ქეთევან ციხელაშვილი: ყველა არხით  ვცდილობთ,ხალხი ასეთი გაუმართლებელი პოლიტიკური ინტერესების მძევალი არ იყოს

„აბსოლუტურად მიუღებელია ის, რაც ხდება. აღარ ვსაუბრობ იმაზე, რომ არალეგიტიმური და უკანონოა“.

ეს განცხადება შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ახალგორის მიმართულებით ე.წ. გადასასვლელი პუნქტის დაკეტვასთან დაკავშირებით გააკეთა.


მისი თქმით, შეუძლებელია ამას ყველაფერს  რაიმე საბაბი და არგუმენტი ჰქონდეს.  სახელმწიფო მინისტრის შეფასებით, ეს მოსახლეობაზე პირდაპირი ზეწოლაა.


„ამ ჯერზე, როდესაც ოძისი-ახალგორის მიმართულებით მოძრაობა  სრულიად შეფერხდა, თავად ცხინვალის დე-ფაქტო წარმომადგენლების მხრიდან კეთდებოდა განცხადება, რომ ეს  ორი დღით იყო. გუშინ გაკეთებული განცხადებით, ვადა ფაქტობრივად არ დაუსახელებიათ, როდის შეიძლება გაიხსნას. ეს ზეწოლის მექანიზმია, რომლის მსხვერპლი და მძევალიც მოსახლეობაა, უბრალო ადამიანები, ძირითადად ახალგორის მოსახლეობა, სადაც უმეტესობა ეთნიკურად ქართველია, მაგრამ გარწმუნებთ, რომ ასევე ძალიან მძიმედ მოქმედებს ჩვენს ოს მოსახლეობაზე. როცა ერთადერთი სასიცოცხლო ხაზი იკეტება, ფაქტობრივად,  რეგიონის სრული იზოლაცია ხდება და  ჰუმანიტარული თვალსაზრისით კატასტროფული მდგომარეობა იქმნება.


მოგეხსენებათ, წინა წლის დასაწყისში, გადაადგილება ორი თვით ჩაიკეტა, ასეთივე აბსურდული მიზეზით, თითქოს  ეს გრიპის ვირუსის გავრცელების საშიშროებას ქმნიდა, რომელიც ისედაც გავრცელებული იყო. თვეების შემდგომ, როცა ეპიდემია მთელს ევროპასა და მათ შორის, საქართველოში ამოიწურა, ცხინვალის რეგიონში ადამიანებს ამ ვირუსთან გამკლავება უხდებოდა. მათ შორის ბაღებსა და სკოლებში.


რამდენადაც კრიტიკული და მკაფიო ვარ ჩემს შეფასებაში, იმდენად მინდა მაინც გამოვხატო იმედი, რომ იმ რეჟიმის მხრიდან, რომელიც ამ ზომას ადამიანებზე ზეწოლისათვის იყენებს, გაცნობიერებული იქნება ძალიან მძიმე ჰუმანიტარული შედეგები, რომელიც ამას გაყოფილი ოჯახებისათვის მოყვება და აქედან გამომდინარე,  უკანონო შეზღუდვა, რომელიც ისედაც შეზღუდულ გადაადგილებას ფაქტობრივად შეუძლებელს ხდის, მოიხსნება“, - განაცხადა ქეთევან ციხელაშვილმა.


მან იმ ღონისძიებებზეც ისაუბრა, რომელთაც სახელმწიფო შეზღუდვის მოსახსნელად ატარებს.  სახელმწიფო მინისტრის თქმით, მუდმივი მუშაობა მიმდინარეობს პარტნიორებთან და ამასთან დაკავშირებით არაერთი შეხვედრა გაიმართა.


„სწორედ ახლა დავასრულე შეხვედრა ევროსაბჭოს მომხსენებლებთან, რომელთაც უკვე მერამდენე წელია, სამწუხაროდ, არ ეძლევათ ადგილზე წვდომის შესაძლებლობა. ესენი არიან ის ადამიანები, რომლებიც გენერალური მდივნის დავალებით მუდმივად ამზადებენ სიტუაციაზე მონიტორინგის ანგარიშს.


მათთანაც გვქონდა საუბარი ამ ჰუმანიტარული თვალსაზრისით ყველაზე მწვავე გამოწვევაზე. ასევე, ჟენევის თანათავმდჯომარეებთან. ბუნებრივია, საგარეო საქმეთა სამინისტროს მხრიდანაც არის კომუნიკაცია. ჩვენ ყველა ამ არხით  ვცდილობთ, რომ მაქსიმალურად  დიდი ძალისხმევა იქნას გამოყენებული ამ ერთი შეხედვით მარტივი გადაწყვეტილების მისაღებად, რათა ხალხი ასეთი გაუმართლებელი პოლიტიკური ინტერესების მძევალი არ იყოს.


დავანებოთ თავი ამ ხალხს, რომელსაც გადაუჭრელი ოკუპაციის პირობებში ცხოვრება ისედაც ძალიან უჭირს. ამით ზარალდებიან ქართველებიც, ოსებიც, აფხაზებიც და ყველა ის ადამიანი, რომელიც ამ რეგიონებში ცხოვრობს. დროა ადამიანური ფაქტორის გათვალისწინება მოხდეს მანამდეც, ვიდრე კონფლიქტის სრულმასშტაბიანი მოგვარება იქნება შესაძლებელი“, - აღნიშნა ქეთევან ციხელაშვილმა.


ჯივიპი ჭილაიას ქუჩაზე წყალმომარაგების სისტემას აახლებს

ჯორჯიან უოთერ ენდ ფაუერი ნუცუბიძის ფერდობზე, ჭილაიას ქუჩაზე, წყალმომარაგების სისტემაზე სარეაბილიტაციო სამუშაოებს ახორციელებს.

"გიკანკალებს ხელი, ხმა და სინდისი" - თინა ბოკუჩავა და მამუკა მდინარაძე ერთმანეთს დაუპირისპირდნენ

პარლამენტში "ნაციონალური მოძრაობის" წევრი თინა ბოკუჩავა და უმრავლესობის დეპუტატი მამუკა მდინარაძე ერთმანეთს დაუპირისპირდნენ. 

ჩხენკელი: სტრასბურგის უნივერსიტეტის ხელმძღვანელობა ქუთაისის საერთაშორისო უნივერსიტეტთან აქტიური თანამშრომლობით დაინტერესებულია

განათლების მინისტრმა მიხეილ ჩხენკელმა სტრასბურგში ვიზიტის ფარგლებში სტრასბურგის უნივერსიტეტის ხელმძღვანელობასთან სამუშაო შეხვედრა გამართა.


ირაკლი კობახიძე რუსეთის დელეგაციის შესაძლო ვიზიტზე: საკითხი ევროსაბჭოსთან კონსულტაციების საფუძველზე უნდა გადაწყდეს

პარლამენტის ფრაქცია "ქართული ოცნების" წევრი ირაკლი კობახიძე აცხადებს, რომ საქართველოში რუსული დელეგაციის ვიზიტის საკითხი ევროპის საბჭოსთან კონსულტაციების საფუძველზე უნდა გადაწყდეს.

ფოთში მოვაჭრეების აქცია მიმდინარეობს

ფოთში, თევზის ბაზრობის მოვაჭრეებმა დილით საავტომობილო გზა გადაკეტეს. მოვაჭრეები თევზის ბაზრობის გაუქმებას აპროტესტებენ და ამბობენ, რომ მერია მათ ფართების დატოვებას უკანონოდ სთხოვს.

"ჯივიპი" დღეს, ვაკის რაიონში, რამიშვილის ქუჩაზე ტექნიკურ სამუშაოებს ჩაატარებს

დღეს, 29 იანვარს, კომპანია "ჯორჯიან უოთერ ენდ ფაუერი" ვაკის რაიონში, რამიშვილის ქ. N33-თან წყალსადენის ქსელზე გეგმურ ტექნიკურ სამუშაოებს ჩაატარებს.

ეროვნულმა ბანკმა მონეტარული პოლიტიკის განაკვეთი 9%-ზე დატოვა

ეროვნული ბანკის მონეტარული პოლიტიკის კომიტეტმა რეფინანსირების განაკვეთი უცვლელად 9%-ზე დატოვა. 

დედაქალაქში უფასო ელექტროდამტენების მონტაჟის პროცესი გრძელდება

დედაქალაქში უფასო ელექტროდამტენების მონტაჟის პროცესი გრძელდება. დამტენები უკვე დამონტაჟებულია გლდანში, საბურთალოზე, ნაძალადევში, დიდუბეში, ვაკეში, სამგორში, ჩუღურეთსა და ისანში, - ამის შესახებ თბილისის მერმა, კახა კალაძემ დედაქალაქის მთავრობის სხდომაზე განაცხადა.

მამუკა მდინარაძე: ნაციონალური ხელისუფლება ჩატაევთან თანამშრომლობდა - ეს „ნაცმოძრაობის“ ერთ-ერთი ლიდერის მიერ აღიარებული ფაქტია

ნაციონალური ხელისუფლება ჩატაევთან თანამშრომლობდა და ისინი ერთად მოქმედებდნენ - ეს ნაციონალების ერთ-ერთი ლიდერის მიერ აღიარებული ფაქტია, - ამის შესახებ საპარლამენტო უმრავლესობის ლიდერმა მამუკა მდინარაძემ ტვ „იმედის“ ეთერში განაცხადა.

ზონალურ-საათობრივი პარკირების სისტემა ბარათაშვილის ქუჩაზეც ამოქმედდება

10 მარტიდან ზონალურ-საათობრივი პარკირების სისტემა ბარათაშვილის ქუჩაზეც ამოქმედდება, - ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. 

შიდა ქართლის რეგიონში ბინა 45 დევნილ ოჯახს გადაეცემა

დევნილთა საკითხების შემსწავლელი კომისია შიდა ქართლის რეგიონში იძულებით გადაადგილებული ოჯახებისთვის ბინების განაწილების საკითხს განიხილავს.

მალხაზ მაჩალიკაშვილი პარლამენტთან შეუძლოდ გახდა

პანკისის ხეობაში მოკლული თემირლან მაჩალიკაშვილის მამა მალხაზ მაჩალიკაშვილი პარლამენტთან შეუძლოდ გახდა. 

მალხაზ მაჩალიკაშვილი პარლამენტში შესვლას ითხოვს - დაპირისპირება საკანონმდებლო ორგანოსთან

საკანონმდებლო ორგანოსთან "ნაციონალური მოძრაობის" წევრები და პანკისის ხეობაში სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი იმყოფებიან. 

არაბთა გაერთიანებულ საამიროებში კორონავირუსის პირველი შემთხვევა დაფიქსირდა

არაბთა გაერთიანებულ საამიროებში კორონავირუსის პირველი შემთხვევა დაფიქსირდა. ამის შესახებ ინფორმაცია ქვეყნის ჯანდაცვის სამინისტრომ გაავრცელა. 

ჩინეთთან პირდაპირი ფრენები დროებით შეჩერდა 

საქართველოში კორონავირუსის შესაძლო გავრცელების პრევენციული ღონისძიებების ფარგლებში, დროებით შეწყდა პირდაპირი საჰაერო მიმოსვლა ჩინეთის სახალხო რესპუბლიკასთან. ინფორმაციას საქართველოს სამოქალაქო ავიაციის სააგენტო ავრცელებს.  

რუსთავში, სავარაუდოდ, გაზის გაჟონვის შედეგად ცოლ-ქმარი დაიღუპა

რუსთავში, სავარაუდოდ, ბუნებრივი აირის გაჟონვის შედეგად ცოლ-ქმარი დაიღუპა. არსებული ინფორმაციით, შემთხვევის შედეგად მოწამლულია ერთი პირი, რომელიც კლინიკაში გადაიყვანეს.

 
კორონავირუსით დაღუპულთა რიცხვი 132-მდე გაიზარდა

ჩინეთში, კორონავირუსით დაღუპულთა რიცხვი 132-მდე გაიზარდა, დაავადებული კი, 6,057 ადამიანია.

 
პოლიციამ განსაკუთრებით დიდი ოდენობით ნარკოტიკი ამოიღო - დაკავებულია ერთი პირი

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, თბილისის აეროპორტში ერთი პირი დააკავეს.

ოზურგეთში სუპერმარკეტის დაყაჩაღების ბრალდებით ერთი პირი დააკავეს 

შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1996 წელს დაბადებული, წარსულში ნასამართლევი და ამჟამად პირობითი მსჯავრის ქვეშ მყოფი ა.ტ., ყაჩაღობის
ბრალდებით, მოსამართლის განჩინების საფუძველზე დააკავეს.

გარემოს დაცვისა და სოფლის მეურნეობის სამინისტროს ინსპექტორებისთვის ტრენინგი გაიმართა 

გარემოს დაცვისა და სოფლის მეურნეობის სამინისტროს სსდ გარემოსდაცვითი ზედამხედველობის დეპარტმენტის რეგიონებში მომუშავე  ინსპექტირებისთვის ტრენინგები გაიმართა ქ.ქუთაისა და ქ.ბათუმში.

მუხიანის მეოთხე ა მიკრორაიონში სკვერის რეაბილიტაცია განხორციელდება

გლდანის რაიონში კიდევ ერთი სკვერის რეაბილიტაცია იწყება. მუხიანის მეოთხე ა მიკრორაიონის N5-N6-N7 კორპუსების მიმდებარედ არსებულ სკვერს სრული რეაბილიტაცია ჩაუტარდება.