ნიკა ქაცარიძე: გუბაზ სანიკიძეზე მაქვს აკრეფილი, სადაც შევხვდები, შეიძლება ვცემო, ივანიშვილს მაგისთვის გადაზიდვები რომ ჩაებარებინა, აბა, ხმას თუ ამოიღებდა

„ერთ წრეზე ვტრიალებთ და ვერაფერს ვსწავლობთ“, - ამბობს მსახიობი ნიკა ქაცარიძე. ის ქვეყანაში მიმდინარე ამბებს სოციალურ ქსელში ყოველთვის ეხმაურება და არც საკუთარი მოსაზრების დაფიქსირებას ერიდება.

 


გუბაზზე აკრეფილი
- საკუთარი აზრის ღიად გამოხატვას არ უნდა მოვერიდოთ. როცა სოციალურ ქსელში ვწერ, ამით თითქოს იმ რაღაცას ვებრძვი, რაც არ მომწონს. ჩემმა პროფესიამ ადამიანების ცნობა მასწავლა. ვხვდები, ვინ როგორი პიროვნებაა, კეთილია, ბოროტია, სუფრასთან როგორია... კაცს, რომელსაც არ შეუძლია, დედის სადღეგრძელო წარმოთქვას, ის რა კაცია, რაზე უნდა ელაპარაკო? არადა, ასეთი ადამიანებითაა გაძეძგილი ეს ქვეყანა. ჩვენს რეალობაში პოლიტიკოსები, მსახიობები, მწერლები სულ ერთმანეთს "უძვრებიან", ათას სიბინძურეს ვუყურებთ. რაც ყველაზე გამაღიზიანებელია, ეს ადამიანები მერე ეკრანიდან მორალს გვიკითხავენ. გუბაზ სანიკიძეზე მაქვს მაგრად აკრეფილი, სადაც შევხვდები, შეიძლება ვცემო. ტრ...ია
(ძალიან გთხოვ, ასე დაწერე), ადამიანი ასე არ უნდა დაეცე, არ უნდა გაიხრწნა, არ უნდა გაბოროტდე. შენი კომფორტული გარემოს მოსაწყობად, ქვეყანა არ უნდა გამოიყენო. ბიძინა ივანიშვილს მაგისთვის გადაზიდვები რომ ჩაებარებინა, აბა, ხმას თუ ამოიღებდა.
დღის განმავლობაში ვფიქრობ დედაზე, შვილზე, მეუღლეზე, დაზე, მამიდაზე, მეგობრებზე, ჩემს პროფესიაზე... ვინ დამაჯერებს, რომ პოლიტიკოსები დღე და ღამე სამშობლოზე ფიქრობენ?


„ჯოს! ჯოს!“
- ცალკე თემაა აქციის ამბები, რომელიც უკვე თვეზე მეტია, მიმდინარეობს. სამწუხაროდ, საზოგადოების ნაწილის პატრიოტიზმი "პუტინ ხუილოს" ძახილში გამოიხატება. მეტი არ იციან, მეტი განათლება არა აქვთ. განათლებული ადამიანი პროტესტის ამ ფორმას არ აირჩევს. დღეს გამოხატვის თავისუფლება თავხედობაში აქვთ გადასული. ყველაზე დიდ პროტესტს უმოქმედობა იწვევს. ობიექტურად რომ შევხედოთ, ქვეყანაში ბევრი რამ კეთდება, მაგრამ აფიშირება ნაკლებად ხდება. ხალხი კი დაპირებების ასრულებას ელოდება. "ხომ შეგვპირდა და რატომ არ გააიაფა?" ამ ქვეყანაში ხალხს არა აქვს თვითრეალიზების უნარი. ან აქვს და ამბობს: - კარგი, რა, 500 ლარზე ვიმუშაოო? უმადურობაც ჩვენი ხალხის სენია. რაც უნდა გააკეთო, ერთი თუ შეგეშალა, იცოდე, ის ათასი სიკეთე უკვე აღარავის აინტერესებს. უმადურობა უნიჭობაცაა. ნიჭიერი ადამიანი არასდროს გაბოროტდება. საშუალოდ ნიჭიერი შეიძლება გაბოროტდეს, მაგრამ ძალიან ნიჭიერ კაცს რა გააბოროტებს? ის სიკეთითაა სავსე და გამორიცხულია, ვინმეს რამე დაუშაოს. ერთმანეთი ვერაფრით შევიყვარეთ, გამუდმებით ვიკბინებით და ვიგესლებით. ეს "ჯოს! ჯოს!" აღარ უნდა დამთავრდეს? ალბათ ჯერ კიდევ დიდი დროა საჭირო იმისთვის, რომ სახელმწიფოებრივად ვიაზროვნოთ. ჩემი შვილი ჩემზე უკეთესი თუ არ იქნება, ისე ქვეყანა ვერ განვითარდება.
როცა გავრილოვი პარლამენტში სპიკერის სავარძელში ვნახე, ძალიან ცუდად გავხდი, გავცოფდი... მერე, როცა ცოტათი დავწყნარდი, ბევრ რამეზე დავფიქრდი. ეს ადამიანი ჩამოვიდა, რაღაც ენაზე ხომ უნდა ველაპარაკოთ. ომი ჩვენ არ გვინდა, დიპლომატია არ გვინდა. საერთოდ რა გვინდა? ეს თემა როგორ მოგვარდება? მესმის ადამიანების, რომლებიც ამ ყველაფრის გამო აღშფოთდნენ, იმ დღეს მეც "დასაბმელი" ვიყავი, მაგრამ ხალხის გულწრფელი ემოცია პოლიტიკოსებმა ცუდად გამოიყენეს. ეს რევოლუციები და მთავრობის სახლის აღება აღარ უნდა დამთავრდეს?
იმ შემზარავი ღამიდან მესამე დღეს სპექტაკლი გვქონდა, რომლითაც სეზონს ვხურავდით. დაისვა შეკითხვა, ვითამაშოთ თუ არ ვითამაშოთ? მაგრამ ეს ის თეატრია, სადაც ომის დროსაც ვთამაშობდით. რა სიმბოლურია, რომ წლევანდელი სეზონი სპექტაკლით - "ბედი ქართლისა" დავხურეთ. სპექტაკლში ლაპარაკია იმ ამბებზე, რომელიც ქვეყანამ ოქროს საწმისიდან დღემდე გამოიარა.


„გრუზინი“
- ჩვენ სულ ერთ წრეზე ვტრიალებთ და ვერაფერს ვსწავლობთ. თუ წარსულს სიყვარულის თვალით არ შევხედეთ, ვერაფერს ვისწავლით. შინაგანად ბოროტი ადამიანი თუ ხარ, მინდიას ვერასდროს ითამაშებ.
გეკითხებით, ეს საზოგადოება ნიჭიერი საზოგადოებაა? ამათი პროტესტი და პატრიოტიზმი "ხუილოს" ძახილია. რა განვითარებაზეა ლაპარაკი. ტექნოპროგრესი წავიდა და ადამიანის შიდა მდგომარეობას არაფერი ეშველა. სიყვარული ქრება, საქმე ბიოლოგიურ რობოტებთან გვაქვს. ვითომ "პრადვინუტი" ტიპები მე დამცინიან, "გრუზინი" ხარო. "გრუზინი" ვარ, დიახ. ლოთი ვარ, მსახიობი ვარ, ქეიფი, დუდუკი და ზურნა მიყვარს. შენ ჩემზე უკეთესი რა გევასება? რაც შენ გევასება, ის ჩემთვის არაფერია.
რამდენიმე დღის წინ, გია ვოლსკიმ სატანისტურ რიტუალებზე ილაპარაკა და ამაზე მერე ბევრი იღლიცინეს. მე ასეთ ადამიანებს მართლა ვიცნობ. მათ ჩემთან ულაპარაკიათ, უთქვამთ, სატანისტები ვართო. მაინტერესებდა და წმინდა პროფესიული ცნობისმოყვარეობით მოვუსმინე. ერთი ამბობდა, მე სატანას გავაძლიერებ და ის დამეხმარება, რაღა შენი ღმერთი ვიწამოო. იმათთვის ნორმალურია, კაცს 5 ცოლი ჰყავდეს.
ჩვენ ვცხოვრობთ დროში, სადაც იმ ფასეულობებს, რომელზეც ქვეყანა იდგა, ებრძვიან და ჩაკვლას ცდილობენ. არ ვიცი, ჩემი შვილი ხვალ როგორ საზოგადოებაში იცხოვრებს და ეს ძალიან მედარდება.



სრულყოფილი სიყვარული
- ტელევიზია ყოველგვარ უზნეობას ახალისებს. შოუებში ისმის, თურმე სრულყოფილი სიყვარული ქალის ქალთან უფრო შეიძლება იყოს, ვიდრე ქალის - კაცთან. რას ქადაგებენ, რას ლაპარაკობენ, ეს ხომ მოზარდებს ესმით. როგორ შეიძლება, ქალის ქალთან და კაცის კაცთან ცხოვრება ნორმალური იყოს, ღმერთს ასე არ გაუჩენია. ამას ჩემი გონება ვერ იღებს და ანგარიში როგორ გავუწიო? დავზომბირდით, ხედავთ, რა დღეში ვართ? ქუჩაში ადამიანები რწმენადაკარგული, გამოშიგნული, უიმედო სახეებით დადიან. მეც გამოწურული ლიმონივით ვარ, როგორ ვითამაშო? ეს ტკივილი როგორ გაჩვენო?
ჩვენ სულ ვიღაცას ვბაძავთ. გვგონია, ის უფრო მაგარია. ვაჟა-ფშაველას პატრონს, პუშკინი მასზე მეტად რატომ უნდა მომწონდეს? "თურაშაულის პატრონი ტყეში ეძებდა პანტასა", - აი, ეს ხალხი ვართ.
ეს კი მეტიჩრობისგან გვჭირს. ადრე მოდაში რუსულად ლაპარაკი იყო. ახლა რუსული ინგლისურმა ჩაანაცვლა. "არმანის" შარვალი თუ გაცვია, მაგარი ტიპი ხარ. კარგ ტიპებზე მეტი რა ვიცი, ბაზრობაზე ნაყიდი შარვლები რომ აცვიათ. სნობიზმმა წალეკა ქვეყანა. სულ ეს იყო, ილიაც ამ სნობიზმს ებრძოდა და იმიტომ მოკლეს.


ბორშჩის მასტერკლასი, თეატრის წინ
- დღეს ავტოპილოტზე ვართ, ინერციით მივდივართ. ეს საზოგადოება გონიერ ლიდერს ალბათ ვერც აიტანს. დედას უტირებენ, გააქრობენ. ამ ქვეყანაში მაგარი არავინ მოსწონთ.
ცნობილი გამოთქმაა: "ბოროტი კაცი, დანიაშიც ბოროტია". "ოცნება" რომ ხელისუფლებაში მოვიდა, საშინელება მოიგონეს, რასაც კოჰაბიტაცია ჰქვია. როგორ მოახერხებ საქმე გააკეთო, როცა ამდენი ადამიანი გებრძვის?! რაც მოვიდნენ, მოგერიების რეჟიმში არიან. საქმე ცალი ხელით როგორ უნდა აკეთო? რეპეტიციას რომ გავდივარ, ამ დროს დარბაზში ყვირილი თუ იქნება, ვერაფერს გავაკეთებ.
პოლიტიკოსთა ნაწილი გამუდმებით იმაზე ფიქრობს, როგორ შექმნას დესტაბილიზაცია. ქვეყანა კარგად ჯერ ვერ გადაინაწილეს.
ძალიან მძიმე მდგომარეობაა და ამ დაძაბულობის ფონზე თურმე, ქვეყნის საქმე იმით წყდება, მაია ასათიანის ან ნანუკა ჟორჟოლიანის გადაცემას ვუყურებ თუ არა.
ვაკრიტიკებ ტელევიზიას, რომელზეც გადის სერიალი, სადაც მე ვთამაშობ, უფრო სწორად - ვთამაშობდი. დიდი ხანია, არც მე და არც პაატას (მსახიობი პაატა გულიაშვილი) გადაღებები არ გვქონია. ადრეც და დღესაც მსახიობებს პოლიტიკური შეხედულების მიხედვით არჩევენ. ეს მიშისტია? "ოცნების" მხარდამჭერია? ბევრი მსახიობი ამის გამო დაიბლოკა, რაც სრული იდიოტიზმია. "რუსთავი 2"-ში კონკრეტულად ჩემთვის არაფერი დაუშავებიათ, მაგრამ ბოროტებას რომ "აპრავებ", უკვე პროტესტს იწვევ. იმის შიშით, რომ სამსახური არ დაკარგოს, ბევრი გაჩუმებული მსახიობი მინახავს. მე საკუთარი პოზიციის გამოხატვას არ ვერიდები. ტელევიზიას შეუძლია, ნებისმიერი ვინმე ვარსკვლავად აქციოს და ნამდვილი ვარსკვლავი კი - არარაობად. ერთი და იმავე ამბებით, ერთი და იმავე ხალხს როდემდე შეიძლება ვუყუროთ?
მიშა მშვილდაძე ადამიანებს კოლეგიალობისკენ მოუწოდებს, თავად კი აქ მოვიდა და რუსთაველის თეატრის წინ ბორშჩის გაკეთება დაიწყო. შენ თუ არ მითვალისწინებ, მე ანგარიში რატომ უნდა გაგიწიო? არ იცი, რომ ამ თეატრის მსახიობი ვარ? მე რატომ უნდა გიჯიგრო? სერიალში გადამიღებ თუ არა, საერთოდ არ მაინტერესებს. ეს ქვეყანა და სიმართლე ჩემთვის გაცილებით მნიშვნელოვანია. როგორ შეიძლება, არ დაინახო, რასაც კახი კალაძე აკეთებს. რომელი მერი გინახავთ, შუაღამისას ათხრილ ქუჩაზე დადიოდეს, „ლაივს“ რთავდეს და მოსახლეობას ელაპარაკებოდეს.
დღეს ღირებულებებს ისე ებრძვიან, როგორც არასდროს. ყველა ფასეულობის ჩაკვლას ცდილობენ. ამ ქვეყანაში ფერიც გაქრა, სუნიც, ურთიერთობებიც, მადლიერებაც... და მიუხედავად ყველაფრისა, მაინც მჯერა, რომ ყველაფერი კარგად იქნება. სამშობლო მარტო ლამაზი მთები და ჩანჩქერები არ არის. ეს ქვეყანა ზნეობაა, პოეზიაა, სიყვარულია...

წყარო: gza.kvirispalitra.ge

ავსტრალიაში თვითმფრინავების შეჯახებას მსხვერპლი მოჰყვა

ავსტრალიის შტატ ვიქტორიაში ორი თვითმფრინავი ჰაერში ერთმანეთს შეეჯახა, რასაც 4 ადამიანის სიცოცხლე ემსხვერპლა.

ქუთაისის აეროპორტში ნარკოტიკული და ფსიქოტროპული ნივთიერებების შემცველი მედიკამენტები აღმოაჩინეს

საბაჟო გამშვებ პუნქტში-,,ქუთაისის აეროპორტი” ნარკოტიკული და ფსიქოტროპული ნივთიერებების შემცველი მედიკამენტების ქვეყნის საზღვარზე უკანონოდ შემოტანის ფაქტები აღიკვეთა.

სალომე ზურაბიშვილი: როდესაც ქალს კლავენ, იმიტომ რომ ქალია, ეს საზოგადოების პრობლემაა

"ქალთა მიმართ განხორციელებული ნებისმიერი სახის ძალადობა მიუღებელია. შემაძრწუნებელია მკვლელობის ყველა შემთხვევა, მაგრამ როდესაც ქალს კლავენ, იმიტომ რომ ქალია, ეს საზოგადოების პრობლემაა".

საოკუპაციო ხაზთან მცხოვრები ახალგაზრდები დღეს „ევროპული საქართველოს“ ოფისთან აქციას აწყობენ

ფეისბუკმომხმარებელი ჯონდო ცერცვაძე სოციალურ ქსელში გუშინ ოპოზიციის მიერ ოკუპანტის ჰიმნის გაჟღერებას ეხმაურება და საზოგადოებას ამ ფაქტის გაპროტესტებისკენ მოუწოდებს.

თბილისის ბოტანიკურ ბაღში საკურას ხეივანი გაშენდა

თბილისის მერიისა და საქართველოში იაპონიის საელჩოს ორგანიზებით ბოტანიკურ ბაღში საკურას ხეივნის გაშენების ღონისძიება გაიმართა.

თბილისში ოლეგ სენცოვთან დისკუსია გაიმართება

ადამი მედია პრიზი, უკრაინის საელჩოსთან საქართველოში და საქართველოს ფენცენტრთან თანამშრომლობით, აწყობს ფილმის ჩვენებას და შემგომ დისკუსიას რეჟისორ და ყოფილ პოლიტპატიმარ ოლეგ სენცოვთან.

აზერბაიჯნში გამოფენა "საქართველო - აზერბაიჯანის მეგობრობა თაობიდან - თაობამდე" გაიმართა

აზერბაიჯანში საქართველოს საელჩოს, „ჰეიდარ ალიევის ცენტრისა“ და აზერბაიჯანის მხატვართა კავშირის თანამონაწილეობით, ბაქოში გაიმართა გამოფენა, სახელწოდებით - ”საქართველო - აზერბაიჯანის მეგობრობა თაობიდან - თაობამდე”.

წყალმომარაგების სერვისის გაუმჯობესების მიზნით სამმხრივი მემორანდუმი გაფორმდა

რეგიონული განვითარებისა და ინფრასტრუქტურის სამინისტროს, კორეის ექსიმბანკისა და აზიის განვითარების ბანკს შორის სამმხრივი ურთიერთგაგების მემორანდუმი გაფორმდა.

მიხეილ ყაველაშვილი: უფრო მეტად უნდა გავძლიერდეთ, რომ დესტრუქციული და დეგრადირებული ძალისგან დავიცვათ ჩვენი სპორტსმენები

"მსურს იცოდნენ ჩვენმა ძლიერმა სპორტსმენებმა, დაწყებული ლაშა ტალახაძიდან, რომ მათ მთელი საქართველო გულშემატკივრობს და ჩვენ მათ გვერდით ვდგავართ",- ამის შესახებ სპორტისა და ახალგაზრდულ საქმეთა კომიტეტის თავმჯდომარემ მიხეილ ყაველაშვილმა პლენარულ სხდომაზე განაცხადა.

რატი იონათამიშვილი: პოზიტიური ფაქტია, რომ თბილისის მერიის დავა "სითი პარკთან" მოლაპარაკებით დასრულდა

ფრაქცია "ქართული ოცნების" თავმჯდომარემ რატი იონათამიშვილმა თბილისის მერის, კახა კალაძის ინიციატივა შეაფასა, რომელიც "სითი პარკთან" მოქალაქეების დაგროვილ ჯარიმებისა და საურავების ამნისტიას შეეხება.

ეკატერინე მიქაბაძე: მნიშვნელოვანია, რომ ადგილობრივი ექსპორტის მოცულობა იზრდება

„ძალიან მნიშვნელოვანია, რომ იზრდება ადგილობრივი ექსპორტის მოცულობა - ექსპორტი რეექსპორტის გარეშე. ამ შემთხვევაში 12.4%-იანი ზრდა გვაქვს, ადგილობრივი ექსპორტი $177 მლნ-ს აჭარბებს".

საქართველოს ელჩი ესტონეთის სოფლის მეურნეობის მინისტრს შეხვდა

საქართველოს საგანგებო და სრულუფლებიანმა ელჩმა ესტონეთის რესპუბლიკაში არჩილ ყარაულაშვილმა  ესტონეთის სოფლის მეურნეობის მინისტრთან არვო ალლერთან შეხვედრა გამართა. 

ლარი მკვეთრად გამყარდა

19 თებერვლის ვაჭრობის შედეგად აშშ დოლარი გაუფასურდა და 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 2.09 თეთრი შეადგინა.

ქართულ მრავალხმიანობასა და სუფრას ეროვნული მნიშვნელობის კატეგორია მიენიჭა

არამატერიალური კულტურული მემკვიდრეობის ძეგლებს - „ქართულ მრავალხმიანობასა“ და „ქართული ტრადიციული სუფრის/პურობის კულტურას (ქართული სუფრა)“ ეროვნული მნიშვნელობის კატეგორია განესაზღვრა, რაც ხელს შეუწყობს უნიკალური ქართული კულტურისა და ტრადიციების პოპულარიზაციას, მათ შენარჩუნებასა და მომავალი თაობისთვის გადაცემას.

ბელარუსის პრემიერ-მინისტრი: ქართული მხარე კარგად მუშაობს, პროდუქციის ექსპორტი ბელარუსში წლიდან წლამდე იზრდება

„საქართველო ჩვენი მნიშვნელოვანი და დროში გამოცდილი პარტნიორია. სტაბილური რჩება ჩვენს ქვეყნებს შორის სავაჭრო ბრუნვა. უნდა ითქვას, რომ ქართული მხარე კარგად მუშაობს და თქვენი პროდუქციის ექსპორტი ბელარუსში წლიდან წლამდე იზრდება“.

ნათია თურნავა ბელარუსის პრემიერ-მინისტრს შეხვდა

ბელარუსის რესპუბლიკაში ვიზიტით მყოფი ეკონომიკისა და მდგრადი განვითარების მინისტრი ნათია თურნავა ბელარუსის პრემიერ-მინისტრს სერგეი რუმასს შეხვდა.

ომბუდსმენი ფემიციდზე: მოსახლეობის ცნობიერება უნდა შეიცვალოს

სახალხო დამცველის ნინო ლომჯარიას განცხადებით, ფემიციდის პრევენციის მიზნით, მოსახლეობის ცნობიერება უნდა შეიცვალოს.

 
პარიზის აეროპორტების გაერთიანების პრეზიდენტი: გვსურს, საქართველო მოგზაურთა დანიშნულების ქვეყნად იქცეს 

"გვსურს, საქართველოს მთავრობასთან ერთად შევიმუშაოთ ავიაკომპანიების მოზიდვის სქემა, რათა შეიქმნას ახალი მარშრუტები და საქართველო მოგზაურთა დანიშნულების ქვეყნად იქცეს,“- ამის შესახებ პარიზის აეროპორტების გაერთიანების პრეზიდენტმა, აუგუსტინ დე რომანემ საქართველოს პრემიერ-მინისტრ გიორგი გახარიასთან გამართული შეხვედრის შემდეგ განაცხადა.

თამარ იოსელიანი: საქართველოს საზღვაო სექტორი თანამედროვე ტექნოლოგიებს ფეხს უწყობს

კონომიკის სამინისტროს საზღვაო ტრანსპორტის სააგენტოს დირექტორი თამარ იოსელიანი დოჰაში კატარის ტრანსპორტისა და კომუნიკაციების სამინისტროსა და Lloyd List-ის საერთაშორისო საზღვაო და ლოჯისტიკურ სამიტზე სიტყვით გამოვიდა.

ლუიზა ვინტონი ფემიციდზე: მხოლოდ ბოროტმოქმედის ციხეში ჩასმა გამოსავალი არ არის 

საქართველოში გაეროს მუდმივი წარმომადგენელი ლუიზა ვინტონი აცხადებს, რომ ფემიციდის პრევენციისთვის მხოლოდ დამნაშავის ციხეში ჩასმა საკმარისი არ არის.

ზაზა გაბუნია: ოპოზიციური პარტიებისგანაც იყო სიგნალი, რომ მათ ჰქონდათ იდეები და ჰქონდათ სურვილი ასეთი მოლაპარაკების

„ოპოზიციური პარტიებისგანაც იყო სიგნალი, რომ მათ ჰქონდათ იდეები და ჰქონდათ სურვილი ასეთი მოლაპარაკების“, - ამის შესახებ საპარლამენტო უმრავლესობის წევრმა, რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნიამ ტელეკომპანია „პირველის“ ეთერში განაცხადა.