არჩილ თალაკვაძე: რაც ამ დღეებში ვნახეთ, ღია პროვოკაციაა საკუთარი ქვეყნის და ხალხის წინააღმდეგ

საქართველოს პარლამენტის თავმჯდომარემ ტელეკომპანია „იმედის“ პირდაპირ ეთერში, „რუსთავი 2“-ის ირგვლივ მიმდინარე მოვლენები შეაფასა.

„რაც ამ დღეებში ვნახეთ, არის, ღია პროვოკაცია საკუთარი ქვეყნის და ხალხის წინააღმდეგ და მათი მხრიდან იყო მცდელობები, რომ ეს ყველაფერი გადაებრალებინათ ერთი ჟურნალისტისთვის, ასევე იყო მცდელობები, რომ ეს ყველაფერი პატრიოტული საფარის ქვეშ შეეფუთათ“,- განაცხადა პარლამენტის თავმჯდომარემ.


არჩილ თალაკვაძის შეფასებით, ეს იყო ფარსი, რომელსაც, რეალურად, საერთო არ აქვს პატრიოტიზმთან და დეოკუპაციასთან. მან ასევე აღნიშნა, რომ ის, რასაც გარკვეული პოლიტიკური ჯგუფები აკეთებენ, არის ქვეყნის განვითარების, მშვიდობისა და პროგრესის წინააღმდეგ, რადგან ეს ყველაფერი საფრთხეს უქმნის ეკონომიკას.


„ეს არ არის დეოკუპაცია და ეს არც შეიძლება იყოს. რაც ხდება, ამას უნდა მიეცეს სათანადო შეფასება. არის მცდელობა, რომ ის საგარეო პრობლემები და საშინაო ოც პროცენტიანი ოკუპაცია, რაც ჩვენი ქვეყნის სერიოზული გამოწვევაა, არის მცდელობა, რომ ეს პროვოკაციები, რაც ამ დღეებში მოხდა, გადაიფაროს და გაერთიანდეს იმ პრობლემასთან, რასაც ჩვენი ქვეყნის ოკუპაცია ჰქვია, მაგრამ ამას აქვს თავისი სახელი. ჩვენი პოზიციები და ჩვენი შეფასებები ოკუპაციასთან მიმართებაში არ შეცვლილა, ოკუპაცია არის უკანონო და საქართველო თავისი ეროვნული ინტერესების ხარჯზე არანაირ კომპრომისს არ აპირებს ამ საკითხთან მიმართებაში. ჩვენ ყველაფერს გავაკეთებთ, რომ ტერიტორიული მთლიანობა აღდგეს, მაგრამ ეს გზა გადის ეკონომიკური განვითარებაზე, ეს გზა გადის უსაფრთხოებაზე, საქართველოს ინტენსიურ ინტეგრაციაზე დასავლეთში და ევროატლანტიკურ სტრუქტურებში და არა იმაზე, რომ მაშინ, როდესაც ყველაზე მეტად ჭირდება სტაბილურობა და უსაფრთხოება, შენს ქვეყანას მოუწყო დესტაბილიზაცია ქვეყნის შიგნით“,- განაცხადა არჩილ თალაკვაძემ.


მისივე თქმით, მომხდარი მტრის წისქვილზე წლის დასხმა და ახალი თაობის ძალადობრივი და დესტაბილიზაციის სცენარისთვის გამოყენებაა. პარლამენტის თავმჯდომარემ აღნიშნა, რომ მმართველი გუნდი არავის მისცემს საშუალებას, ვიწრო პოლიტიკური ინტერესების გამო, კითხვის ნიშნის ქვეშ დააყენოს ქვეყნის უსაფრთხოება და საზოგადოების ინტერესები.


„ეს არის, რეალურად, შენი მტრის წისქვილზე წყლის დასხმა, ეს არის ახალი თაობის გამოყენება ძალადობრივი და დესტაბილიზაციის სცენარისთვის, რაც ჩვენ ვნახეთ რუსთაველზე, როდესაც ამ პოლიტიკურმა ჯგუფმა მშვიდობიანი აქცია გამოიყენა ძალადობრივი სცენარისთვის და ეს არის ხაზის გადასმა ყველაფრისთვის, რაც შენს ქვეყანას და საზოგადოებას სჭირდება. რა დგას მეორე მხარეს? მეორე მხარეს დგას „ნაციონალური მოძრაობის“ და ერთი პოლიტიკური ჯგუფის ვიწრო ინტერესები, რომ ნებისმიერ ფასად, თუ ისინი ხელისუფლებაში არ იქნებიან, მაშინ არაფერს აზრი არ აქვს, არც ქვეყნის ინტერესებს, არც საზოგადოების ინტერესებს, მთავარი მათთვის არის, რომ როგორმე ხელისუფლებაში მოვიდნენ სწრაფად, ოღონდ იციან, რომ არჩევნებით ამის გაკეთება არ აწყობთ, ვერ შეძლებენ და ამას სჭირდება დემოკრატიული პროცესი, ამას სჭირდება ჩართულობა, შრომა. მათ უნდათ, რომ სწრაფად, დესტაბილიზაციის გზით, მიიღონ ხელისუფლება. ეს არის რეალურად, რასაც ჩვენ ვაკვირდებით, მაგრამ ამის შესაძლებლობას ჩვენ არ მივცემთ არავის. არავის არ მივცემთ იმის საშუალებას, რომ თავისი ვიწრო პოლიტიკური ინტერესებისთვის კითხვის ნიშნის ქვეშ დააყენონ ჩვენი ქვეყნის უსაფრთხოება და ჩვენი საზოგადოების ინტერესები. ჩვენ ვიმოქმედებთ კანონის ფარგლებში და სახელმწიფო იმოქმედებს კანონის ფარგლებში, სამართლიანად, თუმცა, ძალიან პრინციპულად. ჩვენ არ ვაპირებთ, რომ რამე პროვოკაციაში შევიდეთ მათთან და არ ვაპირებთ, რომ მედიას ან კონკრეტულ ადამიანებს სახელმწიფო დაემუქროს უკანონოდ. ეს გამორიცხულია. ეს გზა რთულია, ასეთი დემოკრატია მოითხოვს მეტი ფასის გადახდას ჩვენი მხრიდან, მაგრამ ჩვენ მზად ვართ, რომ მეტი ფასი გადავიხადოთ დემოკრატიაში, იმიტომ, რომ იაფფასიანი დემოკრატია უკვე ვნახეთ და სადამდე მიიყვანა იაფფასიანმა დემოკრატიამ ქვეყანა, ესეც ვნახეთ. ეს გზა არის გასავლელი და ჩვენ მშვიდად და საქმიან რეჟიმში, მაქსიმალურად რაციონალური არგუმენტებით, მაქსიმალურად უსაფრთხოდ გავივლით ამ გზას“,- განაცხადა არჩილ თალაკვაძემ.


არჩილ თალაკვაძე: თუ 40% ოპოზიციის პრინციპული მოთხოვნაა, ამისთვის მზად ვართ

„არჩევნებზე შეთანხმების მისაღწევად 40% თუ პრინციპული მოთხოვნაა, მზად ვართ“, - ასე პასუხობს პარლამენტის თავმჯდომარე არჩილ თალაკვაძე ოპოზიციის მოთხოვნას, რომლის თანახმადაც პოლიტიკურ პარტიას მინიმუმ 40%-იანი მხარდაჭერა უნდა ჰქონდეს მთავრობის ერთპიროვნულად შესაქმნელად.

გურამ ნიკოლაშვილი: ეკონომიკური და პოლიტიკური თავისუფლებისა და კანონის უზენაესობის ინდექსით 2019 წელს საქართველომ ახალი ისტორიული მაქსიმუმი დააფიქსირა

„ეკონომიკური და პოლიტიკური თავისუფლებისა და კანონის უზენაესობის ინდექსით 2019 წელს საქართველომ ახალი ისტორიული მაქსიმუმი დააფიქსირა, შედეგი გაიუმჯობესა და 27-ე ადგილი დაიკავა ევროპის 45 ქვეყანას შორის“, - განაცხადა საჯარო პოლიტიკის სპეციალისტმა გურამ ნიკოლაშვილმა ტვ „იმედის“ „დღის ქრონიკაში“ თავისუფლების ბარომეტრის შეფასებაზე საუბრისას.

ჯანდაცვის მინისტრი კორონავირუსზე: მინდა მოსახლეობა დავამშვიდო, სიტუაცია კონტროლირებადია

ჯანდაცვის მინისტრის ეკატერინე ტიკარაძის განცხადებით, ქვეყნის მასშტაბით კორონავირუსის პრევენციისა და მკურნალობისთვის მობილიზებულია რამდენიმე სამედიცინო კლინიკა და სიტუაცია კონტროლს ექვემდებარება.

ქალი, რომელსაც კორონავირუსი დაუდასტურდა "საქართველოს ბანკის" თანამშრომელია

დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადასტურებულ კორონავირუსის შემთხვევებს შორის ერთ-ერთი, რომელმაც იტალიაში იმოგზაურა, "საქართველოს ბანკის" თანამშრომელია. ამის შესახებ ინფორმაციას ბანკში ადასტურებენ.

საქართველოში Waste Expo 2020 გაიმართა

USAID/CENN ნარჩენების მართვის პროგრამის, ამერიკის სავაჭრო პალატისა (AmCham) და ნარჩენების მართვის ასოციაციის (WMA) თანამშრომლობით, საქართველოში Waste Expo 2020 უკვე მეორედ გაიმართა.

ახალციხეში ქალი საკუთარ სახლში გარდაცვლილი იპოვეს

ახალციხეში, თამარ მეფის ქუჩაზე, საკუთარ საცხოვრებელ სახლში ქალის ცხედარი იპოვეს. 

ტექნიკური უნივერსიტეტეტის ეგიდით საერთაშორისო კოლოკვიუმი ჩატარდა

საქართველოს ტექნიკური უნივერსიტეტის ეგიდით, 23-28 თებერვალს, კახეთში, ლოპოტას ტბაზე, გაიმართა საერთაშორისო კვლევითი კოლოკვიუმი თემაზე - „ადამიანის უფლებები, როგორც ამოცანა და გამოწვევა დემოკრატიული საზოგადოებისთვის“. კოლოკვიუმის მოწყობის თაობაზე ტექნიკური უნივერსიტეტის პროექტს ფინანსური მხარდაჭერა კონრად ადენაუერის ფონდმა გაუწია, - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს.

საქართველოს საგარეო უწყება კორონავირუსთან დაკავშირებით განცხადებას ავრცელებს

საქართველოს საგარეო საქმეთა სამინისტრო კორონავირუსთან დაკავშირებით განცხადებას ავრცელებს და მოქალაქეებს რეკომენდაციით მიმართავს.

ლარმა კვირა მკვეთრი გამყარებით დაასრულა

28 თებერვლის ვაჭრობის შედეგად აშშ დოლარი გაუფასურდა და 2.7905 ლარი შეადგინა. კურსი, რომელიც დღეს მოქმედებდა, 2.8042 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 1.37 თეთრი შეადგინა.

იდლიბში თურქ სამხედროებზე თავდასხმის ფაქტზე საქართველომ თურქეთს სოლიდარობა გამოუცხადა

საქართველოს საგარეო საქმეთა სამინისტროში მინისტრის მოადგილის ალექსანდრე ხვთისიაშვილისა და საქართველოში თურქეთის რესპუბლიკის საელჩოს საქმეთა დროებითი რწმუნებულის ონურ სევინის შორის შეხვედრა გაიმართა.

საქართველოში წვიმაა მოსალოდნელი

გარემოს ეროვნული სააგენტოს ცნობით, 29 თებერვლიდან 2 მარტამდე საქართველოში წვიმაა მოსალოდნელი.

კორონავირუსის გამო, ირანისა და იტალიის მიმართულებით სატვირთო გადაზიდვები შეჩერებულია

კორონავირუსის გამო, საქართველოს სახმელეთო ტრანსპორტის სააგენტომ ირანისა და იტალიის მიმართულებით სატვირთო გადაზიდვები შეაჩერა.

წყალმომარაგების კომპანიის დირექტორი: წელს 240 მლნ ლარის ღირებულების 110 პროექტს განვახორციელებთ

წყალმომარაგების კომპანიის დირექტორის გიგა მანდარიას განცხადებით, კომპანია მიმდინარე წელს 100- ზე მეტი პროექტის განხორციელებას გეგმავს.

მილანიდან საქართველოში 97 მგზავრი შემოვიდა 

მილანიდან ქუთაისის დავით აღმაშენებლის სახელობის საერთაშორისო აეროპორტში კიდევ ერთი რეისი შესრულდა.

რუსთავში კაცს მატარებელი დაეჯახა

რუსთავში რკინიგზის სადგურზე ახალგაზრდა კაცს მატარებლი დაეჯახა. შუა ხნის მოქალაქე ადგილზე დაიღუპა.

თენგიზ ცერცვაძე: კორონავირუსით 31 წლის ქალია დაინფიცირებული, მისი მდგომარეობა დამაკმაყოფილებელია

საქართველოში კორონავირუსის მეორე შემთხვევა დაფიქსირდა. ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორის თენგიზ ცერცვაძის ინფორმაციით, დაინფიცირებულია 31 წლის ქალი, რომელიც იტალიაში იმყოფებოდა.

საქართველოს საელჩო საბერძნეთში ქართველ ემიგრანტებს აფრთხილებს

საქართველოს საელჩო საბერძნეთში სალონიკსა და ათენში კორონავირუსის შემთხვევების დაფიქსირების შესახებ იტყობინება და ქართველ ემიგრანტებს აფრთხილებს. 

რეგიონებში სკოლების მცირე რეაბილიტაციის პროექტები წელსაც 40 მლნ ლარით დაფინანსდება

რეგიონული განვითარებისა და ინფრასტრუქტურის სამინისტროს ცნობით, რეგიონებში სკოლების მცირე რეაბილიტაციის პროექტები წელსაც 40 მლნ ლარით დაფინანსდება.

ადამიანებს, რომლებსაც საზღვარზე სიმპტომები არ აღენიშნებათ, თუმცა იტალიაში იმყოფებოდნენ, ორკვირიანი თვითიზოლაციის რეკომენდაცია ეძლევათ

ადამიანებს, რომლებსაც საზღვარზე სიმპტომები არ აღენიშნებათ, თუმცა იტალიის ჩრდილოეთ ნაწილში იმყოფებოდნენ, ორკვირიანი თვითიზოლაციის რეკომენდაცია ეძლევათ.

საქართველოს ბანკის მხარდაჭერით Social  Impact Award 2020 იწყება

საქართველოს ბანკის და UNDP საქართველოს მხარდაჭერით Impact Hub Tbilisi იწყებს საერთაშორისო სტუდენტურ პროგრამა Social Impact Award-ს.

გამყრელიძე: აღებული 24 სინჯიდან, არ გამოვრიცხავთ კიდევ გამოვლინდეს კორონავირუსის შემთხვევა

"აღებული გვაქვს 24 სინჯი და დღეს მიმდინარეობს მათი გამოკვლევა ლუგარში დიდი ალბათობით, არ გამოვრიცხავთ, რომ გვქონდეს კიდევ ერთი შემთხვევა", - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.