კანონდამრღვევი სამშენებლო კომპანიები - რა ბედი ელის შეჩერებულ მშენებლობებს?

დედაქალაქის მერიამ მშენებლობის მარეგულირებელი კანონმდებლობის იგნორირების გამო, გაფრთხილება თბილისში 500 მშენებარე ობიექტს მისცა, 272 დააჯარიმა, ხოლო 120 ობიექტს მშენებლობა შეუჩერა.

ერთ-ერთი ყველაზე გახმაურებული სამშენებლო კომპანია „სვეტის“ შემთხვევაა, რომელიც თბილისის მერიის შესაბამისი სამსახურის ნებართვის არ ქონის გამო, დაწყებულ მშენებლობას ვერ ამთავრებს.


კლიენტებს საცხოვრებელი სახლები გასულ წელს უნდა ჩაბარებოდათ, თუმცა ამ დრომდე გაურკვეველია, რა ბედი ელის შეჩერებულ ობიექტს და მომავალი მობინადრეების მიერ გადახდილ თანხებს.


„სვეტის“ ერთ–ერთი კლიენტი, ჟურნალისტი ირაკლი კუნჭულია თავს დაზარალებულად მიიჩნევს და ამბობს, რომ მას ბინა ჯერ კიდევ 2016 წელს უნდა ჩაბარებოდა.


„2016 წლის აგვისტოში თეთრი კარკასი უნდა ჩამბარებოდა. წინასწარ შევიტანე 10% და დანარჩენი მომდევნო 10 თვის განმავლობაში შიდა განვადებით გადაგვინაწილდა. 2016 წლის აგვისტოში ადგილზე რომ მივედი და ვნახე, რა მდგომარეობაც იყო, კომპანიაში დავრეკე და მითხრეს, რომ რადგან თეთრი კარკასი უნდა ჩამბარებოდა, კიდევ სამი თვე ჰქონდათ ვადა, რომ მშენებლობა დაემთავრებინათ. სამი თვეც ვადროვე და დეკემბერში ხელმეორედ დავრეკე, მითხრეს, რომ მშენებლობის დრო კიდევ გახანგრძლივდა. ვიცოდი, რომ კომპანიაში შიგადაშიგ პრობლემები იყო, მაგრამ ამ მასშტაბის თუ იქნებოდა, ვერ წარმომედგინა. როგორც მე გავიგე, კომპანიის მეწილე და მესაკუთრე შეიცვალა, სიტუაცია გაუარესდა, კომპანია თითქმის გაკოტრებულია. „სვეტის“  მართვის  სადავეები აზერბაიჯანულ კომპანიას უნდა გადაებარებინა, გარკვევა-გამორკვევის პროცესში დრო გაიწელა, კონტრაქტის გაწყვეტამდე მეუბნებოდნენ, რომ 2018 წლის ზაფხულის ბოლოს ჩამბარდებოდა“, - უთხრა „პირველს“ კუნჭულიამ.


ადვოკატთან კონსულტაციის გავლის შემდეგ კუნჭულიამ კომპანიასთან კონტრაქტი გაწყვიტა.


„კონტრაქტი მათი მხრიდან  ცალმხრივად იყო დარღვეული და მე ყველანაირი ვალდებულება მქონდა შესრულებული, იდეაში 100% უნდა დამიბრუნონ. ჯამში 10 ათასი დოლარი მაქვს შეტანილი. გაურკვეველია როდის დამიბრუნებენ ამ თანხას. კონტრაქტში წერია, რომ როცა ხელშეკრულებას წყვეტ, ბინის ღირებულება გიბრუნდება, თანხა გიბრუნდება მაშინ, როდესაც ამ კონკრეტულ ბინას გაყიდის სხვა ადამიანზე. კომპანიაში ქაოსური მდგომარეობაა, მეეჭვება ბინა ვინმემ იყიდოს. ჩემსავით უამრავი ადამიანია ქაოსურ და გაურკვეველ ვითარებაში დარჩენილი. იმ შემთხვევაში თუ თანხას არ დამიბრუნებენ, ვაპირებ რომ სასამართლოში ვუჩივლო. რეალურად ხელმოსაჭიდს ვერაფერს გვეუბნებიან “, -აღნიშნა ირაკლი კუნჭულიამ.


 გააგრძელებს თუ არა კომპანია მშენებლობას და რა ბედი ელის მობინაადრებს, აღნიშნული საკითხების გასარკვევად   „პირველი“  სამშენებლო კომპანია „სვეტს“ დაუკავშირდა.


კომპანიაში კომენტარის გაკეთებისგან თავს იკავებენ და აცხადებენ, რომ ამ ეტაპზე ვერაფერს ამბობენ.


დედაქალაქის მერი კახა კალაძე ამბობს, რომ მერია კიდევ უფრო მეტი სიმკაცრით მიუდგება უკანონოდ ან სხვადასხვა სახის კანონდარღვევით მიმდინარე მშენებლობების თემას.


ამ ეტაპზე სამშენებლო უსაფრთხოების იგნორირების გამო ან დარღვევით მიმდინარე პროექტებზე, გაფრთხილება მიცემული აქვს 500 ობიექტს, მათგან უკვე დაჯარიმდა 272 სამშენებლო ობიექტი. შეჩერების დადგენილება ამოქმედდა 120 ობიექტის მიმართ. ასევე, მინდა გითხრათ, რომ მერიის ზედამხედველობის სამსახურმა შეადგინა ოქმი საარჩევნო პლაკატების ჩამოუხსნელობის 59 ფაქტზე, ხოლო სარეკლამო კონსტრუქციების გამო გაფრთხილებულია 300-მდე ობიექტი და აქ პოლიტიკოსებმა და პოლიტიკურმა პარტიებმა მეტი უნდა გააკეთონ იმისთვის, რომ წინასაარჩევნოდ გაკრული პლაკატები, კეთილი ინებონ და არ დატოვონ, ჩამოხსნან, რადგან ეს ყველაფერი ამახინჯებს და აბინძურებს გარემოს. მგონია, რომ ამ მიმართულებითაც უნდა გამკაცრდეს მიდგომები და უნდა გაიზარდოს ჯარიმები", - განაცხადა კალაძემ.


რა ბედი ელის შეჩერებულ მშენებლობებს და ბინების მომლოდინე მოქალაქეებს, რომლებსაც უკვე თანხა გადახდილი აქვთ, კითხვის ნიშნის ქვეშ რჩება.


მშენებლობებზე დარღვევების აღმოჩენის პირველივე შემთხვევაზე ჯარიმა 30 000 ლარია, აღნიშნული ჯარიმა ყოველ დარღვევაზე გაიზრდება.


სამშენებლო კომპანიებისთვის ახალი რეგულაციები 22 თებერვლიდან ამოქმედდა.


 


ავტორი: თაკო მაქაცარია, ჟურნალისტი.


"ეს კარგი შესაძლებლობაა სტუდენტებმა გაგვიზიარონ საკუთარი ხედვა მთავარი საგარეო პოლიტიკური პრიორიტეტების შესახებ"

ბულგარეთის საელჩოს, როგორც ნატო-ს საკონტაქტო საელჩოს ინიციტივით გამოცხადებული ესეების კონკურსის გამარჯვებულები დღეს გამოვლინდნენ თემაზე „ნატო-საქართველო, არსებული გამოწვევები და 2018 წლის ბრიუსელის სამიტი“. 

პრემიერმა 2019 წლის 1-ლი მარტიდან ლიზინგის და ფაქტორინგის ახალი რეგულაციების ამოქმედდება დააანონსა

"ფაქტობრივად დავასრულეთ მუშაობა ლიზინგის და ფაქტორინგის კანონმდებლობაზე, რომელიც მცირე მეწარმეებს საშუალებას მისცემს, ფინანსური ინსტრუმენტებით აქტიურად ისარგებლონ", - ასე უპასუხა პრემიერმა ჭარბვალიანობაზე დასმულ კითხვას.

მამუკა ბახტაძემ საიტ vali.ge -სთან დაკავშირებით მოსახლეობას მიმართა

vali.ge არის ერთადერთი საიტი, რომელიც ჩვენი პროგრამის ფარგლებში ფუნქციონირებს, -  ამის შესახებ საქართველოს პრემიერ-მინისტრმა მამუკა ბახტაძემ „ფეისბუქლაივში“ საუბრისას განაცხადა.

„შშმ პირთა უფლებების კონვენციის“ ფაკულტატური ოქმის რატიფიცირების საკითხზე სამუშაო შეხვედრა გაიმართა

ადამიანის უფლებათა დაცვისა და სამოქალაქო ინტეგრაციის კომიტეტში გაერთიანებული ერების ორგანიზაციის „შეზღუდული შესაძლებლობის მქონე პირთა უფლებების კონვენციის“ ფაკულტატური ოქმის რატიფიცირების საკითხზე სამუშაო შეხვედრა გაიმართა

პარლამენტმა შესაძლოა მოწმის დაკითხვის ახალი წესი მიიღოს

თავდაცვისა და უშიშროების კომიტეტის თავმჯდომარემ, ირაკლი სესიაშვილმა მთავრობის საკანონმდებლო ინიციატივა „საქართველოს სისხლის სამართლის საპროცესო კოდექსში ცვლილების შეტანის შესახებ“ საქართველოს კანონის პროექტი წარადგინა.

ღია მმართველობის მუდმივმოქმედმა საპარლამენტო საბჭომ მორიგი სამუშაო შეხვედრა გამართა

ღია მმართველობის მუდმივმოქმედმა საპარლამენტო საბჭომ და საბჭოსთან არსებულმა საკონსულტაციო ჯგუფმა სამოქმედო გეგმით გათვალისწინებული ვალდებულებების შესრულებაზე იმსჯელა.

პროექტი: „საქართველოს პარლამენტის მოდელირება 2018“

პარლამენტის აპარატისა და თბილისის მერიის მხარდაჭერით და საქართველოს ეროვნული უნივერსიტეტი სეუ-ს ორგანიზებითა და დაფინანსებით, კურორტ საირმეში ორ დღიანი სტუდენტური პროექტი „საქართველოს პარლამენტის მოდელირება 2018“ გაიმართა.

 

საპატრიარქო: სკოლებს კათოლიკოს-პატრიარქის სახელით გარკვეული ლიტერატურის შეძენას სთხოვენ

საქართველოს საპატრიარქო განცხადებას ავრცელებს.

საქართველოს საპატრიარქოში მიწის გასხვისების საწინააღმდეგოდ კონფერენცია ჩატარდა

10 დეკემბერს მიწის გასხვისების საწინააღმდეგოდ საქართველოს საპატრიარქოში კონფერენცია ჩატარდა.

"არა ბულინგს" კამპანიის ფარგლებში მთავარ პროკურატურაში მოსწავლეებისთვის კინოჩვენება მოეწყო

საქართველოს მთავარ პროკურატურაში კამპანიის "არა ბულინგს" ფარგლებში,  საჯარო სკოლის მოსწავლეებისთვის ბულინგის თემაზე კინოჩვენება მოეწყო. მე-9 და მე-12 კლასის მოსწავლეებმა კიბერტერორზე მხატვრული ფილმი ნახეს.

თამბაქოს კონტროლის კანონმდებლობით დაწესებულ შეზღუდვებზე გარკვეული დარღვევები ფიქსირდება

ჯანმრთელობის ხელშეწყობისა და პრევენციის სამეცნიერო-საკონსულტაციო საბჭომ რიგით მეათე სხდომა გამართა. სხდომის განსახილველ საკითხს თამბაქოს კონტროლის კანონმდებლობის აღსრულების მიმდინარეობის გაცნობა წარმოადგენდა.

 

თამარ ჩუგოშვილი - ქალთა ეკონომიკური გაძლიერება ძალიან მნიშვნელოვანია ქვეყნის განვითარებისთვის

საქართველოში ქალთა ეკონომიკური გაძლიერების შესახებ კონფერენცია გაიმართა. კონფერენციას საქართველოში ბრიტანეთის ელჩი ჯასტინ მაკკენზი სმიტი და პარლამენტის პირველი ვიცე-სპიკერი თამარ ჩუგოშვილი დაესწრნენ.

უშგულში მცხოვრები 13 წლის გიდი გიორგი ქოჩქიანი „მთის შვილის“ წოდებით დააჯილდოვეს

საქართველოს პრემიერ-მინისტრმა მამუკა ბახტაძემ  უშგულში მცხოვრები 13 წლის გიდი, გიორგი ქოჩქიანი „მთის შვილის“ წოდებით დააჯილდოვა.

შვეიცარიის კონფედერაციის ახლადდანიშნულმა ელჩმა გაცნობითი შეხვედრა გამართა საქართველოს საგარეო საქმეთა მინისტრთან

საქართველოს საგარეო საქმეთა მინისტრმა დავით ზალკალიანმა მიიღო შვეიცარიის კონფედერაციის ახლადდანიშნული საგანგებო და სრულუფლებიანი ელჩი პატრიკ ფრანცენი, რომელმაც მას რწმუნებათა სიგელების ასლები გადასცა.

 

გუდაური-კობის გზაზე მისაბმელიანი ტრანსპორტის მოძრაობა აიკრძალა

საავტომობილო გზების დეპარტამენტის ინფორმაციით, ინტენსიური თოვის და ლიპყინულის გამო, გუდაური -კობის მონაკვეთზე აკრძალულია მისაბმელიანი და ნახევრადმისაბმელიანი ტრანსპორტის მოძრაობა.

პრემიერმა 2019 წელს 6 სკოლის და 12 საბავშვო ბაღის აშენება დააანონსა

"2019 წელს დაიწყება 6 ახალი სკოლის მშენებლობა და დაახლოებით 15 მილიონი ლარის ღირებულების სამუშაოები განხორციელდება", - ამის შესახებ მამუკა ბახტაძემ მთის განვითარების სტრატეგიის წარდგენისას განაცხადა.

ინფრასტრუქტურის მინისტრი მთაში ხალხის დაბრუნებას სახელმწიფოს ამოცანას უწოდებს

როგორიც არის საქართველოს მთები, ისეთივე ხართ თქვენ, იქ მცხოვრებნიც - მტკიცე, უბოროტო, საიმედო და ფასეულობების დამცველნი.

ზაზა გაბუნიამ რეინჯერ სალომე იდოიძეს "მთის შვილის" წოდება გადასცა

არლამენტის რეგიონული პოლიტიკის და თვითმმართველობის კომიტეტის თავმჯდომარემ ზაზა გაბუნიამ მთის საერთაშორისო დღესთან დაკავშირებულ ღონისძიებაზე თუშეთის ტყის რეინჯერს სალომე იდოიძეს "მთის შვილის" წოდება გადასცა.

ჯეიმს აპატურაი თბილისს ეწვევა

ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში, ჯეიმს აპატურაი 12 დეკემბერს თბილისს ვიზიტით ეწვევა.

რუსებს С-300 ჰაერში აუფეთქდათ. რაკეტა სასტარტო ადგილთან ახლოს ჩამოვარდა

რუსეთის ფედერაციის ასტრახანის ოლქში პოლიგონზე ჩამოვარდა და აფეთქდა საზენიტო კომპლექსის რაკეტა С-300.

საგარეო საქმეთა მინისტრის მოადგილემ ქალთა მიმართ დისკრიმინაციის აღმოფხვრის შესახებ კონვენციის შესრულების თაოობაზე VI პერიოდული ანგარიშის პროექტი წარადგინა

საგარეო საქმეთა მინისტრის მოადგილემ, ხათუნა თოთლაძემ პარლამენტის საგარეო ურთიერთობათა კომიტეტის სხდომაზე ქალთა მიმართ დისკრიმინაციის აღმოფხვრის შესახებ კონვენციის შესრულების  საქართველოს VI პერიოდული ანგარიშის პროექტი.