ევროსაბჭოს გადაწყვეტილება უკრაინისთვის ზურგის შექცევაა?! რას მოუტანს ეს საქართველოს?

ევროსაბჭომ რუსეთს, უკვე ყირიმიანად, ხმის უფლება დაუბრუნა. რას მოუტანს ეს ევროპას, მათ შორის უკრაინას და რა გავლენები ექნება საქართველოზე – ამ საკითხებზე „პირველი“ „საქართველოს უნივერსიტეტის" პროფესორს გია ჯაფარიძეს ესაუბრა.

– რას წარმოადგენს ევროსაბჭო – რა ძალა აქვს მას და რას ნიშნავს რუსეთისთვის ხმის უფლების დაბრუნება? ან რატომ მოხდა ყირიმის ანექსიის გამო ჩამორთმეული უფლების დაბრუნება, როდესაც ნახევარკუნძულზე სტატუსკვო არ შეცვლილა?

თავდაპირველად დავიწყოთ იმით, რომ ჩვენს საზოგადოებაში ხშირად უჭირთ გარჩევა და ევროსაბჭო, ევროპის კავშირის სტრუქტურული ერთეული ჰგონიათ.

რეალურად, ევროსაბჭო არის საერთაშორისო ორგანიზაცია, რომელიც მოიცავს ევროპის სახელმწიფოებს და რომლის წევრი საქართველოც გახლავთ. აპრილში ჩვენ აღვნიშნეთ, ზემოხსენებულ სტრუქტურაში გაწევრიანების 20-წლისთავი.

თავის დროზე ევროსაბჭოდან რუსეთი არავის გაუძევებია და მხოლოდ ხმის მიცემის უფლება შეუჩერეს. ეს მოხდა იმიტომ, რომ 2014 წელს რუსეთმა უკრაინას, ასე პირდაპირ, „მტაცებლურად“ წაართვა ყირიმის ნახევარკუნძული.

მომდევნო ხუთი წლის მანძილზე, 2019 წლის 17 მაისამდე, მას შემდეგ, რაც ორგანიზაციის ერთიანი გადაწყვეტილებით რუსეთს ხმის უფლება დაუბრუნდა, ყირიმის ტერიტორიაზე უკეთესობისკენ არაფერი შეცვლილა. პირიქით, უარესი მდგომარეობაა და ამ მიმართულებით ოფიციალურ მოსკოვს არცერთი ნაბიჯით უკან არ დაუხევია.

უფრო მეტიც, განახორციელა ყირიმის ანექსია და ახლა ნახევარკუნძულის პოლიტიკურ, სოციალურ და ეკონომიკურ ინტეგრაციას ცდილობს რუსეთის სივრცეში.

რა ფასად ახორციელებს კრემლი ამ პოლიტიკას, ეს ცალკე განხილვის თემაა, მაგრამ არსებითი ცვლილებები არ მომხდარა. მაშინ რა მოხდა ევროსაბჭოში?

უკანასკნელ პერიოდში (განსაკუთრებით ავსტრიაში მომხდარი ამბების შემდეგ, ის რომ ვიცე-კანცლერი, ჰაინც-კრისტიან შტრახე რუსეთთან თანამშრომლობდა) ბევრი რადიკალური პოზიციების მქონე პარტიები თანამშრომლობენ ოფიციალურ მოსკოვთან. ზოგიერთ მათგანს პირდაპირი, ღია ხელშეკრულებები აქვთ გაფორმებული პუტინის „ედინაია რასიასთან“, მათ შორის შტრახეს „თავისუფლების პარტიას“.

ხშირად ამბობენ, რომ ევროპაში არიან პოპულისტური ძალები, მაგრამ რამდენად პოპულისტურები არიან და გახდნენ თუ არა ეს ძალები უკვე მეინსტრიმულები, ეს უკვე ცალკე მსჯელობის საგანია. მაშინ, როდესაც მსგავსი ტიპის პოლიტიკური სუბიექტები ძლიერდებიან, მხოლოდ ამ დროიდან იწყება საზოგადოების მხრიდან „განგაშის ზარების“ შემოკვრა.

ევროსაბჭოში კი სულ რამდენიმე ქვეყანა იყო რუსეთისთვის ხმის აღდგენის წინააღმდეგი.

ეს გამოწვეულია იმით, რომ ევროსაბჭოს ბიუჯეტის გარკვეული წილი ოფიციალურ მოსკოვზე მოდის, რომელსაც შესაბამისი თანხები შეაქვს მათთან.

მას შემდეგ, რაც რუსეთმა შეწყვიტა აღნიშნული ფინანსური შენატანის უზრუნველყოფა, პრობლემა შეექმნა ბიუჯეტის შევსებას.

მნიშვნელოვანია აღინიშნოს საქართველოს პრემიერ-მინისტრის სწორი პოზიცია, როდესაც მან გააჟღერა ინიციატივა, რომ ოფიციალური თბილისი მზად არის გაზარდოს თავის ფინანსური კონტრიბუცია. ეს არის ძალიან სწორი გადაწყვეტილება. ამის აღნიშვნა აუცილებელია, რადგან ხელისუფლებაში არ იფიქრონ, თითქოს მხოლოდ „ჩასაფრებულის“ პოზიციიდან ვუყურებთ მთავრობას და მათ საგარეო პოლიტიკას. ეს ასე ნამდვილად არ არის.

ევროსაბჭოში ფინანსური კონტრიბუციის გაზრდის თემა, რაც პრემიერ-მინისტრმა აპრილში გააჟღერა, საქართველოს გაწევრიანების 20 წლისთავთან დაკავშირებით მიძღვნილ ღონისძიებაზე, სწორი გზავნილია.

მართებულია აგრეთვე ჩვენი ქვეყნის პოზიცია, როდესაც იმ სახელმწიფოთა მცირე ჯგუფში აღმოვჩნდით, უკრაინასთან, ბრიტანეთთან, პოლონეთთან, ბალტიის სამივე სახელმწიფოსთან ერთად, რომლებიც რუსეთისთვის ხმის დაბრუნების წინააღმდეგ წავიდა. აღნიშნული ნაბიჯი საქართველოს საგარეო საქმეთა სამინისტროს უნდა შევუქოთ.

რაც შეეხება პირვანდელ თემას, ევროსაბჭოში რუსეთის ყოფნა-არყოფნის საკითხი იდგა უკვე დღისწესრიგში და აქ საფრანგეთმა და გერმანიამ მოიშველია პირადად ჩემთვის ძალიან უსუსური არგუმენტი, რომ თითქოს თუ ოფიციალური მოსკოვი ორგანიზაციის წევრი აღარ იქნება, მაშინ რა ეშველებათ რუსეთის იმ მოქალაქეებს, რომლებსაც დღეს აქვთ შანსი მიმართონ ე.წ. სტრასბურგის სასამართლოს (ადამიანის უფლებათა ევროპულ სასამართლოს).

ოფიციალური განცხადებით, რუსეთის მოქალაქეებს არ უნდა დაუკარგონ შანსი, გამოიყენონ მათი უფლება მიმართონ სტრასბურგის სასამართლოს თუ ჩათვლიან, რომ მათი უფლებები არის დარღვეული.

ზემოაღნიშნული არგუმენტი უსუსურია იმ მხრივ, რომ საჭიროების შემთხვევაში თუ რუსეთის ხელისუფლებას დააკისრეს გარკვეული კომპენსაცია, ის ამ კომპენსაციას აუცილებლად გადაიხდის და საერთაშორისო ევროპულ თანამეგობრობას არ აქვს საშუალება ამ სასამართლოს გამოყენებით, რაიმე სახის წნეხი მიიტანოს ოფიციალურ მოსკოვზე.

ევროსაბჭოს გადაწყვეტილებას მოჰყვა უამრავი კითხვა - რა კავშირშია ეს გადაწყვეტილება ყირიმთან? შეიცვალა რაიმე და შევეგუეთ იმას, რაც ჩაიდინა რუსეთმა ნახევარკუნძულზე?

ზოგადად, საერთაშორისო ურთიერთობებში დიდი მნიშვნელობა აქვს რეპუტაციას, მათ შორის რუსეთისთვის და ამ დეკლარაციით, ოფიციალური მოსკოვის რეაბილიტაცია შედგა.

არანაირი მიზეზით არ შეიძლება გამართლდეს კრემლისთვის ხმის დაბრუნების უფლება. ეს გვაფიქრებინებს, რომ სრულიად სხვა საფუძვლები ჰქონდა ევროსაბჭოს წევრი სახელმწიფოების გადაწყვეტილებას.

აქ უფრო იყო ის პოლიტიკური და შესაძლებელია ეკონომიკური ინტერესები, რომელიც ევროპულ სახელმწიფოებს რუსეთთან მიმართებაში გააჩნიათ.

ეს არ იყო კარგი გადაწყვეტილება არც უკრაინისთვის, არც საქართველოსთვის და საბოლოო ჯამში არც ევროპისთვის.

– საქართველოსთან მიმართებაში რა შედეგები შეიძლება მოჰყვეს რუსეთისთვის ხმის უფლების დაბრუნებას?

რუსეთს ხმის უფლება 2014 წლამდეც გააჩნდა. ევროპის საბჭოში, და ნებისმიერ სხვა საერთაშორისო ორგანიზაციაში, რუსეთის პოზიცია საქართველოსთან მიმართებაში ძალიან აშკარა და ცალსახაა.

ის რეზოლუციები თუ გადაწყვეტილებები, რომელიც ჩვენ ქვეყანასთან დაკავშირებით მიიღება და ჩვენი სახელმწიფოებრივი ინტერესებითვის არის სასარგებლო, რუსეთი ყოველთვის ეწინააღმდეგება და ცდილობს სხვა ქვეყნებზეც მოახდინოს გავლენა, არ დაუჭირონ მხარი საქართველოს.

აქედან გამომდინარე, ჩვენთვის დიდად არაფერი იცვლება, რუსეთის ფედერაცია კვლავ გააგრძელებს ოფიციალური თბილისის წინააღმდეგ მოქმედებებს.

ნეგატიური არის ის რომ, საერთაშორისო სამართლის ასეთი უხეში დარღვევა, რასაც ჰქონდა ადგილი რუსეთის მხრიდან, უკრაინის წინააღმდეგ, ეს დაუსჯელი დარჩა. იყო მხოლოდ მინიმალური სანქციები და ჩვენ ვხედავთ, რომ ეს სანქციებიც ნელნელა იშლება. ანუ კრემლის განზრახვა, ძირი გამოუთხაროს საერთაშორისო ურთიერთობათა სისტემას, რომელიც კონკრეტულ ნორმებზეა დაფუძნებული, თუ სრულად ვერა, მეტნაკლები წარმატებით მაინც ახორციელებს.

მიუხედავად იმისა, რომ საერთაშორისო სამართლის მიხედვით ყველანი თანაბარი ვართ, ჩვენ არ გაგვაჩნია ის პოლიტიკური, დიპლომატიური, გნებავთ ეკონომიკური რესურსი, რომელიც ობიექტურად ჩვენზე დიდ რუსეთს აქვს.

აქედან გამომდინარე, როდესაც რუსეთს პირდაპირი შეტევა მიაქვს საერთაშორისო სამართალზე, ანგრევს მას, ეს ჩვენთვისაც არ არის კარგი.

მნიშვნელოვანია, უკრანისი გამო, რუსეთს დამატებითი სანქციები ჰქონდეს და ამ კონტექსტში საქართველოც იყოს მოხსენიებული.

აღნიშნულის ნაცვლად კი საპირისპირო ხდება. წარმოდგინეთ ახლა უკრაინის იმედგაცრუება, როდესაც ევროპა (ზემოთ აღნიშნული შვიდი სახელმწიფოს გარდა), უგულვებელჰყოფს ოფიციალური მოსკოვის მიერ, საერთაშორისო სამართლებრივი ნორმების და იმ მსოფლიო წესრიგის რღვევას, რომელიც მეორე მსოფლიო ომის შემდეგ არის ჩამოყალიბებული.

– რა გამოხმაურება მოჰყვება აღნიშნულ გადაწყვეტილებას უკრაინის მხრიდან?

ნამდვილად არ ვისურვებდი რომელიმე სახელმწიფოს ყოფნას უკრაინის მდგომარეობაში. წარმოიდგინეთ, ერთ-ერთი უმთავრესი ევროპული საერთაშორისო ორგანიზაცია, რომლის წევრიც არის უკრაინა, ვართ ჩვენც და ყველა ევროპული სახელმწიფო, ფაქტიურად „უპრავებს“, უგულებელყოფს რუსეთის მიერ ჩადენილ იმ ქმედებებს, რომელიც 2014 წელს, ყირიმის ნახევარკუნძულზე განხორციელდა.

უკრაინა, რომელიც უდიდესი სახელმწიფოა, ფაქტიურად მიტოვებული დარჩა ევროპული პარტნიორების მხრიდან და კიევში შეიძლება ვინმემ იფიქროს, რომ საერთაშორისო ორგანიზაციებში კვლავ „დიდი ქვეყნების“ გარიგებებს ენიჭება მნიშვნელობა.

ამ შემთხვევაში გერმანია-საფრანგეთის პოზიცია იყო გადამწყვეტი და სხვა სახელმწიფოები იმ პოზიციას დაიკავებდნენ, რასაც ოფიციალური ბერლინი და პარიზი გააჟღერებდა. შესაბამისად, მათ მიიღეს გადაწყვეტილება, რომ რუსეთს დაბრუნებოდა ხმის უფლება.

არვიცი, შესაძლებელია ახლა ჩვენც ბერლინში, ან პარიზში რომ ვიყოთ, ასე მოვქცეულიყავით, რადგან გვეფიქრა, რომ რეალპოლიტიკა ამას გვკარნახობს, თუმცა, ჩემი პირადი მოსაზრებით, რეალპოლიტიკა სულ სხვა რაღაცას გვკარნახობს.

აღნიშნული არ არის რეალპოლიტიკა, არამედ ეს უფრო იდეალისტური პოლიტიკაა, უფრო რაღაც სასურველის შესაძლებლად დანახვა, იმიტომ რომ გასული წლები, თუნდაც საუკუნეები ადასტურებს, რომ რუსეთთან მსგავსი მიდგომები მას მხოლოდ აძლიერებთ.

იმ შემთხვევაში, თუ გსურს რუსეთთან, გნებავთ დიპლომატიაში, გნებავთ გეოპოლიტიკურ პაექრობაში გაიმარჯვო, მსგავსი პოზიცია, რაც ევროპულმა სახელმწიფოებმა დააფიქსირეს, წარმატების მომტანი არ არის. ეს განწირულია მარცხისთვის.

ავტორი: რატი ერისთავი #მედიალაბორატორია


ნათია თურნავა: მიხარია, რომ ქართველ სტარტაპერებს შორის ქალბატონების რაოდენობა იზრდება

"როგორც ეკონომიკის მინისტრს და როგორც ქალს, ძალიან მახარებს ქალბატონების რაოდენობა სტარტაპერებს შორის, რადგან ძალიან ბევრი, კრეატიული იდეის სათავეში დგანან ახალგაზრდა, წარმატებული, ქართველი ქალები, რაც ძალიან ლოგიკურია",- ამის შესახებ ეკონომიკის მინისტრმა ნათია თურნავამ ტექნოპარკში 100 000 ლარიანი თანადაფინანსების გრანტების პროგრამის გამარჯვებულთა დაჯილდოების შემდეგ განაცხადა.

დავით ზალკალიანი გაეროს ადამიანის უფლებათა საბჭოს პრეზიდენტს შეხვდა

საქართველოს საგარეო საქმეთა მინისტრმა დავით ზალკალიანმა ჟენევაში ვიზიტის ფარგლებში გაეროს ადამიანის უფლებათა საბჭოს პრეზიდენტთან ელიზაბეტ ტიჩი-ფილსბერგთან შეხვედრა გამართა.

 

დავით ჩიხელიძე: „ipsos“-ის, ისევე როგორც სხვა არაერთი კვლევა, საზოგადოებრივი აზრის ფორმულირებას ემსახურება და არა საზოგადოებრივი აზრის კვლევას 

ორგანიზაცია „დემოკრატიული ცვლილებების ცენტრის” ხელმძღვანელი დავით ჩიხელიძე მთავარი არხის დაკვეთით, კომპანია „ipsos“-ის მირ ჩატარებულ გამოკითხვას ეხმიანება.

ნათია თურნავა: არ უნდა დავიშუროთ რესურსები, რაც ინოვაციურად მოაზროვნე ადამიანებს წაახალისებს

"ჩვენი სტარტაპერები უკვე გაცილებით მეტად არიან მომზადებულები, მეტი შანსი აქვთ მოიპოვონ დაფინანსება და გლობალურ ბაზარზე გავიდნენ",- ამის შესახებ ეკონომიკის მინისტრმა ნათია თურნავამ 100 000 ლარიანი თანადაფინანსების გრანტების პროგრამის გამარჯვებულთა დაჯილდოების ცერემონიაზე განაცხადა.

26 თებერვალს ეკონომიკური კონფერენცია "საქართველო და მსოფლიო 2020" გაიხსნება

სასტუმრო "შერატონ გრანდ თბილისში", 26 თებერვალს, 10:30 საათზე  ეკონომიკური კონფერენცია "საქართველო და მსოფლიო 2020" გაიხსნება.

ქართულ მრავალხმიანობასა და სუფრას ეროვნული მნიშვნელობის კატეგორია მიენიჭა

ეროვნული მნიშვნელობის კატეგორია განესაზღვრა არამატერიალური კულტურული მემკვიდრეობის ძეგლებს - "ქართულ მრავალხმიანობასა" და "ქართული ტრადიციული სუფრის/პურობის კულტურას". 

თანადაფინანსების გრანტების პროგრამის გამარჯვებულები ცნობილია

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებული სტარტაპები  ცნობილია.

გიგი უგულავა შეწყალების თხოვნაზე: პრეზიდენტს მიმართვის გარეშეც შეუძლია საქმის გამოსწორება

"შეწყალების თხოვნით არ მგონია, რომ ვინმეს მივმართო",- ასე უპასუხა პატიმრობაში მყოფმა თბილისის ყოფილმა მერმა გიგი უგულავამ კითხვას, რომელიც შეწყალების თხოვნას ეხებოდა.

უგულავა: რაც უფრო ბევრი პოლიტპატიმარი ეყოლება ამ ქვეყანას, ოპოზიცია უფრო მეტად შეიკვრება

"ოპოზიციის ერთიანობა სადღეგრძელოს ჰგავდა, მაგრამ დღეს აბსოლუტურად სხვა ვითარებაა. რაც უფრო მეტი პოლიტპატიმარი იქნება, მით უფრო მეტად შეიკვრება ოპოზიცია", -ამის შესახებ პატიმრობაში მყოფმა თბილისის ყოფილმა მერმა გიგი უგულავას TV პირველის ეთერში განაცხადა. 

ავსტრიის ელჩი საქართველოში: საარჩევნო სისტემა ქართულ რეალობას უნდა მოერგოს

საქართველოში ავსტრიის საგანგებო და სრულუფლებიანი ელჩის არად ბენკოს განცხადებით, საარჩევნო სისტემასთან დაკავშირებით, მმართველმა გუნდმა და ოპოზიციამ გამოსავალი უნდა იპოვოს. 

ირაკლი შოთაძემ თანამშრომლებთან შეხვედრაზე უწყების წინაშე არსებულ გამოწვევებზე და სამომავლო გეგმებზე ისაუბრა

საქართველოს გენერალურმა პროკურორმა ირაკლი შოთაძემ თანამშრომლებთან შეხვედრაზე უწყების წინაშე არსებულ გამოწვევებზე, სამომავლო გეგმებზე და ძირითად პრიორიტეტულ მიმართულებებზე ისაუბრა.

საქართველოს გენერალურმა პროკურორმა ირაკლი შოთაძემ მის პირველ მოადგილედ ბაკურ აბულაძე წარადგინა

საქართველოს გენერალური პროკურორი ირაკლი შოთაძე თანამშრომლებს შეხვდა და უწყების წინაშე არსებულ გამოწვევებზე, სამომავლო გეგმებსა და ძირითად პრიორიტეტულ მიმართულებებზე ისაუბრა.

მიხეილ ჩხენკელმა ქართველ კალათბურთელებს უმასპინძლა

2021 წლის ევროპის ჩემპიონატის შესარჩევი ეტაპის წარმატებულად დაწყება მიულოცა განათლების მინისტრმა მიხეილ ჩხენკელმა საქართველოს საკალათბურთო ნაკრებს.

ირაკლი სესიაშვილი: საქართველომ დაამტკიცა, რომ ნატოს სანდო პარტნიორია

საქართველოსა და ნატოს საერთო ღირებულებები და ერთი მიზანი აქვთ, - ამის შესახებ პარლამენტის თავდაცვის და უშიშროების კომიტეტის თავმჯდომარემ, ირაკლი სესიაშვილმა გადაცემა „დღის ქრონიკაში“ განაცხადა.

მიხეილ ყაველაშვილი: ბიძინა ივანიშვილი იყო ის ადამიანი, ვინც ბოლო მოუღო თქვენს სადისტურ და მოღალატე ხელისუფლებას

ბიძინა ივანიშვილი იყო ის ადამიანი, ვინც ბოლო მოუღო თქვენს სადისტურ და მოღალატე ხელისუფლებას, მაგრამ აქვე გეტყვით, რომ მან ეს პირველ რიგში გააკეთა ქართველ ხალხთან ერთად, რომელთანაც თქვენ დღემდე არ გაქვთ მისასვლელი პირი, - ამის შესახებ საპარლამენტო უმრავლესობის წევრი მიხეილ ყაველაშვილი სოციალურ ქსელში წერს.

გომი-ზესტაფონის მონაკვეთზე მისაბმელიანი ავტოტრანსპორტის მოძრაობა აკრძალულია

გომი-ზესტაფონის მონაკვეთზე მისაბმელიანი ავტოტრანსპორტის მოძრაობა აკრძალულია. ინფორმაციას საავტომობილო გზების დეპარტამენტი ავრცელებს. 

ჩუმათელეთი-ხუნევის მონაკვეთზე შეზღუდვებია

"ინტენსიური თოვისა და ლიპყინულის გამო, თბილისი–სენაკი–ლესელიძის (რუსეთის ფედერაციის საზღვარი) საავტომობილო გზის კმ138–კმ158 (ჩუმათელეთი-ხუნევი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია", -ამის შესახებ საავტომობილო გზების დეპარტამენტის ინფორმაციაშია აღნიშნული.

 

ცესკოს თავმჯდომარე ეროვნულ-დემოკრატიული ინსტიტუტის პრეზიდენტს შეხვდა

ცენტრალური საარჩევნო კომისიის (ცესკო) თავმჯდომარე თამარ ჟვანია დღეს ეროვნულ-დემოკრატიული ინსტიტუტის (NDI) პრეზიდენტს, დერეკ მიტჩელს შეხვდა.

გომი-კორბოულის მონაკვეთზე მისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

დავით ზალკალიანი ევროპის საბჭოს გენერალურ მდივანს შეხვდა

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან.

ლარი ისევ სწრაფი ტემპით მყარდება

25 თებერვლის ვაჭრობის შედეგად აშშ დოლარი გაუფასურდა და 2.7946 ლარი შეადგინა. კურსი, რომელიც დღეს მოქმედებდა, 2.8079 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 1.33 თეთრი შეადგინა.