ვენესუელა სამხედრო გადატრიალების ზღვარზეა

ვენესუელაში, საპრეზიდენტო არჩევნების წლისთავზე, სამხედრო ამბოხია. ქვეყანაში ვითარება უკიდურესად დაძაბულია. ოპოზიციის მხარეს, მადუროს რეჟიმის მთავარი დასაყრდენი, სამხედროებიც გადავიდნენ.

ცოტა ხნის წინ გავრცელებული ინფორმაციით, ქვეყნის დროებითი პრეზიდენტის, ხუან გუაიდოს მხარეს გადასულ სამხედროებსა და ნიკოლას მადუროს მხარდამჭერ ჯარისკაცებს შორის დაპირისპირება მოხდა. ისმოდა სროლის ხმა. დაპირისპირებამდე რამდენიმე საათით ადრე, ხუან გუაიდომ ვიდეომიმართვა გაავრცელა, სადაც ნიკოლას მადუროს წინააღმდეგ ბრძოლის გადამწყვეტ ფაზაში გადასვლა დააანონსა. ვიდეო ერთ-ერთ სამხედრო ავიაბაზაზე არის გადაღებული.

მასობრივი სახალხო პროტესტი ქვეყანაში არსებულ მძიმე ეკონომიკურ კრიზისსა და მადუროს რეჟიმის მზარდ ავტორიტარიზმზე რეაგირებაა. მიუხედავად იმისა, რომ ვენესუელა მსოფლიოში ნავთობის უდიდეს რეზერვებს ფლობს, რომლის ოდენობაც, დაახლოებით, 290 მილიარდ ბარელს შეადგენს, ქვეყნის მოსახლეობა უკიდურეს სიღარიბეში ცხოვრობს.

სახალხო ამბოხი  ბოლო წელიწადის განმავლობაში  განსაკუთრებულ ფაზაში შევიდა, მას შემდეგ,  რაც, დარღვევებისა და გაყალბების ფონზე ჩატარებულ, 2018 წლის 20 მაისის საპრეზიდენტო არჩევნებს ოპოზიციამ ბოიკოტი გამოუცხადა. თუმცა, ნიკოლას მადურომ პრეზიდენტის პოსტი შეინარჩუნა.

 არჩევნების ლეგიტიმურობა დაგმო 50-მდე ქვეყანამ, მათ შორის ამერიკის შეერთებულმა შტატებმა, ევროკავშირის წევრმა ქვეყნებმა, ლათინური ამერიკის ქვეყნების უმრავლესობამ და ,ასევე, საქართველომ.

პარალელურად,  არჩევნების ლეგიტიმურობა აღიარა რუსეთმა, ჩინეთმა, კუბამ და კიდევ 20-მდე სახელმწიფომ.

ქვეყანაში პოლიტიკური ტემპერატურა განსაკუთრებით 2019 წლის 23 იანვარს აიწია, როცა ვენესუელის საკანონმდებლო ორგანოს, ეროვნული ასამბლეის თავმჯდომარემ, ხუან გუაიდომ თავი ვენესუელის დროებით პრეზიდენტად გამოაცხადა, რასაც ამერიკის შეერთებული შტატების მხრიდან მისი დროებითი პრეზიდენტობის ლეგიტიმურობის აღიარება მოჰყვა.

მიუხედავად იმისა, რომ მადუროს მიერ კონტროლირებადმა ვენესუელის უზენაესმა სასამართლომ ეროვნული ასამბლეა არაკონსტიტუციურად გამოაცხადა და გააუქმა გადაწყვეტილება, ხუან გუაიდოს ეროვნული ასამბლეის პრეზიდენტად დანიშვნის შესახებ, რეალურად არაფერი შეცვლილა , თუ პირიქით არა, ქვეყანა ფართომასშტაბიანმა საპროტესტო აქციებმა მოიცვა. 

 ვენესუელის კრიზისთან დაკავშირებით, პოლარიზებულია დიდი სახელმწიფოების პოზიცია.

რუსეთის საგარეო პოლიტიკურ პრიორიტეტებში ვენესუელას მნიშვნელოვანი ადგილი უჭირავს, ამ მხრივ, განსაკუთრებით აღსანიშნავია რუსული ენერგო და სამხედრო კომპანიების ინტერესები ვენესუელაში და რუსეთის სურვილი, შეინარჩუნოს სტრატეგიული კავშირები ამერიკის კონტინენტზე.

ექსპერტები ვარაუდობენ, რომ  მადუროს დასაცავად რუსეთი შეეცდება, გამოიყენოს ჰიბრიდული ომის ტაქტიკა, რაც სამხედრო ან არასამხედრო გზებით რეჟიმის შენარჩუნებას გულისხმობს. რუსეთი, ამ მხრივ, სირიიის გამოცდილებასაც დაეყრდნობა.

რუსეთის ლიდერმა უკვე მოიწვია უშიშროების საბჭო, სადაც ვენესუელაში მიმდინარე მოვლენებზე იმსჯელეს. ინფორმაციას რუსეთის პრეზიდენტის პრეს-მდივანი დიმიტრი პესკოვი ავრცელებს.

თეთრის სახლის პრესმდივანმა კი განაცხადა, რომ ვაშინგტონი ვენესუელაში არსებულ ვითარებას დეტალურად აკვირდება. ამასთან, რამდენიმე ამერიკელი სენატორი ვენესუელას არმიას ხუან გუაიდოს მხარდაჭერისკენ მოუწოდებს.

ამ ეტაპზე, რთული სათქმელია, როგორი სცენარით განვითარდება მოვლენები ვენუსუელაში და რა ბერკეტებს გამოიყენებენ  დიდი სახელმწიფოები 32-მილიონიან ქვეყანაში საკუთარი პოზიციების გასამყარებლად.

 

 


ქუთაისში ელექტრომობილების წარმოება იწყება

ინდუსტრიულმა ჰოლდინგმა Aigroup -მა ცენტრალურ მოედანზე ოფიციალური პრეზენტაცია გამართა, რომლის ფარგლებში ქუთაისის ელექტრომობილების საწარმოს მშენებლობის პროექტი წარადგინა. 

სამი მოთხოვნიდან ორი შესრულებულია - პროტესტის მეშვიდე დღე თბილისში

თბილისში რუსთაველის გამზირზე მიმდინარე აქციის მონაწილეების მოთხოვნები ნაწილობრივ დაკმაყოფილებულია. შვიდდღიანი პროტესტის შემდეგ სამიდან ორი მოთხოვნა შესრულდა.

მირიან წიკლაურის განცხადებით, მან მონაწილეობა მიიღო კენჭისყრის პროცედურაში

საქართველოს პარლამენტის წევრის, მირიან წიკლაურის განცხადებით, მან მონაწილეობა მიიღო კენჭისყრის პროცედურაში.

ლომჯარია: მელიას დაპატიმრება არ უნდა მოხდეს, ამას პოლიტიკური სტაბილურობისთვის დიდი მნიშვნელობა აქვს

სახალხო დამცველი ნინო ლომჯარია ნიკა მელიასთვის დეპუტატის იმუნიტეტის მოხსნის საკითხს  გამოეხმაურა და აღნიშნა, რომ ნიკა მელიას მიმართ აღკვეთის ღონისძების სახით პატიმრობის გამოყენება მიზანშეწონილი არ არის.

აშშ-ს საელჩო საქართველოს მთავრობას მიმართავს

საქართველოში აშშ-ის საელჩო თბილისის საპროტესტო აქციების შემდგომ განვითარებულ მოვლენებზე განცხადებას ავრცელებს. 

სოფიო ქაცარავა: თბილისში სესიაზე რომ ვყოფილიყავი, აუცილებლად მივცემდი ხმას მელიასთვის მანდატის დროებით შეჩერებას

საპარლამენტო უმრავლესობის წევრი სოფიო ქაცარავა ნიკა მელიაასთვის დეპუტატის მანდატის შეჩერებას სოციალურ ქსელში ეხმაურება.

აკაკი ზოიძე ნიკა მელიას: ნუ გვაცოდებ თავს, თქვენ დაგვიჭერდით, დაგვხვრეტდით, გვაწამებდით

ამის შესახებ საქართველოს პარლამენტის ჯანდაცვის კომიტეტის თავმჯდომარემ, აკაკი ზოიძემ პარლამენტის პლენარულ სხდომაზე განაცხადა, სადაც ნიკა მელიასთვის იმუნიტეტის შეწყვეტის საკითხზე იმსჯელეს.

ვენაში საცხოვრებელ სახლში ძლიერი აფეთქება მოხდა

ვენაში საცხოვრებელ 5-სართულიან სახლში ძლიერი აფეთქება მოხდა.

ბექა ოდიშარია განმარტავს, რატომ ვერ მიიღო ნიკა მელიასთან დაკავშირებით კენჭისყრაში მონაწილეობა

საქართველოს პარლამენტის წევრის, ბექა ოდიშარიას განცხადებით, მან მონაწილეობა მიიღო კენჭისყრის პროცედურაში.

"წითელი ბარათი" მინისტრს - ქუთაისში გიორგი გახარიას თანამდებობიდან გადადგომას მოითხოვენ

ქუთაისში, მესხიშვილის თეატრის შენობის წინ აქცია მიმდინარეობს. აქციის მონაწილლებმა წითელი ბარათი უჩვენეს შინაგან საქმეთა მინისტრს გიორგი გახარიას.

ანრი ოხანაშვილი ნიკა მელიაზე: კანონის წინაშე ყველა თანასწორია, არავის აქვს უფლება განახორციელოს კანონდარღვევა

,,ქართული ოცნების" ლიდერმა, ანრი ოხანაშვილმა პარლამენტის პლენარულ სესიაზე, ნიკა მელიასათვის მანდატის შეჩერების საკითხთან დაკავშირებით, იურიდიული კომიტეტის დასკვნა წარმოადგინა.

„მიშამ ფონდიდან 200 000 რომ მოგცა, ის ფილმი გადაიღე?“ - ზაზა კევლიშვილი მიშა მშვილდაძეს მიმართავს

მუსიკოსი ზაზა კევლიშვილი მიშა მშვილდაძეს 2013 წელს, პრეზიდენტის სარეზერვო ფონდიდან 200 000 ლარის მითვისებაში ადანაშაულებს და ირწმუბნება, რომ ამ საქმეზე პროკურატურაში გამოძიებაც იყო დაწყებული.

გია ვოლსკი: პოლიტიკურ რეპრესიებს მაშინ მოველოდი, თუ რეალურად განხორციელდებოდა ის პროექტი, რაც ჩვენს ოპონენტებს ჰქონდათ ჩაფიქრებული

პარლამენტის პლენარული სხდომის დასრულების შემდეგ, უმრავლესობის დეპუტატმა გია ვოლსკიმ ნიკა მელიასთვის იმუნიტეტის მოხსნის შესახებ ჟურნალისტებთან კომენტარი გააკეთა:

დიმიტრი ხუნდაძე: პრაქტიკულად, ჩვენ დავდექით სახელმწიფოს და საზოგადოების უსაფრთხოების ზღვარზე

სამართლიანი და გულწრფელი აქცია ვერ დასრულდა მომიტინგეთა , ჟურნალისტთა და სამართალდამცავთა ზიანის გარეშე,- განაცხადა უმრავლესობის წევრმა, დიმიტრი ხუნდაძემ 20-21 ივნისის მოვლენების შეფასებისას.

მელია: დიდ ნაწილს არ ჰქონდა სურვილი ჩემს საწინააღმდეგოდ მიეცა ხმა

"ნაციონალური მოძრაობის" წევრის ნიკა მელიას შეფასებით, საპარლამენტო უმრავლესობის დიდ ნაწილს არ ჰქონდა სურვილი მისთვის დეპუტატის იმუნიტეტის მოხსნისთვის მიეცა ხმა.

აკაკი ზოიძე ნიკა მელიაზე: ძალიან კარგად იცოდა მისი განათლების მქონე ადამიანმა, რა შეიძლება მოჰყოლოდა ამ ყველაფერს

პრივილეგია არ უნდა ჰქონდეს პარლამენტს, თუ პარლამენტის წევრს, რომ დაარღვიოს კანონი,-განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ აკაკი ზოიძემ  ნიკა მელიას სადეპუტატო იმუნიტეტის შეჩერებაზე. 

თამუნა ქობალია: გია თურქეთში, ქალაქ სტამბოლში წაიყვანეს, რათა მხედველობა შეუნარჩუნდეს

რუსთაველზე აქციის დროს დაშავებული პოლიციელის, გია ჯალაღონიას მეუღლე თამუნა ქობალია სოციალურ ქსელში სტატუსს აქვეყნებს.

გიორგი კახიანმა პლენარულ სხდომაზე პარლამენტის დადგენილების პროექტი წარადგინა

საპროცედურო საკითხთა კომიტეტის თავმჯდომარემ, გიორგი კახიანმა პლენარულ სხდომაზე პარლამენტის დადგენილების პროექტი წარადგინა, რომლის მიხედვითაც ნიკა მელიას დეპუტატის იმუნიტეტი შეუჩერდა.

ნათია თურნავა: კომერციულ ბანკებთან ერთად ვმსჯელობთ, დახმარების რა კონკრეტული გეგმა შევთავაზოთ ტურიზმის ინდუსტრიას

ნათია თურნავამ საბანკო სექტორთან ერთად იმსჯელა იმ გეგმის ჩამოყალიბებაზე, რომელიც ტურისტულ სექტორში მოქმედ ბიზნესს, განსაკუთრებით მცირე და საშუალო სეგმენტს, არსებული რეალობიდან გამომდინარე, ნეგატიურ ზეგავლენებს შეუმსუბუქებს.

ეკა ბესელია ევროსაბჭოს საპარლამენტო ასამბლეის იურიდიულ და ადამიანის უფლებათა დაცვის კომიტეტის სხდომაში მონაწილეობს

ევროსაბჭოს საპარლამენტო ასამბლეის დეპუტატი ეკა ბესელია სტრასბურგში იმყოფება, სადაც 26-27 ივნისს, ევროსაბჭოს იურიდიულ და ადამიანის უფლებების დაცვის კომიტეტის სხდომაში მონაწილეობს.

ნიკა მელიას დეპუტატის იმუნიტეტი შეუჩერდა

91 მომხრე, არც ერთი წინააღმდეგი - პარლამენტში კენჭისყრის შედეგად, ნიკა მელიას სადეპუტატო იმუნიტეტი შეუჩერდა. გადაწყვეტილებას, რომლის მიხედვითაც მელიას შესაძლოა, პატიმრობა შეეფარდოს, სესიაზე კენჭი რამდენიმე წუთის წინ უყარეს.