დავით ზალკალიანი: საქართველო ყოველდღიურად დგას საერთაშორისო თანამეგობრობის დღის წესრიგში

საქართველოს საგარეო საქმეთა მინისტრის დავით ზალკალიანის თქმით, საქართველო ყოველდღიურად დგას საერთაშორისო თანამეგობრობის დღის წესრიგში.

„საქართველო მართლაც არის წარმოდგენილი ყველა უმაღლესი დონის ფორუმსა და ფორმატებში, აქედან გამომდინარე, ის, რასაც ვისმენთ ოპონენტების მხრიდან, რომ თითქოს საქართველოს საკითხი გამქრალია საერთაშორისო დღის წესრიგიდან, არის პოლიტიკური მანიპულაციები, ხოლო რეალობა არის განსხავებული“,- განაცხადა დავით ზალკალიანმა ჰელსინკში ევროპის საბჭოს მინისტერიალის დღის წესრიგის კომენტირებისას განაცხადა.


მისი თმით, ევროპის საბჭოს მინისტერიალის დღის წესრიგში საქართველო ფართოდ არის წარმოდგენილი. ამაზე მეტყველებს ისიც, რომ მინისტერიალი დაამტკიცებს გენერალური მდივნის ანგარიშს საქართველოს ოკუპირებულ რეგიონებში ადამიანის უფლებების მხრივ არსებული უმძიმესი ვითარების შესახებ, ასევე, მხედველობაში მიიღებს ევროპის საბჭოს მინისტრთა მოადგილეების კომიტეტის გადაწყვეტილებას „ევროპის საბჭო და კონფლიქტი საქართველოში“, რომელშიც საუბარია ყველა იმ მწვავე საკითხზე, რაც რუსეთის მხრიდან საქართველოს ტერიტორიების ოკუპაციის თანმდევია, მათ შორის, საუბარია საქართველოს მოქალაქეების, არჩილ ტატუნაშვილის, გიგა ოთხოზორიას, დავით ბაშარულის და ირაკლი კვარაცხელიას სიცოცხლის ხელყოფის ფაქტებზე, „ოთხოზორია-ტატუნაშვილის სიაზე“ და რაც მთავარია, რუსეთის სამართლებრივ პასუხისმგებლობაზე.


მინისტრის შეფასებით, ეს ყველაფერი ადასტურებს, რომ საქართველოს საკითხი საერთაშორისო დღის წესრიგში მუდმივად დგას. ამ მხრივ, მან კიდევ ერთხელ გაამახვილა ყურადღება მიმდინარე კვირას, ბრიუსელში გამართული მაღალი დონის ღონისძიებებზე, რომელიც აღმოსავლეთ პარტნიორობის 10 წლისთავს მიეძღვნა და სადაც საქართველოს მიმართ გაკეთდა უაღრესად პოზიტიური შეფასებები და გამოხატული იქნა უპრეცედენტო მხარდაჭერა. მინისტრმა ასევე ყურადღება გაამახვილა აშშ-სთან სტრატეგიული პარტნიორობის შთამბეჭდავ ნიშნულზე, როდესაც პოლიტიკური მხარდაჭერის პარალელურად, პრაქტიკული ნაბიჯები იდგმება საქართველოს მხარდასაჭერად.


„ამ ერთი კვირის განმალობაში უმაღლესი დონის შეხვედრებზე, მათ შორის ბრიუსელში, ჰელსინკიში, მოვისმინეთ პოზიტიური შეფასებები საქართველოს შესახებ. რაც შეეხება აშშ-სთან ურთიერთობებს, ჩვენ გვაქვს უპრეცედენტოდ დიდ მხარდაჭერა, არა მხოლოდ პოლიტიკური, არამედ პრაქტიკული თვალსაზრისით. აშშ-სთან სტრატეგიული პარტნიორობა დღეს ძალიან მაღალ ნიშნულზეა, რასაც მოწმობს ის მრავალრიცხოვანი რეზოლუციები, რომლებიც მიიღება საქართველოსთან დაკავშირებით. ამას მოწმობს, ასევე საქართველოს მხარდამჭერი აქტი, თავდაცვის და უსაფრთხოების სფეროში უპრეცედენტო თანამშრომლობა;  ასევე, გაეროს უშიშროების საბჭოზე საქართველოს საკითხის აქტიური წამოწევა, ადამიანის უფლებების მხრივ მიღებული რეზოლუციები", - განაცხადა დავით ზალკალიანმა.


საქართველოს დელეგაცია, მინისტრის ხელმძღვანელობით, ჰელსინკიში ევროპის საბჭოს 129-ე მინისტერიალში მონაწილეობს.​


ირაკლი კობახიძე გერმანია-სამხრეთ კავკასიის მეგობრობის ჯგუფის დელეგაციას შეხვდა

საქართველოს პარლამენტის თავმჯდომარე ირაკლი კობახიძე გერმანიის ფედერაციული რესპუბლიკის ბუნდესტაგის გერმანია-სამხრეთ კავკასიის საპარლამენტო მეგობრობის ჯგუფის წევრებს შეხვდა.

სამეგრელო-ზემო სვანეთის გუბერნატორი ზუგდიდელ ამომრჩევლებს მადლობას უხდის

სამეგრელო-ზემო სვანეთის გუბერნატორმა ალექსანდრე მოწერელიამ ზუგდიდის მერის რიგგარეშე არჩევნები შეაფასა და ამომრჩევლებს ნდობისთვის მადლობა გადაუხადა.

შპს „ჯორჯიან მანგანეზის“ დასაქმებულებმა სავალდებულო მედიაციის პროცესში მონაწილეობაზე უარი განაცხადეს

მედიატორმა 2019 წლის 18 მაისს „ჯორჯიან მანგანეზის“ ადმინისტრაციასა და გაფიცულ დასაქმებულებს მიმართა და ითხოვა, მედიაციის პროცესში მონაწილეობის მზადყოფნის ან უარის გაცხადების წერილობით დადასტურება.

კობა გვენეტაძე: ,,მნიშვნელოვანია რამდენად წახალისებულნი არიან სტარტაპები"

საქართელოს ეროვნული ბანკის პრეზიდენტი კობა გვენეტაძე საერთაშორისო სავალუტო ფონდის მმართველ დირექტორს კრისტინ ლაგარდს ტექნოპარკში შეხვდა.

შინაგან საქმეთა სამინისტრო განცხადებას ავრცელებს

საქართველოს დამოუკიდებლობის დღისადმი მიძღვნილ ღონისძიებასთან დაკავშირებით, 20 მაისის 24:00 საათიდან 21 მაისის დილის 05:00 საათამდე, ავტომანქანების მოძრაობა აიკრძალება.

უკრაინის პრემიერ- მინისტრი თანამდებობას ტოვებს

უკრაინის პრემიერ მინისტრი ვოლოდიმირ გროისმანი პოსტს ტოვებს. 

ნათია თურნავამ და ელიზაბეთ რუდმა ორი ქვეყნის ეკონომიკური ურთიერთობების საკითხები განიხილეს

ეკონომიკის მინისტრმა ნათია თურნავამ და აშშ- ის ელჩის მოვალეობის შემსრულებელმა საქართველოში ელიზაბეთ რუდმა სამუშაო შეხვედრა გამართეს, სადაც განიხილეს ორი ქვეყნის ეკონომიკური ურთიერთობების მიმდინარე საკითხები.

ტექნიკურ უნივერსიტეტში მომავალი აბიტურიენტებისთვის STEM-აკადემიის საინფორმაციო შეხვედრა გაიმართა 

„თქვენ იმყოფებით სივრცეში, რომლის ფართობიც 4 000 კვ.მეტრია დასრულიად უნიკალური, ულტრათანამედროვე ტექნოლოგიებითა და პროგრამებით არის უზრუნველყოფილი. თქვენ შეგიძლიათ შექმნათ ახალი ეპოქა და ნუ გაუშვებთ ამ შესაძლებლობას ხელიდან“.

ფერმერებს ბოსტნეული კულტურების მყნობის თანამედროვე ტექნოლოგიებზე ტრენინგი ჩაუტარდათ

ბოსტნეული კულტურების მყნობის თანამედროვე ტექნოლოგიებზე ფერმერებს, აგრარული დარგის სტუდენტებს და დაინტერესებულ პირებს სოფლის მეურნეობის სამეცნიერო-კვლევითი ცენტრის სპეციალისტებმა ტრენინგი ჩაუტარეს.

"ზუგდიდში კიდევ ერთხელ გამოიჩინა საზოგადოებამ მაღალი ღირსება - ხალხმა არ დაუშვა რევანში და არეულობა"

თბილისის საკრებულოს დამოუკიდებელი წევრი ვატო შაქარიშვილი 2019 წლის 19 მაისის შუალერდურ და რიგგარეშე არჩევნების შედეგებს სოციალურ ქსელში აფასებს.

გიორგი ცუცქირიძე: „საქართველოს ნამდვილად აქვს იმის პოტენციალი, უფრო მაღალი ინკლუზიური ეკონომიკური ზრდა გვქონდეს“

ეკონომიკის ექსპერტი საბანკო-საფინანსო საკითხებში გიორგი ცუცქირიძე საქართველოში კრისტინ ლაგარდის ვიზიტს აფასებს და ამბობს, რომ სსფ მხარს უჭერს საქართველოს მთავრობისა და ეროვნული ბანკის მიერ განხორციელებულ რეფორმებს.

ლარი გაუფასურდა

20 მაისის ვაჭრობის შედეგად აშშ დოლარი გამყარდა და  2.7470 ლარი შეადგინა. კურსი, რომელიც
დღეს მოქმედებდა, 2.7424 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -0.46 თეთრი შეადგინა.
 

შოთა გულბანი: ქრისტინ ლაგარდის აქ ყოფნა ნიშნავს, რომ საერთაშორისო სავალუტო ფონდი მხარს უჭერს ბოლო პერიოდში საქართველოს საფინანსო სექტორში განხორციელებულ რეფორმებს

ახალგაზრდა ფინანსისტთა და ბიზნესმენთა ასოციაციის (აფბა) პრეზიდენტი შოთა გულბანი სოციალურ ქსელში შემდეგი სახის პოსტს აქვეყნებს:

მამუკა მდინარაძე : მიხეილ სააკაშვილს და მის ოჯახს მოუწია აღიარება, რომ მაიამიში მრავალმილიონიანი ქონება მათ ეკუთვნით

ფრაქცია „ქართული ოცნების“ თავმჯდომარე მამუკა მდინარაძე მაიამიში სააკაშვილის ქონებასთან დაკავშირებით გავრცელებულ ინფორმაციას ეხმაურება და ამბობს, რომ ეს დადასტურებული ფაქტია.

თამარ ჩუგოშვილი: ჩვენ ქვეყანას სჭირდება სტაბილურობა, სიმშვიდე და არა ქაოსი და არეულობა

„ხელოვნური დაძაბულობების შექმნის მცდელობა გუშინაც ვიხილეთ, მაგრამ ეს მცდელობები სრული კრახით დასრულდა და ასეთივე კრახით დასრულდება მომავალშიც“ - ამის შესახებ „ქართული ოცნების“ საერთაშორისო მდივანმა თამარ ჩუგოშვილმა განაცხადა.

სოსო არჩვაძე: ქრისტინ ლაგარდის ვიზიტი ღია მხარდაჭერაა საქართველოში მიმდინარე რეფორმების ახალი ტალღისადმი

საქართველოში საერთაშორისო სავალუტო ფონდის აღმასრულებელი დირექტორის ქრისტიან ლაგარდის ვიზიტს ექსპერტები აფასებენ.

საქართველოს პოლონეთის რესპუბლიკის სენატის მარშალი ეწვევა

დღეს, 20 მაისს საქართველოს პოლონეთის რესპუბლიკის სენატის მარშალი, სტანისლავ კარჩევსკი და მისი თანმხლები დელეგაცია ეწვევა.

საქართველოს ბანკის ახალი იპოთეკური შეთავაზება - „ჩემი პირველი სახლი“

საქართველოს ბანკმა, ქვეყნის წამყვანმა ბანკმა, იპოთეკურ სესხზე ახალი აქციის დაწყების შესახებ განაცხადა. ის,  ვინც 2019 წლის 20 მაისიდან ისარგებლებს საქართველოს ბანკის იპოთეკური სესხით, ჩაერთვება აქციაში - „ჩემი პირველი სახლი“.

თბილისის მერია ბაგა-ბაღების საკვებით მომმარაგებელ კომპანია „ნილთან“ ხელშეკრულებას წყვეტს

ბაგა-ბაღების საკვები პროდუქტებით მომარაგების პროცესში ბოლო ორი კვირის განმავლობაში გამოვლენილი ხარვეზების გამო, თბილისის მერია კომპანია „ნილთან“  ხელშეკრულებას წყვეტს.  

ოთარ ანგურიძე: კრისტინ ლაგარდის ვიზიტი მთავრობის მიერ განხორციელებული მონეტარული პოლიტიკის ცალსახა მხარდაჭერაა

კრისტინ ლაგარდის ვიზიტი სავალუტო ფონდის მხრიდან ცალსახა მხარდაჭერაა, - ასე ეხმიანება ეკონომიკის ექსპერტი ოთარ ანგურიძე სავალუტო ფონდის მმართველი დირექტორის საქართველოში ვიზიტს.

წყალტუბოში ყოველწლიური ფორუმი "რეგიონული ეკონომიკა - ძლიერი მუნიციპალიტეტები დეცენტრალიზაციის რეფორმის კონტექსტში" გაიმართება

21 მაისს, წყალტუბოში „სახელმწიფო და ადგილობრივი ხელისუფლების ინსტიტუციური დიალოგის“ მეოთხე ყოველწლიური ფორუმი „რეგიონული ეკონომიკა - ძლიერი მუნიციპალიტეტები დეცენტრალიზაციის რეფორმის კონტექსტში“ გაიმართება.