,,ფრეგოს“ ადვოკატი: მზად ვართ, ვითანამშრომლოთ გამოძიებასთან და დეტალური ინფორმაცია მივაწოდოთ

შპს „ფრეგოსთან" დაკავშირებული პატიმრობაში მყოფი პირების, გიორგი თოფჩიშვილისა და ვლადიმერ ყველაშვილის ადვოკატი ნანი ფრიდონაშვილი „პირველთან" საუბარში კომპანიის ირგვლივ განვითარებულ მოვლენებს აფასებს.

როგორც უფლებადამცველი აცხადებს, მისი დაცვის ქვეშ მყოფები მზად არიან, ყველა კითხვას ამომწურავი პასუხი გასცენ და გამოძიებასთან აქტიურად ითანამშრომლონ.


ნანი ფრიდონაშვილი კატეგორიულად უარყოფს გავრცელებულ ინფორმაციას იმის შესახებ, რომ თითქოსდა, საგამოძიებო უწყება „ფრეგოსთან" დაკავშირებულ პირებზე ზეწოლას ახდენდა.


„ძალიან არასწორად იყო ინფორმაცია აგორებული, თითქოს, დაატარებდნენ „ფრეგოსთან" დაკავშირებულ პირებს ფინანსურ პოლიციაში, თითქოს, რაღაც ზეწოლა ხდებოდა, რამდენიმე მილიონს ითხოვდნენ და ა.შ. მსგავსი მართლაც არაფერი ხდებოდა. ის ადამიანი, რომელიც არის „ფრეგოსთან“ დაკავშირებული, შემიძლია, მთელი პასუხისმგებლობით ვთქვა, რომ ჩემთან ერთად იყო ფინანსურ პოლიციაში მისული. ჩემ გარეშე არც ერთხელ არ მისულა. დაკავების პირველი წუთიდან მის გვერდით ვიყავი, ერთად ვიყავით როდესაც დაგვიბარეს და იქ მოხდა დაკავება", - აცხადებს ადვოკატი.


მისივე თქმით, საგამოძიებო უწყების მხრიდან მისი დაცვის ქვეშ მყოფ არც ერთ პირზე ზეწოლას ადგილი არ ჰქონია.


„მეორე, ვინც ასევე ,,ფრეგოსთან" დაკავშირებული პირია, ის დააკავეს გაცილებით ადრე. თუმცა, რა თქმა უნდა, მასთანაც მქონდა კომუნიკაცია და მსგავსი არაფერი ყოფილა. პირველ დღეებში ძალიან აქტიურად იყო ინფორმაცია იმის შესახებ, რომ თითქოს იბარებდნენ, ემუქრებოდნენ, მსგავსი არაფერი არ ყოფილა. ყოველ შემთხვევაში ჩემთან არაფერი უთქვამთ და მე ამის შემსწრე არა ვარ“, - განმარტავს ნანი ფრიდონაშვილი.


ადვოკატი აცხადებს, რომ „ფრეგოს" შესყიდვებით დაკავშირებული პირი ვლადიმერ ყველაშვილი გამოძიებასთან ითანამშრომლებს და გამოთქვამს სურვილს რომ ზიანი აანაზღაუროს.


„საქმე, რომელზეც ახლა მიდის გამოძიება საკმაოდ მოცულობითია და დაახლოებით 11 ტომია ეს მასალა. აღმკვეთ ღონისძიებად იქნა გამოყენებული პატიმრობა, თუმცა, ჩვენი თხოვნა იყო, რომ გირაო ყოფილიყო შეფარდებული და დღეის მდგომარეობით არის ასეთი წინადადება ჩვენგან, რომ ეს პიროვნება, რომელიც ,,ფრეგოსთან" იყო შესყიდვებით დაკავშირებული, ვლადიმერ ყველაშვილი, გამოთქვამს მზაობას რომ ზიანი აანაზღაუროს. 2 მილიონ 800 ათასის ფარგლებშია ზიანი, დაახლოებით. გარდა მაგისა, მნიშვნელოვნად დაზარალდა კომპანია და აუცილებელია რომ ამუშავდეს. ეს ერთგვარად ძალიან მნიშვნელოვანია და დარწმუნებული ვარ, რომ ამაზე საგამოძიებო უწყებაც ფიქრობს და აანალიზებს, იმიტომ რომ დაახლოებით არის 400-მდე თანამშრომელი, მათ უკან კიდევ ოჯახები დგას და დღეს სრულიად გაჩერებულია საკმაოდ წარმატებული კომპანია“, - აცხადებს ადვოკატი.


უფლებადამცველი იმ წინადადებებზეც საუბრობს, რაც მათ საგამოძიებო უწყებასთან აქვთ.


„ჩვენგან არის თხოვნა და შეთავაზება საგამოძიებო უწყების მიმართ, რომ ამ ადამიანების მიმართ შეიცვალოს აღკვეთის ღონისძიება, გაგრძელდეს გამოძიება, ვითანამშრომლებთ ჩვენ გამოძიებასთან და დეტალურად მივაწვდით ინფორმაციას, რაც ჩვენზეა დამოკიდებული და რაც ჩვენს ხელთ არის. შესყიდვებზე ვინც იყო მიმაგრებული, ის ადამიანი მზად არის ზიანი აანაზღაუროს. ჩვენი თხოვნაა რომ პატიმრობა შეიცვალოს სხვა აღკვეთის ღონისძიებით და მოგვეცეს საშაულება, რომ კომპანიამ სრულფასოვნად იმუშაოს და არ დაზარალდეს ძალიან ბევრი ადამიანი. ეს ადამიანები არიან აბსოლუტურად გაურკვეველ ვითარებაში. დარწმუნებული ვარ, რომ არავის ინტერესებში არ არის ასეთი წარმატებული კომპანიის დახურვა. ეს არის ჩვენი შეთავაზება, ამის მერე რა იქნება და რა პასუხს მივიღებთ, ეს რა თქმა უნდა საგამოძიებო უწყებაზე არის დამოკიდებული“, - აცხადებს ნანი ფრიდონაშვილი.


2019 წლის 27 ივლისს, საქართველოს ფინანსთა სამინისტროს საგამოძიებო სამსახურში, დღგ-ს ყალბი აქტივების შექმნასა და გამოყენებასთან დაკავშირებით მიმდინარე გამოძიების ფარგლებში, ჯგუფურად, ყალბი საგადასახადო დოკუმენტების დამზადება-გამოყენების ფაქტზე, დაკავებულ იქნა კვიპროსში რეგისტრირებული ნავთობპროდუქტების კომპანია „WISE LINK HOLDINGS LTD“-ის მფლობელი გ.თ. და ამავე კომპანიის წარმომადგენელი საქართველოში  ვ.ყ.,  რომლებიც მართავენ საქართველოში რეგისტრირებული ნავთობპროდუქტების კომპანიებს - შპს „ფრეგოსა“ და შპს „გლობალბითუმს“ .


ავსტრალიაში თვითმფრინავების შეჯახებას მსხვერპლი მოჰყვა

ავსტრალიის შტატ ვიქტორიაში ორი თვითმფრინავი ჰაერში ერთმანეთს შეეჯახა, რასაც 4 ადამიანის სიცოცხლე ემსხვერპლა.

ქუთაისის აეროპორტში ნარკოტიკული და ფსიქოტროპული ნივთიერებების შემცველი მედიკამენტები აღმოაჩინეს

საბაჟო გამშვებ პუნქტში-,,ქუთაისის აეროპორტი” ნარკოტიკული და ფსიქოტროპული ნივთიერებების შემცველი მედიკამენტების ქვეყნის საზღვარზე უკანონოდ შემოტანის ფაქტები აღიკვეთა.

სალომე ზურაბიშვილი: როდესაც ქალს კლავენ, იმიტომ რომ ქალია, ეს საზოგადოების პრობლემაა

"ქალთა მიმართ განხორციელებული ნებისმიერი სახის ძალადობა მიუღებელია. შემაძრწუნებელია მკვლელობის ყველა შემთხვევა, მაგრამ როდესაც ქალს კლავენ, იმიტომ რომ ქალია, ეს საზოგადოების პრობლემაა".

საოკუპაციო ხაზთან მცხოვრები ახალგაზრდები დღეს „ევროპული საქართველოს“ ოფისთან აქციას აწყობენ

ფეისბუკმომხმარებელი ჯონდო ცერცვაძე სოციალურ ქსელში გუშინ ოპოზიციის მიერ ოკუპანტის ჰიმნის გაჟღერებას ეხმაურება და საზოგადოებას ამ ფაქტის გაპროტესტებისკენ მოუწოდებს.

თბილისის ბოტანიკურ ბაღში საკურას ხეივანი გაშენდა

თბილისის მერიისა და საქართველოში იაპონიის საელჩოს ორგანიზებით ბოტანიკურ ბაღში საკურას ხეივნის გაშენების ღონისძიება გაიმართა.

თბილისში ოლეგ სენცოვთან დისკუსია გაიმართება

ადამი მედია პრიზი, უკრაინის საელჩოსთან საქართველოში და საქართველოს ფენცენტრთან თანამშრომლობით, აწყობს ფილმის ჩვენებას და შემგომ დისკუსიას რეჟისორ და ყოფილ პოლიტპატიმარ ოლეგ სენცოვთან.

აზერბაიჯნში გამოფენა "საქართველო - აზერბაიჯანის მეგობრობა თაობიდან - თაობამდე" გაიმართა

აზერბაიჯანში საქართველოს საელჩოს, „ჰეიდარ ალიევის ცენტრისა“ და აზერბაიჯანის მხატვართა კავშირის თანამონაწილეობით, ბაქოში გაიმართა გამოფენა, სახელწოდებით - ”საქართველო - აზერბაიჯანის მეგობრობა თაობიდან - თაობამდე”.

წყალმომარაგების სერვისის გაუმჯობესების მიზნით სამმხრივი მემორანდუმი გაფორმდა

რეგიონული განვითარებისა და ინფრასტრუქტურის სამინისტროს, კორეის ექსიმბანკისა და აზიის განვითარების ბანკს შორის სამმხრივი ურთიერთგაგების მემორანდუმი გაფორმდა.

მიხეილ ყაველაშვილი: უფრო მეტად უნდა გავძლიერდეთ, რომ დესტრუქციული და დეგრადირებული ძალისგან დავიცვათ ჩვენი სპორტსმენები

"მსურს იცოდნენ ჩვენმა ძლიერმა სპორტსმენებმა, დაწყებული ლაშა ტალახაძიდან, რომ მათ მთელი საქართველო გულშემატკივრობს და ჩვენ მათ გვერდით ვდგავართ",- ამის შესახებ სპორტისა და ახალგაზრდულ საქმეთა კომიტეტის თავმჯდომარემ მიხეილ ყაველაშვილმა პლენარულ სხდომაზე განაცხადა.

რატი იონათამიშვილი: პოზიტიური ფაქტია, რომ თბილისის მერიის დავა "სითი პარკთან" მოლაპარაკებით დასრულდა

ფრაქცია "ქართული ოცნების" თავმჯდომარემ რატი იონათამიშვილმა თბილისის მერის, კახა კალაძის ინიციატივა შეაფასა, რომელიც "სითი პარკთან" მოქალაქეების დაგროვილ ჯარიმებისა და საურავების ამნისტიას შეეხება.

ეკატერინე მიქაბაძე: მნიშვნელოვანია, რომ ადგილობრივი ექსპორტის მოცულობა იზრდება

„ძალიან მნიშვნელოვანია, რომ იზრდება ადგილობრივი ექსპორტის მოცულობა - ექსპორტი რეექსპორტის გარეშე. ამ შემთხვევაში 12.4%-იანი ზრდა გვაქვს, ადგილობრივი ექსპორტი $177 მლნ-ს აჭარბებს".

საქართველოს ელჩი ესტონეთის სოფლის მეურნეობის მინისტრს შეხვდა

საქართველოს საგანგებო და სრულუფლებიანმა ელჩმა ესტონეთის რესპუბლიკაში არჩილ ყარაულაშვილმა  ესტონეთის სოფლის მეურნეობის მინისტრთან არვო ალლერთან შეხვედრა გამართა. 

ლარი მკვეთრად გამყარდა

19 თებერვლის ვაჭრობის შედეგად აშშ დოლარი გაუფასურდა და 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 2.09 თეთრი შეადგინა.

ქართულ მრავალხმიანობასა და სუფრას ეროვნული მნიშვნელობის კატეგორია მიენიჭა

არამატერიალური კულტურული მემკვიდრეობის ძეგლებს - „ქართულ მრავალხმიანობასა“ და „ქართული ტრადიციული სუფრის/პურობის კულტურას (ქართული სუფრა)“ ეროვნული მნიშვნელობის კატეგორია განესაზღვრა, რაც ხელს შეუწყობს უნიკალური ქართული კულტურისა და ტრადიციების პოპულარიზაციას, მათ შენარჩუნებასა და მომავალი თაობისთვის გადაცემას.

ბელარუსის პრემიერ-მინისტრი: ქართული მხარე კარგად მუშაობს, პროდუქციის ექსპორტი ბელარუსში წლიდან წლამდე იზრდება

„საქართველო ჩვენი მნიშვნელოვანი და დროში გამოცდილი პარტნიორია. სტაბილური რჩება ჩვენს ქვეყნებს შორის სავაჭრო ბრუნვა. უნდა ითქვას, რომ ქართული მხარე კარგად მუშაობს და თქვენი პროდუქციის ექსპორტი ბელარუსში წლიდან წლამდე იზრდება“.

ნათია თურნავა ბელარუსის პრემიერ-მინისტრს შეხვდა

ბელარუსის რესპუბლიკაში ვიზიტით მყოფი ეკონომიკისა და მდგრადი განვითარების მინისტრი ნათია თურნავა ბელარუსის პრემიერ-მინისტრს სერგეი რუმასს შეხვდა.

ომბუდსმენი ფემიციდზე: მოსახლეობის ცნობიერება უნდა შეიცვალოს

სახალხო დამცველის ნინო ლომჯარიას განცხადებით, ფემიციდის პრევენციის მიზნით, მოსახლეობის ცნობიერება უნდა შეიცვალოს.

 
პარიზის აეროპორტების გაერთიანების პრეზიდენტი: გვსურს, საქართველო მოგზაურთა დანიშნულების ქვეყნად იქცეს 

"გვსურს, საქართველოს მთავრობასთან ერთად შევიმუშაოთ ავიაკომპანიების მოზიდვის სქემა, რათა შეიქმნას ახალი მარშრუტები და საქართველო მოგზაურთა დანიშნულების ქვეყნად იქცეს,“- ამის შესახებ პარიზის აეროპორტების გაერთიანების პრეზიდენტმა, აუგუსტინ დე რომანემ საქართველოს პრემიერ-მინისტრ გიორგი გახარიასთან გამართული შეხვედრის შემდეგ განაცხადა.

თამარ იოსელიანი: საქართველოს საზღვაო სექტორი თანამედროვე ტექნოლოგიებს ფეხს უწყობს

კონომიკის სამინისტროს საზღვაო ტრანსპორტის სააგენტოს დირექტორი თამარ იოსელიანი დოჰაში კატარის ტრანსპორტისა და კომუნიკაციების სამინისტროსა და Lloyd List-ის საერთაშორისო საზღვაო და ლოჯისტიკურ სამიტზე სიტყვით გამოვიდა.

ლუიზა ვინტონი ფემიციდზე: მხოლოდ ბოროტმოქმედის ციხეში ჩასმა გამოსავალი არ არის 

საქართველოში გაეროს მუდმივი წარმომადგენელი ლუიზა ვინტონი აცხადებს, რომ ფემიციდის პრევენციისთვის მხოლოდ დამნაშავის ციხეში ჩასმა საკმარისი არ არის.

ზაზა გაბუნია: ოპოზიციური პარტიებისგანაც იყო სიგნალი, რომ მათ ჰქონდათ იდეები და ჰქონდათ სურვილი ასეთი მოლაპარაკების

„ოპოზიციური პარტიებისგანაც იყო სიგნალი, რომ მათ ჰქონდათ იდეები და ჰქონდათ სურვილი ასეთი მოლაპარაკების“, - ამის შესახებ საპარლამენტო უმრავლესობის წევრმა, რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნიამ ტელეკომპანია „პირველის“ ეთერში განაცხადა.