ფსიქოლოგი: კარგად უნდა იყოს შესწავლილი, რამდენად არის მსჯავრდებული შესაწყნარებელი

ბარნოვის ქუჩაზე ორი დღის წინ მომხდარმა საზარელმა მკვლელობამ მთელი საზოგადოება შეძრა.
წარსულში ნასამართლევმა მამაკაცმა ვეფხია ბაქრაძემ მის 25 წლის გერს, მცირეწლოვანი შვილების თანდასწრებით, ყელის არეში სასიკვდილო ჭრილობა მიაყენა.

სასტიკ მკვლელობაში ბრალდებული ვეფხია ბაქრაძე წარსულშიც იყო დაკავებული, მას პრეზიდენტის შეწყალების საფუძველზე სასჯელი გაუნახევრდა და საპატიმრო 2017 წლის 25 მაისს დატოვა.



უფრო კონკრეტულად, შინაგან საქმეთა სამინისტროს ინფორმაციით, 2015 წელს ვეფხია ბაქრაძე სასამართლომ ოჯახში ძალადობის მოტივით ჩადენილი დანაშაულისთვის დამნაშავედ სცნო. ის სასჯელს საქართველოს სისხლის სამართლის კოდექსის 11 პრიმა 117-ე ( ჯანმრთელობის განზრახ მძიმე დაზიანება) და 276-ე (ტრანსპორტის მოძრაობის უსაფრთხოების ან ექსპლუატაციის წესის დარღვევა) მუხლებით გათვალისწინებული დანაშაულის ჩადენისთვის იხდიდა.



უნდა იწყალებდეს თუ არა პრეზიდენტი მსგავსი დანაშაულის ჩადენისთვის გასამართლებულ მსჯავრდებულებს?



„პირველი“ ფსიქოლოგ ნანა ჩაჩუას გაესაუბრა. მისი თქმით, შეწყალება უკეთილშობილესი აქტია, თუმცა ეს ფსიქოლოგთა ჯგუფისა და შესაბამისი სპეციალისტების მხრიდან მსჯავრდებულის ფსიქოლოგიური მდგომარეობის შესწავლის შემდეგ უნდა მოხდეს.



„შეწყალება- ეს არის უკეთილშობილესი აქტი, მაგრამ რამდენად არის შესაწყნარებელი, ეს უნდა იყოს კარგად შესწავლილი. თუ რისკი არსებობს, მაშინ, ცხადია, თავის შეკავება აჯობებს. ამისათვის ფსიქოლოგები, ფსიქიატრებიც, ზოგადად სპეციალისტები შეიძლება იყვნენ ჩართულები პროცესში. რაღაც კომისია უნდა არსებობდეს, რომლის დასკვნის შემდეგაც შეიძლება მსჯავრდებულის ფსიქოტიპის გარკვეული დადგენა. ეს არ არის სრული გარანტია, მაგრამ ასეთ რისკებს შეამცირებდა“,-აღნიშნა ნანა ჩაჩუამ.



ცოტა ხნის წინ, ბარნოვზე მომხდარ მკვლელობაში ბრალდებულის შეწყალების საკითხზე ბრიფინგი გამართა საქართველოს პრეზიდენტმა.



მისი თქმით, საზოგადოებაში არსებული კითხვები ლეგიტიმურია. ამავე დროს, პრეზიდენტმა საზოგადოებას მიაწოდა ინფორმაცია იმის თაობაზე, თუ რას ეფუძნებოდა შეწყალების კომისიის დადებითი გადაწყვეტილება:



„ამ ტრაგედიასთან დაკავშირებით ჩვენ მაქსიმალურად ამომწურავი ინფორმაცია გვინდა მივაწოდოთ საზოგადოებას. 2014 წლის აგვისტოში მან ჩაიდინა ძალადობის აქტი თავისი მეუღლის მიმართ, თუმცა მაშინ ეს ადამიანი არ იყო დაპატიმრებული და მხოლოდ ოთხთვენახევრის შემდეგ, დეკემბერში ჩადენილი ავარიის გამო იქნა დაპატიმრებული და შემდეგ ამ ორივე დანაშაულზე მას მიესაჯა სასჯელი.მან ერთხელ მიმართა შეწყალების კომისიას და მისი თხოვნა უარყოფილ იქნა. მეორე მიმართვის დროს, კომისიაში შესული იყო რამდენიმე მნიშვნელოვანი საბუთი, რომელთაგანაც პირველ რიგში აღსანიშნავია სასჯელაღსრულების ცნობა, რომელიც ეფუძნება ფსიქოლოგის დადებით დასკვნას, სოციალური მუშაკის დადებით დასკვნას, სამართლებრივი რეჟიმის განყოფილების მთავარი ინსპექტორის დადებით დასკვნას და აგრეთვე სამედიცინო ცნობას, რომელშიც არ არის მითითებული რაიმე სულიერი აშლილობის თაობაზე. თან ერთვოდა საქმეს მსჯავრდებულის აღიარება და იმ ფაქტის აღწერა, რომ იგი 4 შვილის მამა იყო. აქვე დავამატებ, რომ თან ერთვოდა ამ თხოვნას ოჯახის გამოხატული სურვილი ბრალდებულის გათავისუფლების თაობაზე და ეს ერთადერთი დეტალია, რომელშიც ჩვენ მეტ კონკრტეტიკას ვერ მოგაწოდებთ ამ ინფორმაციის პიროვნული ხასიათიდან გამომდინარე.მაშინ კომისიამ მე მომართა ამ ინფორმაციაზე დაყრდნობით სრულად ამ ადამიანის გათავისუფლების თაობაზე. მე გავანახევრე მხოლოდ სასჯელი“,-განაცხადა გიორგი მარგველაშვილმა და აქვე დასძინა,რომ შეწყალების კომისია ძალადობრივ დანაშაულთან მიმართებაში შეწყალების აქტების გამოცემას დროებით წყვეტს.


ტერეზა მეიმ პოსტი შეინარჩუნა

ბრიტანეთის პრემიერ-მინისტრმა ტერეზა მეიმ პოსტის შენარჩუნება შეძლო.

პოლიციამ დიღომში აფეთქების შედეგად დაზარალებულებს სახლებიდან პირადი ნივთების გამოტანის უფლება მისცა

პოლიციამ, დიდ დიღომში აფეთქების შედეგად დაზარალებულებს, შემთხვევის ადგილზე, საკუთარ სახლებში შესვლის და პირადი ნივთების გამოტანის უფლება მისცა.

სასტუმროებში აფეთქების შედეგად დაზარალებული 27 ადამიანია გადაყვანილი

აფეთქების შედეგად დაზარალებული 27 ადამიანი, რომლებმაც   გამგეობას მიმართეს, სასტუმროებშია გადაყვანილი.

ამინდის პროგნოზი

გარემოს ეროვნული სააგენტო საქართველოში, ბოლო სამი დღის განმავლობაში მოსალოდნელი ამინდის პროგნოზს აქვეყნებს.

"ქართული ოცნება": დარწმუნებული ვართ, გამოძიება, უმოკლეს ვადაში გამოავლენს პასუხისმგებელ პირებს

პოლიტიკური გაერთიანება „ქართული ოცნება-დემოკრატიული საქართველო“ ღრმა მწუხარებას გამოხატავს თბილისში, საცხოვრებელ კორპუსში ბუნებრივი აირის აფეთქების შედეგად დატრიალებული ტრაგედიის გამო.

ნაქერალას უღელტეხილზე და ახალქალაქი-კარწახის გზაზე მისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ნაქერალას უღელტეხილზე და ახალქალაქი-კარწახის გზაზე მისაბმელიანი ავტოტრანსპორტის მოძრაობა აკრძალულია.

გორში ერთ-ერთ ოჯახში გაზქურაში დაგროვილი აირი აალდა

გორში, ერთ-ერთ ოჯახში გაზქურაში დაგროვილი ბუნებრივი აირი აალდა.

იაშვილის საავადმყოფოში დაშავებულთაგან მხოლოდ 1 ბავშვი რჩება

იაშვილის სახელობის ბავშთა ცენტრალურ საავადმყოფოში ამჟამად აფეთქების შედეგად დაშავებული 6 ბავშვიდან მხოლოდ ერთი 4 წლის გოგონა რჩება.

საქართველოში გლოვის დღეა

დიდ დიღომში, სავარაუდოდ, ბუნებრივი აირის გაჟონვის შედეგად დაღუპული 4 ადამიანის გარდაცვალების გამო, საქართველოში 17 იანვარი გლოვის დღედ გამოცხადდა.

 

 

ზუგდიდში წითელასთან დაკავშირებით მიმართვიანობამ იმატა

ზუგდიდის ინფექციურ საავადმყოფოში წითელას ვირუსთან დაკავშირებით მიმდინარე თევს მომართვიანობამ იმატა. საავადმყოფოს პრესსამსახურის ინფორმაციით, საავადმყოფოს სულ 49 ადამიანმა მიმართა.

ბოლო ინფორმაცია აფეთქების შედეგად დაშავებულთა ჯანმრთელობის მდგომარეობის შესახებ

დიდ დიღომში აფეთქების შედეგად დაშავებულთა ჯანმრთელობის მდგომარეობა სტაბილურია. ამ დრომდე იაშვილის სახელობის ბავშვთა საავადმყოფოში რჩება 6 ბავშვი. მათ შესაბამისი სამედიცინო სერვისები ადგილზე მიეწოდებათ.

"ყაზტრანსგაზ-თბილისი" დიღომში მომხდარ აფეთქებაზე განცხადებას ავრცელებს

"ყაზტრანსგაზ-თბილისი" დიღომში მომხდარ აფეთქებაზე განცხადებას ავრცელებს. როგორც კომპანიაში განმარტავენ, „ყაზტრანსგაზ-თბილისი“ საგანგებო რეჟიმში მუშაობს და ამჟამად გამოძიება მიმდინარეობს

"დედაქალაქის მერია აფეთქების შედეგად დაზარალებულ ოჯახებს დროებითი საცხოვრებლით უზრუნველყოფს"

თბილისის მერის კახა კალაძის განცხადებით, დედაქალაქის მერია აფეთქების შედეგად დაზარალებულ ოჯახებს დროებითი საცხოვრებლით უზრუნველყოფს.

პარლამენტის შენობის ფასადზე სახელმწიფო დროშა დაუშვეს

საქართველოს პარლამენტის შენობის ფასადზე თბილისში მომხდარი ტრაგედიის გამო, სახელმწიფო დროშა დაუშვეს.

შსს-ს განცხადება დიღომში მომხდარ აფეთქებაზე

დიდ დიღომში, საცხოვრებელ კორპუსში მომხდარ აფეთქებასთან დაკავშირებით გამოძიება სსკ-ის 240-ე პრიმა მუხლის მე-3 ნაწილით დაიწყო.

დიდ დიღომში მომხდარ აფეთქებასთან დაკავშირებით, ცხელი ხაზი ამოქმედდა

დიდ დიღომში მომხდარ აფეთქებასთან დაკავშირებით, გამგეობის საუბნო განყოფილების ცხელი ხაზი ამოქმედდა, რომელიც 24-საათიან რეჟიმში იმუშავებს.

კახა კალაძემ დიღომში მომხდარი აფეთქებისას დაღუპულების ოჯახის წევრებს მიუსამძიმრა

დედაქალაქის მერმა კახა კალაძემ დიღომში მომხდარი აფეთქების შედეგად მომხდარი ტრაგდეიის გამო მწუხარება გამოთქვა.

"უდიდესი ტრაგედია დაგვატყდა თავს - ვუსამძიმრებ სარულიად საქართველოს"

საქართველოს პრემიერ-მინისტრმა მამუკა ბახტაძემ იაშვილის კლინიკაში, დიღომში კორპუსის აფეთქების შედეგად დაშავებულები მოინახულა.

საქართველოს პრეზიდენტმა აფეთქების შედეგად გარდავლილების ოჯახს მიუსამძიმრა

დის დიღომში მომხდარი აფეთქების შედეგად გამოწვეული ტრაგედიის გამო საქართველოს პრეზიდენტმა მწუხარება გამოთქვა.

"ყაზტრანსგაზის" თანამშრომლები დაკითხვაზე გადაიყვანეს

„ყაზტრანსგაზის“ ის თანამშრომლები, რომლებიც დიდ დიღომში, ავთანდილის ქუჩაზე, საცხოვრებელ კორპუსში შემოწმებაზე იმყოფებოდნენ, დაკითხვაზე გადაიყვანეს. ინფორმაცია"პირველს" შინაგან საქმეთა სამინისტროში დაუდასტურეს.

პრემიერ-მინისტრის გადაწყვეტილებით 17 იანვარი გლოვის დღედ გამოცხადდა

საქართველოს პრემიერ-მინისტრის გადაწყვეტილებით, თბილისში, ბუნებრივი აირის გაჟონვის შედეგად დატრიალებული ტრაგედიის გამო, 17 იანვარი გლოვის დღედ გამოცხადდა.