უზბეკეთის ელჩი: საქართველო, მსოფლიო ბაზრებზე წვდომის გაფართოებისათვის მნიშვნელოვანი პარტნიორია

საქართველოში უზბეკეთის რესპუბლიკის ელჩი შერზოდ ფაიზიევი საქართველო უზბეკეთის დიპლომატიური ურთიერთობები 25 წელს "პირველთან" ექსკლუზიურ ინტერვიუში აფასებს.

 

 

ფაიზიევი "პირველს" ქვეყნებს შორის სავაჭრო-ეკონომიკური და საინვესტიციო თანამშრომლობის გაფართოების გეგმებზე ესაუბრა და აღნიშნა, რომ საქართველოსთან სატრანსპორტო-საკომუნიკაციო სფეროში თანამშრომლობა პრიორიტეტული მიმართულებაა.


ელჩამა ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტებსის აქტუალურობას გაუსვა ხაზი და საქართველოს მსოფლიო ბაზრებზე წვდომის გაფართოებისათვის მნიშვნელოვანი პარტნიუორი უწოდა.


უზბეკი დიპლომატი დარწმუნებულია, რომ ბაქო-თბილისი-ყარსის სარკინიგზო მარშრუტის ამოქმედება უზბეკური საქონლის სამხრეთ და ცენტრალური ევროპის ბაზრებზე გასატანად პერსპექტიული საშუალებაა.


- უზბეკეთი დ საქართველო აღნიშნავენ მნიშვნელოვან თარიღს - დიპლომატიური ურთიერთობების დამყარებიდან 25 წლისთავს. ამასთან დაკავშირებით როგორ შეაფასებდით ორიოდ სიტყვით ჩვენს ქვეყნებს შორის არსებულ ურთიერთობათა განვითარებას ამ პერიოდის განმავლობაში?


- უზბეკეთის რესპუბლიკასა და საქართველოს შორის დიპლომატიური ურთიერთობები 25 წელს ითვლის. თუმცა ეს მრგვალი თარიღი არ ასახავს ტრადიციულად თბილ და ჭეშმარიტად მეგობრულ ურთიერთობებს, რომლებიც ჩვენს ხალხებს შორის ჩამოყალიბდა. ჩვენს ურთიერთობებს საფუძვლად უდევს არა მხოლოდ ადამიანური კავშირები და ურთიერთობის მრავალწლიანი პრაქტიკა, არამედ ერთმანეთის უდიდესი ისტორიისა და უნიკალური კულტურის ღრმა პატივისცემა.


ბუნებრივია, საერთო ისტორიიდან, დიდიხნის კულტურული, ეკონომიკური თუ ჰუმანიტარული კავშირებიდან გამომდინარე უზბეკეთისთვის საქართველოსთან ურთიერთობების განვითარება ყოველთვის იყო საგარეო პოლიტიკის ერთ-ერთი პრიორიტეტული მიმართულება. ჩვენ საქართველოს განვიხილავთ, როგორც საკვანძო სახელმწიფოს სამხრეთ კავკასიის რეგიონში. ჩვენი ქვეყანა ისწრაფვის დაამყაროს საქართველოსთან თანასწორუფლებიანი და ურთიერთსასარგებლო, გრძელვადიანი და მჭიდრო ურთიერთობა. ყველა ეს თეზისი მკაფიოდაა ასახული უზბეკეთის საგარეო პოლიტიკურ კონცეფციაში, რომელსაც პრეზიდენტი შავკატ მირზიოევი უძღვება.


უდიდესი კმაყოფილებით მინდა გავუსვა ხაზი იმ ფაქტს, რომ ამგვარი მიდგომების რეალიზაციის ფარგლებში, ბოლო წლებში, შეინიშნება ჩვენს ქვეყნებს შორის კონტაქტების მნიშვნელოვანი გააქტიურება მაღალ და უმაღლეს დონეებზე, სახელმწიფო სტრუქტურებს, მეწარმე სუბიექტებსა და საქმიან წრეებს შორის. მაგალითად მოვიყვან უზბეკეთის პრეზიდენტის, შავკატ მირზიოევის და საქართველოს პრემიერ-მინისტრის, გიორგი კვირიკაშვილის შეხვედრას ქ. ნიუ-იორკში გაეროს გენერალური ასამბლეის 72-ე სესიის მსვლელობისას 2017 წლის სექტემბერში, საქართველოს პარლამენტის თავმჯდომარის ვიზიტს უზბეკეთში 2018 წლის იანვარში, ეკონომიკური თანამშრომლობის საკითხებში სამთავრობათაშორისი კომისიის მერვე სხდომას ჩატარებას თბილისში 2018 წლის მაისში და სხვა მრავალს.


ამ შეხვედრებისა და მოლაპარაკებების შედეგად დამტკიცებულია უზბეკეთსა და საქართველოს შორის პოლიტიკურ, სავაჭრო-ეკონომიკურ, საინვესტიციო, სატრანსპორტო და კულტურულ-ჰუმანიტარულ სფეროებში თანამშრომლობის "საგზაო რუკა". ამ დოკუმენტის პრაქტიკული რეალიზაცია დადებით შედეგს იძლევა ორმხრივი ურთიერთობების გააქტიურების თვალსაზრისით.


სიამოვნებით მინდა აღვნიშნო, რომ ჩვენი ქვეყნების პარლამენტებში შექმნილია და აქტიურად ფუნქციონირებს უზბეკეთისა და საქართველოს მეგობრობის ჯგუფები, რომლებსაც ასევე მნიშვნელოვანი წვლილი შეაქვთ ჩვენს ქვეყნებს შორის თანამშრომლობის შემდგომ განვითარებაში.


- ქვეყნებს შორის ორმხრივი ურთიერთობების ერთ-ერთი უმთავრესი მახასიათებელია სავაჭრო-ეკონომიკური თანამშრომლობის დონე. როგორია დღეისათვის უზბეკეთსა და საქართველოს შორის ვაჭრობის სტატისტიკა წინა წლების მაჩვენებლებთან შედარებით და რა პერსპექტივები იკვეთება?


 - თანამედროვე რეალობის გათვალისწინებით და ჩვენი ქვეყნების ინტერესებიდან გამომდინარე ორმხრივი ურთიერთქმედების მნიშვნელოვან მიმართულებად  განვიხილავთ სავაჭრო-ეკონომიკური და საინვესტიციო თანამშრომლობის გაფართოებას.


უზბეკეთი საქართველოს პერსპექტიულ სავაჭრო-ეკონომიკურ პარტნიორად განიხილავს. ეფექტიანად მუშაობს სამთავრობათაშორისო ეკონომიკური კომისია, რომლის საქმიანობის შედეგებიც წლიდან წლამდე დადებით დინამიკას გვიჩვენებს. ამ კონტექსტში სასიხარულოა იმის აღნიშვნა, რომ ბოლო წლებში საგრძნობლად გაიზარდა ტვირთბრუნვის მაჩვენებლები. ასე მაგალითად, სტატისტიკური მონაცემების თანახმად, 2019 წლის პირველი ნახევრის შედეგებით ორმხრივი ვაჭრობა 37,2 პროცენტით გაიზარდა და 55 მილიონ აშშ დოლარს გადააჭარბა.


ამავე დროს ამჟამინდელი მაჩვენებლები არ ასახავს ჩვენი ქვეყნების რეალურ პოტენციალს. ჩვენ ყველა აუცილებელი პირობა გვაქვს საიმისოდ, რომ კარდინალურად გავზარდოთ  ორმხრივი ვაჭრობის მოცულობა იმ ფაქტის გათვალისწინებით, რომ უზბეკეთში დამოუკიდებლობის წლებში ჩამოყალიბდა მრეწველობის სრულიად ახალი  დარგები, რომელთა სპეციალიზაცია გახლავთ სხვადასხვა სახის მაღალი ხარისხის და მოთხოვნადი პროდუქციის გამოშვება.


ამ მიზნით უზბეკეთის მხარე მზადაა მრავალი სახის პროდუქციის ხარჯზე გააფართოვოს იმ საქონლის ნომენკლატურა, რომელიც ქართულ ბაზარს მიეწოდება. მათ შორის შეიძლება აღინიშნოს მრეწველობის ისეთი დარგების პროდუქცია, როგორიცაა ელექტროტექნიკური, ქიმიური, მანქანათმშენებელი, ტექსტილის, ფარმაცევტული, სამშენებლო და სხვა მრეწველობა.


საერთო აზრს გამოვხატავ, თუ ვიტყვი, რომ ორმხრივი ვაჭრობის განვითარების პროცესს ასევე ხელს შეუწყობს სამეურნეო სუბიექტებს შორის ურთიერთქმედების გააქტიურება, ორივე ქვეყნის ტერიტორიაზე საერთო საწარმოთა შექმნა, სავაჭრო წარმომადგენლობებისა და სავაჭრო სახლების გახსნა, სავაჭრო-სამრეწველო გამოფენებისა და ბაზრობების მოწყობა.


ჩვენ ასევე დაინტერესებული ვართ საინვესტიციო თანამშრომლობით. უზბეკეთი მზადაა ისეთი კონკურენტუნარიანი და მოთხოვნადი პროდუქციის წარმოებასთან დაკავშირებული საინვესტიციო პროექტების ერთობლივი რეალიზაციისათვის, როგორიცაა ტექსტილის მზა ნაკეთობები, ფარმაცევტული პრეპარატები, თანამედროვე სამშენებლო მასალები, გადამუშავებული ხილ-ბოსტნეულის პროდუქცია, ქიმიური წარმოების საქონელი და სხვა მრავალი, რაც მესამე ქვეყნებში შემდგომი ექსპორტისთვისაა განკუთვნილი.


- როგორ შეაფასებდით ჩვენს ქვეყნებს შორის ტურისტული ურთიერთქმედების  დონეს?


- თქვენ ძალზე მნიშვნელოვან საკითხს შეეხეთ. როგორც ჩვენთვის ყველასთვის ცნობილია, ტურიზმის სფერო ორმაგ მისიას ასრულებს: ერთი მხრივ ის ხალხების დაახლოების მნიშვნელოვანი ფაქტორია; მეორე მხრივ კი სახელმწიფო ბიუჯეტის შევსების მძლავრი წყარო იმ ქვეყნებისათვის, რომელთაც მიმზიდველი ტურისტული მიმართულებები აქვთ.


ყველა ზემოჩამოთვლილი ასპექტიდან გამომდინარე ჩვენ განსაკუთრებული ყურადღება მივმართეთ ტურისტულ სფეროში ორმხრივი ურთიერთობების საკითხებზე. კერძოდ, უზბეკეთისა და საქართველოს უმდიდრესი კულტურული და ისტორიული მემკვიდრეობა, თქვენი ქვეყნის გამაჯანსაღებელი კურორტების შესაძლებლობებისა და უზბეკეთის ისტორიული ღირსშესანიშნაობების ჩათვლით, ხელსაყრელ საფუძველს ქმნის ტურიზმის სფეროში მხარეთა თანამშრომლობის გააქტიურებისათვის.


მოგეხსენებათ, უზბეკეთს  კოლოსალური შესაძლებლობები აქვს ტურიზმის სფეროში. რესპუბლიკაში 7 ათასზე მეტი კულტურული მემკვიდრეობის ობიექტია, რაც მთლიანად ცენტრალურ აზიაში არსებული ისტორიული ძეგლების 90 პროცენტს აღემატება. მათგან 500-ზე მეტი ტურისტულ მარშრუტებშია მოქცეული. ყველაზე თვალსაჩინო მარგალიტებია ბუხარის, სამარყანდის, ხივასა და შახრისაბზის ძეგლები.


ბოლო ორი წლის განმავლობაში უზბეკეთში დიდი რეფორმები ტარდება, რომლებიც საზოგადოებრივი ცხოვრების პრაქტიკულად ყველა სფეროს მოიცავს. ტურიზმის სფერო და ყველაფერი, რაც ამ დარგს უკავშირდება, სახელმწიფოს მხრიდან მიჩნეულია პრიორიტეტულ მიმართულებად და ეკონომიკის სტრატეგიული სექტორის სტატუსი აქვს მინიჭებული.


მრავალი ღონისძიების განხორციელება ახლდა ტურისტებისათვის უზბეკეთის მიმზიდველობის მკვეთრ ამაღლებას. თუ 2017 წელს უზბეკეთს 2,6 მილიონი ტურისტი ეწვია, 2018 წელს ეს ციფრი 5,3 მილიონამდე გაიზარდა (99-პროცენტიანი მატება). 2025 წლისათვის ვგეგმავთ უცხოელი ტურისტების რაოდენობა 9 მილიონამდე გავზარდოთ.


ანალოგიური ვითარება ჩამოყალიბდა  ტურიზმის სფეროში საქართველოშიც. ამასთან, თქვენი ქვეყნის გამოცდილება და განხორციელებული ღონისძიებები ეკონომიკის ამ სფეროს განვითარებისათვის  კარგი მაგალითია უზბეკეთისათვის.


ამ მხრივ მნიშნელოვან როლს ასრულებს მხარეთა კოოპერირება, იდეებისა და გამოცდილების გაზიარება, ერთობლივი პროდუქტების შექმნა. სიამოვნებით უნდა აღვნიშნოთ, რომ ჩვენ უკვე ვახორციელებთ აქტიურ ნაბიჯებს ტურიზმის სფეროში დასახული მიზნის რეალიზაციისათვის. მაგალითად, მიმდინარე წლის 16 ივლისიდან გაიხსნა ტაშკენტსა და თბილისს შორის პირდაპირი ავია-მიმოსვლა. ეროვნული ავიაკომპანია „უზბეკისტონ ჰავო იულარის“ თანამედროვე და საიმედო თვითმფრინავები კვირაში ორჯერ ახორციელებენ ფრენებს ჩვენი ქვეყნების დედაქალაქებს შორის და ორივე მიმართულებით ბილეთების შოვნა უკვე ჭირს.


არანაკლებ სასიამოვნოა უზბეკეთის დელეგაციის საქართველოში ვიზიტის აღნიშვნაც, რომელიც მიმდინარე წლის აგვისტოს დასაწყისში შედგა. ამ ვიზიტის ფარგლებში საქართველოს მოსახლეობას უნიკალური შესაძლებლობა მიეცა, უშუალოდ გასცნობოდა უზბეკეთის მდიდარ ტურისტულ პოტენციალს, უძველეს, კოლორიტულ კულტურას და უზბეკი ხალხის დახვეწილ სამზარეულოს.


დარწმუნებული ვარ, რომ უაღრესად თბილი და წარუშლელი შთაბეჭდილებებით დაბრუნდა სამშობლოში საქართველოს ტურიზმის ეროვნული ადმინისტრაციის დელეგაცია, რომელიც 13-15 აგვისტოს საპასუხო ვიზიტით ეწვია ქ. ტაშკენტს. დელეგაციის ვიზიტისას მოეწყო საქართველოს ტურისტული პოტენციალის პრეზენტაცია და დამყარდა კონტაქტები უზბეკეთის ტურისტულ კომპანიებთან.


მინდა ვისარგებლო შემთხვევით და გაცნობოთ, რომ 2019 წლის ნოემბერში ტაშკენტში გაიმართება საერთაშორისო ტურისტული ბაზრობა. ჩვენ ვიწვევთ ქართულ ტურისტულ კომპანიებს აქტიური მონაწილეობა მიიღონ ამ ღონისძიებაში. დარწმუნებული ვარ, რომ პირდაპირი ავიარეისების გახსნა საშუალებას მოგვცემს კიდევ უფრო თამამი გეგმები დავსახოთ თანამშრომლობის, მათ შორის ტურიზმის დარგში ურთიერთქმედების გასაფართოებლად.


- თქვენი აზრით ეკონომიკის კიდევ რომელ დარგებში შეიძლება გაფართოვდეს ჩვენს ქვეყნებს შორის თანამშრომლობა?


- თქვენ ძალზე სწორი კითხვა დასვით. ერთ-ერთი პრიორიტეტული მიმართულებაა ასევე სატრანსპორტო-საკომუნიკაციო სფეროში თანამშრომლობა.


თავისი გეოგრაფიული განლაგების წყალობით საქართველო აღმოსავლეთ-დასავლეთის დამაკავშირებელი უმნიშვნელოვანესი სატრანსპორტო და სავაჭრო გზების გასაყარზე მდებარეობს ზღვაზე გასასვლელითა და შესაბამისად ევროპისა და აზიის საგარეო ვაჭრობის ბაზრებზე წვდომით. ამჟამად განსაკუთრებულ აქტუალურობას იძენს ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტები.


საქართველო, სატრანსპორტო-სატრანზიტო პოტენციალის გათვალისწინებით, განიხილება უზბეკეთის მნიშვნელოვან პარტნიორად მსოფლიო ბაზრებზე წვდომის გაფართოებისათვის. ამის დასტურია ის ფაქტი, რომ უკანასკნელ წლებში მნიშვნელოვნად გაიზარდა უზბეკეთიდან ევროპის ქვეყნებსა და სხვა სახელმწიფოებში საქონლის ტრანზიტი საქართველოს ტერიტორიის გავლით.


მხარეებს აქვთ სარკინიგზო ტრანსპორტის დარგში თანამშრომლობის შემდგომი განვითარებისა და გაფართოების შესაძლებლობა. ამ კონტექსტში დარწმუნებული ვართ, რომ ბაქო-თბილისი-ყარსის სარკინიგზო მარშრუტის ამოქმედება კარგ პერსპექტივებს გვიხსნის სატრანსპორტო სფეროში თანამშრომლობის გასაღრმავებლად და დამატებით შესაძლებლობებს გვაძლევს უზბეკური საქონლის სამხრეთ და ცენტრალური ევროპის ბაზრებზე გასატანად.


ამ თვალსაზრისით, უზბეკეთის მხარე გულდასმით შეისწავლის როგორც აღნიშნული დერეფნების საშუალებით საკუთარი ტვირთნაკადების გაზრდის შესაძლებლობებს, ასევე საკუთარი სახსრების დაბანდების საკითხს ფოთის პორტსა და დაგეგმილი ანაკლიის ღრმაწყლოვანი პორტის ტერიტორიის მოწყობაში.


ვიმედოვნებთ, რომ საქართველო ასევე დაინტერესებულია უზბეკეთის პოტენციალის გამოყენებით, რომელიც აზიის შუაგულში მდებარეობს და უდიდესი ეკონომიკური და სტრატეგიული შესაძლებლობები აქვს. ამასთან დაკავშირებით მინდა აღვნიშნო, რომ თავისუფალი ეკონომიკური ზონა "ნავოი" ასევე კარგ ბაზისს წარმოადგენს ორი ქვეყნის თანამშრომლობის გასაღრმავებლად სატრანსპორტო-საკომუნიკაციო სფეროში.


უმნიშვნელოვანეს საავტომობილო, სარკინიგზო და საავიაციო გზაჯვარედინებზე  განლაგებული ქალაქ ნავოის აეროპორტი ერთმანეთთან აკავშირებს სამხრეთ-აღმოსავლეთ აზის და ცენტრალური და სამხრეთ აზიის ქვეყნებს, ახლო აღმოსავლეთსა და ევროპის კონტინენტის სახელმწიფოებს. ახალი საწარმოო ობიექტების ერთობლივი მშენებლობა ამ ადგილას, საკონტინენტთაშორისო ავიაგადაზიდვების განხორციელებაზე მუშაობა პერსპექტივაში განსაკუთრებით ხელსაყრელი იქნება უზბეკეთისა და საქართველოსათვის.


- როგორ გესახებათ უზბეკეთსა და საქართველოს შორის თანამშრომლობა სამომავლოდ?


- ჩვენ მოწოდებული ვართ კვლავაც განვავითაროთ  ურთირთხელსაყრელი და პარტნიორული კავშირები საქართველოსთან. ამ მიზნის რეალიზაციისათვის მხარეები გააგრძელებენ იმ საკითხებზე აქტიურ მუშაობას, რომლებიც სხვადასხვა დონეზე კონტაქტების ორგანიზაციას, ასევე იმ პოლიტიკური, ეკონომიკური და კულტურულ-ჰუმანიტარული ხასიათის ღონისძიებების ჩატარებას ეხება, როლებმაც სახელმწიფოთა შორის ურთიერთობები თვისობრივად ახალ სიმაღლეზე უნდა აიყვანოს.


ჩვენ უნდა გვესმოდეს, რომ ყველა მოქმედება და ყველა ნაბიჯი, რომელსაც მხარეები განახორციელებენ, პირველ რიგში ემსახურება მოქალაქეების კეთილდღეობის ამაღლებასა და ჩვენი სახელმწიფოების განვითარების უზრუნველყოფას. დარწმუნებული ვარ, რომ მომავალ საიუბილეო წელს უზბეკეთსა და საქართველოს შორის კოოპერაციის და ურთიერთხელსაყრელი თანამშრომლობის კიდევ უფრო მაღალი განვითარების მოწმენი გავხდებით.


ნება მომეცით ვისარგებლო შემთხვევით და ამ ინტერვიუს მეშვეობით მივულოცო საქართველოს მთავრობას და ქართველ ხალხს ეს ღირსშესანიშნავი მოვლენა სახელმწიფოთაშორისო ურთიერთობებში და ვუსურვო მშვიდობა და მომავალი განვითარება.


 


სასტუმრო "სტამბაში" თბილისის ფოტოგრაფიისა და მულტიმედიის მუზეუმი გაიხსნა

დედაქალაქის მერი კახა კალაძე მერის მოადგილე სოფიო ხუნწარიასთან ერთად, სასტუმრო "სტამბაში" თბილისის ფოტოგრაფიისა და მულტიმედიის მუზეუმის გახსნის ღონისძიებას დაესწრო.

"ივანიშვილი შესაცვლელია, მაგრამ, არა სააკაშვილით"

პოლიტიკური გაერთიანება "შენების მოძრაობის" ლიდერი დავით უსუფაშვილ მიიჩნევს, რომ მოქმედმა და ყოფილი ხელისუფლებამ თავიანთი რესურსი ამოწურეს და მათი პოლიტიკური მომავლი საქართველოში უნდა დასრულდეს. 

 

სადგურის მოედანზე ქალს ყვითელი ავტობუსი დაეჯახა

თბილისიში სადგურის მოედანზე, ქვეითს ყვითელი ავტობუსი დაეჯახა. მოქალაქე ამ წუთებში უგონო მდგომარეობაში იმყოფება.

ტრაგედიის დეტალები - დაღუპული დედა და შვილები 3 კვირის წინ ბაღდათიდან გადავიდნენ ზესტაფონში საცხოვრებლად

ზესტაფონში, ბიბილაშვილის ქუჩაზე, სადაც ახალგაზრდა ქალისა და მისი ორი მცირეწლოვანი შვილის ცხედრები აღმოაჩინეს, ექსპერტ-კრიმინალისტები მუშაობენ.

"საქართველოს რკინიგზა" განცხადებას ავრცელებს

სს "საქართველოს რკინიგზის" ინფორმაციით, მიმდინარე პროფილაქტიკური სამუშაოების გამო,  17/09/2019-ში 01:00 საათიდან 17/09/2019 04:00 საათამდე  გაითიშება სს "საქართველოს რკინიგზის" კორპორატიული ქსელი. 

საქართველოს პრეზიდენტსა და აზერბაიჯანის პრეზიდენტს შორის სატელეფონო საუბარი შედგა

საქართველოს პრეზიდენტმა სალომე ზურაბიშვილმა აზრბაიჯანის პრეზიდენტს ილჰამ ალიევს მადლობა გადაუხადა კახის რაიონში, სოფელ ალიბეგლოში ქართული სკოლის გახსნის გამო.
 

იოჰანეს ჰანი: "მადლობას ვუხდი განათლების მინისტრს ბრწყინვალე თანამშრომლობისთვის"

საქართველოს ევროპის სამეზობლო პოლიტიკისა და გაფართოების საკითხებში ევროკომისარმა იოჰანეს ჰანმა საქართველოს განათლების, მეცნიერების, კულტურისა და სპორტის მინისტრს მიხეილ ბატიაშვილს თანამშრომლობისთვის მადლობა გადაუხადა.

სამეგრელოში უაქციზო თამბაქოს შენახვა-გადაზიდვის ფაქტები გამოვლინდა

ფინანსთა სამინისტროს შემოსავლების სამსახურის თანამშრომლებმა, ზუგდიდის რაიონში  განხორციელებული მიმდინარე კონტროლის შედეგად, 19,280 ღერი სიგარეტის აქციზური მარკის გარეშე შენახვა-გადაზიდვის ფაქტები გამოავლინეს.

 
ზესტაფონში დედა და ორი შვილი ბუნებრივი აირის ნამწვით გარდაიცვალა

უბედური შენთხვევა მოხდა ზესტაფონში. ახალგაზრდა გოგონა ორ მცირეწლოვან შვილთან ერთად სავარაუდოდ ბუნებრივი აირით გარდაიცვალა.

"მეცნიერებისა და ინოვაციების ფესტივალი - 2019" გაიხსნა

მეცნიერებისა და ინოვაციების ფესტივალი განათლების რეფორმის ერთი წლის შემაჯამებელი ანგარიშით საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა გახსნა.

ეკონომიკის მინისტრის მოადგილე: „ჩვენი მიზანია, ქვეყნის საერთო მოხმარებაში გაიზარდოს განახლებადი ენერგიის წილი“

ეკონომიკის მინისტრის მოადგილემ დეპუტატების წინაშე სიტყვით გამოსვლისას აღნიშნა რომ სამინისტროს მიერ ინიცირებული კანონპროექტის მიზანია შექმნას განახლებადი წყაროებიდან მიღებული ენერგიის გამოყენების სამართლებრივი საფუძვლები.

 
SOLO-ს და Erti Gallery-ს თანამშრომლობით კოკა რამიშვილის პერსონალური გამოფენა „სინათლის მანქანები“ გაიხსნა

ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა „სინათლის მანქანები“ გაიხსნა.

თბილისში გაეროს ნარკოტიკებისა და დანაშაულის წინააღმდეგ ბრძოლის ბიუროს შეხვედრა გაიმართება

თბილისი გაეროს ნარკოტიკებისა და დანაშაულის წინააღმდეგ ბრძოლის ბიუროსა და მსოფლიო საბაჟო ორგანიზაციის ერთობლივი პროექტის რეგიონულ შეხვედრას 2019 წლის 17 სექტემბერს, 09:30 საათზე, სასტუმრო "ქორთიარდ მარიოტში" მასპინძლობს.

განათლების მინისტრი: „ევროპული ხარისხი განათლების სფეროში - ეს ჩვენი სტრატეგიაა“

განათლების რეფორმის შემაჯამებელი ანგარიშის პრეზენტაციაზე სიტყვით გამოსვლისას, საქართველოს განათლების მინისტრმა მიხეილ ბატიაშვილმა ერთწლიანი მუშაობა შეაჯამა და ახლო მომავალში დაგეგმილ სიახლეებზე ისაუბრა.

პრემიერ-მინისტრმა აშშ-ის ათასწლეულის გამოწვევის კორპორაციას მადლობა გადაუხადა

პრემიერ-მინისტრმა აშშ-ის ათასწლეულის გამოწვევის კორპორაციას საქართველოში ადამიანური კაპიტალის განვითარებაში ინვესტირებისთვის მადლობა გადაუხადა

საგარეო საქმეთა სამინისტროში ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართა

საქართველოში საგარეო საქმეთა სამინისტროში გაიმართა ჟენევის საერთაშორისო მოლაპარაკებების 49-ე რაუნდის მოსამზადებელი შეხვედრა თანათავმჯდომარეებთან ევროკავშირის, გაერო-სა და ეუთო-ს მხრიდან.

ასპინძაში ყირიმ კონგოს დიაგნოზით, ახალგაზრდა კაცი გარდაიცვალა

ასპინძაში 30 წლის მამაკაცი ყირიმ კონგოს ჰეპორაგიული ცხელების დიაგნოზით გარდაიცვალა. გ.ნ-ს დაავადების გადამტანმა საქონლის ტკიპამ უკბინა.

Microsoft-ის ხელოვნური ინტელექტი ქართული ენისთვის გაიხსნა

დღეს,საქართველოს განათლების მინისტრმა მიხეილ ბატიაშვილმა განათლების კომპლექსური რეფორმის ერთი წლის შემაჯამებელი ანგარიშის პრეზენტაციისას განაცხადა, Microsoft-ის ხელოვნურ ინტელექტზე ქართული ენის შესახებ.

ფულადი გზავნილების მოცულობა ევროკავშირიდან 24.8%-ით გაიზარდა

ფულადი გზავნილების მოცულობა აგვისტოში გასული წლის ანალოგიურ პერიოდთან შედარებით 7.8%-ით $146.4 მლნ-მდე გაიზარდა. ინფორმაციას ეროვნული ბანკი ავრცელებს.

ლარი მცირედით გაუფასურდა

16 სექტემბრის ვაჭრობის შედეგად აშშ დოლარი გამყარდა და  2.9608 ლარი შეადგინა. კურსი, რომელიც
დღეს მოქმედებდა, 2.9607 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -0.01 თეთრი შეადგინა.
  

კახა კალაძე: "როგორც მოსახლეობას შევპირდით, ვარაზის ხევიდან „პიქსელის“ შენობამდე მოძრაობა ცალმხრივად აღდგა"

დედაქალაქის მერი კახა კალაძე ჭავჭავაძის გამზირზე იმყოფებოდა, სადაც საავტომობილო მოძრაობა ცალმხრივად აღდგა. ასფალტის საფარის დაგების შემდეგ, დღეს, შპს „თბილსერვის ჯგუფმა“ ტერიტორია დაასუფთავა და გზა მორეცხა.