"ნენსკარა ჰესი" ვერ შექმნის XXI საუკუნის ენერგეტიკას - დაზიანდება მთლიანად კავკასიის ეკოსისტემა

"ნენსკარ ჰესის" არარენტაბელური პროექტი, რომელიც აუნაზღაურებელ ზარალს მიაყენებს არა მხოლოდ სვანეთს, არამედ სრულიად კავკასიის ეკოსისტემას", - ასე აფასებს ეკოლოგი ნინო ჩხობაძე სვანეთში გიგანტური ჰესის მშენებლობას.

"მწვანეთა მოძრაობის" თანადამფუძნებელი ეკოლოგი ნინო ჩხობაძე „ნენსკრა ჰესის“ მშენებლობიდან მომდინარე საფრთხეებს აფასებს:



"2010-11-12 წლებში, "ნენსკრა ჰესისი" პროექტის საფუძველშივე ჩვენ "მწვანეთა მოძრაობა" ვიყავით ამ ჰესის მშენებლობის წნააღმდეგი. იქედან დაწყებული ჩვენი პოზიცია არის უცვლელი. ეს ჰესი ვერ აანაზრაურებს იმ ღირებულებას, რასაც ტყის გაჩეხვა ჰქვია, მარტო საქართველოსთვის კი არა, ტყის განადგურებით მთლიანად კავკასიის ეკოსიტემა დაზარალდება.


"ნენსკრა" ვერ შექმნის 21-ე საუკუნის ენერგეტიკას. ეს არის მე-19 საუკუნის მეთოდი, ულტრათანამედროვე ელექტროენერგიის წყაროებს ქმნის გერმანია, საფრანგეთი, ნორვეგია ჩვენ კი ქვის ხანაში ჩავრჩით.


გარდა იმისა, რომ ეკოლოგიას დააზარალებს, შექმნის მეწყრულ ზონებს და ახალ საფრთხეებს გააჩენს. ეკონომიკურადაც გაუმართლებელია მისი აშენება, აბსოლუტურად არარენტაბელურია. მაშინ, როცა უნდა მივიღოთ სარგებელი და საქართველოს უნდა გადაეცეს 35 წელში, შესაძლოა წყალი საერთოდ აღარ გვქონდეს.


თვითონ ჭუბერისთვის რაც არ იყო დამახასიათებელი, ხომ განვითარდა, არა? ეს იმიტომ მოხდა, რომ იმ ზონის ქვედა ნაწილში გაჩეხილი იყო ტყე, ზედა ნაწილმა ვეღარ მოახერხა წყლის ნაკადის შეჩერება და მოხდა ის, რაც მოხდა, ღმერთმა დაგვიფარა და მსხვერპლი არ მოჰყოლია, მაგრამ ზარალი ნამდვილად გვქონდა, მით უფრო, რომ განვითარდა პროცესი ეერთ-ერთ შენაკადზე და არა სრულად. რა გარანტია გვაქვს რომ მსგავსი რამ აღარ მოხდება? აი იტალიაში რაც მოხდა წყალი ზემოდან გადავიდა და 1200 კაცი დაიუპა, ვინ არის პასუხისმგებელი ამ შემთხვევაში? ძალიან ბევრი კითხვა გვაქვს ნენსკრასთან, რომელიც დარჩება ბოლომდე პასუხგაუცმელი. საერთოდ გაუგებარია, რატომ უნდა აშენდე "ნენსკრა ჰესი".


ყველა დიდ ჰესზერომელზეც არის საუბარი, იგივე ნენსკრა, იგივე ნამახვანი, იგივე ონის კაშხალები, ყველა არის ძალიან დიდი რისკის მატარებელი, – აცხადებს ნინო ჩხობაძე. 


ეკოხედვის დამფუძნებელი ნინო სულხანიშვილი გიგანტური ჰესების მშენებლობის საფრთხეების განეიტრალების შესაძლებლობას სწორ გათვლებში ხედავს.



"ნემსკრა ჰესის" გარემოზე ზემოქმედების შეფასების დოკუმენტს არ ვიცნობ. ზოგადად დიდ ჰესებთან დაკავშირებით რა თქმა უნდა არის რისკები. იმიტომ რომ როდესაც შენდება წყალსაცავი მსოფლიო გამოცდილებას ვერ დავეყრდნობით. ქვეყნები, რომლებსაც აქვთ ჰიდროპოტენციალი და არიან განვითარებული მათ პრაქტიკულად გამოყენებული აქვთ მთლიანად ჰიდროპოტენციალი, ანუ სადაც შესაძლებელი იყო აშენებული აქვთ ეს დიდი ჰესები. იქ რომ ძალიან ბევრი რამე გაფუჭდა მერე დაიწყეს უკვე ფიქრი ბრძოლის შესახებ. საკმაოდ რისკავენ ამ ჰესებით. არსებოს, როგორც ძალიან ცუდი ისე ძალიან კარგი გამოცდილება და ბუნებრივია ამათზე ბოლომდე უარს ვერ ვიტყვით", – მიიჩნევს ნინო სულხანიშვილი.


ექსპერტი გარემოს სტრატეგიული დაგეგმარების საკითხებში ქეთევან ცხაკაია „ნენსკრა ჰესის“ მშენებლობაში სტიქიური მოვლენების რისკებს ხედავს, თუმცა ჭუბერში განვითარებულ მოვლენებს უფრო გლობალურ დათბობას უკავშირებს.


"ზოგადად ნებისმიერი ჰესის მშენებლობა იმოქმედებს გარემოზე. არსებობს რისკები სტიქიის გამომწვევი. თუმცა აქვე არსებობს რისკების მართვის საშუალებებიც. რაც შეეხება ჭუბერის სტიქიას, შესაძლოა, იქ დაუდევრობასაც ჰქონოდა ადგილი. ასევე კლიმატის ცვლილებებზეა დამოკიდებული წყლის ადიდება ამასთან სვანეთში მიმდინარეობს მყინვარების დნობა. ამ საკითხს სჭირდება შესწავლა, მუდმივად უნდა მიმდინარეობდეს კვლევა და სახელმწიფო უნდა ზრუნავდეს ამისთვის".


თავის მხრივ "ნენსკრა ჰესმა" "პირველის" კითხვებს საპროექტო კომპანიის მიერ დაქირავებული საერთაშორისო კვლევითი კომპანიის მიერ მომზადებული გარემოზე ზემოქმედების შეფასების ანგარიშის საფუძველზე უპასუხა.


"იქიდან გამომდინარე, პროექტის ინვესტორია 50 წლის გამოცდილების მქონე კორეის წყლის რესურსების კორპორაცია K-water და ასევე 5 საერთაშორისო ბანკი, მაგალითად ევროპის რეკონსტრუქციის და განვითარების ბანკი EBRD, პროექტის პირველ ეტაპზე შეფასებული იყო ყველა შესაძლო რისკი, კვლევები უმაღლეს საერთაშორისო სტანდარტებტან შესაბამისობაში ჩატარდა.


ჰიდროენერგეტიკის და კაშხლების დარგში საერთაშორისო ექსპერტების ჯგუფს დაევალა ნენსკრას ჰიდროსადგურის პროექტის შეფასება საერთაშორისო პრაქტიკის თვალსაზრისით, რაც კაშხლის უსაფრთხოების ყველა საკითხს, პროექტის კომპონენტების უსაფრთხო პროექტირებასა და აშენებას, მათ ეფექტიან ექსპლუატაციასა და მოვლა-შენახვას უკავშირდება.


ექსპერტთა ჯგუფმა მშენებელი კომპანიის საპროექტო შეთავაზებების რამდენიმე ვარიანტი განიხილა, ხოლო ფოკუსირება მოხდა კაშხლის და პროექტის უსაფრთხოების ასპექტებზე. განსაკუთრებული ყურადღება დაეთმო კაშხალს; ასფალტობეტონის მასალას; საძირკველში წყლის გაჟონვის აღკვეთას; წყალსაგდებს; გვირაბებს და ბუნებრივი მოვლენების რისკების შეფასებას.


საპროექტო კომპანიის მიერ დაქირავებულმა საერთაშორისო კვლევითმა კომპანიამ  მოამზადა გარემოზე ზემოქმედების შეფასების ანგარიში, მათ შორის ჰიდრორესურსები იყო საგულდაგულოდ შესწავლილი - ჩვენს ხელთ არსებული მონაცემები არ გვაძლევს საფუძველს ვიფიქროთ, რომ 30 წლის მერე საკმარისი წყალი აღარ იქნება", - აცხადებენ კომპანიაში.



მათივე ცნობით, 2018 წლის 5 ივლისს განვითარებული სტიქიური პროცესები "ნენსკრა ჰესის" დამოუკიდებლად თავისთავად განვითარდა.


"ნენსკრა ჰესის" განცხადებით, ხეობაში კაშხლის არსებობა მომავალში სტიქიური უბედურების გაკონტროლების შესაძლებლობა იქნება. 


"მრავალი სპეციალისტის დასკვნის მიხედვით მდინარე ნენსკრას ხეობაში მომხდარი წყალდიდობა არანაირ კავშირში არ არის ნენსკრა ჰესის მშენებლობასთან.


აღსანიშნავია, რომ კაშხლის ერთ-ერთი დანიშნულება ზუსტად წყალდიდობების პრევენციაა.


სამომავლოდ ხეობაში კაშხლის არსებობა შესაძლებლობას მოგვცემს, მსგავსი სტიქიური მოვლენების შემთხვევაში მდინარის კალაპოტში წყლის რაოდენობა ეფექტურად გაკონტროლდეს, რაც მოსახლეობისა და ინფრასტრუქტურისთვის ზიანის მიყენების რისკს მაქსიმალურად შეამცირებს", - აცხადებენ "ნენსკრა ჰესში".


კომპანია ეკოლოგების საპასუხოდ აცხადებს, რომ ტერმინ "გიგანტური ჰესები" ჰიდროინჟინერიაში არ არსებობს და მად სპეციალურად საზოგადოების დასაშინებლად იყენებენ.


კომპანია მსოფლიოში ჰესების არსებობისა და მათი სარგებლობის მაგალითებს ასახელებს და საქართველოში კაშხალის აშენების აუცილებლობაზე საუბრობს.


"დავიწყოთ იმით, რომ ტერმინი "გიგანტური ჰესები" ჰიდროინჟინერიაში არ არსებობს - ის ხელოვნურადაა შექმნილი მოსახლეობის დაშინებისთვის.


რაც შეეხება ჰესების მშენებლობას 21-ე საუკუნეში. ყველა იმ ევროპულმა ქვეყანამ, რომელიც ჰიდრორესურსით მდიდარია, ეს რესურსი დიდი ხანია აითვისა, აქტიურად იყენებს და არ აპირებს მასზე უარის თქმას, რადგან ჰიდროელექტროსადგური არის განახლებადი და ამასთანავე იაფი ელექტროენერგიის წყარო. 

შევეხდოთ სტატისტიკას:


"შვეიცარია - ათვისებული აქვს ჰიდრორესურსის 90%, ელექტოენერგიის 56% ჰესების მიერ არის გამომუშავებული; ნორვეგია - ათვისებული აქვს ჰიდრორესურსის 57%, ჰესების წილი გამომუშავებაში - 95%; ავსტრია - ათვისებული აქვს ჰიდრორესურსის 80%, გამომუშავების 62% ხდება ჰესების მიერ.


არსებულ ჰესებს პერიოდულად უტარდება რეაბილიტაცია, ასევე, სადაც ამის საშუალება არის, უკვე არსებული ჰესების სიმძლავრეს ზრდიან.


მაგალითად, შვეიცარიაში მდებარე ჰიდროელექტროსადგურების სისტემის Linth–Limmern-ის დადგმული სიმძლავრე 2017 წელს 1480 მეგავატამდე გაზარდეს.


ახლა დავუბრუნდეთ საქართველოს. 2018 წლის პირველ ნახევარში ელექტროენერგიის მოხმარება საქართველოში გასული წლის ამავე პერიოდთან შედარებით 8,4%-ით გაიზარდა.


მიუხედავად იმისა, რომ ქვეყანა მდიდარია ჰიდრორესურსებით, მათი მხოლოდ 20% არის ათვისებული. შემოდგომა-ზამთრის პერიოდში ჩვენი ქვეყანა დამოკიდებულია ელექტროენერგიის იმპორტზე რუსეთიდან, აზერბაიჯანიდან და სომხეთიდან. ელექტროენერგიის მოხმარება და შესაბამისად დეფიციტიც წლიდან წლამდე იზრდება. 


ნენსკრა ჰესის დანიშნულება ზუსტად დიფიციტის შევსება, იმპორტის შემცირება და შესაბამისად ქვეყნის ენერგოდამოუკიდებლობის განმტკიცებაა.


ნენსკრა ჰესის კიდევ ერთი უპირატესობა ისაა, რომ ის წყალდიდობა-წყალმოვარდნებისკონტროლს შეძლებს, რაც მოსახლეობისა და ინფრასტრუქტურის დაზიანების რისკს მინიმუმამდე დაიყვანს.


რაც შეეხება ელექტროენერგიის სხვა განახლებად წყაროებს. ელექტროენერგიის გამომუშავებისთვის მზისა და ქარის რესურსების ათვისება თანამედროვეობის ერთ-ერთი მნიშვნელოვანი გამოწვევაა. ამ ტიპის ელექტროსადგურების განვითარებას კი ხშირ შემთხვევაში კაშხლიანი ჰესების არსებობა უწყობს ხელს.


მზისა და ქარის ელექტროსადგურების ქსელში ინტეგრაციისთვის აუცილებელია სარეზერვო სიმძლავრეების არსებობა.

გერმანიაში მზისა და ქარის ენერგიების გამოყენება ბოლო წლების განმავლობაში საგრძნობლად გაიზარდა. ამის ერთ-ერთი მიზეზი ქვეყნის ადგილმდებარეობაა. გერმანია ახლოს მდებარეობს ისეთ დიდ ჰიდროელექტროგენერაციის მქონე ქვეყნებთან, როგორებიცაა: ნორვეგია და შვედეთი (ჩრდილოეთით), შვეიცარია და ავსტრია (სამხრეთით). ეს გერმანიის ენერგეტიკულ სისტემას ბალანსისა და მოქნილობის შესაძლებლობას აძლევს, რითაც ხელს უწყობს მზისა და ქარის ენერგიების გამოყენებას", - განუცხადეს "პირველს" "ნენსკრა ჰესში".


წლების განმავლობაში პროექტს აპროტესტებდნენ როგორ ადგილობრივები, ისე ეკოლოგები და ბუნების დამცველები.


"2016 წლის 30 ივნისს თბილისში, საჯარო ბიბლიოთეკაში შეიკრიბნენ სვანეთის მკვიდრნი, რომლებიც მესტიის რაიონში დიდი ჰესების, მათ შორის ნენსკრაჰესის, მშენებლობა გააპროტესტეს. 


ჭუბერის თემმა მიმართა საქართველოს პრეზიდენტს, პოლიტიკურ პარტიებსა და სახალხო დამცველს. ნენსკრაჰესის პერსპექტივასთან დაკავშირებით რადიკალურად განსხვავებული შეხედულება ჰქონდა ენერგეტიკის სამინისტროს.


ადგილობრივების განცხადებით ხელისუფლება ერთპიროვნულად, დახურულ კარს მიღმა წყვეტს სვანეთში ჰესის აშენების საკითხებს.", - "რადიო თავისუფლების" არქივიდან.


სტიქია ჭუბერში მიმდინარე წლის 5 ივლისს მოხდა. ადიდებულმა მდინარე ნენსკრამ ჭუბერის თემის რამდენიმე სოფელი დატბორა. ღვარცოფის შედეგად განადგურდა ინფრასტრუქტურა, მათ შორის, ხიდები და გზები. სახლების დიდი ნაწილი დაიტბორა, მდინარის კალაპოტთან ახლოს მდებარე რამდენიმე სახლი კი მთლიანად დაინგრა.



"ნენსკრა-ჰესის" მშენებელმა კომპანიამ სტიქიის გამომწვევ მიზეზებთან ჰესის მშენებლობის კავშირი უარყო. "ნენსკრა ჰიდროში" აცხადებდნენ, რომ 2018 წლის დასაწყისიდან დღემდე ნენსკრა ჰესის მოსამზადებელი სამუშაოები სრულიად გაჩერებული იყო. "ნენსკრა ჰიდროს" განცხადებით, აღნიშნული სამუშაოები გულისხმობდა მხოლოდ არსებული გზების და ხიდების რეაბილიტაციას.


პროცესების შეფასებისას, პრემიერ-მინისტრმა მამუკა ბახტაძემ აღნიშნა, რომ ხეობაში მომხდარი სტიქიის შემდეგ დღის წესრიგში კვლავ დადგა სწრაფი შეტყობინების სისტემების მეტი რაოდენობით განთავსება. პრემიერმა სტიქიის შესაძლო მიზეზებზე ისაუბრა და აღნიშნა, რომ პროცესს ხელი შეუწყო "ხეების უსისტემო ჭრამ".


ჭუბერში 2018 წლის ივნისში შექმნილ ვითარებასთან დაკავშირებით მწვანე საკითხებსა და ადამიანის უფლებებზე მომუშავე 8 არასამთავრობო ორგანიზაციამ განცხადება გაავრცელა.


ხელმომწერები, როგორც მთავრობას, ისე კომპანიას, პროცესების არასწორად შეფასებას ედავებოდნენ და სახელმწიფოს ვითარების უკეთ შესწავლას სთხოვენ.


"ნენსკრა ჰესის" მშენებლობის შესახებ პირველი ინფორმაცია ჯერ კიდევ წინა ხელისუფლების დროს გაჩნდა, 2012 წლის დასაწყისში. მაშინ მესტიაში ჩატარებულმა საჯარო განხილვამ ჰესის მშენებლობის მიმართ მოსახლეობის დიდი ნაწილის ნეგატიური დამოკიდებულება გამოავლინა.


"ნენსკრაჰესის" მშენებლობა 2021 წლისთვის უნდა დასრულდეს, ჰესის პოტენციური წლიური გამომუშავება კი 1.2 მილიარდი კილოვატსაათი იქნება. პროექტის მიხედვით, ელექტროსადგური გამომუშავებას 2019 წლიდან დაიწყებს, პროექტის ჯამური ღირებულება კი 1 მილიარდ აშშ დოლარს გაუტოლდება.


 


 


რიყეზე დაშავებული ტურისტი გარდაიცვალა

რიყეზე მომხდარი უბედური შემთხვევის შედეგად დაშავებული ტურისტი გარდაიცვალა. 

ძიძიგური: ვფიქრობ, რომ გიორგი გახარიას ქმედებები იყო სრულიად ლეგიტიმური, იძულებული გახდა პოლიცია, რომ ძალა გამოეყენებინა"

პარლამენტის ვიცე-სპიკერმა, საპარლამენტო უმრავლესობის წევრმა, ზვიად ძიძიგურმა სატელევიზიო ეთერში 20-21 ივნისს, თბილისის ცენტრში განვითარებულ მოვლენებზე ისაუბრა.

ბახტაძე: გამოძიებული იქნება თითოეული დეტალი, რომელიც ეხება გულწრფელი ემოციით გამოწვეული პროტესტით პროვოცირებას და გარკვეულ შემთხვევებში ძალის შესაძლო გადამეტებას

"გამოძიებული იქნება თითოეული დეტალი, რომელიც ეხება გულწრფელი ემოციით გამოწვეული პროტესტით პროვოცირებას და მეორეს მხრივ იმას, ხომ არ მოხდა გარკვეულ შემთხვევაში ძალის გადამეტება". ამის შესახებ პრემიერმა მამუკა ბახტაძემ განაცხადა. 

კახა კალაძე შს მინისტრის გადაწყვეტილებას, პარლამენტის პლენარულ სესიაზე გამოსვლის შესახებ, ღირსეულს უწოდებს

პარტია „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ტელეკომპანია „მაესტროს“ პირდაპირ ეთერში შინაგან საქმეთა მინისტრ გიორგი გახარიას გადაწყვეტილება ღირსეულ ნაბიჯად შეაფასა.

ნათია თურნავა: სრული პასუხისმგებლობით ვაცხადებთ, რომ ჩვენი ქვეყნის ტურისტული ბაზარი არის უსაფრთხო

ეკონომიკის  მინისტრის განცხადებით, ტურიზმის სექტორთან აქტიური შეხვედრები გაგრძელდება, მათ შორის აჭარაში, სადაც სეზონი უკვე დაწყებულია და ადგილობრივ ტურისტულ ბიზნესს განსაკუთრებული თანადგომა ესაჭიროება.

"ბიზნესის დიდი ნაწილის თხოვნაა, სხვა ტურისტულ ბაზრებთან ერთად, შევეცადოთ და შევინარჩუნოთ რუსი ტურისტი"

ეკონომიკის მინისტრის ნათია თურნავას თქმით, არსებული გამოწვევების ფონზე გასაგებია ბიზნესსექტორის წუხილი. 

მამუკა ბახტაძე: ვინც მიდის კონსტიტუციის დარღვევის გზით, მისი ადგილი პოლიტიკური დიალოგის მაგიდასთან არ არის

"უპასუხისმგებლო და მოძალადე ჯგუფისთვის არანაირი ალტერნატივა არ არსებობს, მათთვის მიუღებელია არჩევნები, დემოკრატიული პროცესები",-ამის შესახებ პრემიერმა მამუკა ბახტაძემ 20 ივნისის მოვლენების შეფასებისას "იმედს" განუცხადა. 

ბახტაძე: ვწუხვარ იმის გამო, რომ ჟურნალისტები დაზარალდნენ და კიდევ ერთხელ ვაფიქსირებ განსაკუთრებულ პატივისცემას ქართული მედიის მიმართ

20 ივნისის ღამეს დაშავებულთათვის ნებისმიერი სახის დახმარება, იქნება ეს საზღვარგარეთ საუკეთესო კლინიკებში მკურნალობა თუ საქართველოში საუკეთესო ექიმების და სპეციალისტების ჩამოყვანა, იქნება გარანტირებული ჩვენი მხრიდან.

მამუკა ბახტაძე: პროპორციულ სისტემაზე გადასვლისას იმის ალბათობასაც არ გამოვრიცხავთ, რომ კოალიციური მთავრობის შექმნა გახდეს საჭირო

" პროპორციულ სისტემაზე გადასვლისას იმის ალბათობასაც არ გამოვრიცხავთ, რომ კოალიციური მთავრობის შექმნა გახდეს საჭირო. - ამის შესახებ  პრემიერ-მინისტრმა მამუკა ბახტაძემ  „იმედის“ ეთერში განაცხადა.

მაკა ჩიჩუა რუსთაველის გამზირზე საპროტესტო აქციას შეუერთდა

ყოფილი პირველი ლედი მაკა ჩიჩუა რუსთაველის გამზირზე, პარლამენტის წინ მიმდინარე აქციას შეურთდა. 

ზუგდიდის მერია სტიქიით დაზარალებულებს შესაბამის დახმარებას გაუწევს

ზუგდიდის მუნიციპალიტეტის მერია, სტიქიის შედეგად დაზარალებულ ოჯახებს დახმარებას გაუწევს.

არჩილ თალაკვაძე: არავის არ მივცემთ შესაძლებლობას სხვა არაკონსტიტუციური გზებით რაიმე ცვლილებას მიაღწიოს ამ ქვეყანაში

საპარლამენტო უმრავლესობის ლიდერი არჩილ თალაკვაძე  „ერთიანი ნაციონალური მოძრაობის“ თავმჯდომარის, გრიგოლ ვაშაძის განცხადებას გამოეხმაურა. 

ბათუმის მერიის ტურისტული სერვისების სააგენტოს ყოფილი ხელმძღვანელი ცივი იარაღით დაჭრეს

ბათუმის მერიის ტურისტული სერვისების სააგენტოს ყოფილი ხელმძღვანელი ალექსანდრე თევზაძე ცივი იარაღით დაჭრეს.

ზუგდიდში გიორგი გახარიას გადადგომისა და სხვა მოთხოვნებით მესამე აქცია გაიმართა

ზუგდიდში სამოქალაქო აქტივისტები, არასამთავრობო ორგანიზაციების წარმომადგენლები და სხვა მოქალაქეები 20 ივნისს განვითარებული მოვლენების გასაპროტესტებლად კიდევ ერთხელ შეიკრიბნენ.

“ჯორჯიან მანგანეზში” დასაქმებული მაღაროელები განცხადებას ავრცელებენ

შპს “ჯორჯიან მანგანეზში” დასაქმებული მაღაროელების განცხადებით, გავრცელებული ინფორმაცია, თითქოს მაღაროელები გაფიცვის განახლებას გეგმავენ, სიმართლეს არ შეესაბამება.

თბილისში მიმდინარე აქციებს თელაველი ახალგაზრდები უერთდებიან

მათ ქალაქის ცენტრალურ მოედანზე მსვლელობა მოაწყეს, რის შემდეგაც პროტესტი უკვე თელავის თეატრთან გაგრძელდა.

რომან გოცირიძისა და აკაკი ზოიძის დაპირისპირება: შენ აქ იჯექი და ელოდებოდი როგორ შემოვარდებოდნენ

პარლამენტის ბიუროს სხდომაზე „ნაციონალური მოძრაობის“ წევრი რომან გოცირიძე და პარლამენტის ჯანდაცვის კომიტეტის თავმჯდომარე აკაკი ზოიძე ერთმანეთს დაუპირისპირდნენ.

რუსთაველის გამზირზე საპროტესტო აქცია განახლდა

მეხუთე დღეა რუსთაველის გამზირზე საზოგადოებრივი პროტესტი გრძელდება. 

ავლაბარში, ლომოურის ქუჩაზე დაზიანებულია სახლები და მანქანები (ფოტოები)

ავლაბარში, ლომოურის ქუჩაზე დაზიანებულია სახლები და მანქანები.

კარლ ჰარცელი: მივესალმებით „ქართული ოცნების“ ხელმძღვანელობის განცხადებას, რომელიც 2020 წლის არჩევნების პროპორციული სისტემით ჩატარებას ითვალისწინებს

კარლ ჰარცელის კომენტარი საქართველოში ევროკავშირის წარმომადგენლობამ გაავრცელა.
 

ისანში კორპუსის მეშვიდე სართულიდან მცირეწლოვანი ბავშვი გადმოვარდა

ისანში კორპუსის მეშვიდე სართულიდან მცირეწლოვანი ბავშვი გადმოვარდა და დაიღუპა.