ირაკლი კობახიძე: 9-წლიანი რეჟიმის გახსენება ჩემთვის საკმარისი არგუმენტია იმისთვის, რომ გადავიდეთ პროპორციულ საარჩევნო სისტემაზე

„კონსტიტუცია არის ისეთი დოკუმენტი, რომელიც უნდა მოქმედებდეს ძალიან დიდი ხნის განმავლობაში, შესაბამისად, ჩვენ, გრძელვადიან პერსპექტივაში, უნდა დავუტოვოთ ხალხს ისეთი სისტემა, რომელიც ისეთ სისხლიან რეჟიმს გამორიცხავს გრძელვადიან პერსპექტივაში, სწორედ ამიტომ ვარ მე პროპორციული საარჩევნო სისტემის მომხრე, მიუხედავად იმ რისკებისა, რომელიც მასთან არის დაკავშირებული“.

 


ამის შესახებ პარლამენტის წევრმა, ირაკლი კობახიძემ განაცხადა. დეპუტატმა მმართველი გუნდის მიერ მომზადებული კონსტიტუციური კანონის პროექტის შესახებ ისაუბრა და კოლეგების შეკითხვებს უპასუხა.


„მე ვარ პროპორციული სისტემის მომხრე და არაერთხელ მისაუბრია ამასთან დაკავშირებით საკონსტიტუციო რეფორმის პროცესში. ამას აქვს ასევე ერთი ძალიან საინტერესო მიზეზი: ეს არის, კიდევ ერთხელ, 9 წლიანი რეჟიმი. რომ არა ის სისტემა, რომელიც მაშინ იყო ჩამოყალიბებული, მახინჯი კონსტიტუციური სისტემა, თავისი საარჩევნო სისტემით, ეს მახინჯი სისტემა ვერ ჩამოყალიბდებოდა. შეგვიძლია, ვისაუბროთ იმაზე, რომ „ქართული ოცნების“ ხელში ის არ განმეორდება, რაც იყო ნაცმოძრაობის ხელში და არავითარ შემთხვევაში არ განმეორდება, მაგრამ კონსტიტუცია არის ისეთი დოკუმენტი, რომელიც უნდა მოქმედებდეს ძალიან დიდი ხნის განმავლობაში.


შესაბამისად, ჩვენ, გრძელვადიან პერსპექტივაში, უნდა დავუტოვოთ ხალხს ისეთი სისტემა, რომელიც ისეთ სისხლიან რეჟიმს გამორიცხავს გრძელვადიან პერსპექტივაში, რომელიც 9 წლის მანძილზე იყო ჩამოყალიბებული. სწორედ ამიტომ ვარ მე პროპორციული საარჩევნო სისტემის მომხრე, ვრჩები ამ სისტემის მომხრედ, მიუხედავად იმ რისკებისა, რომელიც არის დაკავშირებული პროპორციულ სისტემასთან. რა თქმა უნდა, რისკებიც მაქვს გააზრებული და ამაზე მოგვიანებით მოგახსენებთ.


რა თქმა უნდა, არ არსებობს საარჩევნო სისტემა, რომელსაც არ აქვს პლიუსები და მინუსები და ასეთია, ბუნებრივია, პროპორციული საარჩევნო სისტემაც, თუმცა, კიდევ ერთხელ გავიხსენებ, რომ 9 წლიანი რეჟიმის გახსენება ჩემთვის საკმარისი არგუმენტია იმისთვის, რომ გადავიდეთ საბოლოო ჯამში, პროპორციულ საარჩევნო სისტემაზე. ეს არის ჩემი დამოკიდებულება საკითხისადმი და მინდა, რომ ეს დამოკიდებულება თქვენც გაგიზიაროთ. რაც შეეხება კონკრეტულ შეკითხვებს. პირველი შეკითხვა ეხებოდა იმას, თუ რა კავშირშია პროპორციული სისტემა პარტიული სისტემის განვითარებასთან. კავშირი, რა თქმა უნდა, არის პირდაპირი.


იქ, სადაც არ არის ჩამოყალიბებული და განვითარებული პარტიული სისტემა, იქ აქვს მეტი საფრთხე, ბუნებრივია, ქვეყანას პროპორციული სისტემის პირობებში. ჩვენს შემთხვევაში, რა თქმა უნდა, ეს რისკი არის ბევრად უფრო მნიშვნელოვნად წარმოჩენილი, ვიდრე, დავუშვათ, გერმანიაში, თუმცა, იქაც კი ჩნდება პრობლემები. როგორც მოგეხსენებათ, გერმანიაშიც კი, 20 %-ზე მეტი, 30 %-მდე აიღეს ანტი სისტემურმა პარტიებმა და იქაც კი, გვერდზე ვეჯექი გერმანიის პრეზიდენტს, რომელმაც აღნიშნა შეხვედრის დროს, პროპორციული სისტემა გერმანიას უქმნის უკვე საფრთხეს, იქ, სადაც პარტიული სისტემა არის სერიოზულად განვითარებული, გამომდინარე ბოლოდროინდელი ტენდენციებიდან.


ეს არის დისკუსია, რომელშიც ძალიან დიდხანს შემიძლია შევიდე და ვისაუბრო, თუმცა, კიდევ ერთხელ გავიმეორებ, არის პლიუსებიც, არის მინუსებიც. ჩვენს პირობებში, რისკი მეტი აქვს პროპორციულ სისტემას, ვიდრე გერმანიაში, ჰოლანდიაში და დანიაში, თუმცა, ვფიქრობ, რომ გვაქვს იმის რესურსი, რომ თუნდაც, 2020 წლიდან შევძლოთ პროპორციული სისტემის პირობებში, სტაბილური განვითარების უზრუნველყოფა. ამის ერთ-ერთი გარანტი უნდა იყოს ჩვენს მიერ ნაჩვენები შედეგი.


„ჩვენში“ ამ შემთხვევაში, ვგულისხმობ „ქართულ ოცნებას“. „ქართულმა ოცნებამ“ შემდეგ არჩევნებში უნდა დადოს ის შედეგი, რომელიც უზრუნველყოფს ჩვენი პოლიტიკური სისტემის სტაბილურ განვითარებას და მერე, არაერთხელ აღმინიშნავს და კიდევ ერთხელ ვიტყვი, რომ ჩვენი ამბიციაა, მნიშვნელოვნად ავცდეთ 50 %-ს. ეს არის ჩვენი ამბიცია. თუ ამ შედეგს დავდებთ და ჩვენ შეგვიძლია ამ შედეგის დადება, სხვადასხვა საფუძველი მალაპარაკებს ამას, ამ შემთხვევაში, უზრუნველყოფილი იქნება გარანტირებულად ჩვენი ქვეყნის სტაბილური განვითარება.


რაც შეეხება თვითმმართველობასთან კავშირს. რა თქმა უნდა, თვითმმართველობასთანაც არის დაკავშირებული პროპორციული საარჩევნო სისტემა. იქ, სადაც ძლიერია ადგილობრივი  თვითმმართველობა, ბუნებრივია, ნაკლებია ინტერესი, რომ რეგიონების ხმა, ასე ვთქვათ, იყოს უფრო ხმამაღლა წარმოდგენილი ქვეყნის პარლამენტში. ამ შემთხვევაშიც, მე შემიძლია გითხრათ, რომ მუშავდება დეცენტრალიზაციის სტრატეგია, რომელმაც უნდა განავითაროს ადგილობრივი თვითმმართველობა, ეს არის საშუალო ვადიანი დოკუმენტი, თუ არ ვცდები, 2024 წლისთვის უნდა იყოს მიღწეული შესაბამისი მიზნები, თუ 2025 წლისთვის.


აქ არის საუბარი ფისკალურ დეცენტრალიზაციაზე და სათანადო  მაჩვენებლის მიღწევაზე. როგორც კი ჩვენ ამ ნიშნულს მივაღწევთ 2025 წლისთვის, ამ შემთხვევაში, ბუნებრივია, ჩვენ გვექნება ევროპული სტანდარტის თვითმმართველობა და აქ საერთოდ დასრულდება საუბარი იმაზე, რომ მაჟორიტარის ჩარევა არის აუცილებელი იმისთვის, რომ ადგილობრივი პრობლემები გადაიჭრას.  ჩემს წიგნზეც იყო საუბარი, ბუნებრივია, შედარებით სუსტი კავშირი მოსახლეობასთან - ეს არის პროპორციული სისტემის ერთ-ერთი ნაკლოვანება. მე დამიკავშირდა ერთ-ერთი საერთაშორისო ორგანიზაციის წარმომადგენელი, რომელიც სასტიკი წინააღმდეგი იყო მაჟორიტარული სისტემის და ასეთი რაღაც მითხრა, რომ ახლა ეს მაჟორიტარული სისტემა რომ უქმდება, ბიუროებს რა ვუყოთო.


სად იქნება კავშირი მოსახლეობასთანო და მასაც გავუზიარე ჩემი დამოკიდებულება. ანუ, რა თქმა უნდა, ეს არის სერიოზული ნაკლოვანება. აღარ იქნება დეპუტატის ბიუროები და არის იმის რისკი, რომ შემცირდეს კავშირი მოსახლეობასთან, თუმცა, აქ არის, რა თქმა უნდა, პარტიების პასუხისმგებლობა. პარტიები სათანადო პასუხისმგებლობით უნდა მიუდგნენ სიის ფორმირებას, და თუ ისინი ამ პასუხისმგებლობით შეიმუშავებენ სიას, ამ შემთხვევაში, ეს სუსტი კავშირის პრობლემაც დიდწილად უნდა გადაიჭრას.


შემდეგი კითხვა ეხებოდა სტაბილურობას, მთავრობის ფორმირების შესაძლებლობას. ნაწილობრივ უკვე ვუპასუხე. რა თქმა უნდა, არის, ბევრად მეტი რისკი. რა თქმა უნდა, იქ, სადაც არის პროპორციული სისტემა, მეტი რისკები არსებობს სტაბილურობის კუთხით და სტაბილური მთავრობის ჩამოყალიბების კუთხით და ამის არაერთი მაგალითია მოყვანილი იგივე სახელმძღვანელოში.


მაგალითად, ნიდერლანდებსაც კი, სადაც არის ჩამოყალიბებული განვითარებული პარტიული სისტემა, 225 დღე, ეს არის შვიდ თვიანი პერიოდი, დასჭირდა იმისთვის, რომ მთავრობა ჩამოეყალიბებინა. ისრაელი არის უახლესი მაგალითი, სადაც მესამე არჩევნები შეიძლება ჩატარდეს იმისთვის, რომ შეიქმნას მთავრობა. წარმოიდგინეთ საქართველოში ზედიზედ სამი არჩევნების ჩატარება რომ მოგვიწიოს ასეთ მოწყვლად გარემოში. გერმანიაში იყო სერიოზული კრიზისი.


თვეების განმავლობაში ვერ ჩამოყალიბდა მთავრობა. ბუნებრივია, ეს რისკები არსებობს ყველა შემთხვევაში, როდესაც ჩვენ ვსაუბრობთ პროპორციულ საარჩევნო სისტემაზე, თუმცა, აქ არის პარტიების პასუხისმგებლობა. პარტიები თუ სათანადო პასუხისმგებლობით მიუდგებიან თავიანთ საქმეს, თუ საქართველოში განვითარდება პოლიტიკური კულტურა, თუ განხორციელდება ის, რასაც ჰქვია პარტიული სისტემის ინსტიტუციონალიზაცია, მაშინ ეს რისკები მინიმუმამდე შემცირდება. სრულად ამ რისკების განეიტრალება, რა თქმა უნდა, შეუძლებელია. გერმანიის, ნიდერლანდების, ისრაელის და სხვა ქვეყნების მაგალითები ამას აჩვენებს, თუმცა, მაქსიმალურად შემცირდება ამ რისკების დატვირთვა.


რაც შეეხება სხვა ნაკლოვანებებს. ეს არის კლასიკა, კიდევ ერთხელ გავიმეორებ - ერთი, რომ შეიძლება სამთავრობო კოალიციების ფორმირება ანუ სტაბილურობის კუთხით არის რისკები. აქ ვსაუბრობ მარტო ნეგატიურ მხარეებზე. როგორც უკვე მიგვანიშნეს, პოზიტიური მხარეებიც აქვს პროპორციულ სისტემას და ძალიან ბევრი ანუ არ არის ისე, რომ მხოლოდ ნეგატიურზე ვსაუბრობ. პროგრამულ - იდეოლოგიური აღრევა შეიძლება გამოიწვის ამან, იმიტომ, რომ წარმოიდგინეთ შეიძლება ჩამოყალიბდეს კოალიცია ისეთ პარტიებს შორის, რომლებიც ერთი არის მემარჯვენ, ერთი მემარცხენე, ერთი არის პროდასავლური, ერთი პრორუსული, ნახეთ თქვენ. მოლდოვაში ჩამოყალიბდა პროდასავლურ- პრორუსული კოალიცია და რითაც დაამთავრა დღეს ძალიან კარგად ვიხილეთ. ეს არის მეორე რისკი.


ეს არის თეორიული ჩამონათვალი რისი პრაქტიკული მაგალითები არის წარმოდგენილი არაერთ ევროპულ ქვეყანაში. მესამე არის ის, რომ მცირე პარტიებმა შეიძლება მოიპოვონ არაპროპორციულად დიდი ძალა ამ შემთხვევაში. თეორიულად წარმოვიდგინოთ რომ ქართულმა ოცნებამ აიღო მანდატების 49%, არ თქვათ, რომ ერთხელ 45%  ვახსენე და გიგა ბოკერიამ თქვა, რომ აღიარებით ჩვენება მიუციაო, თითქოს 45%-ზე გვაქვს გათვლილი. დემაგოგიასაც თავისი ზღვარი აქვს.


თეორიულად დავუშვათ, რომ 75 მანდატები მივიღეთ და გვჭირდება ერთი მანდატის დამატება და არის ერთი მანდატით პოლიტიკური პარტია და შემოდის კოალიციაში და სანაცვლოდ ვუთმობთ მინისტრის პორტფელს. ასეთი რამ ხშირად ხდება განვითარებულ ქვეყნებში ანუ შეიძლება იყო 1%-იანი პარტია, რომელიც მთელ დარგს მართავს ქვეყანაში, ანუ ასეთი რისკები ბუნებრივია არის დამახასიათებელი. შემდეგი არის ის, რომ  ანტი სისტემურმა პარტიებმა შეიძლება მიიღონ მეტი შანსი, რომ თავი დაიმკვიდრონ და შემდეგ პოზიციები გაიმყარონ ქვეყნის პოლიტიკაში, პარტიულ სისტემაში.


რა თქმა უნდა, ეს რისკი არსებობს, რაც უფრო დაბალია ბარიერი პროპორციული სისტემის პირობებში, არის დიდი შანსი და რისკი იმისა, რომ ექსტრემისტული პარტიები შემოვიდნენ პოლიტიკურ ცხოვრებაში, საპარლამენტო ცხოვრებაში. ეს რისკი ბუნებრივია არსებობს, თუმცა ექსტრემისტული ძალები პარლამენტში ჩვენ ისედაც არ გვაკლია. თქვენ გახსოვთ, რომ ექვსი თვის წინ პარლამენტში შემოჭრას ცდილობდნენ ზოგიერთი საპარლამენტო პარტიის წარმომადგენელები.


ექსტრემიზმი დღესაც არ გვაკლია. ეს რისკები, ბუნებრივია უნდა შემცირდეს, თუმცა რისკი რისკად  ბუნებრივია რჩება. და ბოლოს, შედარებით სუსტი კავშირი დეპუტატებსა და ამომრჩევლებს შორის. კიდევ ერთხელ გავიმეორებ, ეს არის აბსოლუტური კლასიკა. ეს ხუთი რისკი, ხუთი ნაკლოვანება, რომელიც აქვს პროპორციულ სისტემას არის ჩვეულებრივ კლასიკა. რაზეც საუბარია ნებისმიერ სახელმძღვანელოში. ეს რისკები ბუნებრივია რისკებად რჩება, თუმცა ჩვენი საერთო პასუხისმგებლობაა ეს რისკები გავანეიტრალოთ და ვიმოქმედოთ ისე, რომ თან გადავიდეთ პროპორციულ სისტემაზე და თან საფრთხე არ შევუქმნათ ჩვენი ქვეყნის სტაბილურ განვითარებას.


ერთია ნეგატიური მხარეები, მეორე პოზიტიური მხარეები, ყველაფერზე ერთად უნდა ვიმსჯელოთ და ამის საფუძველზე მოგიწოდებთ საბოლოო ჯამში  პროექტის მხარდაჭერისკენ“,- განაცხადა ირაკლი კობახიძემ.


 


ივანიშვილი: ჩვენი აგრესიული ოპონენტები მალე თავად დარწმუნდებიან სიცრუესა და ძალადობაზე დაფუძნებული პოლიტიკის უპერსპექტივობაში

"ჩვენ ყველა სიძნელეს დავძლევთ, ქვეყანასაც გავამთლიანებთ და ეკონომიკასაც ავაღორძინებთ",- ამის შესახებ "ქართული ოცნების" თავმჯდომარემ ბიძინა ივანიშვილმა პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა. 

ბიძინა ივანიშვილი: ცინიზმი იმაში მდგომარეობს, რომ ვინც ოკუპაცია გააფორმა, სწორედ მან მოირგო პატრიოტის მანტია

"დღევანდელობის ცინიზმი კი იმაში მდგომარეობს, რომ ვინც ოკუპაცია გააფორმა - სწორედ მან მოირგო პატრიოტის მანტია და აქეთ გვდებს ბრალს ოკუპაციაში",- ამის შესახებ "ქართული ოცნების" თავმჯდომარემ ბიძინა ივანიშვილმა პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

გახარია: ევროპა არის საქართველოს წარსული, დღევანდელი დღე და მომავალი

"ევროპა არის საქართველოს წარსული, ევროპა არის საქართველოს დღევანდელი დღე და ევროპა არის საქართველოს მომავალი", - ამის შესახებ პრემიერ-მინისტრმა გიორგი გახარიამ "ქართული ოცნების" ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

გიორგი გახარია: საქართველოში ყოველთვის იყო ევროპა და ჩვენი ისტორია ამის დამადასტურებელია

"აქ იყო ყოველთვის ევროპა და ამის დამადასტურებელია ჩვენი ისტორია", - ამის შესახებ პრემიერ-მინისტრმა გიორგი გახარიამ თავისუფლების მოედანზე "ქართული ოცნების“ ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

 

კახა კალაძე: ადვილია ქართველისთვის ევროპაში თავის დამკვიდრება, რადგან მათ ზუსტად ჩვენსავით ესმით თავისუფლების ფასი

"დღეს ჩვენი ცივილიზაციის, ორი უმთავრესი საყრდენის თავისუფლების და ტოლერანტობის ცენტრია ევროპა, ამ ღირებულების გამო ვართ ისტორიულად ერთად",-ამის შესახებ "ქართული ოცნების" გენერალურმა მდივანმა თბილისის მერმა პარტიის ახალგაზრდული მოძრაობის მიერ ორგანიზებულ მიმდინარე აქცია-ღონისძიებაზე სიტყვით გამოსვლისას განაცხადა.

"ქართული ოცნების" აქცია "საქართველოს გზა ევროპისკენ" დაიწყო

თავისუფლების მოედანზე, "ქართული ოცნება" საქართველოს ევროპის საბჭოს თავმჯდომარეობის აღსანიშნავ აქცია- ღონისძიებას "საქართველოს გზა ევროპისკენ" მართავს. 

 

გენადი არველაძე: ინვესტიციების დაცვის შეთანხმება იაპონიიდან მაღალტექნოლოგიურ სექტორებში მეტი ინვესტიციის შემოსვლის შესაძლებლობას შექმნის

საქართველოსა და იაპონიას შორის მოლაპარაკების დასრულების შესახებ ინვესტიციების დაცვის, ხელშეწყობისა და ლიბერალიზაციის შეთანხმებასთან დაკავშირებით ოქმს ხელი მოეწერა.

 

ცქიტიშვილი საკრებულოს "ქართული ოცნების" წევრის განცხადებაზე: ვერ მივესალმები, მას ალბათ ემოციამ სძლია

"უმჯობესია ემოციები ყველამ გვერდზე გადავდოთ და გავაძლიეროთ ძალისხმევა, რათა ვაჟა გაფრინდაშვილი რაც შეიძლება მალე დაუბრუნდეს ოჯახს", -ასე გამოეხმაურა ვიცე პრემიერი რეგიონული განვითარებისა და ინფრასტრუქტურის მინისტრი მაია ცქიტიშვილის საკრებულოს "ქართული ოცნების" წევრის ერეკლე კუხიანიძის განცხადებას.

მაია ცქიტიშვილი: დღეს არის საშუალება პარტიული კუთვნილების მიუხედავად ყველა ერთად დავდგეთ ამ მოედანზე

"ძალიან გვჭირდება საერთაშორისო პარტნიორების მხარდაჭერა, შესაბამისად, დღეს არის საშუალება იმისთვის, რომ ყველა ერთად დავდგეთ ამ მოედანზე, მიუხედავად ყოველგვარი პარტიული კუთვნილებისა",-ამის შესახებ ვიცე პრემიერმა რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა. 

ვაშაძე დიპლომატიურ კორპუსთან შეხვედრაზე: გზავნილი მივიღეთ, რომ დეტალურად აკვირდებიან ყველაფერს 

"დიპლომატებისგან თხოვნა იყო, რომ კიდევ უფრო ინტენსიურად მივაწოდოთ ინფორმაცია იმაზე, რაც ქვეყანაში ხდება",-ამის შესახებ "ახალი საქართველოს" თავმჯდომარემ გიორგი ვაშაძემ დიპლომატიურ კორპუსთან შეხვედრის დასრულების შემდეგ განაცხადა.

კობახიძე კუხიანიძის განცხადებაზე: პოსტი არ მინახავს, გინება სამწუხარო ტენდენციაა, რომელსაც საქართველოში ერთი პოლიტიკური ძალა ამკვიდრებს 

მმართველი გუნდის წევრი ირაკლი კობახიძე საკრებულოს "ქართული ოცნების" წარმომადგენლის ერეკლე კუხიანიძის განცხადებას გამოეხმაურა,რომლის თანახმადაც დეპუტატი ექიმ გაფრინდაშვილის ოჯახს პროვოკაციაში ადანაშაულებს.

თბილისში დაგეგმილ აქციას სამცხე-ჯავახეთიდან 10 000-მდე ადამიანი უერთდება

სამცხე-ჯავახეთის რეგიონის ექვსივე მუნიციპალიტეტიდან, მოქალაქეები დედაქალაქში ავტობუსებით და სამარშრუტო ტაქსებით გაემგზავრნენ.

არჩილ თალაკვაძე: ექიმი გაფრინდაშვილი უკანონო პატიმრობაში იმყოფება და ის მალე უნდა გათავისუფლდეს

საქართველოს პარლამენტის თავმჯდომარე არჩილ თალაკვაძე საკრებულოს "ქართული ოცნების" წევრის მიერ გაკეთებულ განცხადებას გამოეხმაურა.

 

გიორგი ვოლსკი: ეს ღონისძიება არის ჩვენი დამოკიდებულება საქართველოს მომავლის, მისი ახალგაზრდების მომავლის მიმართ

„ეს ღონისძიება არის ჩვენი დამოკიდებულება საქართველოს მომავლის, მისი ახალგაზრდების მომავლის მიმართ“, - ამის შესახებ განაცხადა საქართველოს პარლამენტის თავმჯდომარის პირველმა მოადგილემ, გიორგი ვოლსკიმ.

მამუკა მდინარაძე: ღონისძიებაზე იქნება ყველა, ვინც მხარს უჭერს „ქართულ ოცნებას“, მის ევროპულ კურსს, ქვეყნის ევროპულ არჩევანს და დასავლურ ორიენტაცას

„ღონისძიებაზე იქნება ყველა, ვინც მხარს უჭერს „ქართულ ოცნებას“, მის ევროპულ კურსს, ქვეყნის ევროპულ არჩევანს და დასავლურ ორიენტაცას“, - ამის შესახებ საპარლამენტო უმრავლესობის ლიდერმა მამუკა მდინარაძემ განაცხადა.

გია ვოლსკი: ყველას მოვუწოდებ ემოციებს არ აყვნენ და მკვახე განცხადებებს თავი დაანებონ 

"რაც მოვისმინეთ, არ არის მართებული",-ასე გამოეხმაურა პარლამენტის თავმჯდომარის პირველი მოადგილე გია ვოლსკი საკრებულოს "ქართული ოცნების" წევრის ერეკლე კუხიანიძის განცხადებას.

ირაკლი კობახიძე: ოპოზიციისგან განსხვავებით, რომელიც მას დაავადებულ ინსტიტუტს უწოდებს, ვთანამშრომლობთ ევროსაბჭოსთან

„ოპოზიციისგან განსხვავებით, რომელიც მას დაავადებულ ინსტიტუტს უწოდებს, ვთანამშრომლობთ ევროსაბჭოსთან“, - ამის შესახებ საპარლამენტო უმრავლესობის წევრმა, ირაკლი კობახიძემ განაცხადა.

თბილისში, "ქართული ოცნების" აქციაზე მიმავალი გურჯაანის მერი ავარიაში მოჰყვა

თბილისში, აქციაზე მიმავალი გურჯაანის მერი და პრესსამსახურის 3 თანამშრომელი ავარიაში მოჰყვა.

ირაკლი კობახიძე: ადმინისტრაციული რესურსის გამოყენების არც სურვილი გვაქვს და არც ინტერესი

„ადმინისტრაციული რესურსის გამოყენების არც სურვილი გვაქვს და არც ინტერესი“, - ამის შესახებ პარლამენტის ყოფილმა თავმჯდომარემ ირაკლი კობახიძემ ჟურნალისტებს განუცხადა.

არჩილ თალაკვაძე: ღონისძიება ეძღვნება საქართველოს ევროპულ გზას და ჩვენს გეგმებს ევროპასთან მიმართებაში

„ღონისძიება ეძღვნება საქართველოს ევროპულ გზას და ჩვენს გეგმებს ევროპასთან მიმართებაში “, - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

გიორგი გახარია დიდი ბრიტანეთის პრემიერ-მინისტრს არჩევნებში გამარჯვებას ულოცავს

საქართველოს პრემიერ-მინისტრი გიორგი გახარია გაერთიანებული სამეფოს პრემიერ-მინისტრს ბორის ჯონსონს არჩევნებში გამარჯვებას ულოცავს.