დიმიტრი ცქიტიშვილი: „ქართულ ოცნებას“ ქართველ საზოგადოებაში სერიოზული, ძლიერი მხარდაჭერა აქვს

პარლამენტის უმრავლესობის წევრმა დიმიტრი ცქიტიშვილმა გუშინდელი შუალედური არჩევნები შეაფასა და ქართველ ხალხს მადლობა გადაუხადა მხარდაჭერისთვის.

მისი თქმით,  არჩევნები მშვიდ გარემოში ჩატარდა.


„მიუხედავად დაგეგმილი აჟიოტაჟისა, საბოლოო ჯამში, მნიშვნელოვანი იყო, რომ არჩევნები მშვიდ გარემოში ჩატარდა.


საზოგადოება არ აჰყვა იმ პროვოკაციებს, რომელიც იყო დაგეგმილი და რომელიც ჩვენ ვნახეთ. რეალურად, მივიღეთ კიდევ ერთი დემოკრატიული არჩევნები და ეს არის პირველი, რაც ნამდვილად ქვეყნის გამარჯვებაა და მეორე არის ის, რომ ჩვენმა პარტიამაც, ჩვენმა კანდიდატებმაც ყველა საარჩევნო ოლქში გაიმარჯვეს და ესეც, რა თქმა უნდა, ჩვენთვის ძალიან მნიშვნელოვანი წარმატებაა.


ეს არის კიდევ ერთი სიგნალი, რომ გარკვეული სერიოზული, ძლიერი მხარდაჭერა ქართველ საზოგადოებაში „ქართულ ოცნებას“ აქვს“. - განაცხადა დეპუტატმა.


ცქიტიშვილმა მეორე ტურზეც ისაუბრა.


„რაც შეეხება მეორე ტურს, ესეც ბუნებრივია. დემოკრატიული სტანდარტი არსებობს, თუ ვერ გაიმარჯვა პირველ ტურში კანდიდატმა, შესაბამისად, ობიექტური დათვლის შემდეგ ტარდება მეორე ტური და ესეც ძალიან ჩვეულებრივი პროცესია.


ბოლო წლებში ჩვენ გვქონია ამის არაერთი შემთხვევა. თუ ვერ აგროვებს ადამიანი პირველი ტურისთვის საკმარის ხმებს, თუნდაც ხელისუფლების კანდიდატი, შესაბამისად, არ ხდება მანიპულირება ციფრებით და ეს არის ობიექტური რეალობა“. - დააზუსტა პარლამენტარმა.


დიმიტრი ცქიტიშვილმა „ნაციონალური მოძრაობის“ დესტრუქციულ ქმედებებზეც გააკეთა კომენტარი.


„რაც შეეხება „ნაციონალურ მოძრაობას“, ალბათ, ეს არის ორი სხვადასხვა დესტრუქციული მოდელი და ეს ორი დესტრუქცია ერთმანეთს, ასე ვთქვათ, ეჯიბრება, რომელი უფრო ძლიერად დესტრუქციული იქნება.


 საბოლოო ჯამში, ჩვენ გვინახავს, რომ არაერთხელ გაყოფილა „ნაციონალური მოძრაობა“ , კიდევ ერთხელ შეიძლება გაიყოს, თუმცა მთავარი ამ შემთხვევაში არის ის, რომ ამ ადამიანებს არ აქვთ განცდა,  სხვა პოლიტიკური რეალობისა, რაც დღეს არის.  სხვა მოცემულობაა, სხვა გარემოა და დღეს პოლიტიკური ბრძოლის სხვა მეთოდებია საჭირო იმისთვის, რომ თუნდაც „ქართულ ოცნებას“ ებრძოლო და ქართველ საზოგადოებაში რაღაც მხარდაჭერა მოიპოვო, მაგრამ ეს რაც ხდება, ბოდიში და, არის ცირკი“. - განაცხადა ცქიტიშვილმა.


გუშინ საქართველოს მასშტაბით შუალედური არჩევნები 6 საარჩევნო ოლქში გაიმართა.


გურამ თუშიშვილი ევროპული თამაშების ჩემპიონია

საქართველოს დელეგაციისთვის ევროპული თამაშების მე-4 დღეც წარმატებული გამოდგა. ჩვენმა ოლიმპიურმა გუნდმა 3 მედალი მოიპოვა.

სააპელაციო სასამართლომ აქციაზე დაკავებული 41 პირი გაათავისუფლა

თბილისის სააპელაციო სასამართლომ პარლამენტის შენობასთან აქციაზე დაკავებული 41 პირი სასამართლო დარბაზიდან გაათავისუფლა, ორი მათგანი კი უდანაშაულოდ ცნო.

საქართველოსა და პოლონეთის პრეზიდენტებს შორის სატელეფონო საუბარი შედგა

სატელეფონო საუბარი ანდჟეი დუდას ინიციატივით გაიმართა. ამის შესახებ "პირველს" პრეზიდენტის პრესსამსახურიდან აცნობეს. 

აქციის მონაწილეებმა პარლამენტს წრე შემოარტყეს - პროტესტის მეხუთე დღე დასრულდა

მათი სამი მოთხოვნიდან ერთი შესრულებულია, დარჩენილი ორისთვის კი ისინი  რუსთაველის გამზირზე აქციებს კვლავ განაახლებენ. 

წარმატებული კომპანიების ბიზნესმოდელები

ინოვაციურ ბიზნესმოდელირებასთან დაკავშირებით ნებისმიერი ნაყოფიერი მსჯელობის ათვლის წერტილი საერთო წარმოდგენის ჩამოყალიბებაა ბიზნესმოდელის არსის შესახებ.

რიყეზე დაშავებული ტურისტი გარდაიცვალა

რიყეზე მომხდარი უბედური შემთხვევის შედეგად დაშავებული ტურისტი გარდაიცვალა. 

ძიძიგური: ვფიქრობ, რომ გიორგი გახარიას ქმედებები იყო სრულიად ლეგიტიმური, იძულებული გახდა პოლიცია, რომ ძალა გამოეყენებინა"

პარლამენტის ვიცე-სპიკერმა, საპარლამენტო უმრავლესობის წევრმა, ზვიად ძიძიგურმა სატელევიზიო ეთერში 20-21 ივნისს, თბილისის ცენტრში განვითარებულ მოვლენებზე ისაუბრა.

ბახტაძე: გამოძიებული იქნება თითოეული დეტალი, რომელიც ეხება გულწრფელი ემოციით გამოწვეული პროტესტით პროვოცირებას და გარკვეულ შემთხვევებში ძალის შესაძლო გადამეტებას

"გამოძიებული იქნება თითოეული დეტალი, რომელიც ეხება გულწრფელი ემოციით გამოწვეული პროტესტით პროვოცირებას და მეორეს მხრივ იმას, ხომ არ მოხდა გარკვეულ შემთხვევაში ძალის გადამეტება". ამის შესახებ პრემიერმა მამუკა ბახტაძემ განაცხადა. 

კახა კალაძე შს მინისტრის გადაწყვეტილებას, პარლამენტის პლენარულ სესიაზე გამოსვლის შესახებ, ღირსეულს უწოდებს

პარტია „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ტელეკომპანია „მაესტროს“ პირდაპირ ეთერში შინაგან საქმეთა მინისტრ გიორგი გახარიას გადაწყვეტილება ღირსეულ ნაბიჯად შეაფასა.

ნათია თურნავა: სრული პასუხისმგებლობით ვაცხადებთ, რომ ჩვენი ქვეყნის ტურისტული ბაზარი არის უსაფრთხო

ეკონომიკის  მინისტრის განცხადებით, ტურიზმის სექტორთან აქტიური შეხვედრები გაგრძელდება, მათ შორის აჭარაში, სადაც სეზონი უკვე დაწყებულია და ადგილობრივ ტურისტულ ბიზნესს განსაკუთრებული თანადგომა ესაჭიროება.

"ბიზნესის დიდი ნაწილის თხოვნაა, სხვა ტურისტულ ბაზრებთან ერთად, შევეცადოთ და შევინარჩუნოთ რუსი ტურისტი"

ეკონომიკის მინისტრის ნათია თურნავას თქმით, არსებული გამოწვევების ფონზე გასაგებია ბიზნესსექტორის წუხილი. 

მამუკა ბახტაძე: ვინც მიდის კონსტიტუციის დარღვევის გზით, მისი ადგილი პოლიტიკური დიალოგის მაგიდასთან არ არის

"უპასუხისმგებლო და მოძალადე ჯგუფისთვის არანაირი ალტერნატივა არ არსებობს, მათთვის მიუღებელია არჩევნები, დემოკრატიული პროცესები",-ამის შესახებ პრემიერმა მამუკა ბახტაძემ 20 ივნისის მოვლენების შეფასებისას "იმედს" განუცხადა. 

ბახტაძე: ვწუხვარ იმის გამო, რომ ჟურნალისტები დაზარალდნენ და კიდევ ერთხელ ვაფიქსირებ განსაკუთრებულ პატივისცემას ქართული მედიის მიმართ

20 ივნისის ღამეს დაშავებულთათვის ნებისმიერი სახის დახმარება, იქნება ეს საზღვარგარეთ საუკეთესო კლინიკებში მკურნალობა თუ საქართველოში საუკეთესო ექიმების და სპეციალისტების ჩამოყვანა, იქნება გარანტირებული ჩვენი მხრიდან.

მამუკა ბახტაძე: პროპორციულ სისტემაზე გადასვლისას იმის ალბათობასაც არ გამოვრიცხავთ, რომ კოალიციური მთავრობის შექმნა გახდეს საჭირო

" პროპორციულ სისტემაზე გადასვლისას იმის ალბათობასაც არ გამოვრიცხავთ, რომ კოალიციური მთავრობის შექმნა გახდეს საჭირო. - ამის შესახებ  პრემიერ-მინისტრმა მამუკა ბახტაძემ  „იმედის“ ეთერში განაცხადა.

მაკა ჩიჩუა რუსთაველის გამზირზე საპროტესტო აქციას შეუერთდა

ყოფილი პირველი ლედი მაკა ჩიჩუა რუსთაველის გამზირზე, პარლამენტის წინ მიმდინარე აქციას შეურთდა. 

ზუგდიდის მერია სტიქიით დაზარალებულებს შესაბამის დახმარებას გაუწევს

ზუგდიდის მუნიციპალიტეტის მერია, სტიქიის შედეგად დაზარალებულ ოჯახებს დახმარებას გაუწევს.

არჩილ თალაკვაძე: არავის არ მივცემთ შესაძლებლობას სხვა არაკონსტიტუციური გზებით რაიმე ცვლილებას მიაღწიოს ამ ქვეყანაში

საპარლამენტო უმრავლესობის ლიდერი არჩილ თალაკვაძე  „ერთიანი ნაციონალური მოძრაობის“ თავმჯდომარის, გრიგოლ ვაშაძის განცხადებას გამოეხმაურა. 

ბათუმის მერიის ტურისტული სერვისების სააგენტოს ყოფილი ხელმძღვანელი ცივი იარაღით დაჭრეს

ბათუმის მერიის ტურისტული სერვისების სააგენტოს ყოფილი ხელმძღვანელი ალექსანდრე თევზაძე ცივი იარაღით დაჭრეს.

ზუგდიდში გიორგი გახარიას გადადგომისა და სხვა მოთხოვნებით მესამე აქცია გაიმართა

ზუგდიდში სამოქალაქო აქტივისტები, არასამთავრობო ორგანიზაციების წარმომადგენლები და სხვა მოქალაქეები 20 ივნისს განვითარებული მოვლენების გასაპროტესტებლად კიდევ ერთხელ შეიკრიბნენ.

“ჯორჯიან მანგანეზში” დასაქმებული მაღაროელები განცხადებას ავრცელებენ

შპს “ჯორჯიან მანგანეზში” დასაქმებული მაღაროელების განცხადებით, გავრცელებული ინფორმაცია, თითქოს მაღაროელები გაფიცვის განახლებას გეგმავენ, სიმართლეს არ შეესაბამება.

თბილისში მიმდინარე აქციებს თელაველი ახალგაზრდები უერთდებიან

მათ ქალაქის ცენტრალურ მოედანზე მსვლელობა მოაწყეს, რის შემდეგაც პროტესტი უკვე თელავის თეატრთან გაგრძელდა.