გიორგი ცუცქირიძე ფადი ასლის მიმართვაზე: ამ ბრალდებითი ნარატივით მთელი ქართული ოპოზიციური სპექტრიც კი უკან ჩამოიტოვა!

ექსპერტი ეკონომიკის საკითხებში გიორგი ცუცქირიძე საერთაშორისო სავაჭრო პალატის აღმასრულებელი საბჭოს თავმჯდომარის ფადი ასლის ღია წერილ-მიმართვას ბიძინა ივანიშვილისადმი სოციალურ ქსელში ეხმაურება.

„ქართულ მედიაში გავრცელდა საერთაშორისო სავაჭრო პალატის აღმასრულებელი საბჭოს თავმჯდომარის ფადი ასლის ახალი ღია წერილი-მიმართვა ბიძინა ივანიშვილისადმი. წერილში უხვად არის გამოყენებული ზედსართავი სახელები აღმატებითი ხარისხის ნეგატიური ფორმით, ასე ვთქვათ სიტუაციის მეტი დრამატიზებისათვის...თორემ, ამ ქვეყნის „მოყვარულ და პატრიოტ“ ფადის ამ ეპისტოლარული ჟანრის წერილის დაწერის ნაცვლად, აქ ყოფნის 23 წლის მანძილზე, ქართულად საუბარი ნამდვილად არ აწყენდა.


გარდა იმისა, რომ წერილი თავისი შინაარსით არის შეურაცხმყოფელი ქართული ბიზნესის (ის ერთადერთი ხედავდა და ხედავს თუ რა ხდება ჩვენს თავს) და ზოგადად ქართული სახელმწიფოს მიმართ, არც იმსახურებს რაიმე ზედმეტ კომენტარებს. ამაზე საკუთარი პოზიცია და პასუხი უფრო უპრიანია ბიზნესასოციაციებმა გასცენ, რომ არა ბრალდებების ვექტორი: მოკლედ, რომ აღარ გავაგრძელო, ამ ბრალდებითი ნარატივით მთელი ქართული ოპოსპექტრიც კი უკან ჩამოიტოვა! ამ ამბავში მთავარი კი ისაა, რომ 2012 წელს ხელისუფლებაში მოსვლის შემდეგ, თურმე ოცნების მოხელეები ცდილობენ ბიზნესები წაართვან კეთილსინდისიერ მფლობელებს და მსხვილი კომპანიების წილი მიითვისონ, ხოლო უცხოური პირდაპირი ინვესტიციები კი ისე შემცირდა, 2006 წლის დონეზე დავიდაო???


როდესაც ინვესტიციებზე ვსაუბრობთ და მას გასულ წლებს ვადარებთ, მისი ზეგავლენა ეკონომიკაზე არა ცალკეული წლის, არამედ ჯამური ეფექტით უნდა შეფასდეს. აღნიშნული მონაცემების ზერელე ანალიზიც კი ცხადყოფს, რომ „ქართული ოცნების“ ხელისუფლებაში მოსვლიდან დღემდე საქართველოში უფრო მეტი პირდაპირი უცხოური ინვესტიცია განხორციელდა, ვიდრე თუნდაც„ ნაციონალური მოძრაობის“ მმართველობის 9 წლიან პერიოდში. 2004-2012 წლებში 9 მლრდ 171 მლნ ინვესტიცია შემოვიდა, 2013-2018 პერიოდში კი 9 მილიარდ 483 მლნ. შესაბამისად, „ქართული ოცნების“ ხელისუფლებამ 5 წელიწადში 312.6 მლნ-ით მეტი პირდაპირი უცხოური ინვესტიცია მოიზიდა, ვიდრე წინა ხელისუფლებამ თავისი მმართველობის 9 წლიან პერიოდში.


საქართველოში პირდაპირი უცხოური ინვესტიციების ზრდა დაიწყო 2014 წლიდან და შესაბამისად ბოლო ხუთ წელიწადში გაიზარდა მისი პროცენტული თანაფარდობა მშპ-სთანაც. თუ 2014 წელს პუი-ს თანაფარდობა მშპ-სთან- 6.4 %-ს შეადგენდა, ეს ინდიკატორი 2015 წელს გაიზარდა 11.7 %-მდე, ხოლო 2017 წელს -12 %, რაც საკმაოდ მაღალი, მე-12 პოზიცია იყო საერთაშორისო რეიტინგში.


ბოლო წლებში საქართველოს აქვს პუი-ს ინდიკატორის ერთ–ერთი ყველაზე მაღალი და რაც მთავარია სტაბილური მაჩვენებელი, რაც საუკეთესოა როგორც რეგიონის, ასევე აღმოსავლეთ ევროპის და ბალტიის სახელმწიფოებთან მიმართებითაც. გარდა ამისა, პირდაპირ უცხოურ ინვესტიციებს აქვთ ცვლილებების საკმაოდ მაღალი მერყეობა, ერთ წელს შეიძლება იყოს მაღალი, ხოლო უკვე მომდევნო წელს მნიშვნელოვნად შემცირდეს; მეტი თვალსაჩინოებისათვის: ირლანდიაში 2014-2015 წლებში იყო პუი-ს ყველაზე მაღალი ზრდის მაჩვენებელი, როდესაც ეს ინდიკატორი გაიზარდა 33.6 % დან (მე-3 პოზიცია საერთაშორისო რეიტინგში) სარეკორდო 80 %-მდე, რაც პირველი მაჩვენებელი იყო მთელ მსოფლიოში. მაგრამ, შემდეგ ამ ინდიკატორმა დაიწყო მკვეთრი შემცირება და უკვე 2017 წელს უკვე უარყოფით ნიშნულზეც კი დავიდა -1.42 %. შესაბამისად, პირველი პოზიციიდან 169 ადგილზე დაქვეითდა. ნიშანდობლივია, რომ ამ პერიოდში ირლანდიაში არანაირი პოლიტიკური კლიმატის ზეგავლენა არ ყოფილა!


კავკასიაში ევროპის რეკონსტრუქციისა და განვითარების ბანკის (EBRD) რეგიონულმა დირექტორმა, კატარინა ბიორლინ ჰანსენის განცხადებით კი საქართველო EBRD-ის ერთ-ერთი მთავარი და ყველაზე სტაბილური პარტნიორია. აქ აღარ გავაგრძელებ ავტორიტეტული საერთაშორისო ინსტიტუტების-საერთაშორისო სავალუტო ფონდი, მსოფლიო ბანკი და წამყვანი სარეიტინგო კომპანიების პოზიტიურ შეფასებებს ქართულ ეკონომიკაში მიმდინარე პროცესებზე. საერთაშორისო სავალუტო ფონდის გრძელვადიანი პროგნოზით კი, ჩვენ 2019-2023 წლებში გვექნება რეგიონში ყველაზე მაღალი 5.1 %-იანი ზრდა; სად ჩანს აქ სანდო ქვეყნის რეპუტაციის დაკარგვა? მით უმეტეს არასტაბილურობა და კრიმინალის მაღალი დონე?


ისე საინტერესოა, მიმდინარე წელს „საქართველოს ბანკის“ მიერ 100 მლნ დოლარის უვადო სუბორდინირებული დამატებითი პირველადი კაპიტალის ობლიგაციების გამოშვებაზე განაცხადი, ან თუნდაც წამყვანი ევროპული ბრენდის ირლანდიური ავიაკომპანია „რაინეარის“ (Ryanair) ქართულ ბაზარზე შემოსვლა, შემთხვევით ინვესტორების მხრიდან ქვეყნის საინვესტიციო კლიმატის ნდობაზე ხომ არ მიუთითებს?!. 


როგორც ჩანს, მას ასეთი მძიმე პასაჟებით სურს ქვეყანაში მძიმე საინვესტიციო ფონის დახატვა, ბრალდებებიც ამავე კონტექსტში ყავს ჩასმული და ახლა უკვე რჩევებსაც იძლევა- „უფრო მეტი ისტორიის წიგნი წაიკითხეთ, რათა თავად აღმოაჩინოთ, თუ როგორ სრულდება დიქტატორების რეჟიმებიო“!. 


სწორედ ფადის ამ წერილის ნარატივია ცილისწამების, არაობიექტურობის და გნებავთ შანტაჟის კლასიკური ნიმუში, რასაც ის ქართული საზოგადოების მიმართ აკეთებს!!! აქვე მსურს მივმართო ქვეყნის სხვა ბიზნესასოციაციებს: პირველ რიგში საქართველოს ბიზნეს ასოციაციას და საბანკო ასოციაციას, დააფიქსირონ თავიანთი პოზიცია! ნუ იქნებით სირაქლემას პოზაში, ფადი ასლის გამოხტომებს პასუხი ერთხელ და სამუდამოდ მართლა უნდა გაეცეს!“ - წერს ცუცქირიძე სოციალურ ქსელში.


მთავარი საკითხები, რომლებზეც პარლამენტი 2019 წლის საშემოდგომო სესიაზე იმუშავებს

არჩილ თალაკვაძემ საშემოდგომო სესიის ათი მთავარი გამოწვევა წარმოადგინა.

თსუ სახელმწიფო აუდიტის ანგარიშზე განმარტებებს ავრცელებს

თბილისის სახელმწიფო უნივერსიტეტი სახელმწიფო აუდიტის სამსახურის მიერ გამოქვეყნებულ ანგარიშზე განმარტებას ავრცელებს.

ფორსაჟის ეპიზოდების თბილისში მიმდინარე გადაღებები გადაიდო

შინაგან საქმეთა სამინისტროს საპატრულო პოლიცია გაცნობებთ, რომ ცნობილი ჰოლივუდური ფილმის ეპიზოდების თბილისში მიმდინარე გადაღებები რთული მეტეოროლოგიური პირობების გამო გადაიდო.

Adjarabet.com-ის უნიკალური აქცია რაგბის გულშემატკივრებს

Adjarabet.com ახალ აქციას სთავაზობს რაგბის გულშემატკივრებს, რომლებიც
დადებენ ფსონს მსოფლიო თასის ფარგლებში საქართველოს ნაკრების თამაშზე.

თამარ ხულორდავა შრომის უფლებების კანონპროექტს განმარტავს

პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა აცხადებს, რომ საქართველოს  შრომის უფლებების დაცვის კუთხით, უდიდესი ჩამორჩენა  აქვს და  აღნიშნული სფეროს რეგულირება მოქალაქეების დასაცავად არის აუცილებელი.

თბილისის მერის მოადგილე მაია ბითაძე კრწანისის ტყე-პარკის დასუფთავების ღონისძიებაში მონაწილეობდა

თბილისის მერის მოადგილე მაია ბითაძე, დასუფთავების მსოფლიო დღესთან დაკავშირებით, კრწანისის ტყე-პარკში გამართულ ღონისძიებაში მონაწილეობდა.

შენობიდან ჩამოცვენილი ბათქაში, დაზიანებული ავტომობილები და დაშავებული ადამიანები - ძლიერი ქარი თბილისში

დედაქალაქში ძლიერი ქარია. უამინდობამ ქალქის სხვადასხვა უბანში პრობლემებია გამოიწვია.

უშგულში პირველი თოვლი მოვიდა

მესტიაში, უშგულის თემში პირველი თოვლი მოვიდა. უშგულში მერის წარმომადგენლის ბექა ღვაჩლიანის ინფორმაციით, თოვა ორი საათის წინ დაიწყო.

"შემთხვევით არაფერი ხდება, არ არის შემთხვევითი, რომ საქართველო წილხვედრია"

სრულიად საქართველოს კათოლიკოს-პატრიარქმა, ილია მეორემ სიონის ტაძარში ღვთისმშობლის შობის დღესასწაულთან დაკავშირებით ღვთისმსახურება აღევლინა.

თბილისში, დოლიძის ქუჩაზე 2 მოქალაქეს ხე დაეცა

თბილისში, დოლიძის ქუჩაზე რამდენიმე წუთის წი 2 კაცს ხე დაეცა.

პრემიერ-მინისტრმა ეუთოს სპეციალურ წარმომადგენელთან ოკუპირებულ რეგიონებში ბოლო პერიოდში განვითარებული მოვლენები განიხილა

საქართველოს პრემიერ-მინისტრმა სამხრეთ კავკასიაში ეუთოს სპეციალურ წარმომადგენელთან, ჟენევის საერთაშორისო მოლაპარაკებების თანათავმჯდომარესთან, ოკუპირებულ რეგიონებში ბოლო პერიოდში განვითარებული მოვლენები განიხილა.

m2-ს გაყიდვების ინოვაციური კულტურა

დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და ხარისხის ახალ ეტაპზე გადავიდა.

2020 წლის ბიუჯეტის პროექტში ქრონიკული დაავადებების მქონე მოქალაქეების მედიკამენტებით უზრუნველყოფის საკითხს დააყენებენ

ჯანდააცვის კომიტეტის თავმჯდომარის განცხადებით, 2020 წლის  ბიუჯეტის პროექტზე მუშაობისას გათვალისწინებული იქნება ქრონიკული დაავადებების მქონე მოქალაქეების მედიკამენტებით უზრუნველყოფის საკითხი.

GWP-ის საწყობში გაჩენილი ხანძარი ლიკვიდირებულია

შინაგან საქმეთა სამინისტროს გადაუდებელი დახმარების ოპერატიულ მართვის ცენტრ „112“-ში შემოსული ინფორმაციის თანახმად, თბილისში, ფეიქრების ქუჩაზე არსებულ საწყობში, შეინიშნებოდა ძლიერი დაკვამლიანება და ღია ცეცხლი.

პარტია "თავისუფალი საქართველო" თვითმმართველობის კანონის გადახედვას მოითხოვს

პარტიის თანათავმჯდომარე გოგი წულაია მიიჩნევს, რომ ქალაქში არსებული ნებისმიერი შენობა-ნაგებობა თვითმმართველობას უნდა ეკუთვნოდეს და თავად განკარგავდეს.

ბათუმში თურქეთის მოქალაქე ნარკორეალიზატორი დააკავეს

შსს-ს აჭარის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, ნარკორეალიზაციის ბრალდებით, თურქეთის რესპუბლიკის მოქალაქე 1987 წელს დაბადებული ე.ი. დააკავეს.

2020 წლის სახელმწიფო ბიუჯეტის პროექტს პარლამენტი პირველ ოქტომბერს მიიღებს

საფინანსო-საბიუჯეტო კომიტეტის თავმჯდომარის, ირაკლი კოვზანაძის განცხადებით, 2020 წლის ბიუჯეტის პროექტის განხილვაში ყველა მოქალაქეს ექნება შესაძლებლობა, გამოთქვას თავისი მოსაზრება.

 

უახლესი დღეების ამინდის პროგნოზი

გარემოს ეროვნული სააგენტოს ცნობით, უახლოესი რამდენიმე დღის განმავლობაში საქართველოში არამდგრადი ამინდია მოსალოდნელი.

მინისტრის მოადგილე: ადიგენის მუნიციპალიტეტში სასმელი და სარწყავი წყლის საკითხიებია მოსაგვარებელი

ცენტრალური და ადგილობრივი ხელისუფლების წარმომადგენლები ადიგენის მუნიციპალიტეტის სოფლების ლელოვანის, უდეს, ფხეროსა და ვარხანის მოსახლეობას  შეხვდნენ და სოფლებში არსებულ საჭიროებებზე ინფორმაცია მიიღეს.

საქართველოში, პირველადი ჯანდაცვის განვითარების საკითხი ჯანდაცვის მინისტრმა ამერიკელ კოლეგებთან განიხილა

ჯანმრთელობისა და სოციალური დაცვის მინისტრი, ეკატერინე ტიკარაძე, ამერიკის შეერთებულ შტატებში ვიზიტის ფარგლებში, აშშ-ს დაავადებათა კონტროლისა და პრევენციის ცენტრის ხელმძღვანელებს შეხვდა.

 

დღეს მართლმადიდებელი ეკლესია ღვთისმშობლობას აღნიშნავს

21 სექტემბერს მართლმადიდებელი ეკლესია ღვთისმშობლობას აღნიშნავს. ამასთან დაკავშირებით ტაძრებში წირვა შესრულდება.