... და გადმოუხვიეთ მარცხნივ!

დიახ, დაუფიქრებლად, სვანეთში მიმავალი, ზუგდიდიდან დაახლოებით 100 კილომეტრში, როგორც კი დაინახავთ, რომ არჩევანი უნდა გააკეთოთ მესტიასა და ნაკრას შორის, ჯერ მარცხნივ გადმოუხვიეთ და წამომყევით დაუვიწყარ მოგზაურობაში.

სანამ სოფლამდე მივალთ, გზად აუცილებლად შეგვხვდება თითქოს განცალკევებით მდგარი მთა. როგორც შემდეგ ადგილობრივებმა გვითხრეს, ამ მთაზე თოვლი არ ჩერდება, რადგან ის სითბოს გამოყოფს და ჯერ კიდევ გეოლოგების დაკვირვების ქვეშაა. ისე კი ერთი შეხედვითაც ეტყობა გამორჩეულობა.


უშგულის, ჰაწვალისა და მესტიის ფონზე სახელი ნაკრა არც გახსენდებათ, ხომ?  სიმართლე გითხრათ, არც მე გამახსენდებოდა, რომ არა ცოტა ხნის წინ წაკითხული ნიუსი. ამბავი იყო იმაზე, რომ ტურისტებისთვის ცნობილ სვანეთში თურმე არსებობს ხეობა, რომელიც თითქოს ყველამ მიივიწყა და ახლა „ნენსკრა ჰიდრო“ მისი პოპულარიზაციის კამპანიას იწყებსო. ორმა რამემ გამაოცა: კომპანიის ასეთმა ზრუნვამ ხეობაზე (ქართული ბაზრისთვის ნაკლებადაა დამახასიათებელი) და ფაქტმა, რომ სვანეთში პოპულარიზაცია კიდევ სჭირდება სოფლებს.  მოკლედ მოგიყვებით - საუბარია ჩუბეხევის, ე.წ. ბალს ქვემო სვანეთის სოფელ ნაკრაზე. რადგანაც თქვენ უკვე გადმოუხვიეთ მარცხნივ და მომყვებით, გზადაგზა გიამბობთ: „ნაკ“ სვანურად ვაკე ადგილს ნიშნავს, ამიტომ ამ სოფელში მოსვლით სვანეთის ვაკე-საბურთალოზე ხვდებით. თუმცა ეს მხოლოდ სახელია - რეალურად სამი მთის გარემოცვაში ხართ და სულაც არ გგონიათ თავი თბილისში. თავს ვერ დავდებ, ამ მთებში რამდენადაა თავისუფლება (რადგან ეს უკანასკნელი ყველასთვის სხვადასხვანაირად განიმარტება), მაგრამ უამრავი თავგადასავალი, ჰაერი და მოსანახულებელი ადგილი ნამდვილად შეგხვდებათ.


რადგანაც თბილისიდან ნაკრაში ჩამოსვლას დიდი დრო სჭირდება და უკვე ბნელდება, სჯობს გავიკითხოთ გესტჰაუსების შესახებ და დასარჩენ ადგილზე ვიზრუნოთ. არც ისე დიდხნიანი ძებნის შემდეგ აუცილებლად მიგვასწავლიან გესტჰაუს „ნაკრას“, რომელიც ოდნავ შემაღლებულზე დგას და სოფელს გადმოჰყურებს. „ნაკრაში“ მასპინძლობას ნინო ცინდელიანი გაგიწევთ. ჩემი რჩევა იქნება, სუფრაზე აუცილებლად გასინჯოთ ყველაფერი. როგორც ნინო ამბობს, მისთვის ტურიზმი მხოლოდ ბიზნესი არაა. „ესაა საშუალება, სტუმრებს გავაცნო ჩვენი კუთხის ტრადიციები, ადათი, ყველაზე პატარა და შეუმჩნეველი დეტალები - ის, რაც სვანეთს განუმეორებელს ხდის. თუკი ჩემი სტუმარი კმაყოფილია, მეც ბედნიერი ვარ და მგონია, რომ მცირედი წვლილი მაინც შევიტანე კუთხისა და, განსაკუთრებით, ჩუბეხევის პოპულარიზაციაში“. მას შემდეგ, რაც ჩემი რჩევით ყველა კერძს დააგემოვნებთ და საძინებლებს მიაშურებთ, აუცილებლად მოგხიბლავთ ხედები ოთახებიდან და ტკბილად დაიძინებთ.



ჩვენი მთავარი თავგადასავალი კი სწორედ მეორე დილას იწყება. სოფელში მცხოვრები სამი სერტიფიცირებული გიდიდან ერთ-ერთი აუცილებლად წამოგყვებათ ალპურ ზონაში, ზღვის დონიდან დაახლოებით 2000 მეტრის სიმაღლეზე (მოდით, ჩვენი ნაცნობი გიდი, ზურა დადეშქელიანი წავიყოლოთ). სოფლიდან დანიშნულების ადგილამდე 6 კილომეტრამდე გზაა, თუმცა გზად იმდენ საინტერესო ამბავს მოისმენთ, ვერც შეამჩნევთ, ისე აღმოჩნდებით ლაკითანალზე - თითქმის მთის წვერზე. ამ ადგილიდან უამრავი მწვერვალი მოჩანს, თუმცა შეუძლებელია ყურადღება არ მიიქციოს იალბუზმა, კავკასიონის უმაღლესმა მწვერვალმა. თუ გაგვიმართლებს, ღრუბლის საფარველს მიღმა თოვლით დაფარულ იალბუზს დავინახავთ და როგორც ყველა მოგზაურს შეეფერება, უამრავ ფოტოსაც გადავიღებთ. 


ლაკითანალზე ერთი უცნაური ყვავილი ხარობს - რატომღაც სახელი არავინ იცოდა, თუმცა დანამდვილებით გვითხრეს - ამ ყვავილის ამოსვლა ზამთრის მოახლოებას ნიშნავსო. ერთი შეხედვით გაზაფხულის მახარობელს ჰგავს, არადა, თურმე სითეთრე მოჰყვება. თუმცა, გააჩნია როდის ეწვევით ლაკინათალს - ხომ ყველას გინახავთ სოციალურ ქსელებში მრავალფერი ყვავილების ფოტოები მთების ფონზე - ზუსტად ისეთი თაიგულის შეკვრა შეგეძლებათ, თანაც ფოტოს იალბუზის ფონზე გადაუღებთ (ეს რჩევა სოციალური ქსელების მოყვარულთათვის უფროა, ვინც კარგ საინსტაგრამე ადგილებს ეძებს ხოლმე).


არ ვიცი, რა ხანი დაგვჭირდება ფოტოების გადასაღებად, მაგრამ თუკი წვიმა არ მოგვისწრებს, კარგა ხანს შეგვეძლება კავკასიონისა და სვანეთის ქედების მწვერვალების ყურებით ტკბობა. თუმცა მაინც მოვა დრო, როცა ლაკითანალს დავემშვიდობებით (რა თქმა უნდა, დროებით, რადგან დაბრუნება უცილობლად მოგვინდება) და სოფლისაკენ მომავალ გზაზე კიდევ ერთხელ გადავუხვევთ მარცხნივ - ამჯერად ხეობის ერთადერთი შემორჩენილი კოშკი უნდა ვინახულოთ.


სვანეთისთვის დამახასიათებელი გზის გავლის შემდეგ, გადახვევიდან 20 წუთში მივუახლოვდებით ჯუხლანს - ადგილს, სადაც კოშკი დგას. როგორც ზურამ გვიამბო, ეს კოშკი რეჩგვიანების საგვარეულო საკუთრება ყოფილა. დადეშქელიანებთან დაპირისპირებას მთელი გვარი გაუწყვეტია. კოშკი ქალდანებს აჩუქეს დადეშქელიანებმა და მას შემდეგ ქალდანებისაა. თუმცა, ნაგებობის შესახებ არანაკლებ საინტერესოა ისიც, რომ კოშკი ქალებს გაულესავთ. მაგრამ ყველაფერს ვირტუალურად ხო არ გიამბობთ - იქ ჩასულებს ბევრად უფრო საინტერესოდ მოგიყვებიან კოშკის შესახებ მითებსა და რეალობას. ამიტომაც, ჯუხლანიც დავტოვოთ და, რადგანაც მოსაღამოვდა, სოფლისაკენ გავეშუროთ.


სანამ სასტუმრომდე მივალთ, გზად კიდევ ერთ საინტერესო შენობაზე გვიამბობენ - ქამმერდეს ქოხი ტყეში. ჩუბეხევის მოსახლეობაში გავრცელებულია ლეგენდა, რომლის მიხედვითაც ერთი შეხედვით ჩვეულებრივი სახლი ქამმერდეს, ტყის სულს ეკუთვნის და იქ დარჩენა მაშინაც არ უნდა გაბედო, თუკი წვიმამ და ქარბუქმა მოგისწრო მთაში.


ქამმერდეს შესახებ ლეგენდების მოსმენაში დრო სწრაფად გადის და, აი, ჩვენც დავბრუნდით სასტუმროში. სვანური სამზარეულო და სტუმარ-მასპინძლობა უკვე გავიცანით და აღვწერეთ. ამიტომ შემდეგ დღეზე გადავერთოთ.


აი, შემდეგ დღის დაგეგმვას კი უკვე თქვენ მოგანდობთ - წინასწარ სხვის მიერ გაწერილი მოგზაურობა ისეთ ადგილას, როგორიც ნაკრაა, მოსაბეზრებელი შეიძლება გახდეს - ამიტომ ექსპრომტად მოქმედებას გირჩევთ.


 


 


ავტორი: თინათინ ლუხუტაშვილი, ჟურნალისტი.


ფოტოგრაფი: ლაშა კუპრაშვილი.



https://digest.pia.ge/uploaded/m2b/2019-09/201909181640351498844589.jpg


 


ლევან ახვლედიანი: მზად ვართ ანაკლიის პროექტზე პარლამენტში ვისაუბროთ

ანაკლიის პორტის განვითარების კონსორციუმის დირექტორი ლევან ახვლედიანი აცხადებს, რომ მზად არის მიიღოს პარლამენტარების მიწვევა და პროექტზე სასაუბროდ პარლამენტში მივიდეს, თუმცა აღნიშნავს, რომ ეს რეგიონული განვითარებისა და ინფრასტრუქტურის სამინისტროს ჩართულობით უნდა მოხდეს. 

თბილისში "აბრეშუმის გზის ფორუმი 2019" დაიწყო

თბილისში "აბრეშუმის გზის ფორუმი 2019" დაიწყო. ღონისძიება საქართველოს პრემიერ-მინისტრმა, გიორგი გახარიამ გახსნა.

ბაკურციხე-წნორის გზის მშენებლობას ADB დააფინანსებს

კახეთის რეგიონში, კიდევ ერთი მნიშვნელოვანი პროექტი, ბაკურციხე-წნორის შემოსავლელი გზის მშენებლობა განხორციელდება. ახალი გზის მშენებლობას აზიის განვითარების ბანკი (ADB) დააფინანსებს.

საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტი გამოავლინა

ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან  კოორდინირებული ღონისძიებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტი გამოავლინეს.

ოპერასთან აქცია მიმდინარეობს

ოპერისა და ბალეტის თეატრთან, სადაც "აბრეშუმის გზის ფორუმი" უნდა გაიხსნას, მოძრაობა "ქვეყნის სამსახურში" აქტივისტები აქციას მართავენ. ისინი კვლავ გიორგი გახარიას გაპრემიერებას აპროტესტებენ.

22 ოქტომბერი ხის დარგვის საერთაშორისო დღეა

ხის დარგვის საერთაშორისო დღესთან დაკავშირებით, გარემოს დაცვისა და სოფლის მეურნეობის სამინისტროს ინიციატივით, სოფელ ლელოვანის საჯარო სკოლის ეზოში დარგვის აქცია გაიმართა.

სუს-ის უფროსი ნატო-ს სამეკავშირეო ოფისის ხელმძღვანელს შეხვდა

სახელმწიფო უსაფრთხოების სამსახურის უფროსმა, გრიგოლ ლილუაშვილმა საქართველოში ნატო-ს სამეკავშირეო ოფისის ხელმძღვანელთან, როზარია პულისისთან შეხვედრა გამართა.

 
პოლიციამ ქვემო ქართლში განსაკუთრებით დიდი ოდენობით ნარკოტიკი ამოიღო - დაკავებულია ერთი პირი

შს სამინისტროს თანამშრომლებმა, 1961 წელს დაბადებული, პირობითი მსჯავრის ქვეშ მყოფი ე.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულში დააკავეს.

პარლამენტში გიორგი მიქაუტაძეს მოუსმენენ

პარლამენტის იურიდიულ საკითხთა კომიტეტის სხდომაზე დღეს უზენაესი სასამართლოს მოსამართლეობის კანდიდატს გიორგი მიქაუტაძეს მოუსმენენ.

მოზარდის ჯანმრთელობის მდგომარეობა, რომელსაც მატარებელი დაეჯახა, მძიმეა

12 წლის მოზარდის ჯანმრთელობის მდგომარეობა, რომელსაც მეტროსადგურ "გოცირიძესთან" მატარებელი დაეჯახა, კვლავ მძიმეა.

 
თბილისში "აბრეშუმის გზის ფორუმი" დღეს გაიხსნება

თბილისში "აბრეშუმის გზის ფორუმი" იწყება. სტუმრებს შორის 30-ზე მეტი ოფიციალური დელეგაციისა და 400-მდე უცხოური კერძო სექტორის წარმომადგენელია. ორდღიან ფორუმს საქართველოს პრემიერ-მინისტრი გიორგი გახარია გახსნის.

თურქეთი სირიაში ომის განახლებით იმუქრება

"იმ შემთხვევაში, თუ ქურთული სამხედრო შენაერთები სირიის ჩრდილო-აღმოსავლეთით ე.წ. უსაფრთხო ზონას მთლიანად არ დატოვებენ, თურქეთი ცეცხლს ისევ გახნის".

უკრაინაში ყოფილი მაღალჩინოსანი ავიაკატასტროფაში დაიღუპა

უკრაინაში ავიაკატასტროფას აგრარული პოლიტიკის ყოფილი მინისტრი ტარას კუტოვოი ემსხვერპლა. ინფორმაციას ადგილობრივი გამოცემა "ცენზორ ნეტი" ავრცელებს.

გიორგი შარვაშიძემ „თსუ“-ს დუდუ დადიანის თასის მოპოვება მიულოცა

ივანე ჯავახიშვილის სახელობის თბილისის სახელმწიფო უნივერსიტეტში საზეიმო მიღება გაიმართა.

უზბეკეთის ვიცე-პრემიერი: გვინდა შევისწავლოთ საქართველოს გამოცდილება ტურიზმის კუთხით

"ჩემთვის მნიშვნელოვანია საქართველოში ვიზიტი, ვინაიდან ამ ქვეყანასთან ტრადიციულად მეგობრული და საქმიანი ურთიერთობა გვაკავშირებს".

გლდანში გაზსადენის დაზიანების გამო 350 აბონენტს გაზმომარაგება შეუწყდა

„გლდანში გაზსადენის დაზიანების გამო 350 აბონენტს გაზმომარაგება შეუწყდა“, - ამის შესახებ „თბილისი ენერჯის“ მიერ გავრცელებულ განცხადებაშია ნათქვამი.

ნათია თურნავა: უზბეკეთი ისწრაფვის დივერსიფიკაციისკენ და საქართველო თავისი გეოპოლიტიკური მდებარეობით ამ საშუალებას აძლევს

საქართველოს ეკონომიკისა და მდგრადი განვითარების მინისტრი ნათია თურნავა უზბეკეთის პრემიერ-მინისტრის მოადგილე ელიორ განიევს შეხვდა და მასთან ქვეყნებს შორის სავაჭრო-ეკონომიკური ურთიერთობების საკვანძო საკითხები განიხილა.

გიორგი გახარია უზბეკეთის ვიცე პრემიერ-მინისტრს შეხვდა

საქართველოს პრემიერ-მინისტრი გიორგი გახარია უზბეკეთის ვიცე პრემიერ-მინისტრ ელიორ განიევს შეხვდა.

გიორგი გახარია ყატარის ტრანსპორტისა და კომუნიკაციების მინისტრს შეხვდა

საქართველოს პრემიერ-მინისტრი გიორგი გახარია ყატარის ტრანსპორტისა და კომუნიკაციების მინისტრ ჯასიმ საიფ აჰმედ ალ სულაითს შეხვდა.

თსუ-ს საკალათბურთო გუნდის წარმომადგენელთა დაჯილდოება გაიმართა

დუდუ დადიანის მემორიალური თასის 2019 წლის მფლობელის თსუ საკალათბურთო გუნდის წარმომადგენელთა დაჯილდოება გაიმართა ივანე ჯავახიშვილის სახელობის თბილისის სახელმწიფო უნივერსიტეტში.

შემოსავლების სამსახურის თანამშრომლებმა საგადასახადო სამართალდარღვევის 330 ფაქტი გამოავლინეს

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მიერ, ქვეყნის მასშტაბით განხორციელებული მიმდინარე კონტროლის ღონისძიების შედეგად, საგადასახადო სამართალდარღვევის 330 ფაქტი გამოვლინდა.