საქართველოს ბიზნესომბუდსმენი ექვსი ქვეყნის ბიზნესომბუდსმენს უმასპინძლებს

„ხელშემწყობი გარემოს შექმნა მდგრადი ბიზნესისთვის აღმოსავლეთ ევროპასა და ცენტრალურ აზიაში“ – ამ დასახელებით გაიმართება საერთაშორისო ბიზნეს კონფერენცია თბილისში, რომელსაც საქართველოს ბიზნესომბუდსმენი უმასპინძლებს.

კონფერენციის მნიშვნელობის და მოსალოდნელი შედეგების შესახებ საქართველოს ბიზნესომბუდსმენს ირაკლი ლექვინაძეს ვესაუბრეთ.


- საქართველოს ბიზნესომბუდსმენის აპარატის ორგანიზებით საერთაშორისო ბიზნეს კონფერენციის მასპინძელი თბილისი იქნება. რამდენად წარმომადგენლობითი იქნება კონფერენცია და რომელი ქვეყნებიდან ელოდებით კოლეგებსა და სტუმრებს?


- თბილისში, 11 ოქტომბერს გაიმართება საერთაშორისო კონფერენცია - „ხელშემწყობი გარემოს შექმნა მდგრადი ბიზნესისთვის აღმოსავლეთ ევროპასა და ცენტრალურ აზიაში“, სადაც განხილული იქნება ბიზნესის უფლებების დაცვის მექანიზმები და საერთაშორისო გამოცდილება. ასევე, კორპორაციული პასუხისმგებლობის მნიშვნელობა ბიზნეს სექტორის განვითარებისთვის.


კონფერენციის ფარგლებში საქართველოს ეწვევიან პოლონეთის, უკრაინის, ყაზახეთის, ყირგიზეთის, ალბანეთის და უზბეკეთის ბიზნესომბუდსმენები. ასევე, ღონისძიებას დაესწრებიან მაღალი დონის სტუმრები OECD-დან ანტიკორუფციული ქსელის მენეჯერი - ოლგა სავრანი და მსოფლიო ბანკის საერთაშორისო საფინანსო კორპორაციის (IFC) გლობალური საინვესტიციო ჯგუფის ხელმძღვანელი ივან ანტონ ნიმაკი. კონფერენცია ბიზნესომბუდსმენის აპარატის და სამოქალაქო განვითარების სააგენტოს (CiDA) ორგანიზებით და შვედეთის მთავრობის ფინანსური მხარდაჭერით გაიმართება.


კონფერენცია სამ ძირითად მიმართულებას მოიცავს, ეს არის ბიზნესომბუდსმენების პანელი, სადაც მათ გამოცდილებაზე და თანამშრომლობაზე იქნება საუბარი, ბიზნესის სოციალური პასუხისმგებლობის თემატიკის პანელი და საქართველოს ბიზნეს შესაძლებლობების საპრეზენტაციო პანელი.


კონფერენციას ადგილობრივი და საერთაშორისო ბიზნეს ასოციაციები, დიპლომატიური კორპუსის, სამთავრობო და ბიზნეს წრეების წარმომადგენლები დაესწრებიან.


- რა მიმართულებებით შეიძლება თანამშრომლობის კოორდინირება თქვენს უცხოელ კოლეგებთან?


- ღონისძიების ფარგლებში დაგეგმილია თანამშრომლობის მემორანდუმების გაფორმება უზბეკეთის, ყაზახეთის, ალბანეთის და პოლონეთის ბიზნესომბუდსმენების ოფისთან. ეს ჩვენთვის მნიშვნელოვანია რამდენიმე მიმართულებით: გამოცდილების და ცოდნის გაზიარება, ქეისების გაცნობა. ამ ქვეყნებში ბიზნესომბუდსმენების ოფისები მართალია სხვადასხვა ფორმით, მაგრამ საერთაშორისო ორგანიზაციების მხარდაჭერით არის შექმნილი, ამიტომ მათთან კოოპერაცია, თანამშრომლობის გაძლიერება, ვფიქრობ, ძალიან საინტერესოა. მეორე მიმართულება - ეს ქვეყნები არის საინტერესო ბაზრები ქართული ბიზნესისთვის, სადაც მართალია არა დიდი რაოდენობით, მაგრამ წარმოდგენილნი არიან კომპანიები. ჩვენ ვფიქრობთ, კოლეგა ბიზნესომბუდსმენების დახმარებით ვქმნით დამატებით ბერკეტებს მათ მხარდასაჭერად, იქნება ეს საკონსულტაციო მიმართულება თუ უფლებების დაცვა.


ასევე, ჩვენი ერთობლივი კოოპერაციით შესაძლებელია ბევრი საერთაშორისო პროგრამის თუ პროექტის განხორციელება საერთაშორისო ორგანიზაციების მხარდაჭერით.


აქვე მინდა გითხრათ, რომ 2018 წელს ჩვენთან შემოსული განცხადებების 42% უცხოელი ინვესტორების მონაწილეობით ბიზნესიდან იყო შემოსული. მათ შორის, გვქონდა ქეისები უკრაინის, ყაზახეთის და ყირგიზეთის წარმომადგენლებისგან. რამდენიმე მათგანი წარმატებით არის დასრულებული, ხოლო ზოგიერთი მათგანი მიმდინარეა.


- რა იქნება კონფერენციის ძირითადი თემა და რა გამოწვევებზე გაამახვილებთ ყურადღებას?


- მთავარი გამოწვევა ზოგადად არის ბიზნესის უფლებების დაცვა, რომელიც მოიცავს ბიუროკრატიული ბარიერების, ანტიკორუფციული,  ბიზნესის კეთილსინდისიერების და ბიზნესის სოციალური პასუხისმგებლობის მიმართულებებს.


ასევე, საინტერესო იქნება სტუმრებისთვის საქართველოს საინვესტიციო გარემოს პრეზენტაცია, იმ უპირატესობების წარმოჩენა, რომელთა შესახებაც მათ შეუძლიათ შემდეგ გაავრცელონ ინფორმაცია საკუთარ ქვეყნებში.


ასევე, თითოეულ ქვეყანას გააჩნია საკუთარი სპეციფიკა და სტრატეგია ბიზნესის უფლებების დაცვის მიმართულებით, საინტერესო ქეისები და ჩვენ ამ კუთხით გვექნება დისკუსიები სხვადასხვა პანელებზე.


- არსებობს თუ არა საერთო გამოწვევები, რომელთა დაძლევაც აღნიშნული ქვეყნების ბიზნესომბუდსმენებთან თანამშრომლობითაა შესაძლებელი?


- მთავარი გამოწვევა ზოგადად არის ბიზნესის უფლებების დაცვა, რომელიც მოიცავს სხვადასხვა ქვეყნებში ბიუროკრატიული ბარიერების, ანტიკორუფციული პროგრამების,  ბიზნესის კეთილსინდისიერების და სავაჭრო ბარიერების გამარტივების საკითხებს.


- ამ მასშტაბის ღონისძიება საქართველოს ისტორიაში პირველია, რომელიც ბიზნესის უფლებებს ეხება. ახლო მომავალში ხომ არ გეგმავთ მსგავს პროექტებს?


- საერთაშორისო თანამშრომლობის კუთხით, რაც ჩვენი ერთ-ერთი პრიორიტეტი იყო, ეს მნიშვნელოვანი ღონისძიებაა, რომლის შემდეგაც ჩვენ ველოდებით ერთობლივ პროექტებს და ქეისებს ბიზნესის უფლებების, ანტიკორუფციული პროექტების მიმართულებით.


მოგეხსენებათ, საქართველოს მთავრობის მიერ დამტკიცებულია ანტიკორუფციული სამოქმედო გეგმა, სადაც ჩვენ ვართ ერთ-ერთი უწყება, რომელიც ბიზნესის კეთილსინდისიერების მიმართულებით იქნება წამყვანი.


ველოდებით საერთაშორისო თანამშრომლობის გაფართოებას დონორ და საერთაშორისო ორგანიზაციებთან, კოლეგა ინსტიტუტებთან.


რაც შეეხება უახლოეს მომავალში დაგეგმილ პროექტებს, ჩვენ გვექნება საკმაოდ საინტერესო მემორანდუმი ერთ-ერთ საერთაშორისო ორგანიზაციასთან, რომლის მიხედვითაც, გაგვიჩნდება წვდომა  ფინანსურ რესურსზე და შეგვეძლება სხვადასხვა კანონპროექტებზე ან მოქმედ რეგულაციებზე, რომელსაც ბიზნესთან ერთად შევარჩევთ, მოვამზადოთ რეგულირების გავლენის შეფასებები (RIA).


დეკანოზ გიორგი მამალაძის ძმა: წმინდა სინოდზე ჩემს გამოკითხვას მოვითხოვ

" წმინდა სინოდზე თუ არ მოხდება ჩემი გამოკითხვა მეორე დღეს საჯარო გახდება ის ინფორმაცია, რასაც მე ვფლობ",-ამის შესახებ დეკანოზ გიორგი მამალაძის ძმამ თორნიკე მამალაძემ Tv პირველის ეთერში განაცხადა. 

თამარ ჩუგოშვილი: ბოლო საპარლამენტო არჩევნებში 49% გვქონდა და ჩვენი ამოცანაა, ეს მაჩვენებელი გავაუმჯობესოთ

პარლამენტის თავმჯდომარის პირველი მოადგილის თამარ ჩუგოშვილის თქმით, მმართველი გუნდის ამოცანაა 2020 წლის არჩევნებში მაქსიმალური ხმების მიღება.

თამარ ჩუგოშვილი: მნიშვნელოვანია, რომ ანაკლიის პორტი, როგორც სტრატეგიული მნიშვნელობის ობიექტი აშენდეს

„მნიშვნელოვანია, რომ ეს პროექტი, როგორც სტრატეგიული მნიშვნელობის ობიექტი აშენდეს და მნიშვნელოვანია ისიც, რომ საბანკო სისტემა იყოს სანდოობის და სიმყარის მქონე, იმიტომ რომ ამის ჩამოშლას მძიმე შედეგების მოტანა შეუძლია“.

პოლიციამ ყიფშიძის ქუჩაზე მომხდარ დაპირისპირებასთან დაკავშირებით კიდევ ერთი პირი დააკავა

ვაკეში, ყიფშიძის ქუჩაზე მომხდარ ფაქტთან დაკავშირებით, 1972 წელს დაბადებულ ლ.ძ. დააკავეს. ინფორმაციას შინაგან საქმეთა სამინისტრო ავრცელებს. 

თბილისის სახელმწიფო უნივერსიტეტში მერაბ კოსტავას ხსოვნისადმი მიძღვნილი გამოფენა გაიხსნება

16 ოქტომბერს, 11:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში გამოფენა გაიხსნება, რომელიც საქართველოს ეროვნული გმირის მერაბ კოსტავას ხსოვნას ეძღვნება.

16 ოქტომბრიდან ჭავჭავაძის გამზირზე ტრანსპორტის მოძრაობის სქემა შეიცვლება

ჭავჭავაძის გამზირზე მიმდინარე მასშტაბური სამუშაოებიდან გამომდინარე, 16 ოქტომბრის 00:00 საათიდან ჭავჭავაძის გამზირსა და მის მიმდებარე ქუჩებზე ტრანსპორტის მოძრაობის სქემა ნაწილობრივ შეიცვლება.

ეკატერინე მიქაბერიძე: აგრო ტურიზმის განვითარება მთავრობის ერთ-ერთი პრიორიტეტული მიმართულებაა

ეკონომიკისა და მდგრადი განვითარების მინისტრის პირველმა მოადგილემ ეკატერინე მიქაბაძემ შეხვედრაზე,  საქართველოში აგრო ტურიზმის განვითარების შესაძლებლობები და პერსპექტივები განიხილა.

ჯივიპი კრწანისის რაიონში, ქვემო ფონიჭალაში ტექნიკურ სამუშაოებს ჩაატარებს

ხვალ, 16 ოქტომბერს, კომპანია ჯორჯიან უოთერ ენდ ფაუერი კრწანისის რაიონში, ქვემო ფონიჭალაში, ვაგზლის ქუჩა N8-ს მიმდებარედ, წყალმომარაგების სტაბილურობის მიზნით ტექნიკურ სამუშაოებს ჩაატარებს.

მამუკა მდინარაძე: ვისაც ან აღქმის პრობლემა ჰქონდა ან უნდოდა, რომ ასე გადაეთარგმნა კობახიძის ნათქვამი, თქვა და დანარჩენებმა გაიზიარეს ეს ნათქვამი

ფრაქცია „ქართული ოცნების“ თავმჯდომარის, მამუკა მდინარაძის განცხადებით, იმ ადამიანებს, ვინც ირაკლი კობახიძის ნათქვამი სპეკულაციურად გამოიყენა, ან აღქმის პრობლემა აქვთ ან მათ ეს ჭირდებათ საკუთრი მიზნებისთვის.

მამუკა მდინარაძე: ეს ის კომისიაა, რომლის მუშაობის პირობებშიც 10 დღეში იხსნება ტელევიზიები საქართველოში და მათ არანაირი პრობლემა არ ექმნებათ

„ეს ის კომისიაა, რომლის მუშაობის პირობებშიც 10 დღეში იხსნება ტელევიზიები საქართველოში და მათ არანაირი პრობლემა არ ექმნებათ“, - ამ სიტყვებით მიმართა „ქართული ოცნების“ თავმჯდომარემ მამუკა მდინარაძემ ოპოზიციონერ კოლეგებს. 

ჯი ეს ენის (GSN) პოს აღჭურვილობები

ტექნოლოგიების განვითარებასთან ერთად, იხვეწება და ვითარდება სამეწარმეო საქმიანობისთვის საჭირო მოწყობილობები.

საქართველოში მიწისძვრა მოხდა

მიწისძვრის ეპიცენტრი ხარაგაულის რაიონში, სოფელ ჩალხეეთთან იყო.

"ევროპული საქართველო" სირიაში თურქეთის მიერ განხორციელებულ სამხედრო ოპერაციასთან დაკავშირებით, თანაგუნდელ აჰმედ იმამკულიევის პოზიციას არ იზიარებს

როგორც "ევროპული საქართველოს" წევრმა სერგო რატიანმა განაცხადა, იმამკულიევის მხრიდან აღნიშნული ნაბიჯი პერსონალური პოზიციის გამოხატულება იყო.

გიორგი გახარია სომხეთის პრეზიდენტსა და კათალიკოს გარეგინ მეორეს შეხვდა

საქართველოს პრემიერ-მინისტრი სომხეთის რესპუბლიკაში ოფიციალური ვიზიტის ფარგლებში პრეზიდენტ არმენ სარქისიანს შეხვდა.

ირაკლი მეზურნიშვილი: ანაკლიის განვითარების კონსორციუმი უპასუხისმგებლოდ მიუდგა პროექტს და ვალდებულებები ვერ შეასრულა

„ჩვენთვის ანაკლიის პროექტი უმნიშვნელოვანესია, როგორც კომერციულად და ეკონომიურად, ისე პოლიტიკურად“,- ამის შესახებ საპარლამენტო უმრავლესობის წევრმა ირაკლი მეზურნიშვილმა ტელეკომპანია „იმედის“ ეთერში განაცხადა.

დავით ჯავახაძე: მთავრობა თანახმაა ინვესტორმა წერილი გაასაჯაროვოს

ანაკლიის ღრმაწყლოვანი ნავსადგურის განვითარების სააგენტოს დირექტორი დავით ჯავახაძე აცხადებს, რომ თანახმაა გასაჯაროვდეს წერილი, რომელიც "ანაკლიის განვითარების კონსორციუმმა" მთავრობას გამოუგზავნა და სადაც, კონსორციუმის გენერალური დირექტორის ლევან ახვლედიანის განცხადებით, "საუბარია პროექტის განვითარების პერსპექტივებზე".

საბა 2019-ის ფინალისტები

ლიტერატურული პრემია „საბას“ 6 ნომინაციის ფინალისტები ხვალ დასახელდება.

თბილისის უბნების ნაწილს 16 ოქტომბერს ელექტრომამარაგება შეეზღუდება

გეგმიურ-პროფილაქტიკური სამუშაოების ჩატარების გამო 16 ოქტომბერს თბილისის უბნების ნაწილს ელექტრომომარაგება დროებით შეეზღუდება. კონკრეტული უბნების ჩამონათვალს და დეტალურ ინფორმაციას თელასი ავრცელებს.

შემოსავლების სამსახური საგადასახადო ადმინისტრაციების შიდა ევროპული ორგანიზაციის წლიურ კონფერენციას უმასპინძლებს

ფინანსთა სამინისტროს შემოსავლების სამსახური საგადასახადო ადმინისტრაციების შიდა ევროპული ორგანიზაციის წლიურ კონფერენციასა და ტექნოლოგიურ გამოფენას უმასპინძლებს.

ლევან დავითაშვილმა საერთაშორისო ორგანიზაციების წარმომადგენლებთან საგრანტო პროექტები განიხილა

გარემოს დაცვისა და სოფლის მეურნეობის მინისტრი ლევან დავითაშვილი გაეროს სურსათისა და სოფლის მეურნეობის ორგანიზაციის (FAO) და გაეროს განვითარების პროგრამის (UNDP) წარმომადგენლებს შეხვდა.

16 ოქტომბრის ლარის კურსი ცნობილია

15 ოქტომბერის ვაჭრობის შედეგად აშშ დოლარი უცვლელი დარჩა და 2.9701 ლარი შეადგინა.