ირაკლი კობახიძე: სასამართლო სისტემა რადიკალურად შეიცვალა 2012 წლის შემდეგ

სასამართლო სისტემა რადიკალურად შეიცვალა 2012 წლის შემდეგ, თუმცა, რჩება გამოწვევები ,რომელსაც უნდა ვუპასუხოთ,- საქართველოს პარლამენტის თავმჯდომარემ, ირაკლი კობახიძემ „იმედის“პირდაპირ ეთერში.

მისი თქმით, საჭიროა სწორად შერჩევა უზენაესი სასამართლოს მოსამართლეების და ამის გარანტია არის ის კანონი, რომელიც მიიღეს.

"რაც შეეხება სასამართლოს, გახსოვთ, როგორ წარიმართა პროცესი. დეკემბერში შემოვიდა სია, რომელიც წარადგინა იუსტიციის უმაღლესმა საბჭომ. იყო კრიტიკა ამასთან დაკავშირებით, გარკვეული სუბიექტების მხრიდან. ესენი იყვნენ, მათ შორის, ჩვენი საერთაშორისო პარტნიორები, სამოქალაქო საზოგადოების წარმომადგენლები და ჩვენ მაშინვე გავყევით მოთხოვნას, რომელიც იყო დაყენებული საზოგადოების კონკრეტული წარმომადგენლების მხრიდან და ვთქვით, რომ შეჩერდებოდა ამ საკითხის განხილვა. ჯერ მომზადდებოდა კანონპროექტი, სადაც გაიწერებოდა პროცედურა და კრიტერიუმები და ამის შემდეგ მივიღებდით ახალ სიას იუსტიციის უმაღლესი საბჭოს მხრიდან და ამის შემდეგ შეუდგებოდა პარლამენტი ამ სიის განხილვას. ეს იყო დაპირება, რომელიც ჩვენ პირნათლად შევასრულეთ, დაახლოებით, 4 თვე მოვანდომეთ შესაბამისი კანონპროექტის შემუშავებას, ჩართული იყვნენ სხვადასხვა სუბიექტები ამ პროცესში, მათ შორის, ვენეციის კომისია, მათ შორის, ჩვენ მივიღეთ ოდირის რეკომენდაცია ომბუდსმენის ძალისხმევით, ჩვენი საერთაშორისო პარტნიორები, სამოქალაქო საზოგადოების წარმომადგენლები, სხვა სუბიექტები და საბოლოო ჯამში, ჩვენ, რეალურად, მივიღეთ ისეთი კანონი, რომელიც უზრუნველყოფს ღია და გამჭვირვალე პროცედურით უზენაესი სასამართლოს მოსამართლეების ჯერ შერჩევას და შემდეგ უკვე არჩევას პარლამენტის მიერ. ეს არის მთავარი შედეგი. თუ თქვენ აიღებთ ამ პროცედურას და შეადარებთ ნებისმიერ ევროკავშირის ქვეყანას, არაერთხელ დავსვი მე ეს შეკითხვა და ამაზე პასუხი არ მიმიღია. შეგიძლიათ, აიღოთ ნებისმიერი ქვეყანა, ევროკავშირის წევრი და ნახავთ, რომ ათჯერ ამაზე ნაკლები პროცედურაც კი არ არის დადგენილი. რაც შეეხება დეპუტატების გასვლას, ამას ჰქონდა, რეალურად, სხვა მიზეზი. კიდევ ერთხელ გავიხსენებ, რომ დეკემბერში ჩვენ 1 კვირის თავზე, კრიტიკიდან, უკვე გამოვაცხადეთ, რომ მომზადდებოდა კანონპროექტი, ამის შემდეგ შეჩერდებოდა სიის განხილვა, ამის შემდეგ მივიღებდით სიას და შემდეგ დაიწყებოდა ეს პროცესი. ამ ყველაფერს მოვანდომეთ ჩვენ, პრაქტიკულად, ერთი წელიწადი - დეკემბერში დაიწყო ეს ყველაფერი და საბოლოო ჯამში, ყველაზე ადრე, ივლისში არის შესაძლებელი, უზენაესი სასამართლოს მოსამართლეების არჩევა. ანუ, მთლიანობაში, რვა თვე მოვანდომეთ ჩვენ ამ ყველაფერს, მაშინ, როდესაც შეგვეძლო, ყურადღება არ მიგვექცია კრიტიკისთვის და 1 კვირაში აგვერჩია ათივე მოსამართლე უზენაეს სასამართლოში. აბსოლუტურად ყველა მოთხოვნა გავითვალისწინეთ. აქედან გამომდინარე, ცალსახად, ყველაფერი ადასტურებს იმას, რომ დეპუტატებისთვის სასამართლოს საკითხი იყო გასვლის საბაბი და რეალურად, ეს არ იყო საფუძველი. რა იყო მიზეზები, ეს მე ძალიან კარგად ვიცი, უბრალოდ, არ მინდა ამ სამზარეულოს გარეთ გამოტანა. ნაწილობრივ ჩვენ ვისაუბრეთ ამ მიზეზებზე, თუმცა, სრულად არ გაგვიშლია ეს თემა. იყო გარკვეული მერკანტილური ინტერესები და ზუსტად ამ მერკანტილური ინტერესების შედეგი იყო რამდენიმე დეპუტატის გასვლა. ამ თემის გამძაფრება და გაღრმავება ამ ეტაპზე არ ივარგებს, ეს არის ერთადერთი მიზეზი, რატომაც არ მინდა ამ ყველაფრის დეტალებში გაშლა. ნაწილობრივ ჩვენ გვქონდა უკვე საუბარი ამ მიზეზებზე, თუმცა, დამატებით ამის გაღრმავება არ მინდა. მთავარი არის, რეალურად, ის, რომ შედეგი უნდა დადგეს. შედეგი უკვე არის დამდგარი მართლმსაჯულების სფეროში იმ კუთხით, რომ არის ფუნდამენტურად გაუმჯობესებული მაჩვენებლები, სტატისტიკა, მათ შორის, რეიტინგები, რაც არის დაკავშირებული სასამართლოსთან, გახსოვთ, რომ იყო ზურაბ ადეიშვილის სრული კონტროლის ქვეშ სასამართლო სისტემა და ამის შედეგი იყო ის, რომ მთლიანად იყო ჩართული ნულოვანი ტოლერანტობის პოლიტიკაში სასამართლო სისტემა, რეკეტში, ბიზნესმენების და სხვა ადამიანების რეკეტში იყო მთლიანად ჩართული ეს სისტემა და ეს ყველაფერი რადიკალურად შეიცვალა 2012 წლის შემდეგ, თუმცა, რჩება გამოწვევები და იმისთვის, რომ ჩვენ ვუპასუხოთ გამოწვევებს, საჭიროა სწორად შერჩევა უზენაესი სასამართლოს მოსამართლეების და ამის გარანტია არის ის კანონი, რომელიც ჩვენ მივიღეთ და ახლა სრულდება უკვე მუშაობა სასამართლო რეფორმის მეოთხე ტალღაზე და დარწმუნებული ვარ, რომ სრული კონსესუსით, ამ ფორმატში არის ჩართული სხვადასხვა მხარე, მათ შორის, საერთაშორისო პარტნიორები, არასამთავრობო ორგანიზაციების წარმომადგენლები, პოლიტიკური პარტიები, ექსპერტები, ხელისუფლების სამივე შტო და დარწმუნებული ვარ, რომ ჩვენ შევძლებთ მეოთხე ტალღის დასრულებას სრული თანხმობით ამ ფორმატში. სამი კვირის თავზე დასრულდება საბუთების მიღება, ამის შემდეგ განხორციელდება უკვე ფორმალური კონტროლი შემოსული განაცხადების და ამის შემდეგ გამოქვეყნდება მთლიანი სია იუსტიციის უმაღლესი საბჭოს ვებგვერდზე და ამის შემდეგ შეგვიძლია უკვე დავიწყოთ მსჯელობა იმასთან დაკავშირებით, თუ როგორი შესაძლებლობა არსებობს კანდიდატების და ჩვენ უნდა დავაკვირდეთ პროცესს. ერთერთი მთავარი მიღწევა იმ კანონის, რომელიც არის ჩვენს მიერ მიღებული, გახლავთ ის, რომ ყველა ეტაპზე საზოგადოებას აქვს დაკვირვების საშუალება, შეგვიძლია, ყველამ ერთად ვნახოთ, როგორი კანდიდატები არიან, რომელი კანდიდატები არიან შემოსული და ეს ინფორმაცია გამოქვეყნდება ოფიციალურ ვებგვერდზე. ჯერ მოხდება სიის გადარჩევა, შედგება ე.წ. გრძელი სია, სადაც, დაახლოებით, 45 კანდიდატი მოხვდება, ამის შემდეგ, მოხდება ამ სიის დაყვანა 18 კანდიდატამდე. ეს პროცედურა ჩაივლის მთლიანად საზოგადოების დაკვირვების ქვეშ და დარწმუნებული ვარ, რომ საბოლოო ჯამში, ჩვენ ყველა ერთად, საზოგადოება, შევძლებთ უზენაეს სასამართლოში ისეთი კანდიდატების განწესებას, რომლებიც მთლიანად იქნებიან შესაბამისობაში კვალიფიკაციის, კომპეტენციის და კეთილსინდისიერების კრიტერიუმებთან,- " განაცხადა კობახიძემ. 


პოლიციამ თბილისში უკანონო ცეცხლსასროლი იარაღი და საბრძოლო მასალა ამოიღო

შსს-ს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ნმოქმედებების შედეგად, 1993 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი ლ.ტ. თბილისში დააკავეს.

ერთი დღე მანქანის გარეშე - მსოფლიო სოციალურ აქციას საქართველოც უერთდება

ერთი დღე მანქანის გარეშე - მსოფლიო სოციალურ აქციას საქართველოც უერთდება. ორგანიზტორები მოქალაქეებს მოუწოდებენ, დღეს ავტომობილების გარეშე გამოვიდნენ ქალქში. 

კახეთში საშემოდგომო ხვნის სამუშაოები მიმდინარეობს

თავთავიანი კულტურის მოსავლის აღების დასრულების შემდეგ, კახეთის რეგიონში, შპს "სოფლის მეურნეობის ლოჯისტიკის და სერვისების კომპანიის" ტექნიკა საშემოდგომო ხვნის სამუშაოებში ჩაერთო.

დოლიძის ქუჩაზე ხის დაცემის შედეგად დაშავებული კაცი რეანიმაციაში მართვით სუნთქვაზე იმყოფება

თბილისში დოლიძის ქუჩაზე ხის დაცემის შედეგად დაშავებული ერთი პირის  მდგომარეობა მძიმეა. მას რამდენიმე ქირურგიული ოპერაცია ჩაუტარდა და ამ ეტაპზე მართვით სუნთქვაზე იმყოფება.

"თუ ვერ ვცვლით ხეილუფლებას მაშინ ის უნდა დავაბათ" - პრეზიდენტის რეზიდენციასთან აქცია გამართეს

საქართველოს პრეზიდენტის რეზიდენციასთან, ორბელიანების სასახლესთან მისულმა ახალგაზრდებმა აქცია-პერფორმანსის სახით ჭიშკარზე ბოქლომები დაამაგრეს. შეკრებილები თვლიან, რომ პრეზიდენტი დასაბმელია.

რომან გოცირიძე: მსგავსი წარმომავლობის კომპანიის მონაწილეობა ანაკლის კონსორციუმში არის სერიოზული რისკების შემცველი

„მსგავსი წარმომავლობის კომპანიის მონაწილეობა ანაკლის კონსორციუმში არის სერიოზული რისკების შემცველი“, - ამის შესახებ „ნაციონალური მოძრაობის“ წევრი რომან გოცირიძე ფეისბუკ გვერდზე წერს.

"არის წინაპირობები, რომ შეთანხმების გზით შევცვალოთ საარჩევნო კანონმდებლობა"

საქართველოს პარლამენტის თავმჯდომარემ "იმედის" პირდაპირ ეთერში საკონსტიტუციო  და საარჩევნო რეფორმების შესახებ ისაუბრა და კიდევ ერთხელ განმარტა იმ ძირითადი ცვლილებების არსი, რაც საარჩევნო კანონმდებლობაში შედის.

შსს: კაცმა ხულოში 78 აგარაკი გაქურდა

შინაგან საქმეთა სამინისტროს აჭარის პოლიციის დეპარტამენტის ხულოს რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1995 წელს დაბადებული ე.ა. ქურდობის ბრალდებით დააკავეს.

საგანგებო სიტუაციების სამსახურში ღამის განმავლობაში თბილისში ქარის გამო 30 შეტყობინება შევიდა

თბილისში ძლიერი ქარის შედეგად მომხდარ ინციდენტებთან დაკავშირებით საქართველოს შინაგან საქმეთა სამინისტროს საგანგებო სიტუაციების მართვის სამსახურში მთელი ღამის განმავლობაში 30 შეტყობინება შევიდა.

"დავასუფთაოთ მსოფლიო - დავასუფთაოთ საქართველო"

საქართველო დასუფთავების ყოველწლიურ საერთაშორისო კამპანიას – "დავასუფთაოთ მსოფლიო" ურთდება. კამპანიის პარალელურად, საქართველოში პროექტი - "დავიცვათ საქართველოს სისუფთავე" ხორციელდება.

საქართველოს საზღვრის უკანონოდ გადაკვეთისთვის კამერუნის რესპუბლიკის 2 მოქალაქე დააკავეს

შსს-ს სასაზღვრო პოლიციის N1 სამმართველოს (ბათუმი) თანამშრომლებმა, ჩატარებული ღონისძიებების შედეგად, კამერუნის რესპუბლიკის 2 მოქალაქე საქართველოს სახელმწიფო საზღვრის უკანონოდ გადაკვეთის მცდელობის ბრალდებით დააკავეს.

ხატია წილოსანი თელავის მუნიციპალიტეტში ქალ მეღვინეებს შეხვდა და რთველის მიმდინარეობას გაეცნო

გარემოს დაცვისა და სოფლის მეურნეობის მინისტრის მოადგილე ხატია წილოსანი თელავში, რთველის საკოორდინაციო შტაბის ხელმძღვანელს, ლევან მეხუზლას შეხვდა და რთველის მიმდინარეობისა და ყურძნის გადამუშავების შესახებ ინფორმაციას გაეცნო.

ციხელაშვილი: ცხინვალი სრულ იზოლაციაშია

შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილის განცხადებით, ცხინვალის რეგიონი ფაქტობრივად სრულ იზოლაციაშია. 

ძლიერი ქარის შედეგად მომხდარ ინციდენტებთან დაკავშირებით შსს-ში 270 შეტყობინება შევიდა

შინაგან საქმეთა სამინისტროს საგანგებო სიტუაციების მართვის სამსახურის უამინდობით გამოწვეული პრობლემების დახმარების მიზნით შესულ განცხადებებზე განცხადებას ავრცელებს.

"ნაცები" ხელისუფლებაში ყოფნის პერიოდში სპორტს იყენებდნენ მხოლოდ როგორც პოლიტიკურ ინსტრუმენტს"

საქართველოს სპორტისა და ახალგაზრდობის საქმეთა სამინისტროს აპარატის საზოგადოებასთან ურთიერთობის სამმართველოს ყოფილი უფროსი ეკა კვიტაშვილი სოციალურ ქსელში პოსტს აქვეყნებს.

"ქართული სპორტი უზარმაზარი წარმატების გზას ადგას"

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა გენო პეტრიაშვილს გამარჯვება მიულოცა და ქართველი სპორტსმენების ბოლო პერიოდის უნიკალურ მოღწევებზე ისაუბრა.

გენო პეტრიაშვილი მსოფლიო ჩემპიონია

ყაზახეთში მიმდინარე 2019 წლის მსოფლიო ჩემპიონატზე ჭიდაობაში ქართველი ფალავანი გენო პეტრიაშვილი ჩემპიონი გახდა.

მთავარი საკითხები, რომლებზეც პარლამენტი 2019 წლის საშემოდგომო სესიაზე იმუშავებს

არჩილ თალაკვაძემ საშემოდგომო სესიის ათი მთავარი გამოწვევა წარმოადგინა.

თსუ სახელმწიფო აუდიტის ანგარიშზე განმარტებებს ავრცელებს

თბილისის სახელმწიფო უნივერსიტეტი სახელმწიფო აუდიტის სამსახურის მიერ გამოქვეყნებულ ანგარიშზე განმარტებას ავრცელებს.

ფორსაჟის ეპიზოდების თბილისში მიმდინარე გადაღებები გადაიდო

შინაგან საქმეთა სამინისტროს საპატრულო პოლიცია გაცნობებთ, რომ ცნობილი ჰოლივუდური ფილმის ეპიზოდების თბილისში მიმდინარე გადაღებები რთული მეტეოროლოგიური პირობების გამო გადაიდო.

Adjarabet.com-ის უნიკალური აქცია რაგბის გულშემატკივრებს

Adjarabet.com ახალ აქციას სთავაზობს რაგბის გულშემატკივრებს, რომლებიც
დადებენ ფსონს მსოფლიო თასის ფარგლებში საქართველოს ნაკრების თამაშზე.