ოთარ ჩრდილელი განმარტავს, რატომ არ მიიღო მონაწილეობა საკონსტიტუციო ცვლილებების კენჭისყრაში

საპარლამენტო უმრავლესობის დეპუტატი ოთარ ჩრდილელი ვრცელ მიმართვას აქვეყნებს, რომელსაც შემდეგი სიტყვებით იწყებს: "გადავწყვიტე ეპისტოლარული პასუხი გავცე თუ რატომ შევიკავე თავი, რომ პროპორციული სისტემით ჩატარებულიყო მომავალი არჩევნები".

მის განმარტებას უცვლელად გთავაზობთ:


"დიდი პატივისცემით მოგესალმებით, და პროლოგშივე გთხოვთ, ბოლომდე წაიკითხოთ.


გადავწყვიტე ეპისტოლარული პასუხი გავცე თუ რატომ შევიკავე თავი, რომ პროპორციული სისტემით ჩატარებულიყო მომავალი არჩევნები.


მქონდა რამოდენიმე შეხვედრა როგორც აღნიშნული კანონპროექტის მომხრეებთან ისე მოწინააღმდეგეებთან. აზრთა ურთიერთ-ჭიდილთან ერთად არ დავმალავ იყო (რბილად, რომ ვთქვა) ხმამაღალი საუბრებიც.
სხვათაშორის ე.წ. "მეამბოხე დეპუტატთა" წერილი უმრავლესობის სხდომაზე მე წავიკითხე (იხ.ფოტო), რის შემდეგაც აღნიშნულ კანონპროექტისადმი ინტერესი რამოდენიმე დეპუტატმა დაკარგა და გაიზარდა იმ პარლამენტართა რიცხვი, რომლებმაც თავი შეიკავეს კენჭისყრისას.


ეს იყო მოცემულობა და რეალობა, პარტიული შიდა დემოკრატიის წყალობით-ჩემი ჯიუტი ხასიათი ხშირად ყოფილა დაპირისპირების და ხმამაღალი საუბრების საბაბი, ავიღოთ თუნდაც ე.წ. მარიხუანას თემა ან საერთო სასამართლოს საკითხი. ამაზე ნუ შევჩერდებით, რადგან ყველა დაგიდასტურებთ, როგორც ახლად გასული,ისე დარჩენილი და ადრე წასული უმრავლესობის დეპუტატები.


უბრალოდ ეს იმათთვის დავწერე, ვისაც ჰგონია, რომ თუ ადამიანი ღიად არ გამოდის მისი პარტიის წინააღმდეგ ის არის: "გოშია"- "მონა"-"პარაზიტი" ჯერ ეს სიტყვები არ უნდა იკადრო განათლებულმა ადამიანმა, ქართულ ენაში ალეგორიულ სახეს რა გამოლევს თუ მაინცდამაინც. ეს ისე პასაჟისთვის ახლა დავუბრუნდეთ მთავარ თემას:


ჩემო მეგობრებო, უბრალოდ ზედაპირულად გადავხედოთ თუ რა ხდება იმ ქვეყნებში სადაც მიახლოებული ან ზუსტად ასეთი მოდელი მოქმედებს.


რიგგარეშე არჩევნები დემოკრატიის სამშობლოში, საბერძნეთში ჩატარდა:


2007 წლის მერე 6-ჯერ !


2015 წლის მერე - 2-ჯერ!
ხოლო 2019 წლის ზაფხულში კიდევ ერთხელ დანიშნა ვადამდელი არჩევნები!
ნაცვლად იმისა, რომ მორიგი არჩევნები ოქტომბერში ჩატარებულიყო.


ესპანეთში რიგგარეშე არჩევნები ჩატარდა:
2011 წელს,
2016 წელს,
2019 წელს.


მოლდოვა:


2009 წლის 29 ივლისს დაინიშნა რიგგარეშე არჩევნები, თუმცა ამავე წლის დეკემბერში პარლამენტმა ისევ ვერ შეძლო პრეზიდენტის არჩევა.


- 2010 წელს კვლავ დაინიშნა რიგგარეშე არჩევნები და იგი პროპორციული სისტემით ჩატარდა. პროპორციული სისტემით ჩატარდა 2014 წლის მორიგი არჩევნები ქვეყანაში.
უკვე 2019 წელს უკვე ჩატარდა ერთი არჩევნები და კიდევ მოსალოდნელია.


რიგგარეშე არჩევნები ხშირად ყოფილა პოლიტიკური კრიზისის ჟამს ისრაელშიც და იტალიაშიც, უკანასკნელად 2019 წლის აგვისტოში - ქვეყანა ვადამდელი არჩევნების ზღვარზე იყო, თუმცა პრობლემა იტალიის პრეზიდენტმა, მატარელამ გადაჭრა.


ასეთი სიტუაციაა, ჩემო მეგობრებო იმ რამოდენიმე ქვეყნის მაგალითზე, რომლებიც დემოკრატიისაგან და პლურალისტური საზოგადოებისაგან შორს ნამდვილად არ არის.


ახლა თქვენ წარმოიდგინეთ თუ რა სიტუაცია გვექნება ჩვენ პარლამენტში და რამდენ ხანს გასტანს ის კანონშემოქმედებითი ორგანო, როდესაც ერთად მოხვდებიან: რევანშისტულ-რესენტიმენტალური მეხსიერების მქონე პარტიები, რაღაც ტრაიბალისტური 2 კაციანი არაფრის მთქმელი მოძრაობები, წარმოგიდგენიათ მაინც იქ რა (პირდაპირი გაგებით) დახლი დაუდგებათ?!


თქვე ხედავთ თუ რა უპასუხისმგებლო, ყველანაირ პრინციპზე უარმყოფელი ხალხია ოპოზიციის მედროშედ, თუ როგორ იყენებენ ისინი მოსახლეობის თვალის ასახვევად წინა ხაზზე ახალგაზრდებს.


პოლიტიკურ ლაბირინთებში კარგად გამობრძმედილ კაცს გაუჭირდება გარკვევა ზოგჯერ არა თუ თინეიჯერებს, რომლებისთვისაც გარედან ლამაზად შეფუთულად სჩანს პროპორციული სისტემა.


თუმცა როგორც ვხედავთ: ეს სისტემა, ჯანსაღ და უკვე პოლიტიკურად მომწიფებულ დემოკრატიულ სახელმწიფოებშიც კი იწვევს სერიოზულ რყევებს არათუ ჩვენს თოთო დემოკრატიის მქონე ქვეყანაში, თან უპასუხისმგებლო ოპოზიციის თანხლებით.


ჩემთვის, როგორც ერთი რიგითი დეპუტატისთვის მეტად რთული იყო თვითნებურად, პარტიული დირექტივის გვერდის ავლით ამ გადაწყვეტილების მიღება.


მესმის რომ მოსახლეობის ნაწილის, დასავლელ პარტნიორებთან აღებულ ვალდებულებათა და პარტიის ხელმძღვანელობის გადაწყვეტილების წინააღმდეგ მომიწია წასვლამ, მაგრამ ეს გავაკეთე ჩვენი ქვეყნის მომავლისათვის, სტაბილურობისათვის. შეიძლება ზედმეტი სიფრთხილე გამოვიჩინე თუმცა მე ასეთი ხედვა მაქვს, პოლიტიკური პროცესი პროლონგაციურია და ზოგჯერ ცოტა გვიან ჩანს შედეგი, ვიდრე როდესაც პროცესში იხარშება.


არის რეალური საფრთხე, რომ დემოკრატიის ფარდის უკან ამოფარებულმა, ბიონეგატიურმა ადამიანებმა ჩაიგდონ ხელში ძალაუფლება.


ეს არის ბნელი ძალა, რომელიც იყენებს ყველას და ყველაფერს, ოღონდ უკან მოტრიალდეს!
დიახ უკან! რებრენდინგის შემდეგ-სტრატეგიული შიზოფრენიით შეპყრობილი ძალის
დევიზია: უკან დავბრუნდეთ, წინ 2012-საკენ!!!


ჩემმა რჩევამ ჯვარი დაგწეროთ, მაგრამ ოპოზიციურ ძალებში მყოფ რამოდენიმე სუბიექტს, შევახენებ
თომას ჯეფერსონის სიტყვებს: "უფრთხილდი კავშირს, რომელიც გიზღუდავს მოქმედებას". მე მაგალითად ეშმაკს ვერ შევეკვრები, მითუმეტეს ადვოკატად ვერაფრით დავუდგები.


ბოლო ორი დღე საოცრებები ისმის, შეფასება თქვენთვის მომინდია, ემზადება ხალხი ხელისუფლებაში მოსასვლელად და აქ ჩემი უშრეტი ფანტაზიაც კი წყდება:


გივი თარგამაძე (ექს-დეპუტატი): "არაფერს გამოვრიცხავ, რადიკალიზმი იქნება."


გიორგი ბარამიძე (თავდაცვის ექს-მინისტრი): "გვინდა ისევე მშვიდობიანად, ლამაზად და საამაყოდ განხორციელდეს მომავალი ცვლილებები, როგორც 2003 წელს მოხდა"


თაკო ჩარკვიანი, მიმართავს სააკაშვილს: "გარისკე მეგობარო, ჩამოდი"


გიგა მაქარაშვილი (სამოქალაქო აქტივისტი): "მზად ვარ, ავიღო მართვის სადავეები და ვმართო ეს ქვეყანა".


P.S. გუშინ ჩემმა კოლეგამ, ქალბატონმა ხათუნა გოგორიშვილმა, "ტვ პირველის" გენერალურ დირექტორთან, ქალბატონ ინგა გრიგოლიასთან ღია ეთერით საუბარში განაცხადა: ოთარ ჩრდილელი-კახი კალაძის გარეშე გამარჯობას არ გეტყვითო, ამიტომ გამოდის რომ კალაძემ უთხრა ჩრდილელს ასე მოიქეციო...


1. ზევით მოგახსენეთ საკმაოდ ჯიუტი ვარ, კალაძე და ოქრიაშვილი კი არა ჩემი გადაწყვეტილების სისწორეში დარწმუნებული თუ არა ვარ, მამა-ღმერთიც ვერ გადამარწმუნებს.


2. სალამი, ღვთისაა..."სალმის" გარდა არაფერი მაბადია ქალბატონო ხათუნა, ვინ თუ არა თქვენმა პარტიამ მაინც ხომ იცის.


3. კალაძის და ჩემი კოლაბორაცია. თქვენ გხედავთ და უფრო ხშირი კომუნიკაციაც (სალამი და შეხვედრა დეპუტატთათვის განკუთვნილ სივრცეში) თქვენთან მაქვს ვიდრე კალაძესთან.


P.P.S. კიდევ ერთხელ უდიდესი მადლობა ყურადღებისთვის, რომ ბოლომდე გაეცანით ჩემს მოსაზრებას.
მადლობა თუნდაც არ ეთანხმებოდეთ ჩემს გადაწყვეტილებას",-აცხადებს დეპუტატი.


თბილისის აეროპორტში "კორონავირუსის" გავრცელების საწინააღმდეგო პრევენციული ღონისძიებები დაიწყო 

თბილისის საერთაშორისო აეროპორტში “კორონავირუსის” გავრცელების საწინააღმდეგოდ პრევენციული ღონისძიებები უკვე დაიწყო. ინფორმაციას საქართველოს ჯანდაცვის სამინიწტო ავრცელებს. 

"არ აქვს  მნიშვნელობა  პირდაპირი  რეისით ჩამოსული მგზავრი იქნება  თუ ტრანზიტულად, სკრინინგი ჩინეთიდან ჩამოსულ ყველა მგზავრს უტარდება"

არ აქვს  მნიშვნელობა  პირდაპირი  რეისით ჩამოსული მგზავრი იქნება  თუ ტრანზიტულად, სკრინინგი ჩინეთიდან ჩამოსულ ყველა მგზავრს უტარდება, - ამის შესახებ ჯანდაცვის მინისტრის პირველმა მოადგილემ თამარ გაბუნიამ განაცხადა. 

დოდო გუგეშაშვილის შვილის მკვლელობისთვის დაკავებული ბრალს არ აღიარებს

დოდო გუგეშაშვილის დაჭრისა და მისი შვილის მკვლელობისთვის დაკავებულს ზაზა მურჯიკნელს ბრალი წარედგინა. 

ქუთაისი-ტყიბული-ამბროლაურის გზაზე მოძრაობა თავისუფალია

ქუთაისი-ტყიბული-ამბროლაურის გზაზე მოძრაობა თავისუფალია. ინფორმაციას საავტომობილო გზების დეპარტამენტი ავრცელებს. 

გლდანის მერვე მიკრორაიონში სკვერის რეაბილიტაცია განხორციელდება

გლდანის მერვე მიკრორაიონში N23 - N11 - N9 - N6 კორპუსებს შორის არსებულ სკვერს სრული რეაბილიტაცია ჩაუტარდება. სამუშაოები რამდენიმე დღეში დაიწყება. ინფორმაციას თბილისის მერია ავრცელებს. 

თამარ გაბუნია "კორონავირუსზე":ჰაერწვეთოვანი გზით გადაცემადი ინფექციები კონტქატურად ტვირთით ან რაიმე სხვა გზით არ გადაეცემა

ჯანდაცვის მინისტრის პირველი მოადგილის თამარ გაბუნიას განცხადებით, "კორონავირუსი" გადაეცემა ჰაერწვეთოვანი გზით. ამ გზით გადაცემადი ინფექციები კონტქატურად ტვირთით ან რაიმე სხვა გზით არ გადაეცემა.

თამარ გაბუნია: ჩინეთიდან ჩამოსული მგზავრები შემოწმდებიან 

ჯანდაცვის მინისტრის პირველი მოადგილის თამარ გაბუნიას განცხადებით, კორონა ვირუსის პრევენციის და მისი გავრცელების თავიდან აცილების მიზნით ჯანდაცვის სამინისტროში შეიქმნა კომისია ყველა უწყების წარმომადგენლის მონაწილეობით.

სოზარ სუბარი: "ნაციონალურ მოძრაობას" ქართველი ხალხისთვის შესათავაზებელი არაფერი აქვს და ეს მათ ძალიან კარგად იციან

"ნაციონალურ მოძრაობას" ქართველი ხალხისთვის შესათავაზებელი არაფერი აქვს და ეს მათ ძალიან კარგად იციან", - ამის შესახებ სოზარ სუბარმა POSTV-ის თოქშოუში პოლიტიკური ინტერვიუ შალვა რამიშვილთან ერთად განაცხადა.

სოზარ სუბარი: სახალხო დამცველი ვის ხვდება ციხეში ეს არის ღია ინფორმაცია

"სახალხო დამცველი ვის ხვდება ციხეში ეს არის ღია ინფორმაცია", - ამის შესახებ პრემიერ-მინისტრის მრჩეველმა რეგიონულ სალითხებში სოზარ სუბარმა POSTV-ის თოქშოუში "პოლიტიკური ინტერვიუ შალვა რამიშვილთან“ ერთად განაცხადა.

"კორონავირუსის" გამო, საქართველოში ჩინეთიდან ჩამოსულ მგზავრებს სკრინინგი საზღვარზე ჩაუტარდებათ 

"კორონავირუსის" გამო, საქართველოში ჩინეთიდან ჩამოსულ მგზავრებს სკრინინგი საზღვარზე ჩაუტარდებათ. შესაბამისი გადაწყვეტილება საქართველოს ჯანდაცვის სამინისტროში გამართულ შეხვედრაზე მიიღეს. 

ქუთაისში მოხალისე ახალგაზრდებმა ქალაქის დაბინძურებული ისტორიული ზონა დაასუფთავეს

ქუთაისში, ქართველმა და უცხოელმა ახალგაზრდებმა ქალაქის დაბინძურებული ისტორიული ზონა დაასუფთავეს.

დიმიტრი ხუნდაძე კონგრესმენების კრიტიკაზე: წერილის შინაარსის უდიდესი ნაწილი რეალობას აცდენილია

"წერილის შინაარსის უდიდესი ნაწილი ფაქტობრივ რეალობას აცდენილია“, - ამის შესახებ საპარლამენტო უმრავლესობის წევრმა დიმიტრი ხუნდაძემ საქართველოს ხელისუფლების მიმართ კონგრესმენების კრიტიკულ წერილთან დაკავშირებით განაცხადა.

სასაზღვრო პოლიციის თანამშრომლები მთის განვითარებაში შეტანილი წვლილისთვის დაჯილდოვდნენ

შინაგან საქმეთა სამინისტროს სასაზღვრო პოლიციის თანამშრომლები მთის განვითარებაში შეტანილი განსაკუთრებული წვლილისთვის დაჯილდოვდნენ.

ნიჩბისი-დიდგორი-დიდი თონეთის გზაზე მოძრაობა თავისუფალია

ნიჩბისი-დიდგორი-დიდი თონეთის გზაზე მოძრაობა თავისუფალია. ინფორმაციას საავტომობილო გზების დეპარტამენტი ავრცელებს. 

ლევან ხაბეიშვილის ადვოკატი: იმედია, შერჩევითი სამართალი არ იქნება

ძველი თბილისის სამმართველოში, საკრებულოში გუშინ მომხდარ ფიზიკურ დაპირისპირებასთან დაკავშირებით "ნაციონალური მოძრაობის" წევრი ლევან ხაბეიშვილი გამოიკითხა. 

თურქეთში მომხდარი მიწისძვრის შედეგად დაღუპულთა რიცხვი 22-მდე გაიზარდა 

თურქეთში მომხდარი მიწისძვრის შედეგად დაღუპულთა რიცხვი 22-მდე გაიზარდა. ამის შესახებ თურქეთის შინაგან საქმეთა მინისტრმა სულეიმან სოილუმ განაცხადა. 

გიორგი გახარია თურქეთში მიწისძვრის შედეგად დაღუპულთა ოჯახებს თანაგრძნობას უცხადებს

საქართველოს პრემიერ-მინისტრი გიორგი გახარია თურქეთში მომხდარი დამანგრეველი მიწისძვრის შედეგად დაღუპულთა და დაშავებულთა ოჯახებს თანაგრძნობას და სოლიდარობას უცხადებს.

ჩინეთში "კორონავირუსის" შედეგად დაღუპულთა რიცხვი 41-მდე გაიზარდა

ჩინეთში "კორონავირუსის" შედეგად დაღუპულთა რიცხვი 41-მდე გაიზარდა. გარდაცვლილთა შორის ერთ-ერთი ექიმია.  

პოლიციამ კახეთში მწყემსის მოკვლის ბრალდებით ერთი პირი დააკავა

შინაგან საქმეთა სამინისტროს კახეთის პოლიციის დეპარტამენტის თანამშრომლებმა, საგამოძიებო მოქმედებების შედეგად, განზრახ მკვლელობის ბრალდებით, 1986 წელს დაბადებული კ.გ. დააკავეს.

ალპანა-ცაგერის გზაზე მოცურების საწინააღმდეგო  ჯაჭვების გამოყენების რეჟიმი მოიხსნა

ალპანა-ცაგერის გზაზე მოცურების საწინააღმდეგო  ჯაჭვების გამოყენების რეჟიმი მოიხსნა. ინფორმაციას საავტომობილო გზების დეპარტამენტი ავრცელებს. 

ამერიკა საქართველოში 7 მილიონი დოლარის ღირებულების მასშტაბურ საგანმანათლებლო პროექტს იწყებს

აშშ-ის სახელმწიფო დეპარტამენტში გაიმართა აშშ-საქართველოს სტრატეგიული პარტნიორობის ქარტიის ფარგლებში ხალხთაშორისი ურთიერთობებისა და კულტურული გაცვლების სამუშაო ჯგუფის შეხვედრა, რომელსაც საქართველოს მხრიდან თანათავმჯდომარეობდნენ განათლების, მეცნიერების, კულტურისა და სპორტის მინისტრის მოადგილე ირინე აბულაძე და საგარეო საქმეთა მინისტრის მოადგილე ვახტანგ მახარობლიშვილი.