სამსახურებრივი მდგომარეობის ბოროტად გამოყენებაში ბრალდებული მაღალჩინოსნები დამნაშავედ ცნეს

სამსახურებრივი მდგომარეობის გამოყენებით დიდი ოდენობით სახელმწიფოს კუთვნილი თანხების გაფლანგვაში, სამსახურებრივი მდგომარეობის ბოროტად გამოყენებასა და სამსახურებრივ გულგრილობაში  ბრალდებული ქ. ბათუმის მერიის ყოფილი და მოქმედი 6 მაღალჩინოსანი დამნაშავედ იქნენ ცნობილი.

გამოკვლეული მტკიცებულების საფუძველზე, ბათუმის საქალაქო სასამართლომ ნაწილობრივ გაიზიარა ბრალდების მხარის მტკიცებულებები და ქ. ბათუმის მუნიციპალიტეტის მერიის ყოფილი და მოქმედი  6 მაღალჩინოსანი დამნაშავედ ცნო. კერძოდ, ბათუმის ყოფილი მერი გ.ე., აჭარის ა/რ განათლების, კულტურისა და სპორტის მინისტრის მოადგილე ბ.მ.,  ბათუმის ვიცე-მერი თ.პ., ბათუმის მერიის მუნიციპალური ქონებისა და სერვისების მართვის სამსახურის უფროსი ე.ლ., ბათუმის მერიის ააიპ „საქალაქო ინფრასტრუქტურისა და კეთილმოწყობის სამმართველოს“ უფროსის მოადგილე ვ.ხ. და ბათუმის მერიის შესყიდვების განყოფილების უფროსი ბ.ხ. დამნაშავედ ცნო,  ხოლო აჭარის ა/რ ფინანსთა და ეკონომიკის მინისტრის მოადგილე  ა.ვ. გამართლდა.


სასამართლომ  დადგენილად მიიჩნია, რომ ქ. ბათუმის მერიის მიერ, 2015 წლის 9 ოქტომბერს გამოცხადდა ელექტრონული ტენდერი ქ.ბათუმში, ჯავახიშვილის ქ.N78ა-ში საცხოვრებელი ბინების მშენებლობაზე,  ღირებულებით 4 279 990 ლარი.


გ.ე.-ს  ბრძანებით შექმნილი ბათუმის  მერიის მუდმივმოქმედი სატენდერო კომისიის წევრების: ბ.ხ.-ს, თ.პ.-ს, ბ.მ.-ს, ე.ლ.-ს და ვ.ხ.-ს გადაწყვეტილებით, სამსახურებრივი გულგრილობის შედეგად, 2015 წ. 24 ნოემბერს გამარჯვებულად გამოცხადდა უცხოური საწარმოს ფილიალი „კონვენტ ჯორჯია“, რომელმაც სატენდერო კომისიას წარუდგინა  ტენდერის  შეუსაბამო და გაყალბებული დოკუმენტაცია. ნაცვლად იმისა, რომ შეწყვეტილიყო ხსენებული ხელშეკრულება, ე.ლ.-ს მიერ სამსახურებრივი მდგომარეობის ბოროტად გამოყენებით, ხოლო ქ.ბათუმის მერის-გ.ე.-ს მიერ, სამსახურებრივი მდგომარეობის გამოყენებით,  სახელმწიფოს კუთვნილი დიდი ოდენობით თანხების გაფლანგვის მიზნით, 2015 წ. 15 დეკემბერს, უსფ „კონვენტ ჯორჯიასა“ და ქ. ბათუმის მერიას შორის, გაფორმდა 4 279 990 ლარის სახელმწიფო შესყიდვის ხელშეკრულება.


ქ. ბათუმის მერიის საფინანსო-ეკონომიკური სამსახურის უფროსის ე.ლ.-ს  მოხსენებითი ბარათების საფუძველზე, გ.ე.-ს გადაწყვეტილებით და ა.ვ.- ს ვიზირებით,  ქ. ბათუმის მერიამ,  „კონვენტ ჯორჯიას“ ჩაურიცხა  1 591 685 ლარი. ხელშეკრულებით ნაკისრი ვალდებულებებიდან,  „კონვენტ ჯორჯიამ“ მხოლოდ 251 109,43 ლარის სამუშაო შეასრულა, ხოლო  როდესაც დადგა  ხელშეკრულების უზრუნველყოფის გარანტიების ამოქმედების საკითხი, გაირკვა, რომ გარანტორი  „POINT BANK LTD“ არ წარმოადგენდა  საბანკო დაწესებულებას და აქტიურ კომპანიას და ვერ უზრუნველყოფდა საგარანტიო თანხების ანაზღაურებას. შესაბამისად, სატენდერო კომისიის წევრების: ბ.ხ.-ს, თ.პ.-ს, ბ.მ.-ს, ე.ლ.-ს  და ვ.ხ.-ს მიერ, სამსახურებრივი გულგრილობის,   ბათუმის მერიის საფინანსო-ეკონომიკური სამსახურის უფროსის ე.ლ.-ს  მიერ სამსახურებრივი მდგომარეობის ბოროტად გამოყენებისა და ქ. ბათუმის მერის გ.ე.-ს მიერ  სამსახურებრივი მდგომარეობის გამოყენებით გაფლანგული იქნა დიდი ოდენობით სახელმწიფოს კუთვნილი თანხები, რის შედეგად ქ. ბათუმის მერიას მიადგა  1 370 076 ლარის ზიანი.


სასამართლოს განაჩენით, გ.ე. ცნობილი იქნა დამნაშავედ საქართველოს ს.ს.კ-ის 182-ე მუხლის მეორე ნაწილის „დ“ და მე-3 ნაწილის „ბ“ ქვეპუნქტით გათვალისწინებული დანაშაულის ჩადენისთვის და სასჯელის სახედ და ზომად 7 წლით თავისუფლების აღკვეთა განესაზღვრა.


ე.ლ.-ს ბრალდება საქართველოს  სსკ 182-ე მუხლის მეორე ნაწილის „დ“ და მე-3 ნაწილის „ბ“ ქვეპუნქტით, 332-ე მუხლის პირველი ნაწილით, სასამართლოს მიერ 182-ე მუხლი გადაკვალიფიცირდა 332-ე მუხლის პირველ ნაწილზე და სასჯელის ზომად და სახედ  1 წელი და 6 თვე თავისუფლების აღკვეთა დაენიშნა, ხოლო 332-ე მუხლის პირველი ნაწილით  წარდგენილი ბრალდება გადაუკვალიფიცირდა 342-ე მუხლის პირველ ნაწილზე და სასჯელად დაენიშნა ჯარიმა 25000 ლარის ოდენობით. საბოლოოდ მას  დანაშაულთა  ერთობლიობით  1 წლითა და 6 თვით  თავისუფლების აღკვეთა განესაზღვრა.   


თ.პ.-ს, ვ.ხ.-ს, ბ.მ.-ს და ბ.ხ.-ს ქმედებები, საქართველოს ს.ს.კ-ის 332-ე მუხლის პირველი  ნაწილიდან გადაკვალიფიცირდა 342-ე მუხლის პირველ ნაწილზე  და ოთხივე  მსჯავრდებულს  საბოლოო სასჯელის სახედ და ზომად  ჯარიმა 20 000  -20 000 ლარის ოდენობით შეეფარდათ.


ამავე განაჩენით, აჭარის ა/რ ფინანსთა და ეკონომიკის მინისტრის მოადგილე ა.ვ.  გამართლდა საქართველოს 182-ე მუხლის მეორე ნაწილის „დ“ და მე-3 ნაწილის „ბ“ ქვეპუნქტით წარდგენილ ბრალდებაში.


ბრალდების მხარე, დასაბუთებული განაჩენის მიღების შემდგომ, იმსჯელებს კვალიფიკაციის შეცვლისა და ა.ვ.-ს  გამართლების ნაწილში  განაჩენის გასაჩივრების თაობაზე.


 


გიგი წერეთელმა ეუთო-ს საპარლამენტო ასამბლეაზე საქართველოს ოკუპირებულ ტერიტორიებზე არსებულ ვითარებას გაუსვა ხაზი

ვენაში, ეუთოს საპარლამენტო ასამბლეის ზამთრის სესიას საქართველოს პარლამენტის წევრი, ასამბლეის პრეზიდენტი გიგი წერეთელი ხელმძღვანელობდა.

კალათბურთელთა ნაკრები სერბეთში გამარჯვების შემდეგ თბილისში დაბრუნდა

საქართველოს კალათბურთელთა ნაკრები ბელგრადში, სერბეთის ნაკრებთან გამარჯვების შემდეგ თბილისში დაბრუნდა.

 

ქუთაისის აეროპორტში, მილანიდან ჩამოსულ მგზავრს ტემპერატურა დაუფიქსირდა

ქუთაისის საერთაშორისო აეროპორტში, მილანის რეისით ჩამოსულ ერთ მგზავრს ტემპერატურა დაუფიქსირდა, რომელიც ქუთაისის ერთ-ერთ საავადმყოფოში გადაიყვანეს.

 

გიორგი ჩერქეზიშვილი: ინვესტორთა საბჭო ხელს შეუწყობს „100 საინვესტიციო შეთავაზების“ პროექტის განხორციელებას

"ინიციატივა „100 ახალი საინვესტიციო შეთავაზება ბიზნესს“ პოტენციურ ინვესტორებს მნიშვნელოვნად გაუმარტივებს ბიუროკრატიასთან ურთიერთობას".

დავით ზალკალიანი: ადამიანის უფლებების დაცვის ჩარჩოს განვითარება მთავრობის დღის წესრიგის პრიორიტეტია

საქართველოს საგარეო საქმეთა მინისტრი დავით ზალკალიანი "Good Human Rights Stories" ჯგუფის შეხვედრაზე, სიტყვით გამოვიდა.

საგადასახადო სამართალდარღვევის 310 ფაქტი გამოვლინდა

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მიერ, ქვეყნის მასშტაბით განხორციელებული მიმდინარე კონტროლის ღონისძიების შედეგად, საგადასახადო სამართალდარღვევის 310 ფაქტი გამოვლინდა.

მიხეილ ჩხენკელი: საქართველოს ძალიან დიდი წვლილი აქვს შეტანილი ევროპული კულტურისა და ევროპული ფასეულობების შექმნაში

განათლების მინისტრმა მიხეილ ჩხენკელმა და თბილისის მერმა კახა კალაძემ, ადგილობრივ თვითმმართველობათა ეროვნული ასოციაციის პრეზიდენტის რანგში, ევროპის საბჭოს კულტურული მარშრუტების პროგრამის თანამშრომლობის მემორანდუმს მოაწერეს ხელი.

დავით ზალკალიანი გაეროს ადამიანის უფლებათა საბჭოს სესიაზე სიტყვით გამოვიდა

ადამიანის უფლებათა საბჭოს მაღალი დონის სეგმენტის 43-ე სესიაზე საგარეო საქმეთა მინისტრი დავით ზალკალიანი სიტყვით გამოვიდა და ოკუპირებულ რეგიონებში გართულებულ ადმაიანის უფლებების მდგოამარეოაბზე ისაუბრა.

დავით ზალკალიანი ფინეთის საგარეო საქმეთა მინისტრს პეკკა ჰაავისტოს შეხვდა

საგარეო საქმეთა მინისტრი დავით ზალკალიანი ფინელ კოლეგას პეკკა ჰაავისტოს შეხვდა.

ეროვნული ბანკი მასწავლებელთა გადამზადებას იწყებს

ეროვნულმა ბანკმა, გერმანული შემნახველი ბანკების ფონდის (SBFIC) მხარდაჭერითა და სამოქალაქო განათლების პედაგოგთა ფორუმის ჩართულობით, სამოქალაქო განათლების პედაგოგთა გადამზადების პროექტის განხორციელება დაიწყო.

ლეშეკ ბალცეროვიჩს თსუ-ს საპატიო დოქტორის წოდება მიენიჭება

ივანე ჯავახიშვილის სახელობის თბილისის სახელმწიფო უნივერსიტეტში პროფესორ ლეშეკ ბალცეროვიჩს საპატიო დოქტორის წოდება მიენიჭება.

დავით ზალკალიანი ადამიანის უფლებათა საბჭოს მაღალი დონის სეგმენტის 43-ე სესიაზე სიტყვით გამოვიდა

საგარეო საქმეთა მინისტრი დავით ზალკალიანი გაეროს ადამიანის უფლებათა საბჭოს მაღალი დონის სეგმენტის 43-ე სესიაზე სიტყვით გამოვიდა.

ბაკურიანში თხილამურებით სრიალისას ახალგაზრდა ქალი დაიღუპა

ბაკურიანში 22 წლის გოგო თხილამურებით სრიალისას დაიღუპა. 

დავით ზალკალიანმა გაეროს წევრ ქვეყნებს “ოთხოზორია-ტატუნაშვილის სიის” მხარდაჭერისკენ მოუწოდა

გაეროს ადამიანის უფლებათა საბჭოს მაღალი დონის სეგმენტის 43-ე სესიაზე სიტყვით გამოსვლისას საგარეო საქმეთა მინისტრმა დავით ზალკალიანმა წევრ სახელმწიფოებს “ოთხოზორია-ტატუნაშვილის სიის” მხარდაჭერისკენ კიდევ ერთხელ მოუწოდა.

დავით ზალკალიანი: საქართველო შესაძლებელია გახდეს ერთ-ერთი ყველაზე ეფექტიანი გზა ევროპასა და აზიას შორის მარშრუტების შესამცირებლად

საქართველო შესაძლებელია, გახდეს ერთ-ერთი ყველაზე ეფექტიანი გზა ევროპასა და აზიას შორის მარშრუტების შესამცირებლად, - ამის შესახებ საგარეო საქმეთა მინისტრმა დავით ზალკალიანმა The Financial Times-თან ინტერვიუში განაცხადა.

ლარი მკვეთრ გამყარებას განაგრძობს

24 თებერვლის ვაჭრობის შედეგად აშშ დოლარი გაუფასურდა და 2.8079 ლარი შეადგინა. კურსი, რომელიც დღეს მოქმედებდა, 2.8299 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 2.20 თეთრი შეადგინა. 

ნათია თურნავამ ბიზნესმენებს საინვესტიცო შეთავაზებები გააცნო

ეკონომიკის მინისტრი ნათია თურნავა ინვესტორთა საბჭოსა და ბიზნესასოციაციების წარმომადგენლებს შეხვდა და პროგრამის „100 საინვესტიციო შეთავაზება ბიზნესს“ არსებული კომპონენტები და საინვესტიციო შეთავაზებები გააცნო.

მამუკა მდინარაძე IPSOS-ის კვლევაზე: 39%-ს ვეპოტინებით თურმე, თქვენ წარმოიდგინეთ რეალური შედეგი რა არის?!

„ისინი წარმოგვიდგენენ კვლევებს და არ წარმოგვიდგენენ მოსაზრებებს, რომლის მიხედვითაც „ქართულ ოცნებას“ 18%; 20%; 25%; 30%-იანი მხარდაჭერა აქვს. დღეს აღმოჩნდა, რომ მათი კვლევით, 34 და 39%-საც ვეპოტინებით თურმე.თქვენ წარმოიდგინეთ რეალური შედეგი რა არის".

საქართველოს დელეგაცია, სოფიო კილაძის ხელმძღვანელობით, საფრანგეთში სამუშაო ვიზიტით გაემგზავრა

საქართველოს დელეგაცია სამუშაო ვიზიტით საფრანგეთში გაემგზავრა. დელეგაციას ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე ხელმძღვანელობს. 

მებაჟე ოფიცრებმა არადეკლარირებული საქონელი აღმოაჩინეს

საბაჟო გამშვებ პუნქტებში- ,,სარფი“, „წითელ ხიდი" და „ლაგოდეხი" ფინანსთა სამინისტროს შემოსავლების სამსახურის მებაჟე ოფიცრებმა 13010 ღერი არადეკლარირებული სიგარეტი აღმოაჩინეს.

ბესარიონ სიმონიშვილი: ელბაქიძეების დევნილი ოჯახი გაუსაძლისი პირობებიდან ახალ ბინაში  საცხოვრებლად გადავა

დევნილთა, ეკომიგრანტთა და საარსებო წყაროებით უზრუნველყოფის სააგენტო შიდა ქართლის რეგიონში ბინას კიდევ 34 იძულებით გადაადგილებულ ოჯახს გადასცემს.