ტექნიკურ უნივერსიტეტში ენერგეტიკის თანამედროვე პრობლემებზე საერთაშორისო კონფერენცია მიმდინარეობს

სტუ-ის ენერგეტიკისა და ტელეკომუნიკაციის ფაკულტეტის ორგანიზებით, ტექნიკურ უნივერსიტეტში მიმდინარეობს პირველი საერთაშორისო სამეცნიერო კონფერენცია, თემაზე - „ენერგეტიკის თანამედროვე პრობლემები და მისი გადაწყვეტის გზები“.

კონფერენციაში საქართველოს ეროვნული მეცნიერებათა აკადემიის ორიაკადემიკოსი, უკრაინის ეროვნული მეცნიერებათა აკადემიის წევრ-კორესპონდენტი და 148 მეცნიერი და მკვლევარი მონაწილეობს.


ღონისძიება საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა, საქართველოს ენერგეტიკის აკადემიის პრეზიდენტმა, საქართველოს პარლამენტის წევრმა, პროფესორმა რევაზ არველაძემ და უკრაინის მეცნიერებათა ეროვნული აკადემიის წევრ-კორესპონდენტმა, ხარკოვის პოლიტექნიკური უნივერსიტეტის რექტორმა ევგენი სოკოლმა გახსნეს.


კონფერენციაზე მისასლმებელი სიტყვით წარსდგნენ კომპანია „თელასის“ ტექნიკური დირექტორის მოადგილე თეიმურაზ გამრეკელაშვილი, კომპანია „ენერგო პრო ჯორჯიას“ განვითარების მენეჯერის მოადგილე ენვერ ჩიჩუა, უკრაინის ნაციონალური უნივერსიტეტი „ოდესის საზღვაო აკადემიის“ პროფესორი მიკოლა მუხა, კომპანია „მონტაჟ ჯორჯიას“ გენერალური დირექტორი დავით კახიანი და სტუ-ის ელექტრომოხმარების ტექნოლოგიების დეპარტამენტის უფროსი, პროფესორი ბაადურ ჭუნაშვილი.


„კონფერენცია, რომელსაც ტექნიკური უნივერსიტეტი მასპინძლობს, ენერგეტიკის დარგის ისეთ მნიშვნელოვან და პრობლემურ თემებს ეხება, როგორიცაა: საქართველოს ენერგეტიკული ბალანსის სტრუქტურა და ცვლილებების ტენდენციები, ელექტროენერგიის ტრანზიტი და დანაკარგები გადაცემის ქსელში, ელექტრული რეჟიმების კვლევა, განახლებადი ენერგიების დანერგვა-მართვა, ინოვაციური ტექნოლოგიების დანერგვა, რეაქტიული სიმძლავრის მონიტორინგი, ბუნებრივი გაზის უსაფრთხოდ მოხმარების საკითხები და სხვ. მოხარული ვართ, რომ კონფერენციის მუშაობაში მონაწილეობენ ცნობილი მეცნიერები და ერთმანეთს გავუზიარებთ ჩვენს ხედვებს, ცოდნას და ვიმსჯელებთ პრობლემების გადაჭრის გზებზე - სწორედ ეს არის კონფერენციის მისია. ტექნიკურ უნივერსიტეტთან ერთად, კონფერენციის ორგანიზატორები არიან უკრაინის ნაციონალური პოლიტექნიკური უნივერსიტეტი და საქართველოს ენერგეტიკის აკადემია. კონფერენციის მხარდამჭერები კი არიან კომპანიები: „თელასი“, „ენერგო პრო ჯორჯია“, „მონტაჟ ჯორჯია“ და „ელ ინდასტრი ჯორჯია“, - განაცხადა არჩილ ფრანგიშვილმა.


როგორც უკრაინის მეცნიერებათა ეროვნული აკადემიის წევრ-კორესპონდენტმა, ხარკოვის პოლიტექნიკური უნივერსიტეტის რექტორმა ევგენი სოკოლმა აღნიშნა, საქართველოს ტექნიკურ უნივერსიტეტთან მეგობრობა და თანამშრომლობა გასულ საუკუნეში დაიწყო და მრავალი ცვლილების მიუხედავად, ეს ურთიერთკავშირი არ შეწყვეტილა. „ჩვენ ვიმსჯელებთ განახლებადი ენერგიების შესახებ, კერძოდ კი მზის ენერგიაზე. ამ კუთხით ჩვენი უნივერსიტეტი მრავალი წელია ნაყოფიერად მუშაობს. ჩამოვიტანეთ მნიშვნელოვანი მასალები იმ კვლევებისა, რომლებზეც უკრაინელი მეცნიერები მუშაობენ.


გვაქვს შესაძლებლობა, წარმოგიდგინოთ უნიკალური კვლევა, რომელიც ჩვენს კვლევითი ინსტიტუტში მომზადდა. ეს კვლევითი ინსტიტუტი ელექტრომაგნიტურ საკითხებს შეისწავლის - მსოფლიოში სულ ოთხი საერთაშორისო ინსტიტუტია, რომელიც მსგავს საკითხებზე მუშაობს. ჩვენ ვიკვლევთ ელექტრომაგნიტური ტალღებისგან დაცვის შესაძლებლობებს და ელექტრომაგნიტური იმპულსების გავლენებს ატომური აფეთქების დროს. მნიშვნელოვანია, რომ კონფერენციაში მონაწილეობენ ჩვენი ახალგაზრდა მეცნიერები. იმედი გვაქვს, ისინი გააგრძელებენ საქართველოს ტექნიკურ უნივერსიტეტთან თანამშრომლობასა და მეგობრობას. მინდა გაცნობოთ, რომ მომავალ წელს, ივლისში, კონფერენცია სტამბულის ტექნიკურ უნივერსიტეტში ჩატარდება და დიდი იმედი გვაქვს, მასში მონაწილეობას ისევ მრავალი მეცნიერი მიიღებს“, - განაცხადა ევგენი სოკოლმა.


საქართველოს ენერგეტიკის აკადემიის პრეზიდენტმა, პარლამენტის წევრმა, პროფესორმა რევაზ არველაძემ, საქართველოს პარლამენტის სახელით, მადლობა გადაუხადა სამეცნიერო კონფერენციის ორგანიზატორებსა და მონაწილეებს. მისი თქმით, „ენერგეტიკის თანამედროვე პრობლემები და მათი გადაწყვეტის გზები“ სწორედ საქართველოსთვისაა აქტუალური. „არ ვისაუბრებ იმაზე, თუ რა მდგომარეობაში ჩავარდა საქართველოს ენერგეტიკა საბჭოთა კავშირის დაშლის შემდეგ.


შეგახსენებთ მხოლოდ, რომ 1996 წლიდან ენერგეტიკის დარგის რეფორმირება დაიწყო, რის შედეგადაც, დიდწილად აღდგენილ იქნა დარგი და დაიწყო მისი შემდგომი განვითარება. საქართველოსთვის ყველაზე მნიშვნელოვანი პრობლემა დღეისთვის სწორედ ელექტროენერგიის მოთხოვნა-მიწოდებას შორის დისპროპორციაა. სწორედ ამ დეფიციტის შედეგად შეიქმნა ელექტროენერგიის იმპორტის მზარდი ტენდენცია, რაც თავის მხრივ, საგრძნობლად აქვეითებს საქართველოს ენერგეტიკული დამოუკიდებლობისა და უსაფრთხოების ხარისხს. მთავარი მიზეზი კი არის ის, რომ კვლავ დაიწყო ენერგეტიკის წინააღმდეგ ბრძოლა, როგორც ეს 80-იანი წლების ბოლოს ხდებოდა.


ბრძოლა მიმდინარეობს ერთადერთი სტაბილური ენერგორესურსის - ჰიდროენერგეტიკის გამოყენების წინააღმდეგ, მიუხედავად იმისა, რომ ენერგეტიკოსები - პრაქტიკოსები თუ მეცნიერები - მხარს უჭერენ ჰიდროელექტროსადგურების მშენებლობას მხოლოდ იმ შემთხვევაში, თუ ის ეკონომიკურად ეფექტიანი და ეკოლოგიურად მისაღებია. ბრძოლა მიდის არა მარტო დიდი და საშუალო, არამედ მცირე და მხოლოდ ჩამონადენზე მომუშავე სადგურების წინააღმდეგაც. ჩვენ კარგად გვესმის, რომ ენერგიის ისეთი არასტაბილური წყაროები როგორიცაა მზე და ქარი, უახლოესი ათწლეულების განმავლობაში სრულად ვერ შესძლებს ჩაანაცვლოს ენერგიის ტრადიციული წყაროები. თუმცა, არ უნდა ჩამოვრჩეთ მსოფლიოში მიმდინარე პროცესებს და დროულად და მაქსიმალურად ავითვისოთ ენერგიის ალტერნატიული წყაროებიც, ცხადია, იმის გათვალისწინებით, რომ ენერგოსისტემის მუშაობის მდგრადობას ზიანი არ მივაყენოთ. ამ მიმართულებით ხელისუფლება სერიოზულად მუშაობს - გაფორმებულია რამდენიმე მემორანდუმი და წლის ბოლომდე უნდა გამოცხადდეს ტენდერი მზის ორი ელექტროსადგურის მშენებლობაზე.


დამუშავებულია და პარლამენტში წარდგენილია საკანონმდებლო პაკეტი, რომელიც ხელს შეუწყობს ენერგეტიკის შემდგომ განვითარებას. ისეთ გეოპოლიტიკურ ვითარებაში მყოფი ქვეყნისთვის, როგორიც საქართველოა, იმპოტრის მუდმივი ზრდა, რამაც წლიურად 15%-ს გადააჭარბა და ზამთრის სეზონზე კი 30%-ს აღწევს, კარგის მომტანი არ არის. ამიტომ, მნიშვნელოვანია, ამ პრობლემის გადასაწყვეტად რა წინადადებები ექნებათ მეცნიერებს“, - აღნიშნა რევაზ არველაძემ. საერთაშორისო სამეცნიერო კონფერენციის სექციების მუშაობა ხუთი მიმართულებით მიმდინარეობს:


ელექტროენერგეტიკული სისტემები, კომპლექსები და ელექტრომოხმარების ტექნოლოგიები; ელექტრომექანიკური სისტემები და ძალური ელექტრონიკა; ენერგოეფექტიანობა, განახლებადი ენერგიის წყაროები, ეკოლოგია და გარემოს დაცვა; ინფორმაციული და ციფრული ტექნოლოგიები ენერგეტიკაში; ენერგეტიკის ეკონომიკა, მენეჯმენტი, მართვა და რეგულირება. სექციებზე მოხსენებით 71 მკვლევარი წარსდგება. გარდა ამისა, კონფერენციის ფარგლებში გაიმართება ახალგაზრდა მეცნიერთა ნაშრომების კონკურსი, რომელშიც მონაწილეობას 10 დოქტორანტი მიიღებს. კონფერენციის თემატიკის შესახებ ჟურნალ „ენერგიის“ სპეციალურ გამოცემებში 93 სამეცნიერო ნაშრომი გამოქვეყნდა. საერთაშორისო კონფერენცია, რომელსაც ფინანსურ მხარდაჭერას კომპანიები „თელასი“, „ენერგო პრო ჯორჯია“, „მონტაჟ ჯორჯია“ და „ელ ინდასტრი ჯორჯია“ უწევენ, 11 ოქტომბრის ჩათვლით გაგრძელდება.




გიორგი გახარია: ქველმოქმედების აქტზე შეტევა უსამართლოა, ბიძინა ივანიშვილის ოჯახის შეთხვევაში კი, ორჯერ უსამართლო

„ქველმოქმედების აქტზე შეტევა უსამართლოა, ბიძინა ივანიშვილის ოჯახის შეთხვევაში კი, ორჯერ უსამართლო“, - ამის შესახებ საქართველოს პრემიერ-მინისტრმა გიორგი გახარიამ ჟურნალისტებს ბერა ივანიშვილის მიერ ამაზონის ტყის გადასარჩენად გაწეულ ქველმოქმედების შესახებ დასმული კითხვის საპასუხოდ განუცხადა.

გია აბაშიძე: ტოტალური ნაცსექტის წევრად ყოფნა ან იქ მუდმივად წარუმატებელი გაწევრიანების მცდელობა საშინელი დიაგნოზია

„ტოტალური ნაცსექტის წევრად ყოფნა ან იქ მუდმივად წარუმატებელი გაწევრიანების მცდელობა საშინელი დიაგნოზია“, -  ამ სიტყვებით ეხმაურება სოციალურ ქსელში ექსპერტი გია აბაშიძე ბერა ივანიშვილის მიერ ამაზონის ტყის ხანძრის შედეგებთან საბრძოლველად თანხის გადარიცხვას.

თამარ ჩუგოშვილი: ოპოზიციას ზოგჯერ მაინც უნდა შეეძლოს უბრალოდ გაუხარდეს ქვეყნის წარმატება

„ოპოზიციას ზოგჯერ მაინც უნდა შეეძლოს უბრალოდ გაუხარდეს ქვეყნის წარმატება“, - ამის შესახებ ვიცე-სპიკერი თამარ ჩუგოშვილი სოციალურ ქსელში წერს და გიორგი კანდელაკის განცხადებას ეხმიანება, სადაც დეპუტატი ამბობს, რომ მნიშვნელოვანია, საქართველოს მთავრობამ მომავალში იმუშაოს, რომ ეს დოკუმენტი რეალურ პოლიტიკურ პრობლემაში გადაიზარდოს ოკუპანტისთვის.

ნიკოლოზ მეტრეველი: ნებისმიერი ნორმალური ადამიანისთვის მისასალმებელია, როდესაც საქართველო ბერა ივანიშვილის სახით მსოფლიო კრიზისის დაძლევაში მონაწილეობს

„ნებისმიერი ნორმალური ადამიანისთვის მისასალმებელია, როდესაც საქართველო ბერა ივანიშვილის სახით მსოფლიო კრიზისის დაძლევაში მონაწილეობს“, - ამ სიტყვებით ეხმაურება სოციალურ ქსელში ექსპერტი ნიკოლოზ მეტრეველი ბერა ივანიშვილის მიერ ამაზონის ტყის ხანძრის შედეგებთან საბრძოლველად თანხის გადარიცხვას.  

ქარელის საკრებულოს წევრი და მერიის თანამშრომელი ზეგავლენით ვაჭრობისა და სამსახურებრივი სიყალბის ფაქტზე დააკავეს

ზეგავლენით ვაჭრობისა და სამსახურებრივი სიყალბის ფაქტზე, ქარელის მუნიციპალიტეტის საკრებულოს წევრი გიორგი გ. და ქარელის მერიის წარმომადგენელი დირბის ადმინისტრაციულ ერთეულში სოსლან ქ. დააკავეს.

 

ლევან ნიკოლეიშვილი: კი არ უნდა ვიქილიკოთ, არამედ მხარი უნდა დავუჭიროთ და ვიამაყოთ

„კი არ უნდა ვიქილიკოთ, არამედ მხარი უნდა დავუჭიროთ და ვიამაყოთ“, - ექსპერტი ლევან ნიკოლეიშვილი ბერა ივანიშვილის მიერ ამაზონის ტყის ხანძრის შედეგებთან საბრძოლველად თანხის გადარიცხვას სოციალურ ქსელში ეხმიანება.

დავით საგანელიძე: საპარტნიორო ფონდის ამოცანაა, რაც შეიძლება, მეტი კომფორტი შეუქმნას ინვესტორებს საქართველოში ბიზნესის დასაწყებად

„საპარტნიორო ფონდის“ აღმასრულებელმა დირექტორმა დავით საგანელიძემ „თბილისის აბრეშუმის გზის ფორუმის“ საინვესტიციო პანელში მონაწილეობა მიიღო.

გურამ ნიკოლაშვილი: ბერა ივანიშვილის მიერ ამაზონის ტყის აღდგენის ფონდში გადარიცხულ მილიონსაც მყისიერად გამოუჩნდნენ მაკრიტიკებლები

„ბერა ივანიშვილის მიერ ამაზონის ტყის აღდგენის ფონდში გადარიცხულ მილიონსაც მყისიერად გამოუჩნდნენ მაკრიტიკებლები“, - ამის შესახებ საჯარო პოლიტიკის სპეციალისტმა გურამ ნიკოლაშვილმა ტვ „იმედზე“ „დღის ქრონიკაში“ განაცხადა.

დავით ზალკალიანი: ოჯახის საკუთარი, პირადი კონტრიბუცია, მსოფლიო მნიშვნელობის საქმეში, მხოლოდ და მხოლოდ დასაფასებელი და მისასალმებელია

„ოჯახის საკუთარი, პირადი კონტრიბუცია, მსოფლიო მნიშვნელობის საქმეში, მხოლოდ და მხოლოდ დასაფასებელი და მისასალმებელია“, - ასე გამოეხმაურა ბერა ივანიშვილის მიერ ამაზონის ტყის ხანძრის შედეგებთან საბრძოლველად თანხის გადარიცხვას საგარეო საქმეთა მინისტრი დავით ზალკალიანი.

ბერა ივანიშვილი ამაზონის ტყის გადარჩენასთან დაკავშირებული ეკოლოგიური კამპანიის #PovosDaFloresta ელჩი გახდა

ბრაზილიური გარემოსდამცველი ორგანიზაცია „იესეი“ (ISA – „სოციალურ-ეკოლოგიური ინსტიტუტი“) აცხადებს, რომ ბერა ივანიშვილი ეკოლოგიური კამპანიის „ტყის ხალხის“ (#PovosDaFloresta) ახალი ელჩი გახდა.

საქართველოს თავდაცვის მინისტრი ნატოს მინისტერიალს დაესწრება

24-25 ოქტომბერს ბრიუსელი ნატოს თავდაცვის მინისტერიალს მასპინძლობს.

ბილ კიტინგი: საქართველო ჩვენი ძლიერი პარტნიორი და მეგობარია! ვამაყობ, რომ ჩვენს მხარდაჭერას ვამტკიცებთ ამ საკანონმდებლო აქტის გამოცემით

„საქართველო ჩვენი ძლიერი პარტნიორი და მეგობარია! ვამაყობ, რომ ჩვენს მხარდაჭერას ვამტკიცებთ ამ საკანონმდებლო აქტის გამოცემით“, - განაცხადა კონგრესმენმა ბილ კიტინგმა აშშ-ის წარმომადგენელთა პალატაში საქართველოს მხარდამჭერი აქტის დამტკიცებისას.

ადამ კინზინგერი: საქართველომ საკუთარი შრომისა და სისხლის ფასად დაამტკიცა ჩრდილო-ატლანტიკური ხელშეკრულების ორგანიზაციისადმი ნაკისრი ვალდებულება

„საქართველომ საკუთარი შრომისა და სისხლის ფასად დაამტკიცა ჩრდილო-ატლანტიკური ხელშეკრულების ორგანიზაციისადმი ნაკისრი ვალდებულება“, - განაცხადა კონგრესმენმა ადამ კინზინგერმა აშშ-ის წარმომადგენელთა პალატაში საქართველოს მხარდამჭერი აქტის დამტკიცებისას.

ადამ კინზინგერი: საქართველო არის აშშ-ის მტკიცე მოკავშირე და მისი ტერიტორიული სუვერენიტეტის დაცვას არსებითი მნიშვნელობა აქვს ევროპის უსაფრთხოებისა და ამერიკის ინტერესებისთვის

„საქართველო არის აშშ-ის მტკიცე მოკავშირე და მისი ტერიტორიული სუვერენიტეტის დაცვას არსებითი მნიშვნელობა აქვს ევროპის უსაფრთხოებისა და ამერიკის ინტერესებისთვის", - განაცხადა კონგრესმენმა ილინოისის შტატიდან ადამ კინზინგერმა აშშ წარმომადგენელთა პალატაში საქართველოს მხარდამჭერი აქტის დამტკიცებისას. 

ირაკლი ბერაია : ეს არის პასუხისმგებლიანი, პრაგმატული და წინდახედული ლიდერის მიერ ჩამოყალიბებული სიღრმისეული ანალიზი საქართველოს უსაფრთხოების გარემოს შესახებ

„ეს არის პასუხისმგებლიანი, პრაგმატული და წინდახედული ლიდერის მიერ ჩამოყალიბებული სიღრმისეული ანალიზი საქართველოს უსაფრთხოების გარემოს შესახებ”, - ასე გამოეხმაურა თავდაცვის და უშიშროების კომიტეტის თავმჯდომარის პირველი მოადგილე ირაკლი ბერაია ტელეკომპანია „იმედის“ გადაცემა "SWOT ანალიზს", სადაც სახელმწიფო უსაფრთხოების სამსახურის ხელმძღვანელმა გრიგოლ ლილუაშვილმა სხვადასხვა მნიშვნელოვან თემაზე ისაუბრა.

ელიოტ ენგელი: ჩვენ მხარი უნდა დავუჭიროთ საქართველოს ძალისხმევას, რომელიც თავდაცვისკენაა მიმართული

„ჩვენ მხარი უნდა დავუჭიროთ საქართველოს ძალისხმევას, რომელიც თავდაცვისკენაა მიმართული", - განაცხადა კონგრესმენმა ნიუ იორკის შტატიდან ელიოტ ენგელმა აშშ-ის წარმომადგენელთა პალატაში საქართველოს მხარდამჭერი აქტის დამტკიცებისას.

ირაკლი კოვზანაძე: ეროვნული ბანკის გადაწყვეტილება საჭირო და აუცილებელია, თუმცა რეალობა აჩვენებს, რომ ცოტა დაგვიანებულია

„ეროვნული ბანკის გადაწყვეტილება რეფინანსირების განაკვეთის 1 % -ით გაზრდის შესახებ საჭირო და აუცილებელია, თუმცა რეალობა აჩვენებს, რომ ცოტა დაგვიანებულია, სჯობდა ასეთი ნაბიჯების გადადგმა დაეწყო უფრო ადრე“-ასე გამოეხმაურა პარლამენტის საფინანსო-საბიუჯეტო კომიტეტის თავჯდომარე ირაკლი კოვზანაძე დღეს მონეტარული პოლიტიკის კომიტეტის მიერ მიღებულ გადაწყვეტილებას.

ბილაინის პარტნიორობით ჩატარებული NASA Space Apps Challenge-ის გამარჯვებულები ცნობილია

საერთაშორისო ჯგუფ „ვიონი“-ს წევრი ბილაინი, წელს მსოფლიო მასშტაბის ჰაკათონის ადგილობრივი ეტაპის მხარდამჭერი გახდა.

გია აბაშიძე: ხაზარაძე-ჯაფარიძემ რაჭველი გლეხები მოატყუა

„ხაზარაძე-ჯაფარიძემ რაჭველი გლეხები მოატყუა“, - ამ სიტყვებით ეხმაურება ანალიტიკოსი გია აბაშიძე ცაგერის მუნიციპალიტეტის სოფელ ტვიშში ადგილობრივების მიერ დღეს გამართულ აქციას.

მაია ცქიტიშვილი: მისასალმებელია ის წვლილი, რომელიც ბიძინა ივანიშვილის ოჯახს შეაქვს მსოფლიო მასშტაბის კატასტროფის შედეგების შესამცირებლად

"ბიძინა ივანიშვილის ოჯახისთვის უცხო ნამდვილად არ არის ქველმოქმედება და რამდენადაც ვიცი, მთლიანობაში 3 მილიარდ დოლარზე მეტი აქვს ამ მიმართულებით დახარჯული საქართველოში. ქველმოქმედების სივრცე არ იზღუდება და ნამდვილად მისასალმებელია ის წვლილი, რომელიც ბატონი ბიძინას ოჯახს შეაქვს მსოფლიო მასშტაბის კატასტროფის შედეგების შესამცირებლად".

ნათია თურნავა იტალიის საგარეო საქმეთა და საერთაშორისო თანამშრომლობის სახელმწიფო მდივნის მოადგილეს შეხვდა

ეკონომიკისა და მდგრადი განვითარების მინისტრმა ნათია თურნავამ იტალიის რესპუბლიკის იტალიის საგარეო საქმეთა და საერთაშორისო თანამშრომლობის სახელმწიფო მდივნის მოადგილე ივან სკალფაროტისთან სამუშაო შეხვედრა გამართა.