დეპუტატებისათვის საჯარო და კერძო სექტორს შორის დიალოგის გაუმჯობესებაზე ორიენტირებული სასწავლო პროგრამის განხორციელება დაიწყო

პარლამენტის გარემოს დაცვისა და ბუნებრივი რესურსების კომიტეტისა და ბიზნესისა და ეკონომიკის ცენტრის (BEC) ინიციატივითა და ორგანიზებით, პარლამენტში დეპუტატებისათვის პირველად ხორციელდება სასწავლო პროგრამა.

პროგრამა  „კომპანიების პერსპექტივიდან“, რომელიც საჯარო და კერძო სექტორს შორის დიალოგის გაუმჯობესებაზეა ორიენტირებული.

პარლამენტის პრესსამსახურის ინფორმაციით, პროგრამა საჯარო-კერძო დიალოგის ბრიტანულ მოდელს ეფუძნება, მოიცავს დეპუტატთა ვიზიტების სერიას კერძო კომპანიებში, კანონმდებლებსა და ბიზნეს-სექტორის წარმომადგენლებს შორის ინფორმაციის, ცოდნისა და გამოცდილების ურთიერთგაზიარებისათვის, რამაც საბოლოო ჯამში ბიზნესის მარეგულირებელი გარემოს გაუმჯობესებას უნდა შეუწყოს ხელი.
მათივე ინფორმაციით, პროგრამის პირველი აქტივობა, საქართველოს ტყის კოდექსთან დაკავშირებით პარლამენტში მიმდინარე საკანონმდებლო პროცესის გათვალისწინებით, გარემოს დაცვისა და ბუნებრივი რესურსების კომიტეტის თავმჯდომარე კახა კუჭავას ინიციატივით, მიეძღვნა თემას - „ტყის რესურსების მართვა და მწვანე დაფინანსება“, პროგრამის ერთ-ერთი პრიორიტეტული მიმართულების - „მწვანე ეკონომიკა და მდგრადი განვითარება“ - ფარგლებში.
კახა კუჭავას ხელმძღვანელობით, კომიტეტის წევრების პირველი ვიზიტი სასწავლო პროგრამის ფარგლებში, ფინანსური ჩართულობის ორგანიზაცია „კრისტალში“ შედგა, სადაც დეპუტატები, ასევე შეხვდნენ ბრიკეტის მწარმოებელი კომპანია „კერას“ წარმომადგენლებს და დარგის ექსპერტებს.
შეხვედრის მონაწილეებს მისასალმებელი სიტყვით მიმართეს გარემოს დაცვისა და ბუნებრივი რესურსების კომიტეტის თავმჯდომარემ კახა კუჭავამ, BEC-ის აღმასრულებელმა დირექტორმა ნათია კაციაშვილმა.
„მსგავსი ფორმატები საინტერესო და მნიშვნელოვანია საპარლამენტო საქმიანობის უკეთესად დაგეგმვისათვის. თავის მხრივ მნიშვნელოვანი და სენსიტიურია ის საკითხიც, რომელზეც შევიკრიბეთ. უკვე ორშაბათს ვგეგმავთ ტყის კოდექსის პროექტზე პირველ მოსმენას, პრინციპების დონეზე. შედეგი საბოლოოდ ახალი ტყის კოდექსის მიღებაა, რომელიც მდგრადი მართვის თანამედროვე პრინციპებს დანერგავს. დარწმუნებული ვარ, საბოლოო ჯამში მივალთ იმ შედეგამდე, რომელიც მეტნაკლებად მისაღები იქნება ყველასათვის. იმედია ისეთ ფუნდამენტს ჩავყრით, რომელიც შეუქცევადი იქნება შემდგომი ცვლილებებისთვის“, - განაცხადა კახა კუჭავამ და მწვანე ეკონომიკის, მათ შორის, მწვანე დაფინანსების მნიშვნელობაზე და ამ სექტორის საკანონმდებლო უზრუნველყოფის აუცილებლობაზე ისაუბრა. მისივე თქმით, კომიტეტი თავის მხრივ მზადაა ხელი შეუწყოს ყველა იმ იდეის განხორციელებას, რომელიც მწვანე ეკონომიკას უკავშირდება.
ნათია კაციაშვილმა თავის მხრივ, პარლამენტსა და კერძო სექტორს შორის დიალოგის მნიშვნელობაზე ისაუბრა, რამაც ხელი უნდა შეუწყოს კანონმდებლებს, გაიაზრონ კერძო სექტორის საჭიროებები და ეკონომიკური კანონმდებლობის განხილვის პროცესში მაქსიმალურად მოახდინონ კერძო სექტორის მოსაზრებების გათვალისწინება, ამავე დროს, ეკონომიკური კანონმდებლობის შემუშავებაზე უზრუნველყოფილი იყოს ინტერესთა ჯგუფების ინკლუზიური ჩართულობა.
შეხვედრაზე მოისმინეს ორგანიზაცია „კრისტალის“ სამეთვალყურეო საბჭოს თავმჯდომარე არჩილ ბაკურაძის და ინოვაციების მიმართულების ხელმძღვანელის მანუჩარ ჩიტაიშვილის მოსაზრებები საქართველოში მწვანე დაფინანსების კუთხით არსებულ გამოწვევებსა და პერსპექტივებზე, ასევე მწვანე დაფინანსების საუკეთესო პრაქტიკებისა და საერთაშორისო გამოცდილების შესახებ.
დეპუტატები შეხვდნენ ასევე ალტერნატიული, ბიოსაწვავის - ბრიკეტის მწარმოებელი კომპანია „კერას“ ხელმძღვანელს ირაკლი შანიძეს, გერმანიის საერთაშორისო თანამშრომლობის (GIZ) საზოგადოების პროგრამის დირექტორს ჰანს-იოაკიმ ლიპს, ეკონომიკური ტრანსფორმაციის ცენტრის პრეზიდენტს რამაზ გერლიანს.
კანონმდებლებმა კერძო სექტორისა და სფეროს ექსპერტების მონაწილეობით, იმსჯელეს: საქართველოში ტყის რესურსებისა და ხე-ტყის ნარჩენების მართვის პოლიტიკასა და პრაქტიკაზე; მდგრადი წარმოებისა და მოხმარების ხელშეწყობისათვის, მწვანე პროდუქტებისა და ტექნოლოგიების დანერგვის შესაძლებლობებზე. მოისმინეს უცხოელი ექსპერტის მოსაზრებები და რეკომენდაციები საქართველოს ტყის რესურსების მდგრადი მართვის თაობაზე.
გარემოს დაცვისა და ბუნებრივი რესურსების კომიტეტთან თანამშრომლობით, „მწვანე ეკონომიკა და მდგრადი განვითარების“ ფარგლებში, დაგეგმილია პროგრამის შემდეგი აქტივობა თემაზე - „წყლის რესურსების მდგრადი მართვა“, შესაბამისად, გაგრძელდება კომიტეტის წევრების სტუმრობა შესაბამისი პროფილის კერძო კომპანიებში.
პროგრამა ხორციელდება ბიზნესისა და ეკონომიკის ცენტრის (BEC) ხელშეწყობით და ამ პროგრამის ერთ-ერთი პრიორიტეტული მიმართულებაა „მწვანე ეკონომიკა და მდგრადი განვითარება“.


"საქართველოს რკინიგზა" განცხადებას ავრცელებს

სს "საქართველოს რკინიგზის" ინფორმაციით, მიმდინარე პროფილაქტიკური სამუშაოების გამო,  17/09/2019-ში 01:00 საათიდან 17/09/2019 04:00 საათამდე  გაითიშება სს "საქართველოს რკინიგზის" კორპორატიული ქსელი. 

საქართველოს პრეზიდენტსა და აზერბაიჯანის პრეზიდენტს შორის სატელეფონო საუბარი შედგა

საქართველოს პრეზიდენტმა სალომე ზურაბიშვილმა აზრბაიჯანის პრეზიდენტს ილჰამ ალიევს მადლობა გადაუხადა კახის რაიონში, სოფელ ალიბეგლოში ქართული სკოლის გახსნის გამო.
 

იოჰანეს ჰანი: "მადლობას ვუხდი განათლების მინისტრს ბრწყინვალე თანამშრომლობისთვის"

საქართველოს ევროპის სამეზობლო პოლიტიკისა და გაფართოების საკითხებში ევროკომისარმა იოჰანეს ჰანმა საქართველოს განათლების, მეცნიერების, კულტურისა და სპორტის მინისტრს მიხეილ ბატიაშვილს თანამშრომლობისთვის მადლობა გადაუხადა.

სამეგრელოში უაქციზო თამბაქოს შენახვა-გადაზიდვის ფაქტები გამოვლინდა

ფინანსთა სამინისტროს შემოსავლების სამსახურის თანამშრომლებმა, ზუგდიდის რაიონში  განხორციელებული მიმდინარე კონტროლის შედეგად, 19,280 ღერი სიგარეტის აქციზური მარკის გარეშე შენახვა-გადაზიდვის ფაქტები გამოავლინეს.

 
ზესტაფონში დედა და ორი შვილი ბუნებრივი აირის ნამწვით გარდაიცვალა

უბედური შენთხვევა მოხდა ზესტაფონში. ახალგაზრდა გოგონა ორ მცირეწლოვან შვილთან ერთად სავარაუდოდ ბუნებრივი აირით გარდაიცვალა.

"მეცნიერებისა და ინოვაციების ფესტივალი - 2019" გაიხსნა

მეცნიერებისა და ინოვაციების ფესტივალი განათლების რეფორმის ერთი წლის შემაჯამებელი ანგარიშით საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა გახსნა.

ეკონომიკის მინისტრის მოადგილე: „ჩვენი მიზანია, ქვეყნის საერთო მოხმარებაში გაიზარდოს განახლებადი ენერგიის წილი“

ეკონომიკის მინისტრის მოადგილემ დეპუტატების წინაშე სიტყვით გამოსვლისას აღნიშნა რომ სამინისტროს მიერ ინიცირებული კანონპროექტის მიზანია შექმნას განახლებადი წყაროებიდან მიღებული ენერგიის გამოყენების სამართლებრივი საფუძვლები.

 
SOLO-ს და Erti Gallery-ს თანამშრომლობით კოკა რამიშვილის პერსონალური გამოფენა „სინათლის მანქანები“ გაიხსნა

ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა „სინათლის მანქანები“ გაიხსნა.

თბილისში გაეროს ნარკოტიკებისა და დანაშაულის წინააღმდეგ ბრძოლის ბიუროს შეხვედრა გაიმართება

თბილისი გაეროს ნარკოტიკებისა და დანაშაულის წინააღმდეგ ბრძოლის ბიუროსა და მსოფლიო საბაჟო ორგანიზაციის ერთობლივი პროექტის რეგიონულ შეხვედრას 2019 წლის 17 სექტემბერს, 09:30 საათზე, სასტუმრო "ქორთიარდ მარიოტში" მასპინძლობს.

განათლების მინისტრი: „ევროპული ხარისხი განათლების სფეროში - ეს ჩვენი სტრატეგიაა“

განათლების რეფორმის შემაჯამებელი ანგარიშის პრეზენტაციაზე სიტყვით გამოსვლისას, საქართველოს განათლების მინისტრმა მიხეილ ბატიაშვილმა ერთწლიანი მუშაობა შეაჯამა და ახლო მომავალში დაგეგმილ სიახლეებზე ისაუბრა.

პრემიერ-მინისტრმა აშშ-ის ათასწლეულის გამოწვევის კორპორაციას მადლობა გადაუხადა

პრემიერ-მინისტრმა აშშ-ის ათასწლეულის გამოწვევის კორპორაციას საქართველოში ადამიანური კაპიტალის განვითარებაში ინვესტირებისთვის მადლობა გადაუხადა

საგარეო საქმეთა სამინისტროში ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართა

საქართველოში საგარეო საქმეთა სამინისტროში გაიმართა ჟენევის საერთაშორისო მოლაპარაკებების 49-ე რაუნდის მოსამზადებელი შეხვედრა თანათავმჯდომარეებთან ევროკავშირის, გაერო-სა და ეუთო-ს მხრიდან.

ასპინძაში ყირიმ კონგოს დიაგნოზით, ახალგაზრდა კაცი გარდაიცვალა

ასპინძაში 30 წლის მამაკაცი ყირიმ კონგოს ჰეპორაგიული ცხელების დიაგნოზით გარდაიცვალა. გ.ნ-ს დაავადების გადამტანმა საქონლის ტკიპამ უკბინა.

Microsoft-ის ხელოვნური ინტელექტი ქართული ენისთვის გაიხსნა

დღეს,საქართველოს განათლების მინისტრმა მიხეილ ბატიაშვილმა განათლების კომპლექსური რეფორმის ერთი წლის შემაჯამებელი ანგარიშის პრეზენტაციისას განაცხადა, Microsoft-ის ხელოვნურ ინტელექტზე ქართული ენის შესახებ.

ფულადი გზავნილების მოცულობა ევროკავშირიდან 24.8%-ით გაიზარდა

ფულადი გზავნილების მოცულობა აგვისტოში გასული წლის ანალოგიურ პერიოდთან შედარებით 7.8%-ით $146.4 მლნ-მდე გაიზარდა. ინფორმაციას ეროვნული ბანკი ავრცელებს.

ლარი მცირედით გაუფასურდა

16 სექტემბრის ვაჭრობის შედეგად აშშ დოლარი გამყარდა და  2.9608 ლარი შეადგინა. კურსი, რომელიც
დღეს მოქმედებდა, 2.9607 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -0.01 თეთრი შეადგინა.
  

კახა კალაძე: "როგორც მოსახლეობას შევპირდით, ვარაზის ხევიდან „პიქსელის“ შენობამდე მოძრაობა ცალმხრივად აღდგა"

დედაქალაქის მერი კახა კალაძე ჭავჭავაძის გამზირზე იმყოფებოდა, სადაც საავტომობილო მოძრაობა ცალმხრივად აღდგა. ასფალტის საფარის დაგების შემდეგ, დღეს, შპს „თბილსერვის ჯგუფმა“ ტერიტორია დაასუფთავა და გზა მორეცხა. 

დასაქმების ხელშეწყობის სახელმწიფო პროგრამების შესახებ საინფორმაციო შეხვედრა გაიმართა

სოციალური მომსახურების სააგენტოს ორგანიზებით დასაქმების ხელშეწყობის სახელმწიფო პროგრამების შესახებ საინფორმაციო შეხვედრა გაიმართა.

თსუ-ში ახალი სასწავლო წელი დაიწყო

ივანე ჯავახიშვილის სახელობის თბილისის სახელმწიფო უნივერსიტეტში ახალი სასწავლო წელი დაიწყო. ახალი სასწავლო წლის დაწყება სტუდენტებმა და პროფესორ-მასწავლებლებმა ერთად აღნიშნეს.

შეფასებისა და გამოცდების ეროვნულ ცენტრში აბიტურიენტებისათვის ღია კარის დღე გაიმართება

17 სექტემბერს, 16:00 საათზე შეფასებისა და გამოცდების ეროვნულ ცენტრში (მისამართი: ე. მინდელის N9) აბიტურიენტებისათვის ღია კარის დღე გაიმართება.

თბილისის მერმა ევროპული სკოლის კომპლექსის მშენებლობის ადგილას სიმბოლური კაფსულის ჩადების ცერემონიაში მონაწილება მიიღო

ლისის ტბის მიმდებარედ ევროპული სკოლის კომპლექსის მშენებლობა იწყება.