან გადმომიგდეს. არავინ მაქცევდა ყურადღებას. მივხვდი, რომ არ აპირებდნენ ჩემს გაშვებას და უცბად დავიწყე საშინელი კივილი რუსულად – „ვინმემ რუსული არ იცით, დამეხმარეთ-მეთქი“. ამ დროს ერთი არაბი მოვიდა ჩემთან და ტელეფონით დამალაპარაკა კაცთან, რომელსაც ვუთხარი, ვინც ვიყავი და სადაც მივდიოდი.


ამის შემდეგ უპრობლემოდ გამიშვეს. უზარმაზარი ქვეყანა გადაიშალა ჩემს თვალწინ, რომელსაც ცეცხლი ეკიდა და იწვოდა.


მივდივარ. ირგვლივ სიცარიელე და მავთულხლართებია. მივდივარ 25-კილოიანი ჩანთით. ბეტონის კედელსა და მავთულხლართებს შორის გზა არ მთავრდება. ამ დროს გამოჩნდა რკინის უზარმაზარი ჭიშკარი. წვრილი გისოსების მიღმა ახალგაზრდა, წვერმოშვებული ბიჭები გამოჩნდნენ.


„ისლამურ სახელმწიფოში“


მივედი რკინის ჭიშკართან. დავაგდე ძირს ჩანთა და ვდგავარ. უცბად კარი აჭრიალდა. გაიღო. ამ ბიჭებს ვიღაც გამოეყო. ჩემკენ დაიძრა. ვუყურებ. ვერ ვცნობ ჩემს შვილს. დიდი წვერით, საოცრად გამხდარი იყო. რომ მომიახლოვდა და დამიძახა, მაშინღა ვიცანი.


შევხვდით ერთმანეთს. მანქანისკენ წამიყვანა, რომელიც იქვე იდგა. ამ დროს ზურგს უკან ხმა მომესმა. მოვტრიალდი. დავინახე ის ბიჭები, რომლებიც დილით თურქეთში ვნახე. უკვე მანქანაში ისხდნენ და წასვლას აპირებდნენ. ახლაც არ ვიცი, რა გზით მოხვდნენ ამ ტერიტორიაზე, რადგან იმ გზაზე, ჩემ წინ და უკან, არავინ დამინახავს, ისე გამოვიარე. მანქანაში ჩავჯექი. დამხვდა გოგონა – ჩემი რძალი. მარტო თვალები უჩანდა. როდესაც მომეხვია და  სახეზე ჰიჯაბი აიხადა, გავოგნდი. მისმა სილამაზემ დამამუნჯა.


ისეთ მანქანაში ვიჯექი, მსგავსი ცხოვრებაში არც კი მინახავს. როგორც ჩემი შვილისგან გავიგე, ის თარხანის მანქანა იყო, ტყვიაგაუმტარი, რომელიც სპეციალურად ჩემს დასახვედრად გამოატანეს. მერე გავიგე, რომ ამ მანქანის ასაწყობად ირანიდან ხალხი ჩამოუყვანია თარხან ბათირაშვილს  და მათთვის აუწყობინებია. დაახლოებით ნახევარი საათი მივდიოდით. ვხედავდი უზარმაზარ სახლებს, მიწასთან გასწორებულს. სახლების წინ დაყრილ თოჯინებს. საბავშვო ეტლებს. განადგურებული იყო ყველაფერი. მიწასთან გასწორებული. ალეპოს გარეუბნის ერთ-ერთ სახლში მივედით. იქაურობა სამოთხეს ჰგავდა. მოოქროვილი სამზარეულო... სახლში არანორმალური სიმდიდრე იყო. მარმარილოში ჩასმული, უზარმაზარი ოთახები. დავინტერესდი, ვის ეკუთვნოდა სახლი. როგორც ჰამზათმა მიპასუხა, სახლი მისი მეგობრის იყო. ის ბიჭი 20 წელი ავღანეთში იბრძოდა და ახლა სირიელ გოგოზე დაქორწინდა და აქ დაიდო ბინაო. ჩემმა შვილმა მითხრა, რომ მას არაფერი ჰქონდა, არც სახლი და არც სიმდიდრე და არც სჭირდებოდა. სირიაში მხოლოდ იმიტომ იმყოფებოდა, რომ შაჰიდი გამხდარიყო.


რამაზანის თვე იყო და მთხოვა, ბიჭებისთვის ხინკალი მომეხვია. ისიც მითხრა, გარეთ არც კი გამეხედა. მე არ ვიცოდი, ვინ გადიოდა და ვინ შემოდიოდა. უამრავი ოთახი იყო და მე სამზარეულოდან არ გავსულვარ. 5 დღე დავრჩი. სანამ იქ ვიყავი, ჩემს შვილს გარეთ გასვლის საშუალებას არ ვაძლევდი.


ირგვლივ ყველაფერი იბომბებოდა. ფანჯრებთან ერთად სახლიც კი ზანზარებდა. შიშისგან მთელი ღამეები არ მეძინა. ის ხუთი დღე გვერდიდან არ მომშორებიან ჩემი შვილი და რძალი. ღამეც კი ერთ ოთახში გვეძინა. ერთ დღესაც თარხან ბათირაშვილს შემახვედრა. ვესაუბრე. ბევრი კითხვა დავუსვი. ამიხსნა ყველაფერი. დამამშვიდა.


ჩემი შვილის მეგობრები ჩამოდიოდნენ ავსტრიიდან და უამრავი რამ ჩამოჰქონდათ, მაგრამ თვითონ არაფერს იტოვებდა. ყველაფერს სხვებს აძლევდა. არაფერი უნდოდა ამქვეყნიური. ერთი ხალათით დადიოდა, რომელსაც ღამე ირეცხავდა და დილისთვის აშრობდა.


მეექვსე დღეს ჩემმა შვილმა მითხრა, რომ უნდა წამოვსულიყავი. უკვე საბრძოლო მოქმედებები მიმდინარეობდა. ჩემი იქ დარჩენა აღარ შეიძლებოდა. სხვა გზა არ მქონდა. წამოვედი. უამრავი მანქანა გამოგვყვა გამოსაცილებლად.


რომ ვშორდებოდით, მივბრუნდი, მუხლებზე დავეცი. ვთხოვე, წამომყოლოდა. ვეუბნებოდი, რომ აღარავინ დაგვრჩა ოჯახში. ვერ დავითანხმე. მითხრა, ყველა ძალიან მიყვარხართ - შენც, ჩემი მეუღლეც, ჩემი მესამე, არდაბადებული შვილიც. მაგრამ მე თქვენზე მეტად ალაჰი მიყვარს. მის წინაშე უნდა წარვდგეო. 


პანკისში დაბრუნება და შვილების გარდაცვალება


წამოვედი. როგორც იქნა, ჩამოვედი. ერთ დღეს ჩემს ტელეფონზე უცხო ნომრიდან ზარი შემოვიდა. ვუპასუხე. ჩემი შვილის ხმა: „განა მე არ მიყვარხართ, მე თქვენზე ვილოცებო“. ტელეფონში აფეთქების საშინელი ხმები გაისმა. კავშირი გაწყდა. გული ჩამწყდა. მთელი ღამე დარდში გავათენე. მეორე დღე. ისევ ზარი შემოვიდა. ჩემი მეორე შვილის, ხალიდის ხმა. ვეხვეწებოდი, არაფერი ეთქვა. გული ცუდს მიგრძნობდა. „პანიკა საჭირო არ არის, ჰამზათი შაჰიდი გახდა“. ეს მოხდა ჰამზათთან განშორების მეოთხე დღეს. მერე აღარაფერი მახსოვს.


რამდენიმე დღეში დავურეკე ჩემს მეორე შვილს. მაინტერესებდა, რას აპირებდა. მითხრა, რომ თვითონაც სირიაში გეგმავდა წასვლას. გული გამეყინა. მივხვდი, ვერც მას გადავარჩენდი.


ხალიდი სამი თვის შემდეგ დაიღუპა.


მაგ დროს საავადმყოფოში ვიყავი ტომოგრაფიაზე. რეკავს ტელეფონი. არ მინდა, ვუპასუხო. გული მიგრძნობდა, რომ რაღაც ცუდი უნდა ეთქვათ ჩემთვის...


ასე გამომეცალა ორი ვაჟკაცი სამ თვეში ხელიდან.


ფეხზე ვერ ვდგებოდი. ძაღლივით ოთხით დავდიოდი. მერე მივხვდი, რომ ჩემ მშობლებს მიხედვა სჭირდებოდათ. თავს ძალა დავატანე. ფეხზე წამოვდექი.


ხანდახან ისე მენატრებიან, რომ მინდა გავიდე და ხმამაღლა ვიტირო. მაგრამ ვხედავ ჩემს მშობლებს, რომლებმაც ორი შვილი დამარხეს და...


ცხოვრება გავაგრძელე. ვცდილობ, ჩემს მშობლებსა და ჩემს მესამე შვილს გავუფრთხილდე და ცრემლი აღარ დავანახო.


 


 


ავტორი: მანია ტოგონიძე, „პირველის“ რედაქტორი


 


 


პირველი ნაწილი იხილეთ ბმულზე


 


მასალაში გამოყენებულია The Daily Beast -ის ფოტოები


სიახლეები მსგავს თემაზე

ორი შაჰიდის დედის, ქისტი ქალის ისტორია – პანკისიდან „ისლამურ სახელმწიფოში“

პანკისის ხეობის სოფელ ჯოყოლოს მკვიდრი, ორი შაჰიდის დედა, ლეილა აჭიშვილი, 90-იანი წლებიდან იწყებს საკუთარი ისტორიის მოყოლას. მან საკუთარი შვილების გადასარჩენად საოცარი გზა გაიარა გროზნოდან პანკისამდე და პანკისიდან სირიამდე.

საქართველოს თავდაცვის სამინისტრო: ავღანეთში სამხედრო ოპერაცია წარმატებით დასრულდა, ლიკვიდირებულია 9 ტერორისტი

"ავღანეთში წმენდისა და სალიკვიდაციო სამხედრო ოპერაცია წარმატებით დასრულდა - ლიკვიდირებულია 9 და დაკავებულია 1 ტერორისტი", -  ამის შესახებ საქართველოს თავდაცვის სამინისტროს მიერ გავრცელებულ განცხადებაშია აღნიშნული. 

გიგა ბოკერია: ევროსაბჭო ბევრს ჰგონია, რომ ევროპასთან ასოცირდება და იდენტურია, ეს ასე არ არის. ძალიან დაავადებული და პრობლემატურ დღეში მყოფი ინსტიტუციაა, სამწუხაროდ

„ევროსაბჭო ძალიან დაავადებული და პრობლემატურ დღეში მყოფი ინსტიტუციაა, სამწუხაროდ“, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ ჟურნალისტებს განუცხადა.

"უარს ვაცხადებთ მოსამართლეების დანიშვნის კენჭისყრაში მონაწილეობაზე" - უმრავლესობიდან წასული დეპუტატების განცხადება

საპარლამენტო უმრავლესობიდან წასული დეპუტატები -  თამარ ჩუგოშვილი, თამარ ხულორდავა, ნინო გოგუაძე, დიმიტრი ცქიტიშვილი, ირინა ფრუიძე და ზაზა ხუციშვილი, უზენაესი სასამართლოს მოსამართლეობის კანდიდატებთან დაკავშირებით განცხადებას ავრცელებენ.

სამოქალაქო საზოგადოება "შევინარჩუნოთ სიცოცხლე" პარლამენტთან კონტრაქციას მართავს

პარლამენტის შენობის წინ, ოპოზიციის აქციის პარალელურად, სამოქალაქო საზოგადოება "შევინარჩუნოთ სიცოცხლე" კონტრაქციას მართავს.

ირაკლი კობახიძე მელიაზე: პარლამენტარებს არ სურთ კრიმინალი კოლეგა ჰყავდეთ 

"დანაშაული ჩაიდინა პარლამენტის წევრმა და ბუნებრივია, პარლამენტარებს არ სურთ, რომ კრიმინალი კოლეგა ჰყავდეთ გვერდით", - ასე გამოეხმაურა საპარლამენტო უმრავლესობის წევრი ირაკლი კობახიძე ოპოზიციონერი დეპუტატის ნიკა მელიასთვის უფლებამოსილების შეჩერების საკითხს.  

საჯარო სამსახური და პროფესიული მემკვიდრეობა – რატომ არ უნდა გადავაყოლოთ ადმინისტრაციულ ცვლილებებს პროფესიონალი კადრები

„მენაშენეთა ასოციაციის“ თავმჯდომარე ირაკლი როსტომაშვილი დაუშვებლად მიიჩნევს პროფესიული მემკვიდრეობითობის და სახელმწიფოებრივი მეხსიერების დაკარგვას და აცხადებს, რომ საჯარო სამსახურებში მესამე დონის მენეჯერებზე ადმინისტრაციის ცვლილება არ უნდა ვრცელდებოდეს.

მამუკა მდინარაძე: სიის ჩაგდებას არ ვაპირებთ, რადგან ეს სასამართლოს გაჩერებას ნიშნავს

"გუნდში გავლილია კონსულტაციები და ჩვენ გვჭირდება, ოპტიმალური რაოდენობა, რომ უზენაესი სასამართლო არ გაჩერდეს",-ამის შესახებ საპარლამენტო უმრავლესობის ლიდერმა მამუკა მდინარაძემ იურიდიულ საკითხთა კომიტეტის სხდომის დასრულების შემდეგ განუცხადა. 

აქციის მონაწილეებმა ნაძვის ხე უზენაესის მოსამართლეობის კანდიდატების ფოტოებით მორთეს

პარლამენტთან მიმდინარე აქციაზე, "გაბედეს" წევრებმა ნაძვის ხე მიიტანეს. ნაძვის ხის სათამაშოებად კი, უზენაესი სასმართლოს უვადოდ მოსამართლეების ფოტოები გამოიყენეს.

გედევან ფოფხაძე: "ოცნება" დღეს ბოლომდე დაიმსხვრა, "ნაციონალურმა მოძრაობამ" იზეიმა

"მიმაჩნია, რომ ამ ყველაფრის შემდეგ გვრჩება შეზღუდული ლეგიტიმური რესურსი იმისთვის, რომ ქართველმა ხალხმა არ დაკარგოს სამშობლო", - ამის შესახებ პარლამენტის ფრაქცია "დამოუკიდებელი დეპუტატების" მდივანმა გედევან ფოფხაძემ იურიდიულ საკითხთა კომიტეტის დასრულების შემდეგ განაცხადა. 

დღეს ზაზა ურუშაძეს დაკრძალავენ

დღეს ქართველ რეჟისორ ზაზა ურუშაძეს საბურთალოს სასაფლაოზე დაკრძალავენ. მას 14:00 საათზე ნუცუბიძის 3 მიკრორაიონში არსებული "ხარების" ტაძარიდან გამოასვენებენ.

თინა ბოკუჩავა: ბიძინა ივანიშვილმა ოხანაშვილის გამოყენებით ყველაზე ფუნდამენტური დაპირება მოიპარა

"ამ სამარცხვინო მოსამართლეებს გამოიყენებს მომავალში ბიძინა ივანიშვილი",- ასე გამოეხმაურა "ნაციონალური მოძრაობის" წევრი თინა ბოკუჩავა იურიდიულ საკითხთა კომიტეტის მხრიდან უზენაესი სასამართლოს მოსამართლეობის კანდიდატების მხარდაჭერის საკითხს.

კორონაროგრაფია - კვლევის საუკეთესო მეთოდი ინფარქტის პრევენციისთვის

ათეროსკლეროზული დავადება ძირითადად  ასაკოვან პირებში გვხვდება,  თუმცა არ არის გამორიცხული, რომ გულის კორონარულ არტერიებში პათოლოგიური ცვლილებები გამოვლინდეს ახალგაზრდა ასაკშიც.

ლევან გოგიჩაიშვილი: "ქართულმა ოცნებამ" დღეს სააკაშვილის ჯალათი მოსამართლეები გადმოიფორმა 

"დღეიდან "ქართული ოცნება" ჩვეულებრივი პარტიაა, რომელსაც უზრუპირებული აქვს ხელისუფლება, არაფრით არ განსხვავდება მისი წინამორბედისგან", - ასე გამოეხმაურა დამოუკიდებელი დეპუტატი ლევან გოგიჩაიშვილი იურიდიულ საკითხთა კომიტეტის მხრიდან უზენაესი სასამართლოს მოსამართლეობის კანდიდატების მხარდაჭერის საკითხს. 

იურიდიულ საკითხთა კომიტეტზე უზენაესი სასამართლოს მოსამართლეობის 14 კანდიდატს დაუჭირეს მხარი

იურიდიულ საკითხთა კომიტეტზე უზენაესი სასამართლოს მოსამართლეობის 20 კანდიდატიდან 14 კანდიდატს დაუჭირეს მხარი, მათ შორის, გიორგი მიქაუტაძეს და შალვა თადუმაძეს.

იურიდიულ კომიტეტზე უზენაესი სასამართლოს მოსამართლეობის კანდიდატების კენჭისყრა ხმაურის ფონზე მიმდინარეობს

სხდომაზე პროტესტს "ნაციონალური მოძრაობის" წევრი თინა ბოკუჩავა მაგიდაზე ხელის ბრახუნით გამოთქვამს.

ჭიათურაში წყალმომარაგების სისტემის მშენებლობა მიმდინარეობს

ქალაქ ჭიათურაში წყალმომარაგების სისტემის მშენებლობა აქტიურ ფაზაშია. პროექტს გაერთიანებული წყალმომარაგების კომპანია, აზიის განვითარების ბანკის დაფინანსებით ახორციელებს.

 
“მდინარე ივრის ჭალის ტყეებისა და მიმდებარე ტერიტორიების აღდგენის პროექტის“ ანგარიშის წარდგენა გაიმართა

გარემოს დაცვისა და სოფლის მეურნეობის სამინისტროს სსიპ დაცული ტერიტორიების სააგენტოს ორგანიზებით, წინანდალში, სასტუმრო „პარკ ჰოტელში“ “მდინარე ივრის ჭალის ტყეებისა და მიმდებარე ტერიტორიების აღდგენის პროექტის“ ერთი წლის ანგარიშის პრეზენტაცია გაიმართა. 

თამარ ხულორდავა: იურიდიულ კომიტეტში კანდიდატურების განხილვის პროცედურა მნიშვნელოვანი წინგადადგმული ნაბიჯია

საქართველოს პარლამენტის დამოუკიდებელი დეპუტატი თამარ ხულორდავა სოციალურ ქსელში პარლამენტში უზენაესი სასამართლოს უვადოდ დასანიშნი მოსამართლეობის კანდიდატების კენჭისყრას ვრცელი პოსტით გამოეხმაურა. 

მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა

PSP-სა და თურქეთის წამყვანი ფარმაცევტული კომპანიის ხელმძღვანელების შეხვედრა 11 დეკემბერს შედგა.

ოხანაშვილი: არავის ძალის გამოყენება არ დამინახავს, ჩვენი ამოცანაა ჟურნალისტებმა ეს პროცესები გააშუქონ

"არავის ძალის გამოყენება არ მინახავს, ჩვენი ამოცანაა ჟურნალისტებმა ეს პროცესები გააშუქონ",- ასე გამოეხმაურა იურიდიულ საკითხთა კომიტეტის თავმჯდომარე ანრი ოხანაშვილი პარლამენტში განვითარებულ პროცესებს. 

 
თინა ბოკუჩავა მოითხოვს, რომ იურიდიულ საკითხთა კომიტეტის თავმჯდომარეს უფლებამოსილება შეუწყდეს

"ნაციონალური მოძრაობის" წევრი თინა ბოკუჩავა მოითხოვს, რომ იურიდიულ საკითხთა კომიტეტის თავმჯდომარეს ანრი ოხანაშვილს უფლებამოსილება შეუწყდეს, რადგან, ბოკუჩავას განმარტებით ანრი ოხანაშვილმა გასცა ბრძანება, რომ კომიტეტის სხდომიდან მედიის წარმომადგენლები ძალის გამოყენებით გაუშვეს.