მამუკა მდინარაძე: აბსოლუტური სიცრუეა, რომ რაღაც დამხშობები, მფრინავი თეფშები და უცხოპლანეტელები იყვნენ ზუგდიდში რომელიღაც შტაბთან

„ძალიან გთხოვთ, ასეთი არასწორი ინფორმაციის გავრცელებისგან შევიკავოთ თავი“, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ ჟურნალისტებთან საუბრისას განაცხადა.

მდინარაძის თქმით, არჩევნების წაგებას ვერ გადაფარავს ამბების მოგონება ე.წ. ჩამხშობების შესახებ და არც ერთი წამით, არც ერთი ტელეკომპანიის მაუწყებლობა არც კი შეფერხებულა:


„როგორც ვაცხადებდით თავიდანვე დამაჯერებლად ვიმარჯვებთ, უკვე ოქმები ამის თქმის საშუალებას გვაძლევს. ის, რომ დამაჯერებლად ვიმარჯვებთ პრაქტიკულად ყველა ოლქში, ეს ნიშნავს, რომ  პროგნოზი გამართლდა.  ერთ-ორ ოლქში შესაძლებელია დავუშვათ, რომ იყოს მეორე ტური, მაგრამ ჯერ-ჯერობით ამ ოლქებიდან არ არის შემოსული საკმარისი რაოდენობა, რომ განზოგადება შევძლოთ და შევძლოთ პრაქტიკული პროგნოზის დადება.


დაველოდოთ ოქმებს და ამის შემდეგ უკვე პრაქტიკულად უფრო ზუსტად ნახევარ საათში შეგვეძლება ზუსტი ინფორმაციის გადმოცემა. მთავარია, რომ ჩვენ შეგვიძლია მადლობა გადავუხადოთ აბსოლუტურად ყველა ამომრჩეველს და განსაკუთრებით ქართული ოცნების ამომრჩევლებს, რომლებმაც გამოიჩინეს უპრეცენდენტო აქტივობა და „ქართული ოცნება“ ამ არჩევნებშიც საერთო ჯამში დამაჯერებლად, დაახლოებით 60 პროცენტის ფარგლებში იმარჯვებს“, - განაცხადა „ქართული ოცნების“ თავმჯდომარემ.


მისივე თქმით, მიხეილ სააკაშვილი პირდაპირ მოუწოდებდა თავის მხარდამჭერებს არეულობისკენ:


„მე არ ვიცი ზუგდიდში დაიძაბება თუ არა მდგომარეობა, რას მოიმოქმედებენ ნაციონალური მოძრაობის წარმომადგენლები, ჩვენ პროვოკაციის შესახვედრად, დასახვედრად და აღსაკვეთად მზად ვართ. თუმცა, ისიც შეგვიძლია დავამატოთ, რომ მიხეილ სააკაშვილი პირდაპირ მოუწოდებდა არეულობისკენ თავის მხარდამჭერებს, როცა მან მხარი დაუჭირა ჩანაწერში ნაციონალური მოძრაობის შტაბიდან ჩანაწერში გახმოვანებულ მესიჯებს არეულობის და ე.წ. ადუღების შესახებ. მინდა, მოგაწოდოთ დაკონკრეტებული ინფორმაცია, აბსოლუტური სიცრუეა, რომ რაღაც დამხშობები, მფრინავი თეფშები და უცხოპლანეტელები იყვნენ ზუგდიდში რომელიღაც შტაბთან.


აქვე გეტყვით, რომ ორი შტაბი, ნაციონალური მოძრაობის და ჩვენი სულ 20- 30 მეტრის მანძილით  არის დაშორებული. მსოფლიოში ასეთი ჯერ არ გამოუგონიათ, რომ ერთი მიმართულებით, 20 მეტრის იქით ჩაახშოს და 20 მეტრის იქით არ ჩაახშოს, ეს არის აბსოლუტური სიცრუე და როგორღაც არჩევნების წაგებას ვერ გადაფარავს რაღაცა ამბების მოგონება ეგრეთწოდებული ჩამხშობების შესახებ და ისიც უნდა დავამატო, რომ არც ერთი წამით, არც ერთი ტელეკომპანიის მაუწყებლობა არც კი შეფერხებულა. ძალიან გთხოვთ ასეთი არასწორი ინფორმაციის გავრცელებისგან შევიკავოთ თავი“, - განაცხადა მდინარაძემ.


ასევე, მამუკა მდინარაძე ზუგდიდის 86-ე უბანზე ჟუნრალისტის შესვლის ფაქტს გამოეხმაურა.


„ახლა, რამდენიმე წუთის წინ ზუგდიდის 86-ე უბანზე თქვენი ჟურნალისტის შესვლა, რაც აბსოლუტურად კანონიერი იყო, მაგრამ კანონით მისი მოქმედება უნდა გაგრძელებულიყო ისე, რომ თავმჯდომარის მიერ გამოყოფილ ადგილას უნდა განთავსებულიყო ვიდეო კამერა და განეხორციელებინა ვიდეოგადაღება და არა პირდაპირი ჩართვა. როდესაც ჟურნალისტი თხოვს პოლიციელს რომ იცოდეს კანონი, მანაც უნდა იცოდეს კანონი იმდენი მაინც, რომ მას არ აქვს პირდაპირი ჩართვის და ხელშეშლის უფლება კომისიის წევრისთვის. ეს გათვალისწინებულია საარჩვენო კოდექსის მე-8 მუხლის 25-ე პუნქტით და გთხოვთ ამასაც ყურადღებით გაეცნოთ“, - განაცხადა მდინარაძემ. 


სალომე ზურაბიშვილი: საქართველოში ბავშვთა ონკოლოგიური ცენტრის შექმნა მნიშვნელოვანი ისტორიული ნაბიჯია

საქართველოს პრეზიდენტის პატრონაჟით, საქართველოში ბავშვთა ონკოლოგიური ცენტრი გაიხსნება, რომელიც ჯო ენის სამედიცინო ცენტრის ბაზაზე შეიქმნება.

გენერალური პროკურორი ევროპის საბჭოს საპარლამენტო ასამბლეის მონიტორინგის კომიტეტის დელეგაციას შეხვდა

საქართველოს გენერალური პროკურორი შალვა თადუმაძე ევროპის საბჭოს საპარლამენტო ასამბლეის მონიტორინგის კომიტეტის დელეგაციას შეხვდა.

ძლიერმა წვიმამ და ქარმა კახეთის სოფლები დააზარალა

ძლიერმა წვიმამ და ქარმა გურჯაანისა და ყვარლის მუნიციპალიტეტებს ზარალი მიაყენა.

მიხეილ ბატიაშვილმა ტრიუმფატორ ძიუდოისტებს უმასპინძლა

მიხეილ ბატიაშვილმა ევროპის ძიუდოს ახალგაზრდული ჩემპიონატის ტრიუმფატორებს უმასპინძლა.

სარა თომასი პირველი ქალია, ვინც ლა-მანშის სრუტე შეუსვენებლად ოთხჯერ გადაცურა

ამერიკელი ქალი სარა თომასი გახდა პირველი ადამიანი, რომელმაც ლა მანშის სრუტე ოთხჯერ შესვენების გარეშე გადაცურა.

ქეთევან ციხელაშვილმა აფხაზეთის მეორე საჯარო სკოლის მოსწავლეებს ახალი სასწავლო წლის დაწყება მიულოცა

შერიგებისა და სამოქალაქო თანასწორობის მინისტრი ქეთევან ციხელაშვილი, მოადგილესთან, ლია გიგაურთან ერთად, აფხაზეთის მეორე საჯარო სკოლაში იმყოფებოდა, სადაც მოსწავლეებს შეხვდა და მათ ახალი სასწავლო წლის დაწყება მიულოცა.

მასწავლებელი, რომელმაც ბავშვებს წითელი ყელსახვევი გაუკეთა, სამსახურიდან გაათავისუფლეს

ქობულეთის მე-3 საჯარო სკოლის პირველი გ კლასის მასწავლებელს, ქეთევან ვეკუას, სკოლის დისციპლინურმა საბჭომ სასტიკი საყვედური გამოუცხადა. სკოლის დირექტორის გადაწყვეტილებით, ვეკუა კლასის დამრიგებლობიდანაც გაათავისუფლეს.

თბილისში კლიმატის მწვანე ფონდის ფორუმი გაიმართება

გარემოს დაცვისა და სოფლის მეურნეობის მინისტრი ლევან დავითაშვილი კლიმატის მწვანე ფონდის (GCF) მაღალი დონის წარმომადგენლების ვიზიტის ფარგლებში დაგეგმილ ფორუმს გახსნის.

ვახტანგ გომელაური ევროკავშირის ელჩს შეხვდა

შინაგან საქმეთა მინისტრი ვახტანგ გომელაური ევროკავშირის ელჩს შეხვდა შინაგან საქმეთა მინისტრი ვახტანგ გომელაური საქართველოში ევროკავშირის წარმომადგენლობის ხელმძღვანელს - კარლ ჰარცელს შეხვდა.

"ქართულმა ოცნებამ" ადიგენში შუალედურ არჩევნებზე კანდიდატად ჭიდაობის მწვრთნელი დაასახელა

27 ოქტომბრის საკრებულოს შუალედური არჩევნებისთვის, "ქართულმა ოცნებამ" კანდიდატები დაასახელა. მაჟორიტარი დეპუტატის მანდატის მოსაპოვებლად ადიგენის სოფელ არალში, მმართველი პარტიის სახელით, ზურაბ ფეიქრიშვილი იბრძოლებს.

სავალუტო ფონდის ყოფილი შეფი ევროკავშირის ცენტრალური ბანკის ხელმძღვანელად აირჩიეს

საერთაშორისო სავალუტო ფონდის ყოფლი ხელმძღვანელი კრისტინ ლეგარდი ევროპის ცენტრალური ბანკის ხელმძღვანელის პოსტს კვლავ დაიკავებს. მის კანდიდატურას სტრასბურგში ჩატარებულ ევროპარლამენტის პლენარულ სესიაზე დაუჭირეს მხარი.

კონტეინერების კონტროლის პროგრამის დეტალები ცნობილია

გაეროსა და მსოფლიო საბაჟო ორგანიზაციის ერთობლივი პროექტის საშუალებით, მოხერხდა ტრანსსასაზღვრო დანაშაულთან მებრძოლი სამართალდამცავი უწყებების ძალისხმევისა და რესურსების გაერთიანება 

ლარი კვლავ გაუფასურდა

17 სექტემბრის ვაჭრობის შედეგად აშშ დოლარი გამყარდა და  2.9626 ლარი შეადგინა. კურსი, რომელიც
დღეს მოქმედებდა, 2.9608 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -0.18 თეთრი შეადგინა.
 
 

გოგა ხაინდრავა ოთარ კახიძეს ვინ ეკითხება და ვინ უსმენს? საერთაშორისო თანამეგობრობა აკეთებს იმას, რასაც საჭიროდ თვლის

„ოთარ კახიძეს ვინ ეკითხება და ვინ უსმენს? საერთაშორისო თანამეგობრობა აკეთებს იმას, რასაც საჭიროდ თვლის“, - ამის შესახებ რეჟისორმა გოგა ხაინდრავამ ტელეკომპანია იმედის ეთერში განაცხადა.

საპარტნიორო ფონდმა „სტარტაპ-საქართველოს“ გამარჯვებული პროექტის „DR.GOODS“-ის პრეზენტაცია გამართა

„საპარტნიორო ფონდის“პრეზენტაციას ესწრებოდა აღმასრულებელი დირექტორი დავით საგანელიძე, ფონდის წარმომადგენლები, სამედიცინო სექტორი და გამარჯვებული პროექტის ავტორები.

ლაფანყურის მოსახლეობასა და "ლოპოტა-ჰესის" ხელმძღვანელობას შორის შეხვედრა შედგა

დღეს ლაფანყირში ადგილობრივები შესაბამისი უწყებების, არასამთავრობო სექტორის, ხელისუფლებისა და კომპანიის წარმომადგენლებს თელავის საკრებულოში შეხვდნენ.

18 სექტემბერს თბილისის რამდენიმე უბანში ელექტრომომარაგება შეიზღუდება

გეგმიურ-პროფილაქტიკური სამუშაოების ჩატარების გამო 18 სექტემბერს თბილისის რამდენიმე უბანში ელექტრომომარაგება დროებით შეიზღუდება.

ნაძალადევის რაიონში, ვარდისუბნის ქუჩაზე საგზაო სამუშაოები დასრულდა

ნაძალადევის რაიონში, საგზაო ინფრასტრუქტურა მოწესრიგდა. საცხოვრებელი კორპუსის მიმდებარედ, სადაც 113 ოჯახი ცხოვრობს, მოეწყო სანიაღვრე ქსელი, საყრდენი კედელი, ბორდიური და 2 300 კვ.მ ფართობზე ასფალტის საფარი დაიგო.

 
ილია მეორემ ეკატერინე ტიკარაძეს უმასპინძლა

სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს ეკატერინე ტიკარაძეს უმასპინძლა.

ირაკლი ლექვინაძე: "მხარს ვუჭერთ ნავთობიმპორტიორების მოთხოვნას"

ნავთობპროდუქტების იმპორტიორთა კავშირის თავმჯდომარე ვანო მთვრალაშვილი, საქართველოს ბიზნესომბუდსმენი ირაკლი ლექვინაძე, 2020 წლიდან 1 იანვრიდან დიზელის საწვავზე ახალი ხარისხობრივი ნორმებს განიხილავენ.

 

სურსათის ეროვნული სააგენტო კვების ობიექტების შემოწმებას განაგრძობს

სურსათის ეროვნული სააგენტოს თბილისის საქალაქო სამსახურის წარმომადგენლებმა სახელმწიფო კონტროლის ფარგლებში განახლებულ აღმაშენებელსა და ბელიაშვილის ქუჩაზე არსებული საზოგადოებრივი კვების 57 ობიექტი შეამოწმეს.