გიორგი კვირიკაშვილი გადადგა

საქართველოს პრემიერ-მინისტრი გიორგი კვირიკაშვილი თანამდებობს დატოვა.

ამის შესახებ მან რამდენიმე წუთის წინ  მთავრობის ადმინისტრაციაში გამართულ საგანგებო ბრიფინგზე განაცხადა.


"როგორც იცით, გუშინ გაიმართა მმართველი პოლიტიკური ძალის შეხვედრა, რომლის შემდეგ გაკეთდა საჯარო განცხადებები. ჩემსა დაა მმართველ გუნდს შორის გარკვეული მიმართულებებით აზრთა სხვადასხვაობა გამოიკვეთა. კონკრეტულად საუბარი იყო ემი მეთაურობით მთავრობის მიერ გატარებულ ეკონომიკურ პოლიტიკასთან დაკავშირებით. ასევე, მინდა აუცილებლად აღვნიშნო, რომ, განსაკუთრებით ბოლო თვეების განმავლობაში, იყო რიგი ფუნდამენტური საკითხებისა, რომლებშიც პარტიის თავმჯდომარესთან განსხვავებული მოსაზრებები და პოზიციები მქონდა. ეს ნორმალური პროცესია. 2012 წლიდან მოყოლებული, ჯერ კიდევ მინისტრობის პერიოდშიც არასოდეს მოვრიდებივარ პოლემიკას და ვფიქრობ, დღეს არის ის მომენტი, როდესაც პარტიის თავმჯდომარეს უნდა მიეცეს საშუალება, გუნდი დააკომპლექტოს იმ შეხედულებებიდან გამომდინარე, რომელიც მას გააჩნია. რაც შეეხება ეკონომიკურ პოლიტიკას, მინდა ცოტა დაწვრილებით მოგახსენოთ.


2015 წლის დეკემბრის ბოლო რიცხვებიდან გახლავართ ჩვენი ქვეყნის პრემიერ-მინისტრი. მინდა, სრული პასუხისმგებლობით განვაცხადო, რომ ამ 2,5 წლის განმავლობაში, ჩემი მეთაურობით ქვეყნის მთავრობამ გაატარა უაღრესად მნიშვნელოვანი რეფორმები,  მათ შორის, სასიცოცხლო მნიშვნელობის ეკონომიკური რეფორმები. ამ დროის განმავლობაში, მიუხედავად რეგიონში არსებული ურთულესი პოლიტიკური, ეკონომიკური და უსაფრთხოების ვითარებისა, ჩვენ, გუნდთან ერთად, შევძელით საქართველოში შეგვექმნა სტაბილური გარემო და განვითარების სწორ გზაზე დაგვეყენებინა ქვეყანა. დღეს ჩვენ გვაქვს რეგიონში ყველაზე მაღალი ეკონომიკური ზრდა, ყველაზე ხელსაყრელი გარემო ბიზნესის წარმოებისთვის, დაცული საკუთრების უფლება, თავისუფალი ვაჭრობის შეთანხმებები უმსხვილეს ბაზრებთან. ამას აღიარებს მსოფლიოს ყველა ავტორიტეტული ორგანიზაცია და ეს ნათლად არის ასახული საერთაშორისო რეიტინგებშიც. დღეს ორი ოკუპირებული რეგიონის პირობებში, ჩვენი პრაგმატული და სწორი საგარეო პოლიტიკის შედეგად, საქართველოში შექმნილია უსაფრთხო და სტაბილური გარემო. წამოვიწყეთ მნიშვნელოვანი ახალი ინიციატივები შერიგების მიმართულებით. დღეს ჩვენ ვართ ყველაზე უფრო ახლოს ევროკავშირთან და ნატოსთან, ვიდრე საქართველო ოდესმე ყოფილა. დღეს ჩვენ უპრეცედენტო მხარდაჭერა გვაქვს ჩვენი მთავარი სტრატეგიული პარტნიორის - აშშ-ის და ევროკავშირის მხრიდან. ჩვენ გამოვხატეთ მზაობა, რუსეთთან ურთიერთობის დარეგულირების კუთხით გადავდგათ ნაბიჯები ჟენევის დისკუსიების ფორმატში და მჯერა, ადრე თუ გვიან, ეს შეთავაზებები გარკვეულ შედეგს მოიტანს. მე მაშინაც, როდესაც შევიმუშავეთ მთავრობის რეფორმების ოთხპუნქტიანი გეგმა, რომელსაც დაეფუძნა კიდეც „ქართული ოცნების“ პროგრამა და ჩვენმა პარტიამ გაიმარჯვა 2016 წლის საპარლამენტო და 2017 წლის ადგილობრივი თვითმმართველობის არჩევნებში, და ახლაც, აბსოლუტურად დარწმუნებული ვარ, რომ ეს არის სწორი გზა საქართველოს განვითარებისთვის. ძალიან კარგად ვიცი, როგორ უჭირს ხალხს, რომ ჩვენ გვყავს ძალიან ბევრი ოჯახი, რომელიც ყოველდღიური ცხოვრების ურთულეს პირობებში ზრუნავს, რომ რამენაირად იშოვოს ლუკმაპური საკუთარი ოჯახისთვის, საკუთარი შვილებისთვის და თავი გადაირჩინოს. დიახ, ეს ასეა, მაგრამ ისიც აბსოლუტურად ზუსტად ვიცი, რომ არა ჩვენი ეს პოლიტიკა, ამ ხალხისთვის ცხოვრების ნორმალური პირობების შექმნის შესაძლებლობა კიდევ ძალიან ბევრი წლით გადავადდებოდა, რის უფლებასაც მე არასოდეს მივცემდი პირველ რიგში საკუთარ თავს და ვფიქრობ, გუნდიც მთლიანად მოტივირებული იყო, რომ ამ მიზნით გვემოქმედა. მჯერა, რომ პასუხისმგებლიანი პოლიტიკოსის და მით უფრო, მთავრობის მეთაურის ვალდებულებაა, ისეთი გადაწყვეტილებების მიღება და ხშირ შემთხვევაში არაპოპულარული ნაბიჯების გადადგმა, რომელიც გათვლილია არა მყისიერ, ერთჯერად შედეგებზე, არამედ ქვეყნის განვითარების პერსპექტივასა და გრძელვადიან შედეგებზე.


მე, როგორც ქვეყნის პრემიერ-მინისტრმა, სწორედ, ასეთი პოლიტიკა ავირჩიე პოსტზე დანიშვნის დღიდან. ყველას კარგად ახსოვს ის სერიოზული პოლიტიკური თუ ეკონომიკური კრიზისები, რომლებიც ჩვენს რეგიონზე ძალიან მტკივნეულად აისახა. სწორედ ამ პოლიტიკურ თუ ეკონომიკურ რყევებში მოგვიწია ჩვენ გავლა და მნიშვნელოვანი გადაწყვეტილებების მიღება.


მინდა, განსაკუთრებულად აღვნიშნო, რომ ჩვენ შეგნებულად მივიღეთ ეკონომიკური პოლიტიკის რამდენიმე მნიშვნელოვანი გადაწყვეტილება, რომელმაც, შესაძლოა, მოკლე და საშუალოვადიან პერსპექტივაში გამოიღო ის შედეგი, რომ მოგვცა მაღალი ეკონომიკური ზრდა, მაგრამ სათანადოდ ვერ აისახა მოსახლეობის დაბალშემოსავლიან ფენებზე, თუმცა, რომ არა ეს გადაწყვეტილებები, არ გვექნებოდა ეკონომიკური დინამიკა და ქვეყანაში ეკონომიკური მდგომარეობის გამოსწორება მინიმუმ 5-7 წლით გადავადდებოდა.


ეს გადაწყვეტილებები იყო - მცურავი სავალუტო კურსი; რეფინანსირების განაკვეთის ზომიერი ზრდა, რათა არ დაგვემინუსებინა ეკონომიკური ზრდა; აგრეთვე, ჭარბვალიანობისა და დედოლარიზაციის მიმართულებით ნაბიჯების გადადგმა მხოლოდ და მხოლოდ მას შემდეგ, რაც მაკროეკონომიკური, ფისკალური სტაბილიზაცია იქნა მიღწეული და ეს იყო სწორედ 2016 წლის ბოლო და 2017 წლის დასაწყისი, როდესაც ჩვენ ამ ნაბიჯების გადადგმა დავიწყეთ, მას შემდეგ, რაც საბიუჯეტო დეფიციტი პრუდენციულ საზღვრებამდე ჩამოვიყვანეთ.


ეს აუცილებლად უნდა აღინიშნოს, ვინაიდან, რა თქმა უნდა, ამან მოგვიტანა ეკონომიკური დინამიკა, მაგრამ კიდევ ერთხელ ვამბობ - მოკლე და საშუალოვადიან პერსპექტივაში. ჩვენ შეგვეძლო, მიგვეღო გადაწყვეტილებები, რომლებიც კურსს დააფიქსირებდა, მოსახლეობას შეიძლება იმ მომენტში ყოფასგაუადვილებდა, მაგრამ გავფლანგავდით სავალუტო რეზერვებს, ვერ მივიღებდით ეკონომიკურ პოლიტიკას, იმ დინამიკას, რომელიც დღეს გვაქვს ქვეყანაში და შესაბამისად, განვითარების პროცესი გადავადდებოდა. ამიტომ, ეს იყო მტკივნეული, მაგრამ შეგნებული გადაწყვეტილებები. რა თქმა უნდა, შესაძლებელი იყო ამ გადაწყვეტილებების მიღების დროს გარკვეული კომპენსატორების შემოღება, ყველაზე მეტად სოციალურად დაუცველთა ფენებისთვის და ამ ნაწილში მე შემიძლია, მივიღო შენიშვნა, მაგრამ კიდევ ერთხელ ვამბობ - ეს იყო მემარჯვენე ნაბიჯები, რომელმაც ქვეყანას მოუტანა დღეს არსებული დინამიკა.


ჩვენ ამ რთული ვითარებიდან ღირსეულად გამოვედით, გადავლახეთ ის სირთულეები, რომლიდან გამოსვლაც ბევრ განვითარებულ ქვეყანასაც კი უჭირს და რომ არა ასეთი პოლიტიკა, დღეს ჩვენ სხვა რეალობის წინაშე ვიდგებოდით.


დღეს ჩვენ გვაქვს რეგიონში ყველაზე მაღალი, 6,5 %-იანი ეკონომიკური ზრდა აპრილში, 5,5%-იანი ზრდა 2018 წლის პირველ 4 თვეში, მიმდინარე წლის მხოლოდ 5 თვეში ტურიზმის რეკორდული - 24 %-იანი ზრდა, რაც იმას ნიშნავს, რომ წელს ეს მაჩვენებელი 8 მლნ საერთაშორისო მოგზაურს მნიშვნელოვნად გადააჭარბებს.


2018 წლის იანვარ-აპრილში ექსპორტი არის 22%-ით გაზრდილი, დაწყებულია უპრეცედენტო მასშტაბის ინფრასტრუქტურული პროექტები, რომლის განხორციელებასაც 2017-2020 წლებში 9 მლრდ ლარზე მეტი ინვესტიცია მოხმარდება, უშუალოდ ამ პროექტების განხორციელება შექმნის, დაახლოებით 40 000-50 000 სამუშაო ადგილს.


გარდა ამისა, დღეს საქართველო მსოფლიოში აღიარებული უსაფრთხო ქვეყანა გახლავთ, რომელიც მიმზიდველია ინვესტორებისთვის, მსოფლიო დონის ჩემპიონატებისთვის და სხვა არაერთი საერთაშორისო მასშტაბის შეხვედრისთვის.


ყველაფერი ეს იმის წინაპირობაა, რომ ქვეყანა სწორი მიმართულებით მიდის. ეს არის მყარი საფუძველი, რომელიც, დარწმუნებული ვარ, აუცილებლად მოიტანს ძალიან დიდ შედეგებს და ჩვენი შვილები იცხოვრებენ უსაფრთხო, განვითარებულ, ეკონომიკურად ძლიერ სახელმწიფოში.


ჩემთვის ეს თანამდებობა ყოველთვის იყო მხოლოდ და მხოლოდ ყველაზე დიდი პასუხისმგებლობა, რაც კი შეიძლება ადამიანს, მოქალაქეს დაეკისროს და ყოველთვის ვცდილობდი, უდიდესი პატივის გრძნობით მეტარებინა ეს უდიდესი პასუხისმგებლობა მთელი ამ ხნის განმავლობაში.


მე ვეცადე, ვყოფილიყავი თითოეული მოქალაქის პრემიერ-მინისტრი. დიახ, მიმიღია გადაწყვეტილებები საკუთარი თავის საზიანოდ, მაგრამ ყოველთვის, მთელი გულით მჯეროდა და მჯერა, რომ ყველა გადაწყვეტილება, ყველა ნაბიჯი იყო ჩემი ქვეყნის, ჩემი სამშობლოს სასიკეთოდ ნაკარნახევი, იმისთვის, რომ ჩვენს ქვეყანაში სიტუაცია უკეთესობისკენ შეგვეცვალა.


მე ყოველთვის ვიყავი და ვარ გუნდური მოთამაშე. აქედან გამომდინარე, ვხედავ გუნდში განწყობებს და, რა თქმა უნდა, მივიღე ის გადაწყვეტილება, რომელიც ჩემს სიტუაციაში უნდა მიეღო ნებისმიერი გუნდის ხელმძღვანელს. მე ვტოვებ დღეს ჩემს თანამდებობას.


მინდა, აუცილებლად მადლობა გადავუხადო იმ უამრავ ძალიან კარგ ადამიანს, რომლებიც ამ თანამდებობაზე მუშაობის პერიოდში გავიცანი. მინდა, ჩემს თანამშრომლებს, გათენებული ღამეებისთვის, ადამიანური თანადგომისთვის, უდიდესი შრომისთვის, რომელიც მათ გასწიეს ძალიან დიდი მადლობა გადავუხადო.


მინდა, მინისტრებს, გუნდის წევრებს გადავუხადო ძალიან დიდი მადლობა - მათ ძალიან დიდი შრომა გასწიეს. ასევე, მინდა, საპარლამენტო გუნდსაც გადავუხადო მადლობა და, რა თქმა უნდა - პარტიის თავმჯდომარეს, იმისთვის, რომ მე მომეცა საშუალება მემსახურა საქართველოსთვის - ჯერ მინისტრის პოსტზე, ხოლო შემდგომ - პრემიერ-მინისტრის თანამდებობაზე. რა თქმა უნდა, მინდა, გუნდის ხელმძღვანელს ვუსურვო წარმატება ქვეყნის სასიკეთოდ გადადგმულ თითოეულ ნაბიჯში.


დიდი მადლობა. ღმერთი ფარავდეს საქართველოს! მჯერა, რომ ჩვენი ქვეყანა იქნება ერთიანი, გაბრწყინებული, განვითარებული დემოკრატიული სახელმწიფო",-აღნიშნა გიორგი კვირიკაშვილმა.


გიორგი კვირიკაშვილი საქართველოს პრემიერ-მინისტრის თანამდებობას  2015 წლის 30 დეკემბრიდან იკავებდა. 2012-2015 წლებში, საქართველოს ეკონომიკისა და მდგრადი განვითარების მინისტრი იყო, 2015 წელს ასევე ხელმძღვანელობდა საგარეო საქმეთა სამინისტროს.2013 წლის ივლისიდან — 2015 წლის დეკემბრამდე იყო საქართველოს ვიცე-პრემიერი.


ნათია თურნავამ ბიზნესმენებს საინვესტიცო შეთავაზებები გააცნო

ეკონომიკის მინისტრი ნათია თურნავა ინვესტორთა საბჭოსა და ბიზნესასოციაციების წარმომადგენლებს შეხვდა და პროგრამის „100 საინვესტიციო შეთავაზება ბიზნესს“ არსებული კომპონენტები და საინვესტიციო შეთავაზებები გააცნო.

მამუკა მდინარაძე IPSOS-ის კვლევაზე: 39%-ს ვეპოტინებით თურმე, თქვენ წარმოიდგინეთ რეალური შედეგი რა არის?!

„ისინი წარმოგვიდგენენ კვლევებს და არ წარმოგვიდგენენ მოსაზრებებს, რომლის მიხედვითაც „ქართულ ოცნებას“ 18%; 20%; 25%; 30%-იანი მხარდაჭერა აქვს. დღეს აღმოჩნდა, რომ მათი კვლევით, 34 და 39%-საც ვეპოტინებით თურმე.თქვენ წარმოიდგინეთ რეალური შედეგი რა არის".

საქართველოს დელეგაცია, სოფიო კილაძის ხელმძღვანელობით, საფრანგეთში სამუშაო ვიზიტით გაემგზავრა

საქართველოს დელეგაცია სამუშაო ვიზიტით საფრანგეთში გაემგზავრა. დელეგაციას ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე ხელმძღვანელობს. 

მებაჟე ოფიცრებმა არადეკლარირებული საქონელი აღმოაჩინეს

საბაჟო გამშვებ პუნქტებში- ,,სარფი“, „წითელ ხიდი" და „ლაგოდეხი" ფინანსთა სამინისტროს შემოსავლების სამსახურის მებაჟე ოფიცრებმა 13010 ღერი არადეკლარირებული სიგარეტი აღმოაჩინეს.

ბესარიონ სიმონიშვილი: ელბაქიძეების დევნილი ოჯახი გაუსაძლისი პირობებიდან ახალ ბინაში  საცხოვრებლად გადავა

დევნილთა, ეკომიგრანტთა და საარსებო წყაროებით უზრუნველყოფის სააგენტო შიდა ქართლის რეგიონში ბინას კიდევ 34 იძულებით გადაადგილებულ ოჯახს გადასცემს.

ნათია თურნავა ტრასეკას ახალ გენერალურ მდივანს შეხვდა

ეკონომიკისა და მდგრადი განვითარების მინისტრი ნათია თურნავა ევროპა - კავკასია - აზიის სატრანსპორტო დერეფნის (ტრასეკა) პროგრამის ახალ გენერალურ მდივანს ასეტ ასავბაევს შეხვდა.

ჩინურმა კომპნიებმა ინფრასტრუქტურისა და ჯანდაცვის სამინისტროებს საკარანტინო პირობების შესახებ ინფორმაცია გააცნეს

საავტომობილო გზების დეპარტამენტის ხელმძღვანელობა და ჯანდაცვის სამინისტროს წარმომადგენელი დღეს იმ ჩინური კომპანიების წარმომადგენლებს შეხვდნენ, რომლებიც სხვადასხვა მონაკვეთზე საგზაო სამშენებლო პროექტებს ახორციელებენ.

შინაგან საქმეთა მინისტრის მოადგილე აშშ-ის ინტერპოლის ეროვნული ცენტრალური ბიუროს დირექტორს შეხვდა

საქართველოს შინაგან საქმეთა სამინისტრომ აშშ-ის ინტერპოლის ეროვნული ცენტრალური ბიუროს დირექტორს უმასპინძლა. 

თელავში წყალმომარაგების გაუმჯობესების მიზნით კორპუსების გამრიცხველიანების სამუშაოები მიმდინარეობს

გაერთიანებული წყალმომარაგების კომპანიამ თელავის წყალმომარაგების სისტემების მშენებლობა დაიწყო.

მაია ცქიტიშვილი ევროსაბჭოს ადგილობრივი და რეგიონალური ხელისუფლების დელეგაციებს შეხვდა

ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი ევროსაბჭოს ადგილობრივი და რეგიონალური ხელისუფლების კონგრესის დელეგაციას შეხვდა.

კალაძე: სპორტს პოლიტიკური კუთვნილება არ აქვს და დაუშვებელია ჩვენი სპორტსმენების დისკრედიტაციის მცდელობა

თბილისის მერი კახა კალაძე საქართველოს ეროვნულ საკალთბურთო ნაკრებს სერბეთის ნაკრებთან გამარჯვებას ულოცავს.

„თეგეტა მოტორსმა“ ევროპული ბიზნესასოციაციის EBA-ს ბორდის შეხვედრას უმასპინძლა

„თეგეტა მოტორსის“ სათავო ოფისში ევროპული ბიზნესასოციაციის EBA-ს ბორდის შეხვედრა გაიმართა, სადაც განიხილეს საქართველოში პროფესიული კადრების დეფიციტი და სხვადასხვა დარგის ჩართულობით აღნიშნული პრობლემის გადაჭრის შესაძლებლობები.

ბორჯომში სასტუმროს აივნიდან გადავარდნილი ბავშვი იაშვილის კლინიკაში გადაჰყავთ

სამი წლის გოგონა, რომელიც ბორჯომში სასტუმროს მეორე სართულის აივნიდან გადავარდა, კატასტროფის ბრიგადას თბილისში, იაშვილის კლინიკაში გადაჰყავს.

თიბისისა და თავისუფალ უნივერსიტეტს შორის თანამშრომლობის მემორანდუმი გაფორმდა

მემორანდუმს ხელი მოაწერეს თავისუფალი და აგრარული უნივერსიტეტების რექტორმა ვატო ლეჟავამ და თიბისი ბანკის გენერალური დირექტორის მოადგილემ გიორგი თხელიძემ.

არქიტექტურულ კვირეულში- TBILISI ARCH WEEK ტექნიკური უნივერსიტეტის სტუდენტები მიიღებენ მონაწილეობას

26 - 29 თებერვალს, საქართველოში პირველად, არქიტექტურული კვირეული TBILISI ARCH WEEK გაიმართება.

 

ამირან გამყრელიძე მოსახლეობას მოუწოდებს ჩინეთში, ირანსა და სამხრეთ კორეაში მოგზაურობისგან თავი შეიკავონ

დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, კორონავირუსული ინფექციის გავრცელების კუთხით საქართველო კვლავ დაბალი რისკის ქვეშ რჩება.

ნაკადულის კალმახის საშენში ლიფსიტები გამოიჩეკა

ველური ბუნების ეროვნული სააგენტოს ნაკადულის კალმახის საშენში, საქართველოს წითელი ნუსხის სახეობის, მდინარის კალმახის 50 000-ზე მეტი ლიფსიტა გამოიჩეკა.

ამირან გამყრელიძე: საქართველოში ე.წ. პანდემიური მზადყოფნის რეჟიმს უფრო მეტად ვაძლიერებთ

"საქართველოში კიდევ მეტად ვაძლიერებთ ე.წ. პანდემიური მზადყოფნის რეჟიმს, შესაბამისად საკოორდინაციო საბჭოში შემავალი ყველა უწყება მუშაობას აძლიერებს ", -ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ კორონავირუსის შესაძლო გავრცელებასთან დაკავშირებით განაცხადა.

დავით ზალკალიანი გაეროს ადამიანის უფლებათა საბჭოს ღონისძიებაში მონაწილეობს

საგარეო საქმეთა მინისტრი დავით ზალკალიანი გაეროს ადამიანის უფლებათა საბჭოს მაღალი დონის სეგმენტის 43-ე სესიაში მონაწილეობს.

ლევან დავითაშვილი სტრასბურგში მაღალი დონის კონფერენციას გახსნის

გარემოს დაცვისა და სოფლის მეურნეობის მინისტრი ლევან დავითაშვილი სტრასბურგში, ევროპის საბჭოს გენერალურ მდივანთან მარია პეჟინოვიჩი ბურიჩთან და ევროსაბჭოს საპარლამენტო ასამბლეის პრეზიდენტთან რიკ დაემსთან ერთად, გარემოს დაცვისა და ადამიანის უფლებების შესახებ კონფერენციას გახსნის.

ბიძინა ივანიშვილი NDI-ს პრეზიდენტს შეხვდა

პოლიტიკური გაერთიანება „ქართული ოცნება - დემოკრატიული საქართველო“ თავის ოფიციალურ ფეისბუკგვერდზე განცხადებას ავრცელებს.