კობახიძე: დიასპორასთან კავშირების განვითარება განსაზღვრულია, როგორც კონსტიტუციური მნიშვნელობის ამოცანა

საქართველოს პარლამენტის თავმჯდომარე ირაკლი კობახიძე დიასპორის დღისადმი მიძღვნილ ყოველწლიურ ფორუმზე სიტყვით გამოვიდა.

მისი თქმით, „მნიშვნელოვანია, შევქმნათ კონკრეტული მექანიზმები, რათა დიასპორა უფრო აქტიურად ჩავრთოთ გადაწყვეტილებების მიღების, მათ შორის, კანონშემოქმედების პროცესში და ამ კუთხით გვექნება კონკრეტული ინიციატივები”.



ირაკლი კობახიძემ საზღვარგარეთ მცხოვრები თანამემამულეების მიერ, საქართველოს განვითარებაში შეტანილ წვლილს გაუსვა ხაზი.



„ვცდილობთ, მჭიდრო კავშირი შევინარჩუნოთ საზღვარგარეთ მცხოვრებ ჩვენს თანამემამულეებთან. 100 ათასობით ადამიანს, რომლებიც დღეს საქართველოს ფარგლებს გარეთ ცხოვრობენ, ძალიან მნიშვნელოვანი წვლილი შეაქვთ ჩვენი ქვეყნის განვითარებაში, ჩვენი ქვეყნის საერთაშორისო კავშირების გაღრმავებაში. მათ ჩვენი ქვეყნის სახელი გააქვთ საზღვარგარეთ, რაც ძალიან მნიშვნელოვანია ჩვენი სამშობლოსთვის”,- განაცხადა საქართველოს პარლამენტის თავმჯდომარემ.



ირაკლი კობახიძემ განხორციელებულ საკონსტიტუციო რეფორმაზე ისაუბრა და აღნიშნა, რომ რეფორმის ფარგლებში, დიასპორასთან ურთიერთობების განვითარება განისაზღვრა, როგორც კონსტიტუციური მნიშვნელობის ამოცანა. ამ კონტექსტში, საქართველოს პარლამენტის თავმჯდომარემ ქვეყნის ძირითად კანონში სალომე ზურაბიშვილის ინიციატივით განხორციელებულ ცვლილებაზეც გაამახვილა ყურადღება.


„საკონსტიტუციო რეფორმის ფარგლებში დიასპორასთან, ჩვენს თანამემამულეებთან კავშირების განვითარება განისაზღვრა როგორც კონსტიტუციური მნიშვნელობის ამოცანა, რასაც ძალიან დიდი სიმბოლური და ასევე, პრაქტიკული დატვირთვა აქვს. მნიშვნელოვანია, რომ ამ მიზანს შეესხას ხორცი და ამას სჭირდება ჩვენი ხელისუფლების და თითოეული ჩვენგანის ყოველდღიური საქმიანობა. მინდა, გავიხსენო კიდევ ერთი საკონსტიტუციო ცვლილება, რომელიც სალომე ზურაბიშვილის ინიციატივით შევიდა ჩვენს ძირითად კანონში და რომელიც უკავშირდება საქართველოს მოქალაქეობას. გამარტივდა საქართველოს მოქალაქეობის შენარჩუნება, ასევე, ორმაგი მოქალაქეობის მიღება, რაც დაეხმარება ჩვენს თანამემამულეებს რომ ჩვენს ქვეყანასთან მჭიდრო სამართლებრივი კავშირის შენარჩუნებაში“,- განაცხადა ირაკლი კობახიძემ.


საქართველოს პარლამენტის თავმჯდომარემ ხაზგასმით აღნიშნა, რომ დიასპორასთან კავშირის კიდევ უფრო გასაღრმავებლად, ბევრი რამაა გასაკეთებელი. მისივე თქმით, კონკრეტული ნაბიჯები უნდა გადაიდგას დიასპორის წარმომადგენლებისთვის საქართველოში დაბრუნების სათანადო შესაძლებლობის მისაცემად. ირაკლი კობახიძემ განაცხადა, რომ დასახული მიზნების მისაღწევად, საქართველოს პარლამენტში მუშაობს დიასპორისა და კავკასიის საკითხთა კომიტეტი.


„კომიტეტის ხელმძღვანელობასთან ერთად, დასახული გვაქვს კონკრეტული გეგმები, რათა ვუზრუნველყოთ ჩვენს მიერ დასახული ზოგადი მიზნების მიღწევა. ბევრი რამ კეთდება ამ მიმართულებით წინსვლისთვის. კომიტეტი მუშაობს „ერთი ფანჯრის“ პრინციპზე დაფუძნებული მომსახურების, ასევე, ონლაინ სერვისების განვითარებაზე. ასეთი კონკრეტული პრაქტიკული ნაბიჯები მნიშვნელოვანია, რათა ჩვენს დიასპორასთან მჭიდრო კავშირი შევინარჩუნოთ. ასევე, საუბარია შესაბამისი კანონის-„უცხოეთში მცხოვრები თანამემამულეების და დიასპორული ორგანიზაციების შესახებ“ კანონის ახლებურად გააზრებაზე, მის დახვეწაზე”,- განაცხადა საქართველოს პარლამენტის თავმჯდომარემ.


მან დიასპორაში ქართული ენის ცოდნის შენარჩუნებასა და საკვირაო სკოლების ფუნქციონირების განსაკუთრებულ მნიშვნელობაზე გაამახვილა ყურადღება. ირაკლი კობახიძემ ხაზგასმით აღნიშნა, რომ ხელისუფლებამ ყველა ზომა უნდა მიიღოს საკვირაო სკოლების ფუნქციონირების ხელშესაწყობად.
ირაკლი კობახიძის თქმით, დიასპორასთან უშუალო კავშირისა და მათთან შესახვედრად, საქართველოს პარლამენტის წევრები მაქსიმალურად იყენებენ საერთაშორისო ვიზიტებს.


„ჩვენი თანამემამულეებისგან ვიღებთ ძალიან ბევრ საინტერესო ინფორმაციას, რაც გვეხმარება სამომავლო ნაბიჯების დაგეგმვაში, მათ შორის, კონკრეტულად დიასპორასთან კავშირების განვითარების კუთხით”,- განაცხადა სიტყვით გამოსვლისას, პარლამენტის თავმჯდომარემ.
ფორუმის მონაწილეებს მიესალმა და მისასალმებელი სიტყვით მიმართა დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ.


„დამოუკიდებლობის დღეს და დიასპორის დღეს ვულოცავ იმ ადამიანებს, ვინც ქართულ კულტურას და ქართულ ენას უანგაროდ ემსახურება. ისენი ნამდვილად არიან ჩვენი დროის გმირები, ადამიანები, რომელთა ღვაწლს არ უნდა ივიწყებდეს არც ერთი ხელისუფლება. მინდა მივულოცო ეს დღეები ჩვენს უცხოეთში მოღვაწე მამებს, რომლებიც დიდი სიყვარულით ემსახურებიან როგორც ჩვენი რწმენის და რელიგიის საკითხებს, ისე ქართული ენისა და ჩვენი ქვეყნის პატრიოტიზმს“,-განაცხადა ბექა ოდიშარიამ.


დიასპორასთან დაკავშირებულ ახალ ინიციატივებზე საუბრისას, კომიტეტის თავმჯდომარემ ყურადღება გაამახვილა უწყებათაშორის კომისიაზე, სადაც ოპერატიულად იქნება განხილული ყველა მსგავსი ინიციატივა.


„დღევანდელი ყველა გამომსვლელის პათოსში ჩანს ხელისუფლების განწყობა. უპრეცედენტოდ ერთიანი ვართ ამ თვალსაზრისით, რომ მაქსიმალურად მოვახერხოთ უცხოეთში მცხოვრები ჩვენი თანამემამულეების მიმართ ჩვენი განწყობების მიწოდება და მათი სურვილის შემთხვევაში, მათი ღირსეული დაბრუნების უზრუნველყოფა. მადლობელი ვარ საქართველოს პრეზიდენტის და პარლამენტის თავმჯდომარის იმ ინიციატივებისათვის, იმ საკონსტიტუციო ჩანაწერებისათვის, რომლებიც, გაუადვილებენ ჩვენს თანამოქალაქეებს კავშირების გამყარებას თავის ქვეყანასთან. მადლობელი ვარ პრემიერმინისტრისა იმ მუდმივი თანადგომისთვის და მყისიერი რეაგირებისათვის, რომლებიც დაკავშირებულია პარლამენტის, ასევე აღმასრულებელი ხელისუფლების, ერთობლივ ინიციატივებთან“,-განაცხადა დიასპორისა და კავკასიის საკითხთა კომიტეტის თავმჯდომარემ.


ორდღიანი ფორუმი, რომელსაც საქართველოს საგარეო საქმეთა სამინისტრო მასპინძლობს, მინისტრმა, დავით ზალკალიანმა გახსნა.


დამსწრეებს, სიტყვით მიმართეს და დამოუკიდებლობის, ასევე, დიასპორის დღე მიულოცეს საქართველოს პრეზიდენტმა, სალომე ზურაბიშვილმა, პრემიერმინისტრმა, მამუკა ბახტაძემ, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ.


ეკატერინე მიქაბაძე: მნიშვნელოვანია, დაცული იყოს ბალანსი ბიზნესსა და დასაქმებულების უფლებებს შორის

ეკონომიკისა და მდგრადი განვითარების სამინისტროში კომენტარი გააკეთეს შრომის კოდექსში ცვლილებების პროექტის შესახებ და განხილვის პროცესში ბიზნესთან წინასწარი კომუნიკაციის ნაკლებობაზე გაამახვილეს ყურადღება.

ბავშვთა პორნოგრაფიის დამამზადებელი და გამსაღებელი დაჯგუფების წინააღმდეგ ოპერაციას უცხოური მედია ეხმაურება

შინაგან საქმეთა სამინისტროს მიერ არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგისთვის ორგანიზებული დანაშაულებრივი ჯგუფის წევრების დაკავებას საერთაშორისო მედია ეხმაურება.

 
გიორგი ვოლსკი: კიდევ არსებობს ნაპერწკალი, რომლისგანაც შეიძლება გაღვივდეს ის სიყვარული, რაც  ერთმანეთთან გვახასიათებდა

„კიდევ არსებობს ნაპერწკალი, რომლისგანაც შეიძლება გაღვივდეს ის სიყვარული, რომელიც ჩვენ ერთმანეთთან გვახასიათებდა“.

საპატრიარქო: რუსეთის პატრიარქ კირილეს ქმედება ჩვენთვის გაუგებარია და აღიქმება სეპარატიზმის წახალისებად

საქართველოს საპატრიარქოს, საზოგადოებასთან ურთიერთობის სამსახური რუსეთის პატრიარქის კირილის მიერ, ოკუპირებული აფხაზეთის დეფაქტო პრეზიდენტის რაულ ხაჯიმბასადმი მილოცვასთან დაკავშირებით განცხადებას ავრცელებს.

„ანაკლიის განვითარების კონსორციუმი“ განცხადებას ავრცელებს

„ანაკლიის განვითარების კონსორციუმი“ მისი ერთ-ერთი პოტენციური ინვესტორის, Meridian Capital Limited-ის შესახებ მედიაში გავრცელებულ  ინფორმაციას სიცრუეს უწოდებს.

სოფო კილაძე:  ბევრი რამ კეთდება, რათა ოკუპირებულ ტეროტორიებზე მცხოვრები ადამიანების მდგომარეობა გავაუმჯობესოთ

„შერიგებისა და სამოქალაქო თანასწორობის საკითხებში სახელმწიფო მინისტრის აპარატი და მთლიანად ხელისუფლება  ბევრს აკეთებს, რათა გავაუმჯობესოთ საქართველოს ოკუპირებულ ტეროტორიებზე მცხოვრები ადამიანების მდგომარეობა".

 
სავალ მირზოევი: მჯერა, ქართველებთან ერთად არაქართველი მოსახლეობა მიიღებს აქტიურ მონაწილეობას ისეთი ქვეყნის მშენებლობაში, როგორზეც ყველა ვოცნებობთ

პარლამენტის წევრმა, სავალ მირზოევმა პლენარულ სხდომაზე, განცხადება გააკეთა და ქართული ენის მნიშვნელობაზე ისაუბრა.

სიმონ ნოზაძე ოპოზიციას: თქვენმა პოლიტიკამ კრახი განიცადა, თქვენ ტერიტორიების 22 პროცენტი დაკარგეთ

ფრაქცია „ქართული ოცნება-მრეწველების“ თავმჯდომარემ სიმონ ნოზაძემ შერიგებისა და სამოქალაქო თანასწორობის საკითხებში, საქართველოს სახელმწიფო მინისტრის, ქეთევან ციხელაშვილის მოხსენება შეაფასა.

რა წერია შრომის კოდექსის პროექტში - მამუკა მდინარაძის განმარტება

„ძალიან სამწუხაროა, რომ ინტერპრეტაციები, სპეკულაციები და აქედან გამომდინარე ვნებათაღელვა მოჰყვა კანონპროექტს, რომელიც საქართველოს პარლამენტში დაინიცერებული არ არის".

პარლამენტთან აქცია „სირცხვილია“ მიმდინარეობს (ფოტოკოლაჟი)

საქართველოს პარლამენტთან აქცია „სირცხვილია“ მიმდინარეობს.

ანრი ოხანაშვილი: უზენაესი სასამართლოს მოსამართლეების კანდიდატებთან დაკავშირებული პროცესი პარლამენტში გამჭვირვალედ წარიმართება

იურიდიულ საკითხთა კომიტეტის თავმჯდომარემ ანრი ოხანაშვილმა არასამთავრობო ორგანიზაციების წარმომადგენლებთან  უზენაესი სასამართლოს მოსამართლეების კანდიდატების პარლამენტის მიერ არჩევის პროცესთან დაკავშირებით შეხვედრა გამართა.

ევროპოლი არასრულწლოვნების პორნოგრაფიის დამზადება-გასაღებისა და ტრეფიკინგის საქმეზე ინფორმაციას აქვეყნებს

ევროპოლი საქართველოს შინაგან საქმეთა სამინისტროს მიერ არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის ბრალდებით დანაშაულებრივი ჯგუფის 11 წევრის დაკავებაზე ვებ-გვერდზე ინფორმაციას აქვეყნებს.

ციხელაშვილი: ჩვენი პოლიტიკა ადამიანზეა ფოკუსირებული და გათვლილი იმაზე, რომ კონფლიქტის მშვიდობიანი მოგვარებისათვის ნიადაგი მოამზადოს

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი საქართველოს პარლამენტში მოხსენებით წარსდგა.

მამუკა მდინარაძე: პრეზიდენტის ადმინისტრაციამ დეტალური განმარტებები უნდა გააკეთოს შეწყალებასთან დაკავშირებით

"პრეზიდენტის ადმინისტრაციამ დეტალური განმარტებები უნდა გააკეთოს ამ შეწყალებასთან დაკავშირებით. მათ შორის, იმ ადამიანებმა, ვინც საბუთები მოამზადა, ამ სიაზე იმუშავა, შესაბამისი დოკუმენტები მიიღო, გაეცნო და გადასცა პრეზიდენტს".

სამუდამო პატიმრობა მისჯილმა პარლამენტს საკონსტიტუციო დავა მოუგო

საქართველოს საკონსტიტუციო სასამართლომ დააკმაყოფილა სამუდამო  პატიმრობაში მყოფი ბადრი ბეჟანიძის კონსტიტუციური სარჩელი საქართველოს პარლამენტის წინააღმდეგ.

 
ირაკლი სესიაშვილი: პროტესტი მიუღებელია მათგან, ვინც თავად აწამებდა ათასობით ადამიანს

პარლამენტის თავდაცვის და უშიშროების კომიტეტის თავმჯდომარე რამზან ახიადოვის რუსეთში ექსტრადირებასთან დაკავშირებით აცხადებს, რომ გადაწყვეტილება არანაირ ეჭვს და კითხვებს არ ბადებს.

ოთარ დანელია  გაერო-ს მუდმივ კოორდინატორს შეხვდა

პარლამენტის აგრარულ საკითხთა კომიტეტის თავმჯდომარე, ოთარ დანელია საქართველოში გაერო-ს მუდმივ კოორდინატორს და გაერო-ს განვითარების პროგრამის (UNDP) მუდმივ წარმომადგენელს, ლუიზა ვინტონს შეხვდა.

პარლამენტმა „ბავშვის უფლებათა კოდექსი“ მიიღო

საქართველოს პარლამენტმა, 85 ხმით, მესამე მოსმენით „ბავშვის უფლებათა კოდექსი“ მიიღო.

„ჯორჯიან მანგანეზის” ხელშეწყობით, ჭიათურის პირველი საჯარო სკოლის რეაბილიტაცია დასასრულს უახლოვდება

შპს „ჯორჯიან მანგანეზმა“ ჭიათურის პირველი საჯარო სკოლის სამშენებლო-სარეაბილიტაციო სამუშაოების თანადაფინანსებაში მონაწილეობა მიიღო.

თბილისის მერია განცხადებას ავრცელებს

ტექნიკური სამუშაოების გამო, 21 სექტემბრის 21:00 საათიდან 22 სექტემბრის 09:00 საათამდე სრულად გაითიშება მერიის სასერვერო ინფრასტრუქტურა. შესაბამისად, ვერ იმუშავებს მუნიციპალური ცხელი ხაზი.

ლევან ნიკოლეიშვილი: მამუკა ხაზარაძეს, უმნიშვნელოვანეს სტრატეგიულ პროექტში, რუსეთში მოქმედი ყაზახი ბიზნესმენების ჩართვა სურს, ღალატი და მავნებლობაა

„მამუკა ხაზარაძეს, უმნიშვნელოვანეს სტრატეგიულ პროექტში, რუსეთში მოქმედი ყაზახი ბიზნესმენების ჩართვა სურს, ღალატი და მავნებლობაა“, - ამის შესახებ ექსპერტი ლევან ნიკოლეიშვილი სოციალურ ქსელში წერს.