რამდენად ვარგისიანია მასალები, რომლებიც ქართულ სამშენებლო ბაზარზე შემოდის?

მოქალაქეები სამშენებლო მასალების ვარგისიანობასა და მის ხარისხზე უკვე აქტიურად საუბრობენ.

დასმულ კითხვებს შორის ყველაზე ხშირად გვესმის ახალაშენებული საცხოვრებელი კორპუსები და სხვა ტიპის ობიექტები გაუძლებს თუ არა დროს?  


ვინ ახდენს სამშენებლო მასალებზე კონტროლს? რამდენად ხარისხიანია ის სამშენებლო მასალა, რითაც ობიექტები შენდება?  არსებობს  თუ არა ქვეყანაში ისეთი უწყება, რომელიც სამშენებლო მასალების ვარგისიანობას შეამოწმებს?


აღნიშნულ საკითხთან დაკავშირებით „პირველი“ უძრავი  ქონების ექსპერტებს ესაუბრა.


ასოციაცია „სამშენებლო მასალები და მშენებლობა ფალსიფიკაციის გარეშე“-ს თავმჯდომარე აზორ საკანდელიძე „პირველთან“ საუბარში ამბობს, რომ ქვეყანაში ამ მხრივ ვითარება საგანგაშოა.


საკანდელიძის თქმით, ქვეყანაში არ არსებობს არანაირი უწყება და არც შესაბამისი ლაბორატორია, რომელიც სამშენებლო მასალების ვარგისიანობას შეამოწმებს.


 „ნგრევას უნდა ველოდოთ თუ არა? დიახ, ნგრევას უნდა ველოდოთ. დღემდე საუბარიც კი არ იყო იმასთან დაკავშირებით,  თუ როგორია სამშენებლო მასალები. არაფერი არ მოწმდება და ეს ყველაფერი ბედის ანაბარა არის მიტოვებული. მისასალმებელია, რომ ამ საკითხზე ხმამაღლა დაიწყეს  საუბარი. საკითხს პასიური ხასიათი არ უნდა ჰქონდეს და ერთჯერადი შემოწმება არ უნდა იყოს საკმარისი. ამიტომ  სამშენებლო მასალების ერთჯერადი შემოწმება ვერაფერს მოიტანს. ამასთან დაკავშირებით უნდა შეიქმნას გარკვეული კონცეფცია, უნდა გაირკვეს ვინ არიან შემმოწმებლები, რამდენად კვალიფიციურები არიან და შემდეგ უნდა გადაწყდეს თუ რა ტიპის სადამსჯელო ღონისძიებები გატარდება. ეს ყველაფერი უნდა იყოს გაწერილი“,-ამბობს საკანდელიძე.


სპეციალისტი საკანონმდებლო დონეზე კონტროლის მექანიზმის შემოღებაზე საუბრობს.


 



 როგორც  მან აღნიშნა,  სამშენებლო მასალებზე შემოწმება საბაჟოდან უნდა დაიწყოს, რადგან სწორედ ამ გზით შემოდის უხარისხო პროდუქტი.


„პირველ რიგში სავალდებულოა, რომ  კონტროლის მექანიზმი შემოვიდეს საშენი მასალების შემოწმებაზე, კონტროლი უნდა დაიწყოს საბაჟოდან, საიდანაც შემოდის მასალები, ვინაიდან ძირითადი სამშენებლო მასალები მოსაპირკეთებელი და ა.შ. ყველაფერი შემოდის საზღვარგარეთიდან. შემოსული მასალების უმრავლესობა აბსოლუტურად უხარისხოა. ევროპაში გავხდით ისეთი ქვეყანა, რომ ყველამ იცის აქ სამშენებლო მასალებზე არანაირი შემოწმება არ ტარდება. ქვეყანაში  არ არსებობს ისეთი უწყება, რომელიც ამას შეამოწმებს. შემოწმება კი უნდა დაიწყოს საბაჟოდან. ჩვენ შესამოწმებელი ლაბორატორიული მოწყობილობებიც კი არ გვაქვს, რითაც ხდება შემოწმება. ერთადერთი რაც შეგვიძლია შევამოწმოთ, ეს არის რადიაცია. რადიაციაზე უფრო საშიშია რადონი. რადონი აქვს ყველა სამშენებლო მასალას და მათ შორის მოსაპირკეთებელ მასალას. მასალა უნდა შემოწმდეს თუ რა დოზით შეიცავს ამ ნივთიერებას. რომ გავზომოთ როგორი დოზით უნდა შეიცავდეს იმისი ნორმაც არ გვაქვს. ამიტომ თუ ჩვენ დავიწყებთ შემოწმებას, ბოლომდე უნდა მივყვეთ. გამოსავალი არის ერთ რამეში. ახალმა მერმა უნდა შემოიღოს დაწერილი და დაუწერელი კანონი სამშენებლო უსაფრთხოების ნორმების დაცვაზე, შეამოწმოს ბინები მიღება-ჩაბარების დროს. არ შეიძლება საცხოვრებელი სახლები ჩავიბაროთ ისე, რომ სეისმომედეგობაზე არ შევამოწმოთ. ეს არის წარმოუდგენელი. მე როგორც ამ დარგის ექსპერტი ვამბობ, რომ  დიდი ხანია ამ კუთხით საგანგაშო მდგომარეობაა“,-უთხრა „პირველს“  ანზორ საკანდელიძემ.


აღნიშნულ საკითხთან დაკავშირებით განსხვავებული და საპირისპირო მოსაზრება აქვს უძრავი ქონების სფეროში ექსპერტ შოთა გუჯაბიძეს.


გუჯაბიძის თქმით, „შაბლონურად იმის თქმა, რომ ვითარება საგანგაშოა,  ასე არ არის“.


ის ამბობს, რომ პრობლემაა, როცა შავ ბაზარს მსგავსი ტიპის მომხმარებელი ჰყავს.


„ამ საკითხს მრავალი მხრიდან უნდა შევხედოთ. შაბლონურად იმის თქმა, რომ ვითარება საგანგაშოა, ეს ნამდვილად არ არის ასე. საგანგაშო ის კი არ არის, რომ შავი ბაზარი არსებობს, საგანგაშო უფრო ის არის,  ვინც ამ მასალას ღებულობს.  შავ ბაზარს მომხმარებელი ჰყავს. თეორიულად ვსაუბრობ, განზოგადებით ვერ ვისაუბრებ.  იმის თქმა, რომ ბაზარი იღუპება ან უძრავი ქონების სფეროში საგანგაშო მდგომარეობაა, ეს ასე არ არის.  გამომდინარე იქიდან რომ მსგავსი ტიპის პრობლემა ყველა ქვეყანაში არის, ევროპაშიც და აშშ-შიც. პრობლემა უფრო იმაშია, რომ ამ ბაზარს  და მასალას მომხმარებელი ჰყავს. ეს არის საგანგაშო მდგომარეობა. ვემხრობი  ქართული წარმოების  განვითარებას, რაც უძრავი ქონების პროცენტზე მნიშვნელოვნად აისახება. ასევე აისახება გალარების ანუ ლარიზაციის პოლიტიკაზე. თუ სამშენებლო მოსაწოდებელი პროდუქტი სამშენებლო ბაზარზე უფრო მეტად ქართულ ეროვნულ ვალუტაში იწარმოება, ანუ ქართული წარმოება თუ იქნება, ეს გალარების პოლიტიკას მნიშვნელოვნად შეუწყობს ხელს და გალარების პოლიტიკის ძირითად არსს შეასრულებს. დაეხმარება რეალიზებაში. რაც შეეხება უხარისხო და საფრთხის შემცველ პროდუქტებს, ეს არ ნიშნავს კატასტროფას, ნორმალურია ყველა ბაზრის პირობებში, მაგრამ ამას უნდა ვებრძოლოთ კანონმდებლობის, სტანდარტების გამკაცრების დონეზე, მშენებლობის უსაფრთხოების ნორმების დონეზე, რომ ობიექტზე შემოსულ მასალებზე მოვითხოვოთ სერტიფიკატი და ხარისხის დამადასტურებელი დოკუმენტაცია“,-ამბობს შოთა გუჯაბიძე.


სპეციალისტის პროგნოზით, თბილისში არსებული ახალაშენებული კორპუსები და სხვა ტიპის ობიექტები დროს გაუძლებს.


მისივე თქმით, ახალაშენებულ კორპუსებზე ეჭვის თვალით ყურება ყველა დროში იყო და მათ შორის სოციალისტური სისტემების დროს.


„ ახალაშენებული კორპუსები და სხვა ტიპის ობიექტები რა თქმა უნდა დროს გაუძლებს. ამ კორპუსებზე ეჭვის თვალით ყურება ყველა დროში იყო, ასე იყო სოციალისტური სისტემების დროსაც. მოსაზრება, რომ ძველი აშენებული კორპუსი კარგია და  ახალი არ ვარგა, შაბლონურად არასწორი მიდგომაა. წარსულშიც და დღესაც არის ისეთი ობიექტები, რომლებიც დროს ვერ გაუძლებს. ჩვენ უნდა შევხედოთ სტატისტიკას და არა ვიღაცის მოსაზრებას.  ჩემი სუბიექტური აზრით  თბილისის ახალი მშენებლობების 90-95% დროსაც გაუძლებს და დიდი ხანიც იქნება. არსად არაფერი არ დაინგრევა. მაგრამ ეს არ ნიშნავს, იმას რომ ამ 95%-ში ვერ ვხედავ დარღვევას, ძალიან ბევრ დარღვევას ვხედავ, მაგრამ ეს არ ნიშნავს ნგრევას და ფატალურ შედეგებს. კატასტროფა იმ შემთხვევაში მოხდება თუ პრობლემის მოგვარებაში დროულად არ ჩავერევით  და კანონმდებლობის დონეზე არ მოხდება კონტროლი. ამ ყველაფერს სწორი მიდგომა სჭირდება“,-უთხრა „პირველს“ შოთა გუჯაბიძემ.


მთავრობა სამშენებლო მასალის ხარისხთან დაკავშირებულ ნორმებს დაადგენს და ამასთან დაკავშირებით შესაბამის დადგენილებას მიიღებს.


ეკონომიკისა და მდგრადი განვითარების მინისტრის მოადგილის ირმა ქავთარაძის თქმით, სამშენებლო კოდექისის მიღების შემდეგ, მთავრობამ უნდა დაამუშაოს რეგლამენტი, რომელიც მოაწესრიგებს სამშენებლო მასალის ხარისხს და დაადგენს მოთხოვნებს სამშენებლო ხარისხის მიმართ.


„მეორეს მხრივ, დაადგენს მოთხოვნებს თუ როგორ უნდა მოხდეს სამშენებლო მასალის ბაზარზე განთავსება. როგორც კი პარლამენტი კოდექსს მიიღებს, რამდენიმე თვეში მთავრობა შესაბამის რეგლამენტებს მიიღებს“, -აღნიშნა ქავთარაძემ.


ქვეყანაში ვიდრე ამ მიმართულებით კონტროლის მექანიზმი ამოქმედდება, შავ ბაზარზე ისევ გაიყიდება ფალსიფირებული ცემენტი, არმატურა და სხვა სამშენებლო მასალა.


 


ავტორი: თაკო მაქაცარია, ჟურნალისტი.


 


 


 


 


"ეს კარგი შესაძლებლობაა სტუდენტებმა გაგვიზიარონ საკუთარი ხედვა მთავარი საგარეო პოლიტიკური პრიორიტეტების შესახებ"

ბულგარეთის საელჩოს, როგორც ნატო-ს საკონტაქტო საელჩოს ინიციტივით გამოცხადებული ესეების კონკურსის გამარჯვებულები დღეს გამოვლინდნენ თემაზე „ნატო-საქართველო, არსებული გამოწვევები და 2018 წლის ბრიუსელის სამიტი“. 

პრემიერმა 2019 წლის 1-ლი მარტიდან ლიზინგის და ფაქტორინგის ახალი რეგულაციების ამოქმედდება დააანონსა

"ფაქტობრივად დავასრულეთ მუშაობა ლიზინგის და ფაქტორინგის კანონმდებლობაზე, რომელიც მცირე მეწარმეებს საშუალებას მისცემს, ფინანსური ინსტრუმენტებით აქტიურად ისარგებლონ", - ასე უპასუხა პრემიერმა ჭარბვალიანობაზე დასმულ კითხვას.

მამუკა ბახტაძემ საიტ vali.ge -სთან დაკავშირებით მოსახლეობას მიმართა

vali.ge არის ერთადერთი საიტი, რომელიც ჩვენი პროგრამის ფარგლებში ფუნქციონირებს, -  ამის შესახებ საქართველოს პრემიერ-მინისტრმა მამუკა ბახტაძემ „ფეისბუქლაივში“ საუბრისას განაცხადა.

„შშმ პირთა უფლებების კონვენციის“ ფაკულტატური ოქმის რატიფიცირების საკითხზე სამუშაო შეხვედრა გაიმართა

ადამიანის უფლებათა დაცვისა და სამოქალაქო ინტეგრაციის კომიტეტში გაერთიანებული ერების ორგანიზაციის „შეზღუდული შესაძლებლობის მქონე პირთა უფლებების კონვენციის“ ფაკულტატური ოქმის რატიფიცირების საკითხზე სამუშაო შეხვედრა გაიმართა

პარლამენტმა შესაძლოა მოწმის დაკითხვის ახალი წესი მიიღოს

თავდაცვისა და უშიშროების კომიტეტის თავმჯდომარემ, ირაკლი სესიაშვილმა მთავრობის საკანონმდებლო ინიციატივა „საქართველოს სისხლის სამართლის საპროცესო კოდექსში ცვლილების შეტანის შესახებ“ საქართველოს კანონის პროექტი წარადგინა.

ღია მმართველობის მუდმივმოქმედმა საპარლამენტო საბჭომ მორიგი სამუშაო შეხვედრა გამართა

ღია მმართველობის მუდმივმოქმედმა საპარლამენტო საბჭომ და საბჭოსთან არსებულმა საკონსულტაციო ჯგუფმა სამოქმედო გეგმით გათვალისწინებული ვალდებულებების შესრულებაზე იმსჯელა.

პროექტი: „საქართველოს პარლამენტის მოდელირება 2018“

პარლამენტის აპარატისა და თბილისის მერიის მხარდაჭერით და საქართველოს ეროვნული უნივერსიტეტი სეუ-ს ორგანიზებითა და დაფინანსებით, კურორტ საირმეში ორ დღიანი სტუდენტური პროექტი „საქართველოს პარლამენტის მოდელირება 2018“ გაიმართა.

 

საპატრიარქო: სკოლებს კათოლიკოს-პატრიარქის სახელით გარკვეული ლიტერატურის შეძენას სთხოვენ

საქართველოს საპატრიარქო განცხადებას ავრცელებს.

საქართველოს საპატრიარქოში მიწის გასხვისების საწინააღმდეგოდ კონფერენცია ჩატარდა

10 დეკემბერს მიწის გასხვისების საწინააღმდეგოდ საქართველოს საპატრიარქოში კონფერენცია ჩატარდა.

"არა ბულინგს" კამპანიის ფარგლებში მთავარ პროკურატურაში მოსწავლეებისთვის კინოჩვენება მოეწყო

საქართველოს მთავარ პროკურატურაში კამპანიის "არა ბულინგს" ფარგლებში,  საჯარო სკოლის მოსწავლეებისთვის ბულინგის თემაზე კინოჩვენება მოეწყო. მე-9 და მე-12 კლასის მოსწავლეებმა კიბერტერორზე მხატვრული ფილმი ნახეს.

თამბაქოს კონტროლის კანონმდებლობით დაწესებულ შეზღუდვებზე გარკვეული დარღვევები ფიქსირდება

ჯანმრთელობის ხელშეწყობისა და პრევენციის სამეცნიერო-საკონსულტაციო საბჭომ რიგით მეათე სხდომა გამართა. სხდომის განსახილველ საკითხს თამბაქოს კონტროლის კანონმდებლობის აღსრულების მიმდინარეობის გაცნობა წარმოადგენდა.

 

თამარ ჩუგოშვილი - ქალთა ეკონომიკური გაძლიერება ძალიან მნიშვნელოვანია ქვეყნის განვითარებისთვის

საქართველოში ქალთა ეკონომიკური გაძლიერების შესახებ კონფერენცია გაიმართა. კონფერენციას საქართველოში ბრიტანეთის ელჩი ჯასტინ მაკკენზი სმიტი და პარლამენტის პირველი ვიცე-სპიკერი თამარ ჩუგოშვილი დაესწრნენ.

უშგულში მცხოვრები 13 წლის გიდი გიორგი ქოჩქიანი „მთის შვილის“ წოდებით დააჯილდოვეს

საქართველოს პრემიერ-მინისტრმა მამუკა ბახტაძემ  უშგულში მცხოვრები 13 წლის გიდი, გიორგი ქოჩქიანი „მთის შვილის“ წოდებით დააჯილდოვა.

შვეიცარიის კონფედერაციის ახლადდანიშნულმა ელჩმა გაცნობითი შეხვედრა გამართა საქართველოს საგარეო საქმეთა მინისტრთან

საქართველოს საგარეო საქმეთა მინისტრმა დავით ზალკალიანმა მიიღო შვეიცარიის კონფედერაციის ახლადდანიშნული საგანგებო და სრულუფლებიანი ელჩი პატრიკ ფრანცენი, რომელმაც მას რწმუნებათა სიგელების ასლები გადასცა.

 

გუდაური-კობის გზაზე მისაბმელიანი ტრანსპორტის მოძრაობა აიკრძალა

საავტომობილო გზების დეპარტამენტის ინფორმაციით, ინტენსიური თოვის და ლიპყინულის გამო, გუდაური -კობის მონაკვეთზე აკრძალულია მისაბმელიანი და ნახევრადმისაბმელიანი ტრანსპორტის მოძრაობა.

პრემიერმა 2019 წელს 6 სკოლის და 12 საბავშვო ბაღის აშენება დააანონსა

"2019 წელს დაიწყება 6 ახალი სკოლის მშენებლობა და დაახლოებით 15 მილიონი ლარის ღირებულების სამუშაოები განხორციელდება", - ამის შესახებ მამუკა ბახტაძემ მთის განვითარების სტრატეგიის წარდგენისას განაცხადა.

ინფრასტრუქტურის მინისტრი მთაში ხალხის დაბრუნებას სახელმწიფოს ამოცანას უწოდებს

როგორიც არის საქართველოს მთები, ისეთივე ხართ თქვენ, იქ მცხოვრებნიც - მტკიცე, უბოროტო, საიმედო და ფასეულობების დამცველნი.

ზაზა გაბუნიამ რეინჯერ სალომე იდოიძეს "მთის შვილის" წოდება გადასცა

არლამენტის რეგიონული პოლიტიკის და თვითმმართველობის კომიტეტის თავმჯდომარემ ზაზა გაბუნიამ მთის საერთაშორისო დღესთან დაკავშირებულ ღონისძიებაზე თუშეთის ტყის რეინჯერს სალომე იდოიძეს "მთის შვილის" წოდება გადასცა.

ჯეიმს აპატურაი თბილისს ეწვევა

ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში, ჯეიმს აპატურაი 12 დეკემბერს თბილისს ვიზიტით ეწვევა.

რუსებს С-300 ჰაერში აუფეთქდათ. რაკეტა სასტარტო ადგილთან ახლოს ჩამოვარდა

რუსეთის ფედერაციის ასტრახანის ოლქში პოლიგონზე ჩამოვარდა და აფეთქდა საზენიტო კომპლექსის რაკეტა С-300.

საგარეო საქმეთა მინისტრის მოადგილემ ქალთა მიმართ დისკრიმინაციის აღმოფხვრის შესახებ კონვენციის შესრულების თაოობაზე VI პერიოდული ანგარიშის პროექტი წარადგინა

საგარეო საქმეთა მინისტრის მოადგილემ, ხათუნა თოთლაძემ პარლამენტის საგარეო ურთიერთობათა კომიტეტის სხდომაზე ქალთა მიმართ დისკრიმინაციის აღმოფხვრის შესახებ კონვენციის შესრულების  საქართველოს VI პერიოდული ანგარიშის პროექტი.