კახა კალაძე: ყველამ უნდა გაითავისოს, რომ ერთი შეცდომით შეიძლება ძალიან ბევრი ოჯახი გააუბედუროს

დედაქალაქის მერმა, კახა კალაძემ გურამიშვილის გამზირზე მომხდარი აფეთქების შედეგად დაზარალებული ის ოჯახები მოინახულა, რომლებიც დროებით სასტუმრო „შაინში“ დაბინავდნენ.

16-სართულიანი კორპუსის აფეთქების გამო, 77 ოჯახის ევაკუაცია განხორციელდა. დაზარალებული ოჯახები მუნიციპალიტეტმა სხვადასხვა სასტუმროში გადაანაწილა.


როგორც სასტუმროში მისულმა კახა კალაძე აღნიშნა, თბილისის მერია დაზარალებული მოქალაქეების გვერდითაა და მზადაა,  მათ მაქსიმალური მხარდაჭერა აღმოუჩინოს.


„ამ დროისთვის, დაზარალებულები სასტუმროებში გადაგვყავს, დროებითი თავშესაფრით ვაკმაყოფილებთ. ამის პარალელურად, როგორც კი მოგვეცემა შესაძლებლობა, ჩვენი სამსახურები შევლენ კორპუსში და დაიწყებენ დასუფთავებას, მოწესრიგებას და აღდგენის სამუშაოებს. ველოდებით მუნიციპალური ლაბორატორიის და სამხარაულის ექსპერტიზის ეროვნული ბიუროს დასკვნებს, თუ რომელია ის კონკრეტული ადგილები, სადაც შესვლა შესაძლებელია და საფრთხე არ არსებობს და ამის შემდეგ დავიწყებთ მოსახლეობის  დაბრუნებას საკუთარ ბინებში. დედაქალაქის მერია, რაიონის გამგეობა ყველაფერს აკეთებს იმისთვის, რომ დაზარალებულ  ოჯახებს მიყენებული ზიანის აღდგენაში დაეხმაროს. ჩვენი მხარდაჭერა მაქსიმალური იქნება, როგორც ეს სხვა შემთხვევებში ყოფილა. დაველოდებით ექსპერტიზის დასკვნებს და ამის შემდეგ მივიღებთ გადაწყვეტილებას. თუ კორპუსი სარეაბილიტაციო იქნება, დავიწყებთ მის რეაბილიტაციას“, - განაცხადა დედაქალაქის მერმა.


მისი თქმით, ამ დროისთვის, აღნიშნულ სასტუმროში, დაახლოებით, 15  ოჯახია გადაყვანილი. რაც შეეხება დაზარალებულებს, რომლებიც მკურნალობას კლინიკებში გადიან, კახა კალაძემ მათ გამოჯანმრთელება უსურვა.


„ოჯახების რაოდენობა იზრდება. თავიდან ყველას არ ჰქონდა სურვილი სასტუმროში გადასვლის. ზოგი ახლობელთან წავიდა, ზოგი - ნათესავთან. ამ დროისთვის, ამ სასტუმროში, დაახლოებით, 15 ოჯახია. ასევე, სხვადასხვა სასტუმროში ვანაწილებთ და მაქსიმალურად ხელს შევუწყობთ მათ, რომ პრობლემა არ შეექმნათ. ასევე, გვყავს დაზარალებულები, რომლებიც მკურნალობას გადიან და მათ მალე გამოჯანმრთელდება მინდა ვუსურვო“, - აღნიშნა თბილისის მერმა.


ამასთან, დედაქალაქის მერმა მოსახლეობას მიმართა, რომ მეტი ყურადღება და პასუხისმგებლობა გამოიჩინონ.


„ჩვენ ყველას დიდი ყურადღება გვმართებს. ძალიან მნიშვნელოვანია ის, რომ ენერგეტიკის სამინისტრომ და „თბილისი ენერჯიმ“ დაიწყო გამკაცრებული მიდგომები, შემოწმებები. სამწუხაროდ არის შემთხვევები, როდესაც მათ კარს არ უღებენ, სახლში შესვლისა და შემოწმების საშუალებას არ აძლევენ. არადა ეს ყველაფერი ისევ ჩვენი უსაფრთხოებისთვის კეთდება.  ყველამ უნდა გაითავისოს, რომ  ერთი შეცდომით შეიძლება ძალიან ბევრი ოჯახი გააუბედუროს. ამიტომ, რიგით მოქალაქეებს გვმართებს ძალიან დიდი ყურადღება. კომპანიები, ვისი პასუხისმგებლობაც არის შემოწმება, მონიტორინგს აუცილებლად გააგრძელებენ. როგორც გვეუბნებიან, ამ კონკრეტულ შემთხვევაში, სადაც აფეთქება მოხდა, გაზის გამაცხელებელი  კუსტარულად იყო დაყენებული, რაზეც ჰქონდა ოჯახს მიღებული გაფრთხილება“, - განაცხადა კახა კალაძემ.


თბილისის მერთან ერთად, სასტუმროში იმყოფებოდნენ ნაძალადევის რაიონის გამგებელი ირაკლი ხელაძე, ასევე, პარლამენტისა  და საკრებულოს მაჟორიტარი დეპუტატები - მიხეილ ყაველაშვილი და ალექსანდრე ხუჯაძე.


გურამიშვილის გამზირზე, საცხოვრებელ კორპუსში მომხდარი აფეთქების შედეგად, დაშავდა ოთხი მოქალაქე, რომლებიც სასწრაფო-სამედიცინო დახმარების ჯგუფების მიერ სხვადასხვა საავადმყოფოში არიან გადაყვანილნი.


პირველადი ინფორმაციით, 16-სართულიან საცხოვრებელ კორპუსში აფეთქება გაზის დაგროვებამ გამოიწვია, რასაც კორპუსის მეოთხე სართულზე ნგრევა მოჰყვა და მოპირდაპირედ მდგარ კორპუსში ფანჯრის მინები ჩაიმსხვრა.


ამ დროის მონაცემებით, 120 დაზარალებული სამ სხვადასხვა სასტუმროშია გადანაწილებული.


"თბილისის მერია ყველა დაზარალებულ ოჯახს, ვისაც ამის საჭიროება და სურვილი ექნება, სასტუმროში დააბინავებს და მათ ყველა საჭირო დახმარებას აღმოუჩენს",-განმარტავენ მერიაში.


 


 


"ქართველი საზოგადოება არ არის ამის ღირსი" - საქართველოს მეოთხე პრეზიდენტი რუსთაველზე აქციას შეუერთდა

საქართველოს მეოთხე პრეზიდენტი გიორგი მარგველაშვილი რუსთაველის გამზირზე მიმდინარე აქციას შეუერთდა.

"ქართული ოცნება -კონსერვატორების" გადაწყვეტილება საპარლამენტო უმრავლესობაში დარჩენის შესახებ ხვალ გახდება ცნობილი

დარჩებიან თუ არა ფრაქცია "ქართული ოცნება -კონსერვატორების" წევრები საპარლამენტო უმრავლესობაში, ხვალ გახდება ცნობილი.

თბილისის მერი რუსთაველზე მიმდინარე აქციაზე: ყველა ადამიანს აქვს გამოხატვის თავისუფლება

თბილისის მერი კახა კალაძე დედაქალაქის მთავარ გამზირზე მიმდინარე საპროტესტო აქციას ეხმაურება. მისი განცხადებით, ხელისუფლებამ  20 ივნისის მოვლენების განმეორება არ უნდა დაუშვას და ადამიანების აზრის გამოხატვის თავისუფლება დაცული უნდა იყოს. 

ირაკლი კობახიძე: ენას ძვალი არ აქვს, ოპონენტებს შეუძლიათ ყველაფერი თქვან

"ნაციონალური მოძრაობა" "მელკი" ტყუილებით არის გამორჩეული", - ამის შესახებ საპარლამენტო უმრავლესობის წევრი ირაკლი კობახიძე აცხადებს.

კობახიძე უზენაესის კანდიდატებზე: არ ვფიქრობ, რომ ოცივე კანდიდატი იქნება პარლამენტის მიერ მხარდაჭერილი

დეპუტატ ირაკლი კობახიძის განცხადებით, პარლამენტში უზენაესი სასამართლოს მოსამართლეობის ოცივე კანდიდატი არ იქნება მხარდაჭერილი.

ირაკლი კობახიძე: ყველას მოვუწოდებთ, თავი შეიკავონ რადიკალიზმისგან

საპარლამენტო უმრავლესობის წევრის ირაკლი კობახიძის განცხადებით, ოპოზიციური პარტიები ვითარების გამძაფრებას ცდილობენ.

საქართველოს დელეგაცია პარიზში "UNESCO"-ს გენერალური კონფერენციაში მონაწილეობს

საქართველოს დელეგაცია, საგარეო საქმეთა მინისტრის მოადგილის ხათუნა თოთლაძის ხელმძღვანელობით, პარიზში 2019 წლის 12 ნოემბრიდან 27 ნოემბრამდე მიმდინარე "UNESCO"-ს გენერალური კონფერენციის მე-40 სესიაში მონაწილეობს.

ლაშა დარსალია ევროპის საბჭოს ადამიანის უფლებათა კომისარს შეხვდა

საგარეო საქმეთა მინისტრის მოადგილემ ლაშა დარსალიამ, 12-14 ნოემბერს სტრასბურგში ვიზიტის ფარგლებში ევროპის საბჭოს ადამიანის უფლებათა კომისართან და ევროპის საბჭოსთან ევროკავშირის წევრი ქვეყნების მუდმივ წარმომადგენლებთან შეხვედრები გამართა.

გია ვოლსკი: არ მივალთ რიგგარეშე არჩევნებამდე, მაგრამ ასეც რომ იყოს, ქვეყანას დავაზიანებთ

საპარლამენტო უმრავლესობის ლიდერი გია ვოლსკი ფიქრობს, რომ რიგგარეშე საპარლამენტო არჩევნები ქვეყანას დააზიანებს.

რუსთაველის გამზირზე საპროტესტო აქცია გრძელდება

თბილისში, პარლამენტის წინ აქცია მიმდინარეობს. მოქალაქეებმა, რომლებიც დეპუტატების მიერ არჩევნების პროპორციული წესით ჩატარებასთან დაკავშირებული კანონპროექტის ჩაგდებას აპროტესტებენ დედაქალაქის მთავარი გამზირი გადაკეტეს.

თბილისის სახელმწიფო უნივერსიტეტში სამეცნიერო კონფერენცია - „ქართული ხელოვნება, ეპოქები და ტენდენციები“ გაიმართება

ივანე ჯავახიშვილის სახელობის თბილისის სახელმწიფო უნივერსიტეტში სამეცნიერო კონფერენცია – „ქართული ხელოვნება გაიხსნება.

ქუთაისში არჩევნების პროპორციული წესით ჩატარების შესახებ პროექტის ჩაგდებას აპროტესტებენ

გადაგვაგდე? გადაგაგდებთ ივანიშვილო", "მხეიძე სირცხვილია"- ქუთაისში აქცია მიმდინარეობს. სამოქალაქო აქტივისტები, მოქალაქეები და პოლიტიკური პარტიის წევრები ცენტრალურ მოედანზე შეიკრიბნენ და პროპროციული სისტემის კანონპროექტის ჩაგდებას აპროტესტებენ.

თსუ საერთაშორისო კონფერენცია „გენდერული ბარიერების აღმოფხვრა და ქალთა ეკონომიკური გაძლიერება“-ს უმასპინძლებს

ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლის (ISET) კვლევითი ინსტიტუტი, აღმოსავლეთ ევროპისა და განვითარებადი ეკონომიკების კვლევების ფორუმთან (FREE Network) თანამშრომლობით 15 ნოემბერს 09:30 საათზე, მასპინძლობს საერთაშორისო კონფერენციას „გენდერული ბარიერების აღმოფხვრა და ქალთა ეკონომიკური გაძლიერება“.

           

ოპოზიცია ვადამდელი საპარლამენტო არჩევნების ჩატარებას და გახარიას გადადგომას ითხოვს

ოპოზიციური პარტიები კონსულტაციიის შედეგად ერთიან მოთხოვნებზე შეთანხმდნენ.

"პატრიოტთა ალიანსი“ უწყვეტ საპროტესტო აქციებს აანონსებს

"ამიტომ ჩვენ ამ ვითარებაში გადავდივართ უწყებ საპროტესტო აქციებზე, პირველი აქცია ჩატარდება კვირას",-ამის შესახებ "პატრიოტთა ალიანსის" ლიდერმა ირმა ინაშვილმა პარლამენტში ბრიფინგზე განაცხადა. 

ვახუშტი მენაბდე: რიგგარეშე არჩევნები მხოლოდ ორ შემთხვევაში შეიძლება დაინიშნოს

პოლიტიკური სამართლის სპეციალისტი ვახუშტი მენაბდე იმ ორ შემთხვევას ასახელებს, რა დროსაც რიგგარეშე არჩევნების დანიშვნაა შესაძლებელი.

 

აშშ-ის საელჩო საკონსტიტუციო ცვლილებების პროექტის ჩაგდებაზე განცხადებას ავრცელებს

"გული გვწყდება, რომ მიუხედავად ოპოზიციური პარტიების მხარდაჭერისა, კენჭისყრაზე საკონსტიტუციო ცვლილებებს "ქართული ოცნების" დეპუტატების არასაკმარისმა რაოდენობამ დაუჭირა მხარი",- ამის შესახებ ამერიკის შეერთებული შტატების საელჩოს მიერ გავრცელებულ განცხადებაშია აღნიშნული.

ზუგდიდის მერმა ბრიტანეთის ელჩის მოადგილეს საქართველოში უმასპინძლა

ზუგდიდის მუნიციპალიტეტის მერმა გიორგი შენგელიამ, მოადგილე კოსტანტინე კაკავასთან ერთად, დღეს, მერიაში ბრიტანეთის ელჩის მოადგილეს საქართველოში, ალექსანდრა ქოულს უმასპინძლა.

ქართული თაფლის მწარმოებლებისთვის „სახელმძღვანელო უვნებელი და ხარისხიანი თაფლის წარმოებისთვის“ შეიქმნა

გარემოს დაცვისა და სოფლის მეურნეობის სამინისტროს ინიციატივითა და ევროკავშირის მხარდაჭერით, თაფლის წარმოებაში ევროკავშირის მიერ დაწესებული სტანდარტების შესახებ ქართველი მეწარმეების ცნობადობის ამაღლების მიზნით მომზადდა დოკუმენტი „სახელმძღვანელო უვნებელი და ხარისხიანი თაფლის წარმოებისთვის“.

ქარელის, ყვარლისა და წალკას მუნიციპალიტეტებში წვეთოვანი საირიგაციო სისტემები დამონტაჟდა

გაეროს განვითარების პროგრამისა და გლობალური გარემოსდაცვითი ფონდის ხელშეწყობით, ქარელის, ყვარლისა და წალკას მუნიციპალიტეტებში წვეთოვანი საირიგაციო სისტემები დამონტაჟდა.

წინამძღვრიშვილის N1-ში ისტორიული ძეგლის რეაბილიტაცია იწყება

თბილისის განვითარების ფონდი პროექტ "ახალი ტფილისის" ისტორიული ძეგლების რეაბილიტაციის ფარგლებში, წინამძღვრიშვილის N1-ის სარეაბილიტაციო სამუშაოებს იწყებს.